#1  
قديم 13/04/2002, 12:54 AM
زعيــم مميــز
تاريخ التسجيل: 14/08/2000
المكان: الرياض
مشاركات: 2,890
تكفا يأبو يعقوب .. الله يرحم والديك ودنا تحشه !!

بالامس تكلم شيخ الرياضيين .. وقال عن فهد المصيبيح ما يسجل بإحرف من ذهب للمصيبيح .. (( وسأحضر تسجيل لما قاله الشيخ أبو مساعد )) ..

واليوم .. تحدث يوسف الثنيان عن المصيبيح .. واعتبر يوسف احترم نفسه واحترم العقلاء .. عندما امتدح المصيبيح وقال انه كان غاضب جداً من الحملة التي تم شنها على المصيبيح وقال ( كان ودي ادافع عن المصيبيح واوقف معه)..

@@

الغريب .. ان بعض الاتصالات .. كانت تتوسل للثنيان .. ومابقى الا تقول تكفى يا يوسف الله يرحم امك وابوك وجيرانكم حش فهد الله يرحم والديك !!!

تخيلوا المصيبيح هو من يدير ماتورانا ولوري وكامبوس !!!!!!!!!!!!!!!!!! وهو من يفرض عليهم اشراك لاعب وابعاد لاعب ..

@@

والغريب ايضاً .. والا خلوها بعدين ..

@@

بس تكفى يابو يعقوب .. اللقاء الجاي حش فهد الله يخليك ..
  #2  
قديم 13/04/2002, 12:58 AM
زعيــم نشيــط
تاريخ التسجيل: 15/09/2001
المكان: الرياض
مشاركات: 994
صدقت يا قاهرهم يا سامي

بس ابو يعقوب عرف كيف يرد

لو عامل في نادي الهلال ما داوم قالوا هذا المصيبيح اكيد له دخل

اخر تعديل كان بواسطة » أحبك يا سامي في يوم » 13/04/2002 عند الساعة » 01:01 AM
  #3  
قديم 13/04/2002, 01:08 AM
زعيــم نشيــط
تاريخ التسجيل: 17/12/2000
المكان: الرياض
مشاركات: 768
والله كلامك صحيح يا بو هيا ..
ها الجماهير ما أدري وش تبي وش يعجبها !!!!!!
الفريق ماشي صح بطولات اسيويه وتصدر الدوري ؟؟
والجماهير تنقد وتسب هذا وتمدح الثاني !!
وش يعجبهم ؟؟؟ احمدوا ربكم اجل لو انتم تشجعون غير الهلال وش تسون ؟؟ لا بطولات ولا لاعبين يفتحون النفس ؟؟؟
  #4  
قديم 13/04/2002, 01:14 AM
زعيــم نشيــط
تاريخ التسجيل: 29/12/2001
المكان: marocco
مشاركات: 710
يا قا هرهم يا سامي يعني لو تكلمنا في المنتدى نبي نضر في مسيرة
الزعيم وجن الملاعب حنا نتناقش في قضية صحيحة لا جدال فيها
والامير هذلول خير دليل....
....................................................................................
  #5  
قديم 13/04/2002, 01:14 AM
زعيــم جديــد
تاريخ التسجيل: 29/12/2001
مشاركات: 33
تكفا يأبو يعقوب .. الله يرحم والديك ودنا تحشه !! افا بس افا ياقاهرهم

واللة طحت من عيني لهاذي الدرجه متحامل على المصيبيح لا حبيبي المصيبيح يكفيه فخر انا لاعب القرن صالح النعيمة امتدحه وافتخر فيه وقال انه الرجل المناسب بالمكان المناسب تجي انت ياقاهرهم وتقول هالحكي..!!!



حبيبي اذا مو عاجبك المصيبيح من يعجبك لاتكون تبي روستر دوير او كوسكي فيدرن حبيبي المصيبيح مافي منه بالوقت هذا صحيح هو شديد لكن الشده هاذي مفيده بالذات للاعبين الجد ...



اسف اذا شديت بكلامي بس اذا طلع هالكلام من شخص كبير مثلك مقدر اقول الا كذا ..

وتقبل تحياتي........
  #6  
قديم 13/04/2002, 01:16 AM
زعيــم نشيــط
تاريخ التسجيل: 18/03/2001
مشاركات: 775
والله يابو هيا
هذا اللي اسمه (العلي)

تقدر تقول يا انه مدرس مطالعه ومحفوظات
او انه طالب شكل مدرس المطالعه هو اللي يخليه دايم يقراء
مطالعه للطلاب
والله وهو يتكلم تذكرت المدرسه وحصه المطالعه
  #7  
قديم 13/04/2002, 01:17 AM
زعيــم مميــز
تاريخ التسجيل: 30/11/2001
المكان: الرياض
مشاركات: 2,181
والله المصيبيح ما يستاهل السب اللي يجيه
  #8  
قديم 13/04/2002, 01:18 AM
الصورة الرمزية الخاصة بـ الفيصل الهلالي
عضو إدارة الموقع الرسمي لنادي الهلال
ومشرف مكتبة الزعيم للوسائط المتعددة
تاريخ التسجيل: 21/03/2002
مشاركات: 4,468
تحياتي لك يا قاهرهم يا سامي
بالفعل كان فيه اصرار كبير من اجل ان يتكلم الثنيان على فهد المصيبيح
على الرغم من ان الثنيان قال في بداية اللقاء انه يحترم المصيبيح
وانه تضايق جداً من الحملة الموجهة ضد المصيبيح

على فكره ليش ما يصير المصيبيح هو المدرب بدل ما يدفع النادي
مبالغ كبيرة للمدربين العالميين اذا كان هو يتحكم في تشكيلة الفريق

الاخ جاهم نواف الظاهر انك فاهم غلط

اخر تعديل كان بواسطة » الفيصل الهلالي في يوم » 13/04/2002 عند الساعة » 01:21 AM
  #9  
قديم 13/04/2002, 01:29 AM
زعيــم فعــال
تاريخ التسجيل: 27/02/2001
المكان: اعيش في مدينة نعم اعيش
مشاركات: 309
تسلم يابومشعل

ابوفر عليك الرد على

الاخ جاهم نواف

ابو مشعل يقصد التندر والسخريه
بمن ينتقدون المصيبيح

عرفت القصد

الظاهر انك قريت الموضوع وانت مستعجل
او انك فهمت غلط


اخوك
ابوطلال
  #10  
قديم 13/04/2002, 01:44 AM
مشرف سابق في منتدى الجمهور الهلالي
تاريخ التسجيل: 26/12/2000
المكان: السعوديه,الظهران
مشاركات: 3,807
شف شف انت الثاني ,,,,

حنا ناقصين !! خلاص ياخي وش فيك انت , المصيبيح وشهد له الجميع , تجي انت وتترجى ابويعقوب يسبه !!!!!!!!! ليه ياخي ؟؟

اخوي ابو هيا انا ادري انك ماخذ موقف من المصيبيح ( لدوافع شخصيه بحته ) واعرف انك كنت تتوقع وتنتظر على احر من الجمر ان ابو يعقوب يحش في المصيبيح علشان تكون عندك فرصه التعبير عن مافي نفسك تجاه فهد.

النعيمه وشيخ الرياضيين , وقبلهم عبدالله سليمان , وبعدهم ابو يعقوب ,

يعني اللي قبل واللي بعد ما وضحو لك الصوره بشكلها ( الصحيح )؟؟

ياغالي لابد من المنطقيه , المصيبيح ( تعرض ) لأمر ما من شخص ما وانتهى الامر الى ان فهد بريء مما نسب اليه ,,,,,

صحيح ان الجميع قالو ان فهد ( نظامي ) ولا يمشي معه الاعوجاج , وهذا هو عيبه الوحيد , وان شاء الله انه مع الايام بتغير , وبيصير ( ملوِّس ) يعني بيخلي الدرعى ترعى وهذا كله من صالح الهلال ومن زود حبه للهلال وهذا اللي يهمنا ,,,,

تحياتي لأبو يعقوب ,,,
  #11  
قديم 13/04/2002, 01:44 AM
موقوف
تاريخ التسجيل: 07/04/2002
المكان: الظهران
مشاركات: 985
يا قاهرهم يا سامي
تعجبني بصراحتك بس ابو ناصر ما نبيه
يقول شي الا بعد نهاية الموسم عشان الهلال و الا وش رايك
  #12  
قديم 13/04/2002, 01:45 AM
الصورة الرمزية الخاصة بـ الإعصار
عضو ادارة الموقع الرسمي لنادي الهلال
تاريخ التسجيل: 13/08/2000
المكان: الرياض
مشاركات: 6,156
أبو مشعل الظاهر الرجاجيل صكوك بعين غير طبيعية

مستلمينك عشان كثرة مواضيعك وطولها منشطات منشطات

الظاهر هذا أقصر موضوع لك أقراه


للأسف فاتني لقاء الثنيان لذلك أعتذر عن التعليق

ترى كل هالصياح لاعتذاري عن التعليق
  #13  
قديم 13/04/2002, 01:48 AM
زعيــم متواصــل
تاريخ التسجيل: 13/08/2001
المكان: * الزعيم .. العشق الأزرق *
مشاركات: 108
تحياتي يالغالي ابومشعل

صدقت لله درك ويسلم عمرك يالبناخي

@@ المشكلة والادهى والامر والطامة الكبرى هي ان الغالبية

يرى بمنظار واحد ،، ومع الخيل ياشقراء

وكله بكوم والتخلف وعدم الوعي وادراك الحقائق بكووووووووم

@@ صحيح قهرناهم واتعبناهم وذوقناهم الضغط والملح والسكر

واولهم النثراويين لكن ضاقت بنا فرحتنا وغبطنا انفسنا وصرنا نتهادى

ونقدم لبعضنا السم وماهو اسوا ويهون الضغط والسكر عنده ولا

بعدعلى طبق من ذهب ومعه احلا الشرتحات قصدي المقبلات ..


ياعمي يابومشعل وسع سدرك بس ورضاء الناس غاية لاتدرك

واهم شي ان الانسان نفسه على صح واقتناع ومايغش نفسه قبل يفكر

ولو مجرد تفكير بالغش والضحك على الدقوووووون

اسف على الاطالة وفائق تقديري واحترامي لك

ذهب
  #14  
قديم 13/04/2002, 01:51 AM
نائب رئيس مجلس الجمهور الهلالي في الشرقية
تاريخ التسجيل: 13/01/2002
المكان: في اي مكان يتواجد به الهلال
مشاركات: 6,046
تصدق ان بعض هؤلاء الجماهير لم يدخلوا ملعب النادي وهم ينقلون
ما يسمعون وهذا اللي حدث مع الكابتن فهد المصيبيح 00

بس انا مع الشيخ ابو مساعد , في التفرغ للفريق الأول او الشباب والناشئين 00
  #15  
قديم 13/04/2002, 02:05 AM
مشرف سابق في منتدى المجلس العام
تاريخ التسجيل: 14/08/2000
المكان: london
مشاركات: 5,679
هلا ابو مشعـل
يعني بالله عليك هذا وقت مناقشة المصبيح هو على صح ولا غلط ؟
يعني الـموسم خلاص قرب ينتهي ، و الزعــيـم تبقى له مباراة نهائيه وينتهي و يجي ينــاقش المصبيح يحارب و يفرض كلمته على المدرب !!

انا مدري هل اداري يقدر يفرض كلمته على المدرب ويقول هذا لالالا لا تـلعبه !! بيقوله المــدرب عسى ماشر تعال درب احسن !!
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:32 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube