كنت اتعلم على السواقه وبغيت أجيب الــعــيد مع ( مرسيدس-ليكزس).! وش السواة
 

السلام عليكم
::
::

أولا ::d

انا لي فترة وانا اتعلم على السواقه ، محدثكم في الله في صف ثالث متوسط .. جالس أتعلم ، والسواق معي ..

المهم جازفت وجلست امشي فترة خروجنا من الاختبارات ، يعني انواع السرعه والسيارات الحلوه s60s .. الخ
سيارتنا هوندا اكورد 2004 ..
انا كنت أمشي بالحواري اصغيرة وبحواري كبيرة وكل شي تمام . .
وقيد سقت بشوارع عامه .. لكن وقت بسيط وبعدين ماكان زحمه.! لكن هالمره زحمه والله
المهم الموقف الي صار .. أن انا المفروض ادخل يمين من الاشاره ، وش سويت انا ، دخلت يمين لكن على جهة اليسار ..، يعني المفروض اني الف يمين أمسك خطي يمين .. لكني حذفت على اليسار ، طبعا مرتبك وكذا .. وبغيت أدخل بمرسدس..! أوووف الله ستر. .
وبعدها بشوي ، أمشي ، أخر الطريق في اشاره .. وفي قبلها مدرسه والسايد اليمن (الي انا ماشي فيه ) موقفين عالم .. وانا ماتعوق معي ، ادخل يسار ، بدون ما اِشوف وانواع البواري أسمع ، رحت يمين بسرعه ، وشوي شوي أدخل يسار ، والا راعي اللكزس يقدم بسرعه .. كأني داخلن بيته ( طبعا غلطي انا ) طلع هو طالب ثانوي الظاهر .. وعاد الظهار يحسب اني أبي مشكله ، ناظر فيني وراح ..
وقبل الاشاره ، أوقف وقلت للسواق أركب سق بنا ، ( الثالثه ثابته ) .!
ولا وانا بالطريق شافتني دورية ، لكن ماقال شي ، لأني شكلي أبدا موب ثالث متوسط ، يعني شكلي يعطي أكبر، لكن الي خلاه يستغرب السواق الي جنبي ، ناظر شوي ومشا . .

المهم الي أبيه منكم ، انا إلى الان ماتعودت على الدركسون تمام .. والخبط بين D و D3 يعني من الربكه يكون على الـ D واغيره لـ D3 ويعني ما اتقنت السالفه زين ..
وش راكم ، اتعلم بالشوارع الصغيرة ازين ، وبعدين اطلع للعامه ..

جالس أشوف برنامج بـ MBC أكشن ، عن السيارات ومعرض ( إطاليانو ) للسيارات ( فراري - لمبرقيني ) .. والله سيارات حلوه أشكالها وشكل اصحابها تاعبين عليها ..

هـهـهـهـهـهـه

كــل طقــه بتــعليمه ...

شكلك متعود على العادي تحطه من D لــ D3 !!

يارجال تتعلم بس اهم شيء لاتخاف


الله لوانك في مكه وحواريها وطلعاتها وش بتسوي

ههههههههههههههههههههههههههههههههههههه الحمد الله على السلامه !!

أنصحك أنك ترووح للبر وتأخذ أحد يعلم على القير العايدي لأن التوماتيك سهل جدا !!

تحياااتي لك

وآنت وش تبي بآلسوآقة ؟
:d
سنة ولا سنتين بتمل منهآ ..
//
كلنآ يوم آننآ بعمرك سوآقتنآ كذآ :d..
وتكبر وتنسى ..هع

انا انصحك انك تركب ورا وتربط الحزام وتتكتف

عـــــــــادي والله سهله بس خل عنك الخوف وبتتيسر امورك ولازم تتعلم العايدي بالاول لانه هو الاساس

أقول لا تصدم بخلق الله خلك بالحواري الصغير ععشان ما تتورط زي المرة الأولى

أها .. كمل .!
نضحك يعني.! :upset:

ردود غريبه .!
الله يعينك بس.!

مشكورين ، وفي أخوي عنده سيارة عادي .. بقوله يعلمني عليها. .
وأنا أصلا تسرعت بدخلتي للشوارع العامه ..

مشكورين .. ،