قصة طويلــة (( حكمة فقــط !! )) - نادي الهلال السعودي - شبكة الزعيم

(الفيلسوف) · #1 19/06/2008, 12:11 AM

السلام عليكم ورحمة الله وبركاته

قصـة طويلـة !!

( 1 )

جالس وحيد .. والهم في داخله همـ ( ن ) فريد .. الحزن باين من عيونه
والدموع واقفة خلف جفونه !! .. الأيام مرت
وحالته ما تغيرت
وان تغيرت .. فهي للأسوأ !!
بعد ما كانت الابتسامة على محياهـ .. صار الحزن حياته ودنياهـ !!
ما عجبت الناس حالته .. حتى عدوهـ مارحمـه !!
أصبح طبعـه كئيب ! وحياته جحيم .. لا ليل مريح ولا صبح جميل !!
جيت له وسألته : وش فيك يا ولد الأجواد .. رد علي وقال : قصة طويلـة !

( 2 )

حالته حالة ! وعيشته صعبـة ..
وحيد عايش حياته .. والله معطيـه من رزقه
قالوله وش تنتظر تزوج وبنت الحلال جاهزة .. قالوله أخطب وتوكل على الله !!
لكن باءت محاولاتهم بالفشـل !! .. علموه أن الزواج استقرار وان العيال نعمة الدار .. وهذي الحيـاة !
بس للأسف رفض وقال : أنا غير وطبعي غير وقصتي غير !
سألوه وش قصتك .. قـال : قصـة طويلـة !!

( 3 )

الإبتسامـة ما فارقت وجهه .. والفرحة ظاهره فيه كله !
وما أحلى الإبتسامة .. تشعرك بالراحة .. بالتفاؤل بالطموح ..تبعدك عن ضيم السنين .. وتنسيك غدر الأياام .. حلوة وعذبة وبدونها مدري كيف بنعيش !!
ياحلاتها في وجهه .. تشرح صدرك وتحبه !! .. قلت له : أشوف اليوم فرحان وش اللي صاار
رد علي وقال : شيء حلو جاني .. أزاح هم أيام خاويـة !! وسنين ماضية .. وشقى ليالي سابقة !!
الهم والغم رااح .. والحزن والألم طاار .. حققت مرادي .. وتحققت آمالي .. وعشت أنا وأحلامي !
ما فهمت له فقلتله : وضـح كلامك ؟
قـال : قصة طويلة !!

/
\

* ومـضـة بإيجاز لاختصار أعلاهـ *

أن أي شيء لم يأت محض صدفـة !!

/
\

بقلم : خالد K-1991-F الفيلسوف

T H U N A Y A N · #2 19/06/2008, 01:23 AM

الحياة. . . . قصة طويلة فيها الفرح وفيها الحزن

الحياة . . . قصة طويلة يوم لك ويوم عليك

باختصار هذه الحياة لاتعجب من عاشها

الفيلسوف شكرا

بقايا عطر ياســر.. · #3 19/06/2008, 02:25 AM

صح اني مافهمت شي
بس الحيااااه حلوه
ههههههههههههههه
وشكررررررررررررن

@$%alshlhoob%$@ · #4 19/06/2008, 02:41 AM

حكمة وقالها حكيــم مثلك

والف شكر لك.........

والحكمة عمرها ما تكذب

والحياة كذا يوم لك ويوم عليك

بس ما اقول الا الله يجعل ايامنا كلها فرح

(الفيلسوف) · #5 19/06/2008, 08:09 PM

ثنيان الزعيم : تعقيبـك زاد الكـلام روعـة والموضوع أنـاقـة .. تعقيب جميل حقاً !

(الفيلسوف) · #6 21/06/2008, 10:24 AM

بقايا عطر ياســر.. : شيء عادي عدم فهمك ! .. فالحياة هي من تجعلنا نتعلم والألم والهم والحزن والفرح والسرور دروس خصوصية ببلاش نستفيد منهـا !!

@$%alshlhoob%$@ : رد جميـل أعجبنـي .. أما الحكمـة فهي ( من أفواهـ المجانين فقط هع ) (( الله لا يجعلني مجنوون )) .. سررت بمرورك وتواجدك الأحلى من عبق الياسمين ! .

/
\

شكراً لمن شاهد الموضوع