آه آه آه ،،، والله قهر

ملاحظه اللى ما معه سياره او ما يعرف يسوق لا يقرأ الموضوع

اخوانى الاعضاء
تحيه طيبه

اليكم ماحدث لى اليوم على الخط السريع :

في تمام الساعه التاسعه والنصف من صباح هذا اليوم ،، كنت متجها الى مدينه الخبر ،
واذا وانا بمنتصف الطريق صادفنى تفتيش .
طبعا سرعتى كانت تقريبا 100 ك/ م تعرفون السرعه قاتله
المهم وصلت النقطه او المركز وكنت رابط الحزام ومجهز العده ( الرخصه والاستماره )
واذا بذاك العسكرى اللى واقف والله لو فيه هواء كان طار ،، المهم وقفت فتحت الدريشه
وكنت لابس نظارات لازوم الشغل شوفوا وش صار :

انا : السلام عليكم
العسكرى : رخصه واستماره ؟؟

انا : وش دعوه رد السلام !!
العسكرى : وعليكم ( بدون نفس ) ، هات الرخصه والاستماره ،

وانا اعطيه الاستماره واخرج الرخصه من جيبي لاحظو طبعا فكيت الحزام عشان اعطيه الرخصه .

العسكرى : صفط على جنب وتعال خذ المخالفه
انا : على وشو مخالفه ؟؟

العسكرى : اقولك صفط وتعال .
انا : يااااخى والله مانى مسرع .

المهم رحت اصفط السياره وانا جااااى صوبه وانا كلى ناااار قابلت واحد خالص من عندهم انواع السب والشتم فيهم وانا ميت من عليه ، شافنى العسكرى وقال :

وتضحك بعد

قربت من اللى يكتب المخالفه اسنتى دورى ،،،، وصل دورى قلت للعسكرى اللى يكتب
سلامات اخوى وش السالفه
قال : ابد مخالفه سرعه ..
وخلال الكلمتين ذىالا وخويكم ولع نااااااار بركااااااااااان قامت الدنيا وقعدت

ياااااخوى والله ان الجرس ما صاح عندي وتقول سرعه
المهم تقريبا ربع ساعه وانا معهم على ذا الحال ،، الى أن حضرالضابط حقهم .

واشرح له الوضع وعملته الصدق وبعد حلف وقسم :sad: صدق الرجال وقال خلاص
عطوه مخالفه عدم ربط حزام

اجيبها يمين شمال فوق تحت مالى أمل .

آخذ المخالفه واكلم واسطه في المرور (( اللى كلمته من شان البارق وسهل )) ،، وقال : اوكيه ازهلها وانا اخوك .

وهذا اللى صار لى اليوم حبسى الله ونعم الوكيل فيهم .

تحياتى لكم جميعا
اخوكم / عــــ الهلالي ــارف

انه نوع من الظلم فكما اسمع ان على كل دورية ان تحضر عدد من المخالفين ومن القسائم مما يضطر العسكر الي تبلي خلق الله وطبعا رجل المرور مصدق ولكن اطلب تحويلكم للشرع تجد العسكري يتراجع على طول
نسأل الله السلامة والتقى والهدى

الله يعينك اخوي ويعين الجميع ..
بالفعل تصرفات البعض تموت من القهر..خذ هذي السالفة اللي حصلت لواحد من الشباب..
كان رايح للرياض من الخرج..وهو معاه كابرس وفي واحد راعي شبح يعني اثنينهم متعدين السرعة وماشين فوق ال 140 تقريبا..المهم عند التفتيش راعي الشبح كان قدامه على طول..العسكري ما كلمه ويوم جاء دوره هو قال له العسكري:- مخالفة سرعة..قال له انا وراعي الشبح ابد مع بعض طول الخط ليش ما وقفته ؟؟ قال له العسكري:- اشتري شبح وامشيك !!!!
وش رأيك ..

نفس اللي صار لي على الكورنيش !

انت فاكر ( حبي ;) )

الله يهديهم رجال المرور

ودوريات شرطة الظهران

ياخي تصير بأكبر العوائل..

عادي.. بعدين قلعتك ليه مسرع .. ولا ربطت الحزام..!!!!!!!!

ترى ما فينا أحد عسكري يعني قل الحقيقة..

وبعدين وش قصدك في إنهم ظلموك هذا إتهام خطير جداً..!!!!!!

على العموم مافيها شيء إعتبرها إشتراك إنترنت..

شكلك ولعت من كلامي أكثر من المخالفة..


تحياتي لك ،،،

أخوك / البارق

تعيش وتأكل غيرها .

وماتشوف شر .

أذا صار العسكري يأخذ الرخصة وبعدين يقول وش اسمك .

بأمانة وش ترجي وراء كذا .

يعني العسكري مايعرف يقرا.

بعدك حبيبي ما شفت شي توك في بدايه المشوار

اللهم لا شـــماته





امزح وربي اسف

بس بقولك شي اذا كان التفتيش الي تحت كوبري الدوحه وماجاورها


عز الله رحت في خرايطها .


هذاك اسوء بشريه واخلاق اعوذ بلله هناك يحطونهم ليش مدري




<==== معاناه سابقه

ضلم واللهمعليش خيرها في غيرها


الا على فكرة .....







وش سويت في الخبر

هلا وسهلا اخوي عارف

طيب خذ هالموقف (دوريات الشرقيه الله يحللهم عند دوريات الريااااااااااض)

انا ماشي في طريق الامير عبدالله

تبي الصدق كنت مسرع 150 تقريبا وفي نص الطريق تفتيش وقفوني عشان السرعه

اوكي انا غلطان استاهل

شوي الا وواحد يمشي مليووووون قلت للعسكري وذا ورى ماوقفتوه

تدري وش رد علي

من قالك توقف

وغيرها من القصص

وتحياتي لك اخوك

abu3ziz

عادي عادي


شكلك ما تعودت



هههههههههههههههههههههههههههههههههههههههههه