.
.
بسمــــ اللهــــ الرحمنــــ الرحيمـــ
.
.
صباح الورد والياسمين ورده.. مساء الخيرات والنعيم
.. ايام معدوده ونودع نحن طلاب المرحله الثانويه مقاعد الدراسه وننتقل لمرحله اوسع واشمل مرحله التعليم العالي << ادعوا لنا بس نجاوب في القدرات 
12 سنه قضيناها زي غيرنا في مشوار دراسي في اطار المدرسه الملل والروتيني والمرهق انتظرنا انتهاءه بفارغ الصبر .. وبالرغم من قرب ساعه الصفر وقرع ناقوس الوداع , واعلان الرحيل وابتداء
مرحله جديده وعمر جديد , الا اننا رح نفتقد للطابور الصباحي
والجرس المدرسي ..
لكل منا تجربته في مجال الدراسه , يمكن البعض منا التقى باشخاص يثمنهم
بالذهب , والبعض الاخر ندم على علاقات اكتشف فشلها بعد خرااب مالطه ..
الدراسه في المدرسه لها طعمها الخاص ونكهتها الحصريه , والامر نفسه
ينطبق على الدراسه الجامعيه ..
^
^
^
^
^
هذا مو محور حديثي بس حبيت يكون مدخل لموضوعي 
من هينا نبدأ الموضوع 
اول كنت اسمع عن النحس وماكنت القي له بال , وكنت اجزم بان من يدعي بانه منحوس هو اما شخص متشائم او شخص مبالغ , لكن اكتشفت << ركزوا على اكتشفت ان النحس شي محسوس موجود بيننا , ويعانون منه ناس يطلق عليهم اسم ( المنحوسين ) << هذي اهم نقطه في اكتشافي .. يا ويلتاه انا من هولاء المنحوسين << عارفه مارح تصدقوني 
بس رح اثبت لكم من خلال الادله والبراهين الواقعيه .. على فكره النحس انواع منه نحس عائلي واكبر مثال عليه قصه المرأه المنحوسه المشهوره اللي اتطلقت بعد سنه وحده من زواجها بسبب النحس النشبه اللي مسك في المسكينه بايدينه ورجلينه .. من اول يوم اتزوجها زوجها ما شاف الخير المسكين ليله دخلتها مات زوج خالتها , ويوم سابعها اتطلقت امها وبعد شهر من زواجها , انحرق بيتهم , وما مر سنه على زواجها الى وزوجها المسكين يعاني من الديون بسبب اقصاد السياره اللي انسرقت والبيت اللي انحرق 
ولمن راح زوجها للقاضي عشان يطلقها دخلت , تشتكي للقاضي من زوجها
اللي ظلمها ويقول انو من يوم اخذها والمصايب بتتحذف عليه ..
وبمجرد ما سمع القاضي قصتها اتعاطف معاها , لكن نحسها وصل حتى للقاضي المسكين , مامرت دقايق الا وفي ورقه توصل للقاضي فيها قرار إعفاءه من منصبه من هوول المصيبه المسكين صرخ فيها
انتي طاااااااالق طااااااالق حسبي الله عليكي بس النحس اللي انا اعاني منو مو نحس عائلي << اخلصي
النحس اللي اعاني منو نحس دراسي << لا ياشيخه
والله العظيم انا صادقه في اللي اقولو ..
وانا صغيره في الابتدائي كنت باحلم زي كل الاطفال باليوم
اللي اكبر فيه وادخل الثانويه , وما كنت ادري انو دخولي للثانويه
ووصولي لهذي المرحله هي جرس انذار بدخول المنطقه المحضوره
منطقه ( المنحوسيين ) ..
كبرنا ودخلنا الثانويه اللي حلمنا فيها , ومن اول سنه اكتشفت نحسي الدراسي في بدايه تشخيصي للحاله اللي اعاني منها قلت يمكن اوهام او وساوس , لكن في الاخر اخطاءت في التشخيص ومن السنه الثانيه في الثانوي اتضح انو نحس بس ماكنت متاكده بس ذحين في اخر سنه تاكده انو فعلاً نحس وربي نحس << عارفه لحست عقولكم نحسي من قرارات الوزاره , من اول يوم وطئت فيه قدمي ثانويه الاحلام قالوا لنا عن قرار الغاء الاختبارات الشهريه واحلال الاختبارات القصيره ( ابو عشره مكان ابو خمس طعش ) , وفي ثاني ثانوي قلت رح ادخل ادبي عشان اتيقن من التشخيص , واوصل لنتائج دقيقه وما طبينا ثاني الا وقالوا انو الوزاره رح تطبق علينا نظام التراكمي , قلت معليش عند ثالث ثانوي الخبر اليقين , ولمن جيت ثالث صدمت بالنتيجه المروعه والمؤسفه , قالت الوزاره رح نلغي الاعتماد على نسب التوجيهي وما ناخذ منها الا 30% و 7% من اختبار القدرات العامه والقياس التابع لمركز القياس .. للاسف كاتبه الموضوع اعلاه اتضح بانها منحوسه وتشير
النتائج انو ربما يستمر معها النحس مستقبلاً ..
يا خوفي يلغوا الدراسه في الجامعه بقرار جديد ويكتفوا بالثانويه العامه كحد اقصى للبنات وهذا كلو بسببي 
.. وذحين باقي ايام على تخرجي , وللاسف ما شفت شي من العالم
اللي كنت راسمته في بالي في طفولتي لثانويه الاحلام , ويافرحه
ما تمت ..
.
.
@ ناقشني @
* بالله بعد ماقريت قصه نحسي حسيت بايه ؟؟
* اذا كنت منحووس زيي فاي نوع من انواع النحس
تعاني منه ؟؟
* اذكر لنا موقف من مواقف نحسك اذا ممكن ؟؟
.
.
وفي الاخير اوجه نداء عاجل الحقني ياحليب السعوديه انا منحوووسه ,
,
هذه عباره عن فضفضه لمعاناه طالبه ثالث ثانوي ( منحوسه ) كتبتها بعيد عن وعيد المعلمات وتهديد المراقبات ..
.
.
شطحه رجاءً لا احد يقول ليا هاردلك على خساره ايطاليا
ولاتذكروني باليورو بليز لان نحسي طلع مو في الدراسه وبس من نحسي خسر الازوري 
وجاني اللي يكفيني من الشماته من اخويا الفرنسي .. : ( عذراً على الاسهاب في الحديث والثرثره طــــــاب مسائكم ودامت افراحكم ورده
اوجه نداء عاجل الحقني ياحليب السعوديه انا منحوووسه 
ـهههههههههههههههههههههههههههههههههههـ
.. يوم شفت البطولة حماس قلت نشجع البرتغال مهوب مشكله من بكره والبرتغال طالعه 
الوضع العادي
