بـعـد كـل الـي صـار وتـقـولـون ((( ارجـــع يـــالـــدوخـــي ))) !! ويـن راحـت كـرامـتـكـم يـا شـعـب الـهـلال .. ؟! السلام عليكم الدوخي يبدي رغبته بالعودة للهلال !! والله انها قمة التخبط لو صدق هذا العنوان وتمت اعادته للزعيم خلونا نرجع ورى ونشوف تفاصيل انتقال الدوخي للاتحاد كيف صارت الهلال عرض على الدوخي ثلاث ملايين ووافق وكان ابو سلطان في ذاك الوقت جايب معه الثلاث ملايين (كاش) للنادي عشان يسلمها للدوخي ويوقع الدوخي بدون سابق انذار رفض الثلاث ملايين وما وضح للاداره سبب رفضه من بكره ولا الدوخي في مطار جده مع البلوي !! هذا مختصر القضيه .. بالله عليكم لاعب يبيع حب جمهوره بالطريقه هذي وش ترجون من وراه !! انا ما كنت ضد انتقال الدوخي لو كان بالطريقه الصحيحه لاكن انه يرفض وما يقول الاداره ان عنده عرض بخمسة ملايين من الاتحاد فهذي الي ما نرضاها لاعب باعكم يا شعب الهلال بالطريقه هذي تقولون نبيه يرجع !! وبالنسبه للي يقولون (لا تكابرون الدوخي افضل ظهير) انا ما اقول لا هو افضل ظهير في المملكه لاكن هذا كان اول والحين طاح مستواه بقووووووووووووووووووه وزياده على كذا عمره 33 !! كل هذا وتقولون ارجع يالدوخي !! ولو فرضنا في اسوء الاحوال ورجع الدوخي ولو مجاناً بالله عليكم كم راح يخدم الهلال من موسم !! زبدة الكلام .. راشد الرهيب هو مستقبل الهلال في الظهير الايمن ساميو 722 |
الرجال غلط ونادم على انه راح لنادي الأتحاد وغلط وكلبونا نغلط ونتسرع في كل شي صح ولى لأ ويضل الدوخي ابن من ابناء النادي وشكرا لكـ |
راشد الرهيب وقع مع ناديه بعدين هذا عصر الاحتراف الدوخي كان يدور مصلحته وادرتنا مادفعتلو مبلغ مثل اللي دفعتو للشلهوب والتمياط واتنكبنا في الظهير الايمن الى الان الدوخي يمكن كبر في السن بس نفس الخثران والمفرج يعني سنة وحدة وخلاص. |
الدوخي فنيا مايصلح ... ما يصلح ... ما يصلح .... كوارث الاتحاد جاءت بسببه واسألوا الشهيل عنه ياناس كبير في السن ... والله لو فيه ذرة صلاحية كان شفتوا النصر يتخطف حواليه |
إقتباس:
اذا كان راشد الرهيب وقع زي ما تقول فالمفروض اننا نجيب لاعب شاب مب شايب وبعدين بالنسبه لكلامك عن عرض الهلال الهلال عرض عليه ثلاثة ملايين وهو ما قالهم عندي عرض خمسة ملايين من الاتحاد لو كان قالهم وقالوا له الهلال خلاص بكيفك ما راح نزود كان ما قلنا شي لاكن انه يسكت وما يعلمهم فهذي ما نرضاها .. |
اذا عندك غير راشد الرهيب جبه ! راشد الرهيب وقع للاتفااااق من زمان ولاتنسى ان الاتفاق بعد بيدخلون في الاسيويه ومن حقهم يضبطون والوضع عندهم ويمسكون لعيبتهم احمد الدوخي لاعب كبير ويدور على مصلحة واحد جاه مبلغ مالي اكثر محد بيرفس النعمه الي جته ! خلونا واقعين شوي عندك احد غير احمد الدوخي !! !! ولاتبي العنقري يلعب ولا الياس ! اذا بتقول حسن معاذ هذا اذا فرطت فيه ادارة الشباب واتمنى انه يجي ويحل مشكلة الظهير يا أحمد يا حسن معاذ وبالتوفيق .. |
من باعنا بفلوس .. بتراب نبيعه :) الهلال مهوب مشروع خيري كل من طق عمره الـ 30 قال " ارغب باللعب في الهلال " :bigeek: مهوب هو الي سحب علينا وراح للأتحاد !؟ مهوب هو الي قام يتشرط على إداره النادي ويساوم حبه للنادي !؟ خلوا الاتحاد وفلوس البرميل الي راح يركض وراهم ينفعونه :d إقتباس:
ومن اول ما راح الدوخي وانا كنت اقول هـ الكلام .. الدعوه كل واحد يدور عن مصلحته :) لكن حنا كـ هلاليين مهوب من حقنا نبحث عن مصلحتنا !؟ مهوب من مصلحتنا نجيب واحد عمره بين الـ 20 او 25 يخدم النادي كم سنه قدام !؟ الدوخي عمره 30 سنه .. بيعطي سنه او سنتين ثم خلاص بيصير عاله على الفريق !! انا عن نفسي العب العنقري او نامي ولا يلعب الدوخي .. دام الدعوه فيها رجوع الدوخي .. ما اقول الا بحل يالعنقري ونامي :) |
مع احترامي لك لازالت عقليتك قديمه يا اخي احنا في عصر الاحتراف وش يعني اذا راح الاتحاد ويبي يرجع , مصلحة الفريق فوق كل اعتبار الشغله ما فيها كرامه ولاشي وقت تجديد عقد الدوخي كان عرض الاتحاد افضل وش المشكله يعني لاتنسى الى الان بفضل ادارتك الموقره ماهي قادره تعوض مكانه بلاعب ممتاز تخيل الفريق جاب خمسه لاعبين من خارج النادي من غير لاعبين النادي الي ما قدروا يعوضون مكانه وهذي اسمائهم عبدالرحمن العصفور - ياسر الياس - محمد نامي - خالد العنقري - مسفر القحطاني من غير لاعبين النادي وهم احمد الغنام - عبدالعزيز العبدالسلام وغيره واذا الاداره ماراح تجيب حسن معاذ اوعبدالله شهيل بعد ما طار الطريدي والرهيب انا اشوف ان الدوخي يرجع وشكرا |
بلا عصر بلا مغرب حسن معاذ يبغى الهلال لو ناخذ الرهيب سنه اعاره الدوخي مانبيه والله كل مأتذكر انتقاله للأتحاد يضيق صدري طالع مع الباب الخلفي حق النادي منحاش علشان يفرح منصور ابو البلاوي مانبي الدوخي ولو صار هاذا صدق اول سقطه في أداره عبدالرحمن بن مساعد |
إقتباس:
يعني مب شرط يكون لاعب محلي .. اتمنى تكون وصلت الفكره |
إقتباس:
وانت بعد مشكلتك ان عقليتك ما تستوعب الكلام الا اذا كررت لها الكلام وفصلت لها بالتفصيل المملل !! يا بابا انا اقول الدوخي ما قال للاداره عن عرض الاتحاد يعني هو مبيت النيه اصلاً للطلعه من الهلال اتمنى انك فهمت واذا ما فهمت الى الحين ارسل لي على الخاص عشان اعطيك درس تقويه يمكن تفهم !! :d |
يالربع الدوخي افضل من غيره صدقووني خلووه يجي ونفتك من عقدة الظهير الي جننتنا والدوخي راح يخدم ثلاث سنين وكثر الله خيره |
والله حسن معاذ أفضل وانسب وبيعطينا سنين كثيره لكن الدوخي والله انه انتهى وبعيد عن موضوع راح ولا ماراح الواحد يشوف اذا الاعب يلعب ولالا واللي صاير ان مستواه تعبااااان جدا وحتى كالديرون يطالب بالتنسيق حسن معاذ سريع ومهاره كبيره والمدرب الشبابي أول طلب طلبه لخالد بن سلطان انه يفك الأيقاف عن حسن ووافق ومن بعدها برز على طول وانضم على طووووول للمنتخب وغير كذا انه صغير سن لكن الدوخي اجيبه للنادي اجلس اعالج فيه بالعقل ياناس |
لاااااا لااااااا للعووودة الدوخـي الرجـاال وصـل 33 وماأعتقد عـندهـ شي يقـدمه والهـلاال لاازم يفكرر بلااعـب صغـيرر اللي يبيعناا بالرخيص نبـيعه بالترااب |
اهلاً الدوخي اثبت ان اكبر غلط في تاريخ الكره السعوديه التفريط به الدوخي عرض عليه محمد بن فيصل ثلاث ملايين صح بس الدوخي ما وافق ..,, لاعب بحجم الدوخي الظهير الاول بالمملكه في ذاك الوقت يعرض عليه 3 مليون لخمس سنوات ..,,!!!!!! بدليل ان الدوخي يستحق فالهلال خسر اضعاف المبلغ محاوله لسد الفراغ((عبدالرحمن العصفور - ياسر الياس - محمد نامي - خالد العنقري - مسفر القحطاني- احمد الغنام - عبدالعزيز العبدالسلام) عقد نامي لوحده كفيل بأن يجدد للدوخي عقده الهلال بعدها جدد للشلهوب ونواف وعزيز والغامدي بدبل ما عرض على الدوخي!!!!!!!!! السؤال الذي ينبغي ان نسأله انفسنا (( هل يقبل الدوخي بالرجوع بعد ما أهانه الهلال ..,,؟؟؟)) |
الوقت المعتمد في المنتدى بتوقيت جرينتش +3.
الوقت الان » 03:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd