السلام عليكم
مشتااااقين
ومبروووك مقدماً المدافع البوليفي
أن شاءالله يكون ضالة الزعيم
وودي أرسل رساله للأمير المحبوب /
عبدالرحمن بن مساعد
يمكن توصل
.
.
* دخول :
يقول الشايب جعله فالجنه وموتى المسلمين
إذا وصاني على شيء والا سويت شيء معين , ولا جاز له
قال :
يا بوك : إذا عشيّت , أشبع !! .. وإذا ضربت آجع !!
ومره دخلت عليه يردد بيت يردده دايما يقول :
جميع ماحشنا ندور به الثنا / وما راح منّا عاضنا الله بدايله
طبعاً البيت لقصيده مشهوره لشاعر قديم !!
مدري من هو
ماعلينا
.
.
المقصد من الكلام ذا !!
ان ابو مساعد إذا بيجيب لاعيبه ,, أمّا يجيب لعيبه عليهم الكلام ,, ولا الله يكثر خيره ,, يفكنا من الكدش اللي فينا مكفينا !!
وأنا اشوف الكثير من
الجماهير الهلاليه , تطالب :
بـ حسن معاذ الشهيل الرهيب كن مافيه ذا البلد الا ذا الولد
مع انهم فـ الستين مباراه ,, يلعبون مباراه جيده واحده !!
والمباراة الباقيه يكونون نقاط ضعف خاصه بالشق الدفاعي وبالذات
حسن معاذ
.
.
ـ أنا اقول ان الهلال كبييييييييييير عليهم , وعلى غيرهم ,, وللأسف ان فيه لاعيبه لا يستحقون اللعب في اصغر الانديه السودانيه تلقاهم يلعبون فـ الهلال ,, بمحض الصدفه , ودعاء الوالدين !!
هذا
قهر صح
من كثر ما المشكله هذي مسببه أزمه ومؤرقه ,, بعض الجماهير تطالب بعوده
الدوخي
الله يسامحك يالدوخي
يا ملّ قلبٍ يود أثنين / لا ارضيت هذا زعل هذاه كرامتي تلزم عليّ الأنصرافي
ودي بك ولا ودي بك
مادري ليـــه ؟ يراودني هذا الشعور من ناحيتك أنت بالذات !!
الله يوفقك على كل حال
.
.
* خروج :
شف ابقولك شي يابو مساعد
إذا بتجيب
ايتارا < يمكن اسمه كذا < بيصير ثالث محترف صح !
ولا يمديك تجيب محترف
رابع < اتوقع النظام كذا ,, حسب معلوماتي الضحله في هذه الأمور
وايتارا < مثل مانعرف جناح
والهلال بحاجه لمهاجم صريح مع
ياسر
و
الصويلح رجع < والحمد لله على السلامه يابو حميد
يعني عندنا مهاجمين صريحين
فقط !!
والباقي تعرفونهم زيييين ,, مافيهم الفالح < كروياً طبعاً
تخيل يا عيوني ,, اصيب لاسمح الله واحد منهم ,, ولا تم إيقافه من الأتحاد الموقر < موقر
< شكلها نصبه
وبيحدنا الوقت وصدوف الليال على
كلاً من :
1 ـ ..............
2 ـ ..............
3 ـ .............. < ماراح اذكر اسامي على شان ما اجرح احد
وبترجع نفس المعاناه < والمرض المزمن والتوتر والقلق والأكتئاب < بغيت اقول الأكتتاب
يعني متى نشوف
بديل جاهز في الهلال ويعوض
ياسر والصويلح لو بقدر بسيط ؟
سؤال إجابته :
عيسى المحياني
حسب علمي وقناعتي ’’ ووجهة نظر < مشجع محب ومتواضع
دمتم سالمين
.
.
ليووون بلووو