السلام عليكم ورحمة الله وبركاته

اخباركم شباب ..؟

ان شاء الله تمام..؟

ندخل في صلب الموضوع على طول .!!

الحياة مليئة بالمواقف منها المواقف المحرجة - المضحكة - الحزينة الخ ..الخ.

وانا حياتي مليااانه مواقف << بالطول ولا بالعرض << مسوي ينكت وبقولكم من

كل مثال موقف :

المحرجة : في يوم من الايام قبل ثلاث سنوات تقريبا كنت رايح السوق وانا امشي

ناوي ادخل محل وكان جنبي جروب= مجموعة شباب ومدري وش جاني وابله فيهم

وانا امشي الا واصقع بذي الي حقت الانذار طررخ ..!

والشباب فطسو علي ضخك ووقتها ضاع وجهي من الفشيلة

المضحكة : في يوم من الايام كنا متجمعين شباب في استراحة ونلعب بلاب ستيشن

وكانت مباراة حامية بيني وبين واحد من الشباب النتيجة 2\2 وفي الشوط الثاني في

اخره تقريبا واجيب هدف وافرح واضحك عليه واقوله لاتتحدى مع اكبر منك ياحبيبي

ومدري الا حق الراية يقول اوف سايد والعيال كااااااك كاك كاك وانا بعد ضحكت

معهم من الغبنة

الحزينة : وفاة واحد من الاقارب الله يرحمه في حادث سيارة



وفيه مواقف كثيرة تحصل لكل انسان والي عنده موقف يسدحه هنا

ودمتم بود

:: HILALI ::

والله انا صارلي موقف بالرياض وهو
كنا طالعين نتعشى بمطعم الفندي اتوقع انه هو المهم انه محل بروستد
طبعا من النظااافه انك تغسل قبل العشاء
ومن زين الصدف شكل مغاسلهم جديده هذي اللي تحد يدك تحت الصنبوور ويخر عليك الموووويه>>سحر والعاذ بالله
المهم اني توهقت ادور ذالحنفيه معين تفتح الزبده مالقيته واخذت لي فاين وقعدت اتمسح مسوي اني غسلت
وطول الوقت وانا اتعشى قاعد افكر وشلوووون اغسل لاني توهقت
موقف لو يرجع الزمن كان مادخلت ذالمطعم
وشكرت تقبل مرووووي السنع

إقتباس والله انا صارلي موقف بالرياض وهو كنا طالعين نتعشى بمطعم الفندي اتوقع انه هو المهم انه محل بروستد طبعا من النظااافه انك تغسل قبل العشاء ومن زين الصدف شكل مغاسلهم جديده هذي اللي تحد يدك تحت الصنبوور ويخر عليك الموووويه>>سحر والعاذ بالله المهم اني توهقت ادور ذالحنفيه معين تفتح الزبده مالقيته واخذت لي فاين وقعدت اتمسح مسوي اني غسلت وطول الوقت وانا اتعشى قاعد افكر وشلوووون اغسل لاني توهقت موقف لو يرجع الزمن كان مادخلت ذالمطعم وشكرت تقبل مرووووي السنع

ههههههههههههههههههه كثار الي يتوهقون عند ذا الحنفية

ونورت مصر قصدي نورت الصفحة

موقف غريب شاهدت امامي رغم ان المشهد مر عليه تقريبا 10 سنوات لكن لازلت اتذكره
المكان : اطهر بقعة على وجة الارض الحرم المكي الشريف وبالتحديد بالقرب من الكعبة المشرفة
الوقت : موسم الحج 1419هـ ( اول ماطلعت التصاريح الخاصة بالحج للمواطنين )

الحادثة : شخص من افريقيا . . . يشرب الدخان والعياذ بالله في الطواف . . . لحظات وهو امامي وكل واحد من المطوفين ( اللي حاط على كتفه سجادة ) يوبخه بالكلام وهو ولاعارف وش يقولون
وبعدها ضفوه شرطة الحرم .


مشكور اخوي على الموضوع

إقتباس موقف غريب شاهدت امامي رغم ان المشهد مر عليه تقريبا 10 سنوات لكن لازلت اتذكره المكان : اطهر بقعة على وجة الارض الحرم المكي الشريف وبالتحديد بالقرب من الكعبة المشرفة الوقت : موسم الحج 1419هـ ( اول ماطلعت التصاريح الخاصة بالحج للمواطنين ) الحادثة : شخص من افريقيا . . . يشرب الدخان والعياذ بالله في الطواف . . . لحظات وهو امامي وكل واحد من المطوفين ( اللي حاط على كتفه سجادة ) يوبخه بالكلام وهو ولاعارف وش يقولون وبعدها ضفوه شرطة الحرم . مشكور اخوي على الموضوع

استغفر الله العظيم يدخن في اطهر بقعة على وجه الارض!!

ومشكوور على المرور

وين الردوود ياجماعة نبغى تفاعل من الاعضاء 70 مشاهدة وما رد الا 2 !!

وعليكم السلام
بضيف رد ولو انك خصيت الشباب ......
مواقف مضحكه اللي يعجبك خذه واللي مايعجبك امسحه :
1ـ معلمة الرياضيات فلسطينيه وكل يوم درس بصراحه طفشت ماعمرها غابت ومسكينه جابت لنا لوحتها في احدى الحصص وقالت بنات هذا درس بكره .....ولقيتها فرصه وفي نهاية الدوام وخروج الطالبات اخذت اللوحه ورميتها في سطح المدرسه وفي اليوم التالي جت ومالقت اللوحه وراح وقت الحصه وكلنا ندور لوحتها والدوافير ضايقه صدروهم مافي درس واللي مثلي مبسوطين ومتشققين من الفرح .....فرح كسالى ....وكنت مقهوره من فصل فيه كسالى مابيننا اي صله محبه الا العكس...رحت وجبت اللوحه من الفصل وطقيت عليهم الباب ولين المسكينه عندهم تدردش معهم وتتفاجى الا واللوحه معاي ..وبكل احترام استاذه :في وقت الفسحه ماتفسحت كله وانا ادور اللوحه ولقيتها في الدرج اللي عند باب السطح .......وبحسن نيه تسالني :وش طلعها فوق ...وانا بكل براءه اجاوبها :يمكن عمال النظافه رموها فوق...شكرتني واليوم التالي شكرتني ولا نجحتني وانا ماحليت .
2 ـ خالتي ام فيصل جالسه مع خالتي ام سلمان فجلست اسولف معهم الا واجيب طاري دولة السويد فقلت ..ياليتني غنيه ياخلاتي لكان اعيش في السويد ..تقول خالتي ام فيصل :وع السويد يابنتي ..وفي لحظة تاملي في اجابتها ..تسالها خالتي ام سلمان اختي تعرفين السويد ..قالت ام فيصل :بكل ثقه اي هي حي من احياء القاهره وسكانها كلهم سودان وعندهم مجاعه وحروب ...خالتي ام سلمان :ماشاء الله عليك ياختي ..
3 ـ جاني الطفل عبدالله ولد خالتي :يسولف معي ويقولي تصدقين لعبت اليوم على الاستاذ فقلت كيف لعبت عليه :قال سالنا في الفصل الاجانب يوقفون وماوقفت وبعدين السعوديين يوقفون فوقفت معهم ..سالته وشلون لعبت على الاستاذ :قال بكل براءة الاطفال مايدري اني حوطي
تقبل مواقفي الثلاثه بصدر رحب ...بالتوفيق لك..
اختك:عطر الصمت

محرج : كان عندنا عزيمة صغيرونه بالبيت ..
المهم واحد من الضيوف معه صحن به حلويات او تمر او بسكوت ن سنيت والله .. ويقولي خذ ..
وانا قلت : لا شكرا .. قالي خذ شيل ..

يالله أنواااااااااااااااااااع الإحراج ، وبعدها سحبت على أبو عزيمتهم ..

محزن : فراق أحباب ، لكن قريب بلتقيهم بإذن الله ,, ، وفاة جدتي .. أمور أخرى شخصية .

مضحك : والله صارلي زي موقفك حق الأوف سايد .. ،




مشكور وأحب المواضيع الي تسذا ,

مشكووورين حبايبي على التفاعل والحين خلونا نشوف المواقف

إقتباس وعليكم السلام بضيف رد ولو انك خصيت الشباب ...... مواقف مضحكه اللي يعجبك خذه واللي مايعجبك امسحه :

الموضوع عام للشباب والبناات فا اي سحلية قصدي اي بنت تبي ترد ما فيه مشكلة

لا كلها عاجبتنا ان شاء الله

إقتباس 1ـ معلمة الرياضيات فلسطينيه وكل يوم درس بصراحه طفشت ماعمرها غابت ومسكينه جابت لنا لوحتها في احدى الحصص وقالت بنات هذا درس بكره .....ولقيتها فرصه وفي نهاية الدوام وخروج الطالبات اخذت اللوحه ورميتها في سطح المدرسه وفي اليوم التالي جت ومالقت اللوحه وراح وقت الحصه وكلنا ندور لوحتها والدوافير ضايقه صدروهم مافي درس واللي مثلي مبسوطين ومتشققين من الفرح .....فرح كسالى ....وكنت مقهوره من فصل فيه كسالى مابيننا اي صله محبه الا العكس...رحت وجبت اللوحه من الفصل وطقيت عليهم الباب ولين المسكينه عندهم تدردش معهم وتتفاجى الا واللوحه معاي ..وبكل احترام استاذه :في وقت الفسحه ماتفسحت كله وانا ادور اللوحه ولقيتها في الدرج اللي عند باب السطح .......وبحسن نيه تسالني :وش طلعها فوق ...وانا بكل براءه اجاوبها :يمكن عمال النظافه رموها فوق...شكرتني واليوم التالي شكرتني ولا نجحتني وانا ماحليت .

ههههههه لا رجعتيها لها يقاالك بريئة لا وما ما تفسحتي يالمسيكينة

إقتباس 2 ـ خالتي ام فيصل جالسه مع خالتي ام سلمان فجلست اسولف معهم الا واجيب طاري دولة السويد فقلت ..ياليتني غنيه ياخلاتي لكان اعيش في السويد ..تقول خالتي ام فيصل :وع السويد يابنتي ..وفي لحظة تاملي في اجابتها ..تسالها خالتي ام سلمان اختي تعرفين السويد ..قالت ام فيصل :بكل ثقه اي هي حي من احياء القاهره وسكانها كلهم سودان وعندهم مجاعه وحروب ...خالتي ام سلمان :ماشاء الله عليك ياختي ..

اما خاالتك هذي شي ثااني السويد في مصر صااارت ما شاء الله

إقتباس 3 ـ جاني الطفل عبدالله ولد خالتي :يسولف معي ويقولي تصدقين لعبت اليوم على الاستاذ فقلت كيف لعبت عليه :قال سالنا في الفصل الاجانب يوقفون وماوقفت وبعدين السعوديين يوقفون فوقفت معهم ..سالته وشلون لعبت على الاستاذ :قال بكل براءة الاطفال مايدري اني حوطي

لووول اما هالولد شكلكم معقدينه على مسالة الحوطي*

إقتباس تقبل مواقفي الثلاثه بصدر رحب ...بالتوفيق لك.. اختك:عطر الصمت

مشكووورة خيتو نورتي الصفحة

* والنعم باهل الحووطة كلهم .

إقتباس محرج : كان عندنا عزيمة صغيرونه بالبيت .. المهم واحد من الضيوف معه صحن به حلويات او تمر او بسكوت ن سنيت والله .. ويقولي خذ .. وانا قلت : لا شكرا .. قالي خذ شيل .. يالله أنواااااااااااااااااااع الإحراج ، وبعدها سحبت على أبو عزيمتهم ..

ههههههههههههههههههه المرة الجاية اساله اشيلها ولا اخذ حبه هههههههه

إقتباس محزن : فراق أحباب ، لكن قريب بلتقيهم بإذن الله ,, ، وفاة جدتي .. أمور أخرى شخصية .

ان شاء الله تلقون حبايبكم والله يرحم جدتك واموات المسلمين يااارب .

إقتباس مضحك : والله صارلي زي موقفك حق الأوف سايد .. ،

بس انا فزت في النهاية وانت

إقتباس مشكور وأحب المواضيع الي تسذا ,

تسلم اخوي على على الاطراء << اول مرة ينمدح

ونورت الصفحة وآآآسفين على التاخر في الرد

في والله موقف من جد محرج مره في أحد العزايم كنت ماسك ترمس الشاي وكان حار مره
وانا ماسكه ومادريت إلا ويطيح علي ولا كل ألي في المجلس بصوت واحد سلامات ماتشوف شر ومدري من هل كلام من رووووووعه رحت وجلست ولاحسيت بالحراره إلا ويجي
واحد ويقولي رح غسل وكل ماتذكرت الموقف ضحكت على نفسي ههههههههههههههههه

والله ياكثر المواقف المحرجه و مرا من المرات طالع من الاختبار حق الاحياء وفرحااان ومشغل الاغاني على اخر صوت ودنياا ووناسه الا اشوف عمي الكبير قدامي قمه الاحراج خخخخخخخخخخخخخخخخخخخخخخخخخخخخ يطالع فيااا ههههههه شوي وشيه ويذبحني مع التحيه / أبومانع

اول شي اشكرك على الموضوع الرائع والمواقف المضحكه والمحرجه والمحزنه كثيره بس ماني قايل الا المضحكه والمحرجه لاني ماحب اتذكر الحزينه

المضحك: هذا سلمك الله انا واخوي واقفين عند الاشاره والا القى مصري مشغل اغاني على الاخير الا واقول لاخوي افتح قزاز السياره وانا اجيك واكلم المصري باسلوب يالحبيب لو سمحت ممكن تقصر بصوت الاغاني قال ممكن قلتله مشكوور وماقصرت وانا اقول لاخوي ارفع الدريشه ويرفعها وافجر مسجل السياره للاخير واسوي نفسي مادري والا وجه المصري تقلب الوان


محرج: هذا كنا في استراحه نص الشباب اللي فيها اعرفهم ونصهم ماعرفهم <<اكيد
وحنا نلعب كورة طائره واحد من الشباب فاهم الطائره غلط ويحسبها برجله الله يهديه
ويشوت الكوره وتصقعني مع مكان حساس وانواع الاحراج

اتمنى اني اخترت شي يوسع صدوركم ولا ثقلت عليكم

آممممممممممممم .. مرة من المرارير .. كنت طالع من المسجد القريب من بيتنا اللي

في الحي حقناا .. المهم كان واحد يمشي خلفي


وقال : السلام عليكم


فالتفت عليه وقلت : وعليكم السلام ورحمة الله وبركاتة


المهم صاحبنا هذا طلع يكلم واحد ع الجواااال هههههههه ونا سويت اني اكلم واحد ثاااني

مشكور اخوي على الموضوع
المحرجه : مره كانت عندنا عزيمه صغيره والمجلس كان فيه 6 ( بس اغلبهم شباب ) واخوكم في الله كان طالع من المجلس بيروح لباب الشارع الا واسفط سفطه محترمه على وجههي يؤؤؤؤؤه وجهي تقلب الوان صار قز قزح والمجلس كلهم فقعوا ضحك علي انحرجت بس جلست اضحك ( هذا الموقف محرج ومضحك بنفس الوقت ).
المضحكه : مره كنت انا وابوي وواحد عازمه ابوي ( سوري ) المهم السوري هذا غبي وسبك ومدري والله وش قال بس اللي اذكره انه ماقال شي يضحك وانا جلست اضحك في وجهه( من غباء اللي قاله ) وابوي بعد يوم شافني اضحك ضحك بس بعدها طردني ( هذاك اليوم كنت مواصل فيه وتعرفون انتم اللي يواصل 24 ساعة ضحك ) .
المحزنه : ( الله لايجيب الحزن )
حادث ابوي ( الله يشفيه ) وكان بتاريخ 4 / 4 / 2008 وكان يوم مأساوي بالنسبه لي بس اللي ابيه منكم تكفون الدعاء له وقريبا ان شاء الله ابزل موضوع عن ابوي وان شاء الله يحوز على رضاكم
اخوكم صعب المنال 20

إقتباس الرسالة الأصلية كتبت بواسطة بقايا عطر ياســر.. والله انا صارلي موقف بالرياض وهو كنا طالعين نتعشى بمطعم الفندي اتوقع انه هو المهم انه محل بروستد طبعا من النظااافه انك تغسل قبل العشاء ومن زين الصدف شكل مغاسلهم جديده هذي اللي تحد يدك تحت الصنبوور ويخر عليك الموووويه>>سحر والعاذ بالله المهم اني توهقت ادور ذالحنفيه معين تفتح الزبده مالقيته واخذت لي فاين وقعدت اتمسح مسوي اني غسلت وطول الوقت وانا اتعشى قاعد افكر وشلوووون اغسل لاني توهقت موقف لو يرجع الزمن كان مادخلت ذالمطعم وشكرت تقبل مرووووي السنع

ههههههههههههههههههههههههههه نفس الموقف بمطعم النافوره
لدرجه اني اناظر تحت المغسله ادور الحنفيه