اتمنى من الهلال ان يحظر الدوخي ويجلس في مقاعد البدلاء او اعارته للاندية الصاعده من الدرجة الاولى ليكون عبرة لمن يترك الزعيم ويرحل الهلال كبير بدون الدوخي ولانحتاجه لان الهلال اخذ كثير من البطولات بدون الدوخي لازم تقدرون ان الهلال لايتوقف على اي لاعب الهلال اخذ بطولات بدون سامي ويوسف والنعيمه والمصيبيح ونواف وغيره اخرون الهلال بطل وسيضل بطل في السعوديه واسيا .......................... |
إقتباس:
قام سمو الامير بالاتصال على البلوي وقاله الدوخي مانبيه |
انا احس من جماهير الهلال الي ماتبي الدوخي يرجع مااتوقع انه بوجهة نضرهم نامي افضل او العبد السلام اتوقع انه التعصب ليه يترك الهلال ياجماهيرالهلال فكروا زين وكبروا عقولكم والله مافيها شي اذا رجع الدوخي واتركوا عنكم التعصب الي مايودي ولا يجيب نتيجه حنا نبي مصلحة الهلال وبس مانبي تعصب راح فلان لنادي منافس خلاص مانبيه وشكرا |
الدوخي لاعب سبب جرح لجماهير الزعيم لن ننساه بسهوله ولكن الادارة الهلالية اذا رات ان عودة مفيدة فهي ادرا |
ياليل ماطولك انقلب المنتدى وكل مواضيعكم عن الدوخي اقسم بالله انكم حومتوا كبدي من هالسالفه كرهت المنتدى وكرهت النت وكرهت جهازي شكلي بكسره والسبه هالدوخي فكووووووووووووووووووووووونا من هالسالفة اناشد المشرفين حذف اي موضوع يتعلق بالدوخي وإدارة المنتدى تصدر بيان بموضوع الدوخي ونفتك من هالسالفه . |
والله ياخوي الدوخي ولا العبد السلام والعنقري... |
أشكرك أخي على هذا الموضوع كلامك عين الصواب بعدين الحمدلله عندنا لاعبين شباب مستواهم في تطور بلإضافة للمحترف البوليفي أعتقد انه يستطيع اللعب في مركز الضهير الأيمن الخلاصة يامعشر الزعماء أيام الدوخي مع الهلال إنتهت إلى غير رجعة واللي مصمم يبيه يلحقه الله لايهينه |
اجل تقارن الدوخي بالعنقري ولا نامي ولا عبدالسلام اللي مايعرفون اصول الترفيع!!!!!! حرام تظلم الدوخي بالمقارنة و حرام تسوي مقارنة بين الاثنين لأن فرق السماء عن الارض بين الدوخي والعنقري. ابي اسأل بعد ما طلع الدوخي كم مره شاهدنا ترفيعه من الظهير الايمن على رأس المهاجم بالمقاس اتوقع انها تنعد على الاصابع بعكس يوم كان الدوخي موجود انواع الاوفرات الصح والمضبوطة خصوص مثل العرضية اللي في نهائي اسيا مع جوبيليوا الياباني.. ثاني شئ اعتقد ان بنت تتكلم في امور الرياضه ومستوى الاعبين غلط في غلط من متى البنات صاروا يعرفون بأمور الرياضه ويحللون مستوى لاعب مثل الدوخي وظهور امر العاطفه عشان الدوخي ترك الهلال نبي نردها له ونقول مانبيك؟؟؟؟ الرياضه لا تدار بالعواطف وتصفية الحسابات الا هذا يعتبر تخلف رياضي.. وبعدين خلص يعني مستوى الدوخي في الاتحاد نزل يعني لاعب انتهى او ما نستفيد منه,, وغير كذا في مباراة مانشستر والهلال كيف كان مستوى الدوخي؟؟ مو أكبر دليل ان الدوخي يعطي ما عنده اذا لعب للهلال اكثر مما يعطيه اذا لعب لنادي غير الهلال اخيرا اقول خانة الظهير الايمن ورقم 2 مشتاقه لك يالدووووووخي كفاية تحسف على ذهابك اهلا فيك في بيتك الاول |
أختي بنت العشرين الدوخي صحيح ماحقق ألا بطوله وحده وهو أساسي لكن البطوله كانت أسيا (اللي إلى اللحين أنتي وكلنا كهلاليين نحلم نحققها ونتأهل للعالميه) وسجل هدف هذا يكفي وبعدين لو رجع وش فيها بالعكس يبي يرجع يبي يثبت أنه غلط ويبي يصلح غلطته وشوفي أعتزال سامي كيف بدع وأشاد فيه مدرب المان وبعدين بعد ماراح الدوخي كل موسم على الأقل ثلاث لاعبين يجربونهم بالظهير الأيمن وأنا من أكبر المؤيدين لرجعة الدوخي اللي طالما أبدعنا ومتعنا كهلاليين مانجي نمسح تاريخه مره وحده وصح كلام أخواني هذا أحتراف وزي ماراح الدوخي جانا مسفرالقحطاني من نفس الفريق اللي راح له الدوخي يعني مسفر يعتبر خان الفريق لا مسفر يدور مصلحته والدوخي يحسب مصلحته في الأتحاد وراح وندم إذا يبي يرجع يبي يرجع الأبداع بمركز الظهير الأيمن وشكرا |
إقتباس:
أعتذر من الأخوة لتأخري بالرد وأستميحكم العذر بأن ارد على رد هذا المخلوق النادر المسمى بالمهندس الهلالي:razz: 1-عندما قارنت دوخي بالعنقري او العبد السلام فقد قلت في مستواه الحالي واعتقد انك في سبات عميق قبل عشر سنوات عندما كان هناك لاعب اسمة احمد الدوخي يبدع وفي ريعان شبابة 2- ههههههههههه اذا كان مقياس حكمك على مستوى اللاعب كم رفعة يرفعها فهذه والله ام المصائب:upset: ولنعد للوراء قليلا ونشاهد اللاعب احمد الدوخي بدون تجريح لشخص اللاعب ولكن وجهة نظري انه دفاعيا او دورة الدّفاعي صفرااااااااااااااااااااا والعنقري والعبد السلام والياس ونامي افضل منه في الناحية الدفاعية وهذا رأيي ولا تستطيع يامن تدّعي العلم والتنظير والمعرفة ان تحرمني هذا,, اما كوني إمرأة ولا دخل لي بالرياضة وتصدر حكمك بالخطأ والصواب :nono: فأنا وعلى شهادة الجميع في هذه الشّبكة لن نتطرق للقادم ولكن لنستعرض مواضيعنا السابقة منذ فترة تسجيل كل منا , ونشاهد ماذا كتبت انت؟ يا سعادة المهندس وما كتبت انا؟ المرأة وبكل فخر وأثق انني افهم منك بكل ما يجري في الملعب رغم اني لم العب الكرة ابدااااااااااااااااااااااااااااااااااا... 3- يامن تدعي ان العاطفة هي السبب فكلامك مردود عليه لان عاطفتك التي اعادتنا 11 عاما لمباراة جوبيلو الياباني عندما كان هناك لاعب ارز باسم الدوخي اما بعد هذا العمر وتكرار اخطاءة التي دفع ثمنها فريقة كثيرا وللتذكير فقط عد لهدف الشلهوب قبل موسمين وعد الى هدف كرفنتشي وعد الى هدف ياسر الاخير في الاتحاد وهذا فيض من غيض على دور دوخي الدفاعي بعد مرحلة جوبيلو الياباني ..... 4- للجميع عندما ارفض اللاعب الكبير سابقا احمد الدوخي فلي اسبابي ولامانع من سردها ا-كبر سن اللاعب ومطلبنا وطموحنا يجب ان يكون اكبر من مستوى دوخي ب-ماهو الضرر الذي اصابنا بعد رحيل الدوخي؟ بالعكس دفّة الزعيم واصلة المشوار وحصدت الذهب تلو الذّهب ولم يخسر الا هو معنويا ؟ ج-اذا كان اختار طريقة وبطريقتة الخاصة وهو يعلم ما فعلة البلوي من طعن للزعيم ومن تحت الطاولة ورأى مدى تأثير مغادرة خميس العويران على الجمهور والادارة الهلالية ومع هذا وبنفس السيناريو يذهب و حتى حق الهلال ضاع مع الزحمة, ولتعلم يا هذا ان الزعيم لم يتخذ هذا الاسلوب سابقا فكل لاعب تم التفاوض معه عن طريق القنوات الرسمية ويحق لنا في الزعيم كجماهير انه عندما يرغب ناد في لاعب من لاعبنا ان يفاوضنا. ولتعلم يا هذا الجهبذ ان للزعيم سور عال ورجال كل الاندية تتمناهم ولن نتوقف على لاعب أستهلك او اصبح رجيع الاتحاد:upset: وان كنت تعتبر هذا الجانب هو العاطفي فاقولها وبكل تجرد مستوى لاعبك لا يشفع له بان نطأطيء الرؤوس من اجلة..... اتمنى ان تعي ماذكرت |
كلامك اختي كلام واقعي فعلاً الدوخي الان ليس كم كان وبعدين وش فيه العبدالسلام يبغى فرصه |
نرجع ونقول افضل من العنقري ومسفر وياسر وبعدين نامي وسط ايمن مو ظهير تقبل وجهت نظري |
اقول والله ماعندكم سالفه افضل ضهير بالسعوديه اكيــــد الدوخي وبعدين وش دخلكم يروح للي يبي ترا اللاعب ماهو ملككم اللاعب يدور مصلحته بس الرئيس وقتها ماعطاه اللي يبيه بس يوم راح استفادوا الاعبين بالعقود منهم الشلهوب والغامدي وعزيز خافوا يروحون مثل الدوخي سلملم |
إقتباس:
صـــح لســـانــك يابعــدي كلام سليم سلمت يمينك |
أنـآ من المؤيدين لوجهة نظرك أختي ,,, الدوخي انتهـى والله .. حرام يآخذونه الهلال وبعديـن لو يآخذ يـآسر اليـآس فرصتـه بيبدع توه صغير ووراه مستقبل مو زي الدوخي خلاااص انتهى تبقى وجهة نظر والإداره بتسوي اللي فيه خير للنادي تقبلوا مروري</B> |
الوقت المعتمد في المنتدى بتوقيت جرينتش +3.
الوقت الان » 12:47 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd