بسم الله الرحمن الرحيم ..
صباح / مساء الخير للجميع ..


هذا رابط الجزء الأول للي ما شافه قبل كذا ..


http://vb.alhilal.com/showthread.php?t=592391


ماعليش تأخرت عليكم بالجزء الثاني لسببين :
1/ الإختبارات الأسبوع اللي راح ماكان فيه فرصة
2/ حبيت أنزل الجزء الثاني قبل الإختبار بيوم أو يومين عشان تعيشون جو الموضوع وتدعون لي بالتوفيق




الدكتور الخامس / مو على كيفك إنت والعميد .. يعني من جدك يا عبدالمحسن لما يوقع لك العميد بتحتاج توقيعي كإجراء نظامي ..؟!

أنا / إنت ليش كذا .؟ مع إنك سعودي وفيك خير لكن حاط براسك إني ما أدخل الإختبار ..!!
المشكله إن فيه دكاتره من جنسيات ثانيه تعاونوا معي ووافقوا على دخولي الإختبار .. وفيه دكتور عاد لي الإختبار الشهري الثاني مساعده منه وإنت للحين تقول لا ..!!
أول محاضره حضرتها عندك قلت لي تراك محروم ولازم تروح لعميد الكليه .. ولما رحت عميد الكليه تقول مو على كيفك إنت والعميد ..!

الدكتور / هذا النظام ..

أنا / والنظام يمشي عليك إنت والدكاتره الباقين مايعرفون النظام .. إترك موضوع النظام على جنب ..
الموضوع الحين إنساني أكثر مما يكون نظامي .. وتراك تكسب إحترام الناس بتعاملك بأدب ولباقه
على الأقل أقنعني يالحبيب .. رد علي بنفس زينه .. مو تتكلم من طرف خشمك ولا أحد عاجبك ..

الدكتور / إحترم نفسك يا ..
قطعت كلامه طبعا
أنا / ماعاد فيها إحترام يابو الشباب .. هي خربت أصلا لأني عارفك لو جيتك بأسلوب ماراح تدخلني الإختبار .. لكن أنا بقول لك شي واحد بس .. الموضوع بأرفعه للي فوقك وفوق العميد بالجامعه
حتى لو أضطريت إني أنزل الموضوع برساله الجامعه راح أنزله ..وبإذن الله مختبر مختبر الله لا يقول غير كذا ..



طلعت من عنده وأنا ما أدري وين أروح بصراحه .. حسيت إني ورطت نفسي لأني لو سويت مثل ما قلت راح يطول الموضوع ومافيه وقت ..!!
باقي أسبوع وثلاث أيام بس على الإختبارات ..
بس قلت بسوي اللي علي والباقي على رب العالمين ..

أنا / يالله مشعل مشينا

مشعل /لا تقول لي رفض .. ترى بروح أجلده هالدكتور << مشكله مشعل مهايطي

أنا / وش اللي تجلده وما تجلده ..على كيفك هو ..؟
المهم أنا بروح لمدير الجامعه ..

مشعل / إيه هين تقابله .. والله يا شيخ لو تسنتر عند المكتب إلى المغرب ماراح تقابله ..
الأيام هذي إجتماعات وقلق ..إنسى الموضوع بس ..
إسمع .. أنا أعرف واحد يمكن يخلص موضوعك بس خلنا نروح له ونشوف


أنا / يالله مشينا



رحنا لخوي مشعل ولقيناه ..



الأستاذ .. < خوي مشعل / هلا مشعل .. عاش من شافك ..

مشعل / عاشت أيامك .. أبي منك خدمه .. تقدر توصل الأوراق هذي لمكتب ....) ..!!

الأستاذ / لمين الأوراق هذي ؟

مشعل / لخويي عبدالمحسن ..

الأستاذ ( بعد إطلاعه على الأوراق ) / عظم الله أجرك عبدالمحسن .. بس شووف اليوم ما أقدر أوصلها
لأن اليوم إجتماعات .. بكره تمروني الساعه 1 الظهر وإن شالله يكون موضوعك منتهي ..



يوم الإثنين الساعه وحده الظهر ..


الأستاذ / خذ هالخطاب عبدالمحسن وسلمه لرئيس القسم .. موضوعك إنتهى ..

أنا / يعطيك العافيه ..

نص الخطاب :

إلى رئيس القسم مع التحيه :
يعتمد دخول الطالب / عبدالمحسن الإختبار النهائي للماده (..) لدى الدكتور (..) شعبه رقم 1519
وذلك بناء على نظام الجامعه والذي يتيح دخول الطالب الإختبار النهائي بعذر رسمي حسب ما تراه الكليه أو المعنيون بذلك




رحت لمكتب رئيس القسم أنا ومشعل ..

رئيس القسم / خلاص عبدالمحسن خذ هالخطاب اللي بكتبه لك الحين وخذ لك صوره من خطاب مدير الجامعه وسلمه للدكتور ..


