عبدالرحمن بن مساعد : إذا ضربت فأوجع فإن الملامة واحدة !!
 

السلام عليكم

مشتااااقين

ومبروووك مقدماً المدافع البوليفي

أن شاءالله يكون ضالة الزعيم

وودي أرسل رساله للأمير المحبوب / عبدالرحمن بن مساعد

يمكن توصل :)

.
.

* دخول :

يقول الشايب جعله فالجنه وموتى المسلمين

إذا وصاني على شيء والا سويت شيء معين , ولا جاز له

قال :

يا بوك : إذا عشيّت , أشبع !! .. وإذا ضربت آجع !!

ومره دخلت عليه يردد بيت يردده دايما يقول :

جميع ماحشنا ندور به الثنا / وما راح منّا عاضنا الله بدايله

طبعاً البيت لقصيده مشهوره لشاعر قديم !!

مدري من هو :) ماعلينا
.
.

المقصد من الكلام ذا !!

ان ابو مساعد إذا بيجيب لاعيبه ,, أمّا يجيب لعيبه عليهم الكلام ,, ولا الله يكثر خيره ,, يفكنا من الكدش اللي فينا مكفينا !!

وأنا اشوف الكثير من الجماهير الهلاليه , تطالب :

بـ

حسن معاذ

الشهيل

الرهيب

كن مافيه ذا البلد الا ذا الولد

مع انهم فـ الستين مباراه ,, يلعبون مباراه جيده واحده !!

والمباراة الباقيه يكونون نقاط ضعف خاصه بالشق الدفاعي وبالذات حسن معاذ
.
.

ـ أنا اقول ان الهلال كبييييييييييير عليهم , وعلى غيرهم ,, وللأسف ان فيه لاعيبه لا يستحقون اللعب في اصغر الانديه السودانيه تلقاهم يلعبون فـ الهلال ,, بمحض الصدفه , ودعاء الوالدين !!


هذا قهر صح :)

من كثر ما المشكله هذي مسببه أزمه ومؤرقه ,, بعض الجماهير تطالب بعوده الدوخي :(

الله يسامحك يالدوخي

يا ملّ قلبٍ يود أثنين / لا ارضيت هذا زعل هذاه

كرامتي تلزم عليّ الأنصرافي

:smilie47:

ودي بك ولا ودي بك

مادري ليـــه ؟ يراودني هذا الشعور من ناحيتك أنت بالذات !!

الله يوفقك على كل حال

.
.

* خروج :

شف ابقولك شي يابو مساعد

إذا بتجيب ايتارا < يمكن اسمه كذا < بيصير ثالث محترف صح !

ولا يمديك تجيب محترف رابع < اتوقع النظام كذا ,, حسب معلوماتي الضحله في هذه الأمور :stoned:

وايتارا < مثل مانعرف جناح

والهلال بحاجه لمهاجم صريح مع ياسر

والصويلح رجع < والحمد لله على السلامه يابو حميد

يعني عندنا مهاجمين صريحين فقط !!

والباقي تعرفونهم زيييين ,, مافيهم الفالح < كروياً طبعاً :naughty:

تخيل يا عيوني ,, اصيب لاسمح الله واحد منهم ,, ولا تم إيقافه من الأتحاد الموقر < موقر :bigeek: < شكلها نصبه :smilie47:

وبيحدنا الوقت وصدوف الليال على

كلاً من :
1 ـ ..............
2 ـ ..............
3 ـ .............. < ماراح اذكر اسامي على شان ما اجرح احد s60s

وبترجع نفس المعاناه < والمرض المزمن والتوتر والقلق والأكتئاب < بغيت اقول الأكتتاب :razz:

يعني متى نشوف بديل جاهز في الهلال ويعوض ياسر والصويلح لو بقدر بسيط ؟

سؤال إجابته : عيسى المحياني

حسب علمي وقناعتي ’’ ووجهة نظر < مشجع محب ومتواضع

دمتم سالمين
.
.

ليووون بلووو

الله يبيض وجهك

ويرحم شايبك ..

...............................

صدقت في كل كلمه قلتها والدوخي لازم مايرجع للنادي والفريق محتاج مهاجم محلي في حال التعاقد


مع الغيني اتارا وفي حال مانجحت الاداره تتعاقد معه نجيب مهاجم محلي ولاننسى المشكله الاولى


الي في الهلال الي الى الحين مالقو لها حل وهي مشكلة الظهيير الايمن

طلال الصامل

مشكووووور على المرور

اليوم أحلى شغلتين ,, ردك وهزيمة هولندا

إلى الأمام أزوووووري

< نشوة الفرح لا تشره

:)

انا ما اؤيد رجعه الدوخي لان مستواه نزل

ومشكووووووووووووور على الموضوع

اشكرك على الموضوع الرائع
الهلال يحتاج مهاجم ضرووووووووري سواء كان اجنبي او محلي
واذا بيجيبون اتارا لازم يجيبون مهاجم محلي واشوف ان اختيارك في مكانه الانسب هو عيسى المحياني

الله يرحم شايبك ويرحم جميع موتى المسلمين

وبالوفيق للهلال

سلمت الآنامل على ما خطت من إبداع
موضوع مميز يحكي الواقع والمنشود من صاحب السمو الملكي ( عبدالرحمن بن مساعد )

يعطيك العافيه على موضوعك الجيد

بس حرام ترى الدوخي ولدنا

على فكره بيت الشعر للشاعر بندر بن سرور القسامي رحمه الله ورحم والدك ودمت بخير

صدقت والله
وجعل شايبك بالجنه
والدوووووووووخي ما عاد نبيه (من باعنا بعناااااااااااااااااه )
تحياتي

هلالي اصلي

ان شاءالله يلقون حل لهذه المعضله الظهير الأيمن

< ياليتني ظهير ايمين كان اللعب للهلال وبلاش بعد :) < ايه صح

على العموم

شكراً على المرور

ملك المنتدى

أنا من ناحيتي ’’ مؤيد أو معرض لعودة الدوخي

أقف فـ النص :)

بين ذي وبين ذيك

المهم الهلال

بالتوفيق للزعيم

شكراً على المرور

السلام عليكم ورحمة الله وبركاته
الله يغطيك العافية على هذا الطرح الجميل بس عندي ملاحظة ان الدوخي راحت ايامة ما عد مثل اول .