علامة أستفهام على مستوى مالك معاذ...!!
 

بصراحة بقد ما افرحني فوز المنتخب وخاصة رجعة مستوى الشلهوب وتحسن مستوى الكثير من اللاعبين منهم الحارس النجعي ورضا تكر وابداع عطيف والحارثي بقد ما احزنني المستوى السيء الذي كان علية مالك معاذ!!

رغم الهدفين الا انه كان مشتت في الملعب ولا يفتح خانه والهدف الرابع بغى يضيعه هذا غير انفرادتين الشوط الاول والثاني يعني بصراحة الشلهوب والحارثي تعبو معه الا بالغصب تجيب قول... وفي المباريات اللي راحت نفس الشي مستواه هابط...!!!

بصراحة مالك معاذ من بعد كأس آسيا ماهو مالك اللي نعرفة...!!

انا بصراحة ما شفت منه طوال الموسم الماضي شيء سوى مباراة الاهلي والهلال فقط والباقي مستواه طايح

اتمنى تكون كبوة بسيطة لمالك ويرجع لمستواه خاصة ان اللاعب مالك محبوب من الكثيرين واخلاقة رائعه...!!

====================================

الكلام اللي تحت الخط رد على بعض الشباب اللي يقولون حاقد او غيره

اولاً انا اقدر مالك معاذ جل التقدير واحبة وهو يعتبر من افضل المهاجمين في المملكه مع ياسر وسعد والشمراني والمحياني

في نقاط محسوبة على مالك في المباراة للي تابع المباراة بتركيز أمس واللي ما شاف المباراة يتابعها ويراقب مالك

1- اضاع ثلاث فرص محققة للتهديف وحدة منها ثبت كورة في خط السته بدون مضايقة ومع ذلك شاتها فوق والثانية انفرادة وشاتها في الحارس والثالثه نفس الشي
2- اصطدم بسعد الحارثي مرتين وبعطيف مرة وبشلهوب مره في وضع هجمة مرتدة وعطل الكورة في هذه الهجمات
3- ما يفتح خانه ويسرح كثير والشوط الاول ثلاث تسللات علية في بداية المباراة مالها مبرر
4- اهدافه بصراحة اذا ما جابها فهو مهوب لاعب لانها كلها انت وضميرك الشباب ما قصرو وعطوة كور من ذهب في مواجهه الباب وسجل منها 2 وضيع ثلاث

انا انتقد اللاعب اذا استمر نزول مستواه وخاصة انه لاعب ننتظر منه الكثير مثل مالك معاذ

حرام عليك معاذ ابدع اليوم .!!

فيه مباريات مايحتاج المستوى ، تسجل حلو .!!

اليوم مستوى الاعبين ، حلو ومقنع جداً .!!

ومن احسن الى أحسن ان شاء الله .!! ورده

مالك مبدع وربي

بس اليوم مستواه فوق المتوسط هو والشلهوب

وبصراحه اليوم كلهم مستواهم فوق المتوسط

وانشاءالله من افضل لأفضـل

ونبي يرجعون لمستواهم المعهود

تحياتي لــك

وتقـبـل مــ ـ ـ ـ ـ ـروري

كل له وجهة نظر إذا مالك وهو مسجل هدفين ما هو في مستواه متى يكون في مستواه وغير كذا مع أنانية عبده عطيف وعدم إمدادة بالكرات وتمويلة بالشكل الممتاز ما أقول إلا بيض الله وجهك يامالك معاذ ويبقى مالك من الركائز الأساسية في المنتخب والاهلي

ولا تنسى إن مالك له سنتين أو ثلاث يلعب بدون إنقطاع من النادي الى المنتخب والعكس والسبب روزنامة الاتحاد السعودي السيئة وعدم تنضيم المسابقات وإضافة مسابقة رابعة

صدقت والله ,,

اصلا اللاعب عجز و عمره فوق الثلاثين .. وش نطلب منه زياده ..!

هذه نقطة إيجابية وليست سلبية فمالك سجل هدفين وهو ماهو مستواه فهذا هو الفرق بين النجوم الكبار واللاعبين الآخرين إنهم يحسمون المباريات حتى ولو كانوا غائبين
تحياتي لكم[/COLOR]

اتوقع اليوم الفريق كله ابدع خاصة الشلهوب

بالعكس مالك أبدع ولكن قد نقول ان هذا ليس بمستوى مالك المعروف عنه


لكن نتمنى أن يعووود كما عهدناه

وما يخسر اللي يلعب له مالك:)

بالعكس مالك ابدع ويكفي انه سجل هدفين ..

المهاجم المطلوب منه انه يسجل فقط ولا يطلب منه المستوى.

وواليوم مالك اهرق في بعض فترات المباره بسبب الضغط النفسي والبدني وضغط المباريات ..

بس صدقوني ماايخسر اللي يلعب له مآآآآآآآآآلك

من جد اقول اي اشوف الأهداف مرى ثانيه.............................................................................

والله ماقصرو الشباب والله يعطيهم العافيه
ومالك والله مبدع بس الظغوط والمباريات
والى الامام يالصقور

حرام عليك يا اخي والله ابدع اللاعب مالك وسجل هدفين ايش تبغا اكثر من كذا ؟؟

الف مبرووووك الفوز وعقبال التأهل لجنوب افريقيا 2010 ان شاء الله

مالك لاعب كبير وان شاء الله من تقدم الى تقدم ............



وياشباب ارتقوا في كتابتكم .. واحنا نشجع منتخب ومانشجع اندية

اصلا مالك يجب ان تنتظر 20 مبارة بعدين يلعب وحده حلوة من مبارة السعودية واليابان في كاس اسيا الى مبارة الهلال والاهلي وانتظروا المبارة الجاية مادري ليش هو في المنتخب

انا مدري وش قصدك نرتقي بكتاباتنا !!!!

يأخي مالك لاعب محبوب وما كتبنا موضوعنا الا لأننا لاحظنا هبوط مستواه وبشكل مخيف

وبعدين اللي يقولون مالك مسجل هدفين في المباراة ما حضرو للملعب

انا كنت في الملعب وفقع مرارتي مالك

ياخي ضيع ثلاث كور ما تضيع ووحده ثبتها في خط السته وبدون مضايقة والثاتية انفرادة والثالثه شبه انفرادة هذا غير انه ما يفتح خانه وصدم في سعد الحارثي في الهجمة المرتدة مرتين وسعد كان منطلق والمفروض ينطلق مدري وش يبي في الهجمة هذا غير دخوله على عطيف والشلهوب في هجمتين وبغى يصدمهم وتايه في الملعب

انا ما اجيب كلام من راسي اسأل اللي راح للمباراة وهو مركز مهوب ماخذ عياله يمشيهم..!!