كيف الحال حبايبي في المجلس العام
اللي جالس على كرسي يقوم من فوق الكرسي ويجي يقرأ هالموضوع واللي باقي ماخلص إختبارات لايذاكر لو طوف هالموضوع بيخسر كثير بس لو سقط ماراح يخسر شيء واللي وراه دوام لايداوم وان بغا يفصل يفصل من العمل .
واللي فيه طفش ويبغا الطفش يروح يجي بس واللي مافيه طفش ويبي يطفش زياده يجي لم هالموضوع .
بعد هالمقدمه اقول حياكم الله
هاليومين مدري وش صاير في الشعب كل ماحصل واحد يجبلي قصة لميس ولميس سوت ولميس خذت ويقالي ان فيه مسلسل تركي فيه وحده إسمها لميس من سنوات والله ماذكر بالضبط كم طلعت لنا وحده مكسيكيه إسمها ماريا سلستي ..
ماصدقنا على الله تنتهي هي ومسلسلها .. ياخوفي يطمر علينا شايب ويقول الله يابو عبدالله قلبت المواجع
واحد من الشباب جاني وقلي تعال تفرج وشوف لميس قلت طيب أصلا هي خربانه خربانه ويوم تبدأ المسلسل اطالع بالحلقة إلا وهي فوق السبعينات ..
اطالع فيه واقوله الحين انت تابعت المسلسل كامل قال : ولافاتتني حلقة ماودي احرجه إلا لو بقوله صليت العصر من يوم بدت المسلسل كامل بالمسجد
ماجاوبني .
أحس إن بعض الناس حتى الصلاه مايصلي عشان يطالع بلميس اللي يوم شفتها تذكرت شغالتنا نفس الخلقه سبحان الله .
بس من جد من جد الحين هاللي يقول انه متابع هالمسلسل متأكدين انه تابع المسلسل عشان المسلسل ولا عشان لميسوه ..
على فكرة بالجمهور واحد من الأعضاء مره من المرات نزل موضوع فيه رابط لحلقة من حلقات مسلسل تركي معروف اعذروني ماكتبت الإسم مالي خبره
بالمسلسلات ..
ولا أتابع إلا كويتي على خفيف يالله هالإعتراف يكفي لاجيب العيد المهم صاحبنا كاتب بالموضوع انه بينزل بقية الحلقات بعد وفين بالجمهور ههههه حشا
ماصار منتدى الجمهور لمناقشة قضايا الهلال إلا صار منتدى بتاع كله ... ودي ودي تعرفون قد ايش المشرفين هناك يتعبون عشان انا وانت نشوف الجمهور بالشكل المميز اللي احنا نشوفه ..
طيب هذا مو محور حديثي بس ودي أفهم وش حب بعض المتابعين للمسلسلات الأجنبية المترجمه لهالمسلسلات بعدين وش صبرهم على مسلسل حلقاته تصل للمائتين حلقه ...
كل هذي فضاوه .. اذا بتتابع تابع مسلسل من حقاتنا اللي ماتتعدى الثلاثين ان طولت طولت ..
على طاري المسلسل قبل أختم هالفقرة في واحد مدري ينكت ولايستهبل ولافيه دلاخه زائده ومن كثرها مادري وين يوديها يقولي أبي اسمي بنتي لميس ههههههههه شفتم ان
فينا حاجه ماهي طبيعية وش اللي تسميها لميس إسم حلو مايخالف بس ياليت مو حابب هالإسم علشان لميسوه تدرون وش اللي ناقص ان واحد يسميها اليخاندرو
ملاحظين طبعا اني اضحك كثير يقولون الأطباء النفسيين أن الأشخاص الذين يكثرون من الضحك هم أقل عرضة لجلطات الدم كما أن الضحك يطول بالعمر وهناك فوائد كثيره ...
من كثرها يوم قريتها صرت اضحك على طول اللي يقولي كيف حالك ماعلمه كيف حالي اضحك واللي يقولي وش لون الأهل والأخوان اضحك واللي يقولي ها بشر تعينت ابكي
ينصح العديد من الأطباء بالضحك طبعا الأعمار بيد الله ولا أحد يقدر يتحكم فيها هذا أنا اللي اكلمكم مادري يمكن اموت والله يكتبلي طولت العمر عقب ماخلص من الموضوع .
على أية حال مادعاني للحديث عن هالأمر ان هناك أشخاص لايضحكون بتاتا وكل ماتحصله تحصله مورم تقل ميت عليه واحد ولا فيه عله ..
اضحكو ياجماعه واستانسو الدنيا فانيه ولاحد يضمن عمره بعض الناس ياحبهم للتكتيم على النفس ...
في موضوع آخر شاهدته على قناة الجزيرة وقرات عنه سابقا يقول الأطباء ان الناس الذي ينامون أكثر من سبع ساعات أو أقل من خمس ساعات بشكل متواصل هم أكثر الأشخاص تعرضا للسكر والسكتات القلبية .
عاد أنا من الناس اللي إن صحي ماعاد يرقد لين الناس اللي جنبه تقول هذا صاحي على طول وإن نمت عاد تقول هذا أبد مايصحى نائم على طول الله يصلح الحال ولكن لازم ننتبه لهالأمر . داري داري ياحبي للأرشاد والتوجيه
في هذا الخبر نلاحظ ان النوم أقل من خمس ساعات أو النوم أكثر من سبع ساعات متساويان من حيث الأضرار وعشان كذا لازم ننتبه لهالأمر . داري داري ياحبي للإرشاد والتوجيه
من الطب الى الطب تصدقون أني اكتشفت ان كل أنسان فيه مرض نفسي طبيعي ومرض نفسي غير طبيعي الثانيه خلوها مافينا للشرح ههههههه الله الله معلومات جديده وش رايك نحط جنب بياجيه .
نسبة كبيرة من الشعب تنظر للعياده النفسية منظور خاطيء وللامانه انا من يومين كانت عندي مراجعه للمستشفى
(عشان ركبتي مو تفهموني غلط ) ولاحظت واحد ماعاد بقى إلا ويتلطم ويلبس حاجه تغطي وجهه كله ودخل لمكان إكتشفت انه عياده للطب النفسي .. الله لايبلانا ترون قناعتي للطب النفسي امر عادي وربي بعد ماخلصت من دكتور العظام من الفضاوه بغيت امر على الدكتور النفسي
قلت خلني أطقطق عليه شوي .
الحمد لله على كل حال بس صدقوني كلنا بحاجه الى علاج المرض النفسي الطبيعي اللي موجود فينا ..
ادري ادري واحد بيطمر علي وسلامات .. الله يسلمك بس من يومين حبيت اسوي برنامج إستعاده للياقتي وتعرضت لكدمه وألم خفيف في ركبتي هههههه مجنون لي ست شهور مالعب وبديت برنامج بجري اربعه كيلو .
إلا من جد ودي اعرف كل واحد وش وجهة نظر هل تجرؤ على الذهاب الى طبيب نفسي للشكوى من حاله معينه .
على فكره يقولون اني بديت اتخذ المنهج الإرشادي في موضوعاتي صدقوني انا اكره هالأسلوب حتى مواضيعي أحاول احط فائدة فيها 10 % فقط عشان الواحد مايمل ولو إني
خايف انكم تملون من العكس اقصد البربرة على الفاضي والحكي اللي مامنه فائده .. فلاحد يفهم من موضوعاتي اني وصي على أحد أو إني بتخذ من المثالية الزائده نموذج لي
في إختبار الكفايات اللي كان عندي من حوالي اسبوعين طبعا انا رجال ماحب الغش في احدى الفقرات اللي ماعرفت احلها المهم سمعت اللي جنبي يسأل
واحد جنبه وقله الفقرة ثلاثين وهذا بصوت عالي قله جيم جيم هذي متأكد منها هههههه عاد انا ولا أدري عنها هي جيم ولا صاد مني مناك الشيطان حاسني
وكتبتها .
دينيا مش عارف وش الحكم بحالتي .. بس صعبه اني احط فقرة غير جيم ههههههههههه سامعها مع الناس جيم اجل احطها ب وأفتي من عندي واحرمها .. خصوصا إني رجال ماحاولت اغش ولافكرت ولن أفكر بالغش ...
يقال أن إحدى الخطابات قامت بنشر صور إحدى الفتيات على مواقع الإنترنت تلك الصورة التي انتشرت بسبب تهاون ولانستطيع الجزم هل هي
عمدا من تلك الخطابة العجوز أم هي عفويه ومن غير الهوى تعرفون في خطابات عندهم لسته فيها صور بنات تمربها على البيوت اللي فيها شباب يبون الزواج .
والله يافي ناس اذا عرفو بوحده خطابة ياعينهم تصير على البوك اللي فيه صور ودهم يشوفون الصور اللي فيه حتى لو يخطفونه خطف .. هههههههه تبون الصراحه الفكرة من الأساس مالها داعي وماني مقتنع فيها سواء كان لها إيجابيات ولا مالها .
في إحدى المنتديات حدث لأحد أعضاء المنتدى ان تفاجيء بظهور صور لأبنائه في موضوع بالمنتدى وذلك عن طريق إختراق للكمبيوتر
هالخبر الذي وضع العضو في موقف محرج خصوصا ان الصور كانت لأطفال العضو ولم تكن صور لزوجته .
كل واحد منكم يخلي باله من كمبيوتره لأن هناك من يقوم بإختراق الكمبيوتر عن طريق شبكة الإتصال ... لاحد يروح فكره بعيد تروني ماعندي ماعند جدتي بهالسوالف وكمبيوتري اللي بيخترقه ماراح يحصل فيه غير منتجاتي الشعرية وملفات صوتيه إن راحت سوى فيني خير . يالله نشوفكم على خير كفايه لين هالمكان تحملتوني واللي طلع من أول الموضوع ماعليه شرهه