ورحنا لمكتب الدكتور اللي ما يبيني أدخل الإختبار

نص خطاب رئيس القسم :


إلى الدكتور (..) مع التحيه ..
أتمنى عدم إدراج إسم الطالب / عبدالمحسن في كشوفات الحرمان وذلك بناء على الخطاب المرفق وشكرا ..
رئيس القسم ..

سلمت الخطاب للدكتور .. صراحه كان وده يقوم يصفقني لكنه إكتفى بنظرات الحقد وشال إسمي غصب عنه من كشوفات الحرمان ..



الإختبار يوم السبت من الساعه 8 إلى 10 صباحا
دعواتكم بالتوفيق ..

إقتباس الرسالة الأصلية كتبت بواسطة قاهر أسيا الآوحد الله يوفقك أخوي عبد المحسن بس أنتبه يمكن يحملكـ المادة ذاكر عدل وصور ورقة الأختبار والأجابات بجوالك من أجل تستخدمها سلاح ضده لا سمح الله

عظم الله اجرك واحسن الله عزاك

الله يوفقك ان شاء الله بس انتبه لا يستقعد لك بالنهائي ويرسبك ان ذاكر زين

والباقي على الله ومايحتاج تصور الورقه ولا يحزنون اتكل على ربك وهو

اللي بيوفقك ان شاء الله وخل اميمتك تدعي لك ... والله يوفق الجميع ..

إقتباس الرسالة الأصلية كتبت بواسطة AHMED477 ومايحتاج تصور الورقه ولا يحزنون

أخوي أحمد أنت يمكن ما جربت شغل الدكاتره

والله لو يبي ينجحك من دون ان تحل شيء يقدر يالغالي

ويقدر يرسبكـ وانت حال الورقه


أخوي أنا دكتور رسبني بمادة مرتين متتاليتين مع أني

بالباقيات ممتاز وماشيء زي العسل والمشكله زملائي أقل من مستواي بكثير

ينجحون وأكتشفت بنهاية الأمر أن الدكتور يعتمد على تحضيركـ طوال السنه وأنا

غيابي للأسف كثير

إقتباس الرسالة الأصلية كتبت بواسطة قاهر أسيا الآوحد أخوي أحمد أنت يمكن ما جربت شغل الدكاتره والله لو يبي ينجحك من دون ان تحل شيء يقدر يالغالي ويقدر يرسبكـ وانت حال الورقه أخوي أنا دكتور رسبني بمادة مرتين متتاليتين مع أني بالباقيات ممتاز وماشيء زي العسل والمشكله زملائي أقل من مستواي بكثير ينجحون وأكتشفت بنهاية الأمر أن الدكتور يعتمد على تحضيركـ طوال السنه وأنا غيابي للأسف كثير

أخوي انا بالجامعة واعرف حركات الدكاترة والله احيانا اتوقع 60 واخذ 90

واحيانا لو يقولون تاخذ 90 اقول لا اجوبتي مووووت اخذ 100 وفجاة اخذ

60 .. والدكاترة الحين يسوون حركتين الاولى يعطونك درجت الاختبار النهائي

على حسب الشهرى والثاني على تحظيرك .. بس وش يظمن اني اذا سويت الحركة

ماياقف فوق راسي .. يدرس ويتكل على الله مع الدعاء وان شاء الله ينجح وينعمى

الدكتور عنه اذا جاء يصححة ... والله يوفق الجميع ...

هلا عبدالمحسن ,,!

بصراحه دكتورك يرفع الضغط هو وشنبه مسوي ابو عنترمدري ابو شهاب

المهم الحمدلله انفكت الازمهوالله يوفقك بالاختبار بس انت ذاكر عاد بعد كل هالتعب ترى ماتترك عوايدك

إقتباس مشعل << لقطت الأسم من قصتك يجلده

c'est un supportable

^

عصب بالفرنسي .. فنون وش دعوى ماوثقتي في قدراتي يسموني بالحاره غراندايزر

عظـــم الله اجــــرك اخوي والله يجمعكم به في جنات النعيم ياااارب ..

والله هالدكاتره يرفعووون الضغط فيهم نذااااااله لو يوزعونها على أهل الارض كفتهم وزياااده

ما عليك منه ذاكرررر زين وادعي ربك وان شاء الله ربي ما يخيب ظنك ..

ولا تخاف كل واحد بيجيه على قد نيتـــــــــه ..

الله يوفقك ويعمي عيون الدكتور عنك ..

إقتباس الإختبار يوم السبت من الساعه 8 إلى 10 صباحا

عظم الله أجركـ,

وأسأل الله أن يوفقكـ, في الإختبار ,

هلاوسهلين
آلحمدلله آلي تسهلت آمورك ،، وبيض آلله وجهك يآ مشعل آنت وصآحبك ،،
//
بآلتوفيق لك بآختبآرآتك آن شآآء آلله ،، وآن شآء آلله مآ يستلعن آلدختور ،،
\\

أحسن الله عزاكــ عبدالمحسن ذاكر وشد حيلك

الله يرحم ابوك

اذا سقطك في الاختبار قلي بس

بجي افجر سيارته