|
ولـدتـك مـاتـت . بسم الله الرحمن الرحيم والسلام عليكم ورحمة الله وبركاتة في البداية ارحب ترحيب اشد من حرارة فصل الصيف هذا الايام لكل اخواني واخواتي اعضاء منتدى الزعيم مقصورة المجلس العام في قادم الايام تكثر الافراح والليالي الملاح لعدة اسباب حفلات النجاح و حفلات الزواج ( وفق الله الجميع ) وكل شي يحرك وجنتي الانسان لكي تعبر بابتسامة عن الفرح والسرور ولكن يتواجد في الاحيان ضيف ثقيل في اغلب الاحيان الاخبار السئية جدا (المصيبة ) هذه الاخبار التى تلغي كل انواع الفرح والبهجة وتقوم بتقطيعها ارباء لتحل مكان الضحك والابتسمات دموع تحرق العيون وصراخ وعيول الكثير منا انقلبت افراحه احزان وكل هذا مقدر من رب الاكوان يقدره الله عزوجل قال تعالى ( مَا أَصَابَ مِن مُّصِيبَةٍ فِي الْأَرْضِ وَلَا فِي أَنفُسِكُمْ إِلَّا فِي كِتَابٍ مِّن قَبْلِ أَن نَّبْرَأَهَا إِنَّ ذَلِكَ عَلَى اللَّهِ يَسِيرٌ لِكَيْلَا تَأْسَوْا عَلَى مَا فَاتَكُمْ وَلَا تَفْرَحُوا بِمَا آتَاكُمْ وَاللَّهُ لَا يُحِبُّ كُلَّ مُخْتَالٍ فَخُورٍ ) وقال تعالى : ( قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا وَعَلَى اللَّهِ فَلْيَتَوَكَّلِ الْمُؤْمِنُونَ ) ولذلك نطلب من الله ان يشد من قوتنا ويصبرنا على ما ابتلينا به. (( نقل خبر المصيبة فن )) الاغلب منا لا يملك فن نقل خبر سيئ الكل يستغرب الان ويقول هذا العضو متخلف كيف يكون الواحد عنده فن في نقل الخبر نعم ايه الاعضاء يجب ان يكون عندك فن يكمن هذا الفن في تخفيف الصاعقة التى سوف تنزل على مستقبل الخبر اما في وفاة او حادث او مرض لا قدر الله ابعدها عنكم جميعا يمنع بعد مشية الله الجزع وهو اشد من الخبر نفسة ( انا ما عندي هذا الفن ) في يوم من الايام كنا اربعة اصدقاء في اجازة قصيرة وكنا وقتها خارج حدود الوطن وصولنا لم يدم ساعات حتى وصل خبر وفاة ام احد الاصدقاء رحمها الله ولم نستطيع نقل هذا الخبر له وثلاثتنا نتعازم من اجل نقل هذا الموضوع :surprised: وتم الاتفاق على انه ( انا ما اقدر شف لك حل ) وبعد شد وجذب ومداولت وضع اتفاق جديد وهو وضع قرعة ( مصرقعين ):d والذي تقع عليه هو الذي يخبر صديقنا وقعت القرعة حسبي الله في المرة الاولي علي انا وعارضت وقلت نعيد القرعه :naughty: علي انا مرة اخرى وعارضت وقلت نعيدها اخر مرة ومازلت مصممة القرعه انه تكون علي انا :upset: ومن فرط الزعل والغضب على القرعه الملعونه ذهبت الى الصديق الذي توفيت ولدته ومستكه بيده بعنف وادختله دورة المياة ( اعزكم الله ) وكان كالحمل الوديع :bigeek: ( يا حبي له ) واجلستة تحت المروش وسط البانيو وقلت له بالحرف الواحد يا عبدالله اسمع انا واحمد و ابراهيم ما ندري وش نقولك بس ولدتك تطلبك الحل توفيت هذا اليوم . لم انتظر اي تعبير يصدره فتحت الماء البارد ( كان وقت الشتاء) عليه وخرجت واغلقت الباب من خلفي. خرج بعدها كانه خرج من محيط عيون حمراء من البكاء ملابس تقطر من المياه فترات من البكاء والضحك الهستيرية كل من ينقل الاخبار السئية يطلق عليه وجة الشؤوم او وجه البوم او غراب البين سميت ان بعد ذلك الموقف وجه البوم المجنون اصبح عبدالله كل ما اراد ان ينقل خبر مصيبة يتصل بي ويضحك نعم اخواني واخواتي الاخبار السئية يجب ان تكون بفن ودقة حتى لا يطلق عليك لقب يلازمك مدى الحياة وابتعدو عن ما حدث معي ولا تحاولو ان تطبقوه واتمنى من الاعضاء الذين يحملون خبرة في نقل الاخبار السئية شرح طريقه مبتكره في نقلها واتمنى كذلك ذكر اخر خبر استقبله ونقله .؟؟ |
صحيح اخي وجزاك الله خير ع هيك موضوع كثير رائع اخر خبر انا بعثة لاخواني بوفاة بابا الله يرحمه http://www.x66x.com/download/6314857c74841941.gif كنت عنده بالمستشفي واخواني بالشغل طبعا حكيت مع اخي اصغر منى تعال بسرعه بابا بدوا اياك سالني في شى خبرته لا بس بابا بدوا اياك http://www.x66x.com/download/35264857c7091b757.gif وكان وقتها بابا متوفى بس خفت على اخي انه يعمل حادث بالسياره حاولت اني اسيطر على نفسي بعض الشى وفكرت باخي لانه الوالد الله يرحمه ما بدي اخسر اخي ايضا الله لا يرحم ابن من ابوه يا رب http://www.x66x.com/download/26794857c5fdcec25.jpg |
بارك الله فيك أخوي وصراحه الواحد وقت المصيبة ما يقدر يمسكـ أعصابه الا ما شاء الله |
إقتباس:
اختي شعاع مسقط احسن الله عزاك في ولدك رحمة الله علية واسكنه فسيح جنانه وكذلك احترم فيك قوتك وحسن تدبيرك في ايصال خبر الوفاه الى اخيك الذي لو كان وقت ما حدث لك للكثير غيرك لسبب مصيبه اخرى اكرر شكري واحترمي لك |
إقتباس:
ويبارك فيك بعد هنا مربط الفرس ولذلك نطلب من الله دايما انه يثبتنا عند وقوع هالمصائب شكرا لك اخوي قاهر أسيا الآوحد |
والله شف ياوجه البوم المجنوووون>>انجلد والله ان معك حق باللي قلته وبصراااحه انا فنان في نقل الاخبار السيئه>>امحق لا والله بصراااحه انا زيك ماعرف وشكرا تقبل مروووري |
إقتباس:
تبي الصراحة الحمد لله انه كان (الصديق ) هذا كان جسمه كانه (عصيفير) طبعا اصغر من العصفور شوي انشاء الله نبي نحصل احد يعلمنا الشكر موصل لك اخوي بقايا عطر ياســر.. |
بعد السلاااام والتحية... اخوي قبل المصيبة وبعدها تلقى الحكم و والكلام الراقي....لكن هل اذا وقعت المصيبة يكون العقل موجود؟؟ اعتقد والعلم عند الله ان وقت المصائب العقل يتلاشى من مكانه...ومثال على ذالك ترى من تقع عليه اي مصيبة يتصرف تصرفات غريبة وبعد المصيبة يندم ويتمنى انه لا يفعل ذلك.... .الذي خلها يندم ان عقله رجع اليه... قصدي وقت المصائب العلوم والطرئق الي نتعلمها تروح وتختفي والله يثبت عقلونا في اعظم مصيبة (الموت) ونعرف نقول الي تعلمناه.. الفكرة وصلت ولا انا خرجت عن الموضوع؟؟ |
الله يهديك مالقيت الا دورة المياه اعزك الله تنقله الخبر فيها :d صحيح انك وجبه البووم :d انا ماعمري نقلت خبر شين .. :razz: دايم وجهي فـال خيـر على الخير مو مثل غيري:naughty: عظم الله اجر صديقك ,, والله يرحم والدته .. ويرحم اموات المسلمين ..:smilie47: |
كنت أعمل في قسم ( شؤون المرضي ) في المستشفى التخصصي ... وكان من ظمن اعمالنا اللى نقوم فيها إخبار الأهالي عن وفاة أقربائهم .. سواء الحوادث أو اللى يروحون بغلطه عملية .. او لأي سبب .. حتى كنا ننزل مع اقرباء الأهالي لثلاجة الموتي للتعرف على الميت من قبل أهل الميت !! كنت اعاني .. وبعد المعاناة صار عندي تبلد إحساس .. يعني عادي اقولك امك ماتت وانا أكل علك :razz: وإلا اقولك ( خف مي فايف ) ترى ابوك صار عليه حادث ومات :bigeek: التبلد مشكلة ... طبعا طلعت من هالقسم .. وارتحت لكن مازلت اعاني من تعابير وجه اقرباء المتوفى عند اخبارهم بالخبر السيء ؟ وجدتي الله يطول بعمرها مره سوت معي حركه مالها داعي :razz: كنت نايم .. وتصحيني .. قم قم .. قم شف فلان مات !! :bigeek::bigeek: وهالرجل عزيز علينا .. طلعت ولبست ثوبي .. وغسلت نص الوجه .. وهي تصيح وين تبي .. قلت بروح اصلي عليه .. وهو بديرة .. وانا بديرة .. بس من الرجة مدري وش الموضوع .. طلعت بالسيارة واخذت لي دورة ورجعت .. بعدين تأثرت وحزنت :razz: اللى يعين الشخص اللى يبغ بخبر سيء .. لابد يحمل مواصفات عاليه .. وصبور . لانه اتحمال يجيه ( كف ) خطافي . يعطيك العافية ابو سعود بس غلطان تودي شخص بتعطيه خبر سيء للحمام .. الله يعزك ؟ افرض انهبل .. ولا صار له مشكلة من اللى انت خابر المفروض يكون جالس .. وتقراء عليه او تخلي احد يقراء عليه ... اذكر عجيزنا تقول ( الله يهبطه بإسمه ) |
وعليكم السلام وصادق ياخوي نقل الاخبار السيئه يبي لها اسلوب معين انا سبق وان تلقيت اكثر من خبر سي ولكن سوف اذكر لي موقفين وكيف تم نقل هالخبرتين لي وهي : جاني اتصال وانا بالسوق كان وقت العيد واللي متصله علي تبي تبلغني بالخبر وما تقدر تصبر لا اظن انها داخله في مسابقه من يوصل هالخبريه لي وبعد ما وصلت لي في احد المحلات قالت بصوت مسموع قدام الناس هالخبريه والمصيبه تضحك واللي ماعرفهم جلسو معي ويواسوني وهي تفرج علينا ..... اما اخوي الكبير الله يهديه ماعنده اسلوب بنقل الخبر ايضا:اتصلت على جوال والدي واذا تفاجى اخي يرد علي فسلمت عليه وقلت اجل جوال الوالد معك اليوم ..قال هو ابوي طاح علينا وجاء الاسعاف وخذوه والحين بحاول انقله من المستشفى العسكري الى التخصصي ولو اني ادري انهم بيلعبون فيه ...قسم بالله ساعتها كنت خارجه من الجامعه اني ادخل بين الرجال وامشي كاني بين نساء واقطع الشوراع وانا مو حاسه بنفسي شافني اخوي الصغير وهداني ووداني الى ابوي وكانوا الاهل ينتظرونا لان الوالد كتبو له خروج ........شف الفرق بين اخواني :الصغير عمره 15 والكبيرعمره 32 واجادة نقل الخبر ماتعتمد على كبير ولاصغير ...واصعب شي لين بلغوك الخبر اعداءك ..وانت في نقلك الخبر افضل من غيرك .. تقبل تحياتي وبالتوفيق لك. اختك:عطر الصمت |
احد الطرق ان تقول له انها في المستشفى حالتها خطره وبعدها بساعتين تعطيه خبر تشــــــاو |
الدنيا بلووو صباح الخير و الله يعطيك العافيه متميز ما شاء الله عليك بصراحة ما أحب أنقل الأخبار الشينة مررررررررره لأنها صدمة كبيرة و نقلها فن و للأسف لا أجيد هذا الشي . دمتم لنا بالإبداع . |
إقتباس:
وعليكم السلام اخوي الحربي 2004 في الكثير من الكلام اللي انت قلته صحيح بس اختلف معك اوقولك انه في ناس لما تقع عليه مصيبة وخاصة ( الموت ) تحصله متماسك و قوي جدا والقوة هاذي نابعه من الايمان اللي في داخله البعض يتخيلها قسوة قلب ولكن هذا الاعتقاد خاطي شكرا لك اخي |
إقتباس:
اختي باسكن روبنز يحمد ربه انه في دورة مياة في فندق خمس نجوم :naughty: لانه اخاف يسوي فلم امريكي ويقهد يكسر اثاث السويت واللي خلني اصير وجة البوم المجنون ( القرعه ) :d لازم يجيك يوم من الايام وتوصلي خبر مفعج ولذلك استعدي من الان الله يجزاك خير وشكرا لك اختي |
| الوقت المعتمد في المنتدى بتوقيت جرينتش +3.
الوقت الان » 02:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd