|
تحذير لمن يرتادون مشغل لبنى بالرياض؟؟ منقوووووووول هذا ماحدث في مشغل لبنى " للتحذيرفقط" ------------------------ اللهم استرنا فوق الارض وتحت الارض ويوم العرض وقسسسم رعببب حسبي الله عليييهم وقسم كثرة الأجاانب جابت لنا البلا بنات حكاية مشغل لبنى صحيحة ..وربي يشهد ماعليه اي افتراء او غيره .. انا من كم اسبوع شهدت سالفه صديقة صديقتي اللي تورطت معهم في المشغل ومن جد انتبهوا بنات ترى صاحب المشغل طلع من كل الاتهامات مثل الشعرة من العجينة حتى تخليوا علية ادله ,,ومع ذلك طلع منها فبليز انشروها لكل وحده معكم خصوصا انه المشغل مره كبير ومعروف ولسه ماتقفل,, ياارب استر علينا وعلى كل نساء المؤمنين هذا ماحدث بالضبط في مشغل لبنى النسائي في الرياض في حي الريان بالقرب من مستشفى اليمامة سأتكلم بالعامية حتى يفهم عليه الجميع و والله الذي لا اله لا هو ان ما اقوله ليس افتراء على المشغل او كذب او مضيعة وقت فوالله ان هذه الورقة التي وصلتك أخي واختي الكريمة استغرقت وقت كثير لكتابتها وجمع احداث اكثر حول هذا الموضوع لتأكيد الأمر والموضوع هو كالتالي: ' اختي الكريمة مااعتقد انه فيه امرأة الى الان ماتعرف هذا المشغل الكل يعرف هذا المشغل الكبير اللي يضم مايقارب 70 عاملة من جنسيات متعددة ' السورية والمصرية والسعودية والفلبينية والحبشيات والاردنيات والمغربيات ........الخ من الجنسيات اللي دخلت هالبلد وسوت فيه اللي مايتسوى......طبعا مو كلهم بس...!!' انا بنت مدرسة في مدرسة اهلية وفي مرة من المرات كنت جالسة جنب وحدة من اعز صديقاتي انسانة محترمة امينة على السر وخشية تخاف الله في جميع امورها وهذا اللي خلاني اتشرف بمصادقتها واسال الله ان تدوم هذه الصداقة الطيبة المهم صديقتي هذه كانت جالسة وضااااااايق صدرها قلت لها وش فيك ياسارة قالت متضايقة شويه قلت لها عسى ماخلاف قالت والله سمعت سالفة ضيقت صدري قلت ممكن اعرف السالفة ؟؟ واذا فيه احراج لا تقولين لي... قالت لا بالعكس لازم تعرفين السالفة '' قالت يوم الخميس زارتني وحدة من جاراتي وكانت مصرة على انها تزورني المهم انها جات جارتي وضاااايق صدرها وقلت في قلبي لتكون متزاعلة مع زوجها !! المهم سألتها قلت وش فيك يافلانة متضايقة وفي فمك حكي قالت جارتي اسمعي هذه سالفة صارت تقريبا قبل اسبوع لناس من جماعتنا قريبين لنا والله انها ضيقت خاطري وحسيت بالقهر وهي ناس من جماعتنا كان عندهم ملكة لوحدة من بناتهم المهم في يوم الملكة في العصر تقريبا راحت البنت اللي ملكتها في نفس اليوم مع امها ووحدة من خواتها لمشغل لبنى النسائي'' أقصد مشغل الدعارة وبيع البنات وبرخييييص بعد'' المهم جات البنت عند الكوفيرا وقالت لها انا اللي حجزت عندك وملكتي اليوم وابيك تصلحين لي الماكياج قالت الكوفيرا تفضلي وراحت الام عند كوفيرا والاخت الثانية عند كوفيرا ثانية كل وحدة عند كوفيرتها الخاصة اللي حجزت عندها من قبل ويوم جات تجلس العروسة حتى تسويها الكوفيرا الماكياج قالت البنت لو سمحتي معليش بروح اتوضا وارجع عشان تسوين الماكياج مرة وحدة قالت الكوفيرا '' ناطرتك'' المهم دخلت البنت دورة المياه وتوضأت ويوم طلعت من الحمام قالت لوحدة حبشية من عاملات المشغل ' لو سمحتي فيه منديل '' قالت الحبشية ' شوفيه جو هالغرفة دخلت البنت وبكل براءة الغرفة والحقيها يالحبشية وبخت عليها بخاخ منوم وقفلت الغرفة عالبنت ...المهم الكوفيرا اللي بتسوي البنت قاعدة تنتظر وتنتظر يوم ملت راحت سألت أم البنت قالت لو سمحتي وين بنتك ؟ بنتك طلعت من عندي قالت بروح اتوضأ والى هلا ماإجات الام انهبلت وين بنتي وتدور بالمشغل وتسأل الحبشيات والعاملات وين بنتي ؟؟ بنتي دخلت المشغل ولا أدري وينها قالت وحدة من الحبوش'' ماندري دوري لها هذا المشغل قدامك '' وتدور الام والاخت عن بنتهم ولا لقوها ويدقون على جوالها ولا ترد يوم دقوا على الاب وعلموه السالفة قام الاب دق عالشرطة والشرطة جابت هيئة وداهموا المشغل وجابوا حريم من الهيئة دخلوا وفتشوا المشغل يوم جو يفتحون وحدة من الغرف لقوها مقفلة طلبوا من العاملات يفتحونها رفضت وحدة منهم قالت لا هذه غرفتي الخاصة ولا احد بيدخلها المهم حاولوا انها تفتحها رفضت يوم كسروا الباب بعد فترة من المحاولات لقوا الغرفة فاااضية وفيها شباك ماعليه شبك ولقوا صور مجلات خليعة وصور ماتنشااااف '' والهيئة بعدها مادري وش سوت!! المهم تقول جارة زميلتي البنت دقت على اهلها بعد ايام وقالت تعالوا خذوني انا قدام معهد نيوهورايزن وبالفعل لقوها مرمية حول المعهد في حال يرثى لهاااا'' طبعا جارة زميلتي تقول 'انا صار لي موقف مع المشغل نفسه بس مافهمته الا بعد ماصار اللي صار مع بنت جماعتنا وهو'' اني رحت للمشغل مرة مع بنتي الصغيرة 9.سنوات المهم طلبت كوفيرا تستشور شعربنتي المهم والكوفيرا تستشور بنتي عينها يمين وشمال ولاهي حول الشغل قلت لها لو سمحت خلي عينك عالشغل المهم والكوفيرا مازالت تتلفت يمين وشمال والاسشوار كان زي الزفت المهم قامت الكوفيرا مشطت بنتي بسرعة وغطتها بالشيلة وقالت '' مدام خذي بنتك واطلعي هلا'' واني اقول لها ليش ؟؟ وليش سشوارك كذا مو زين ؟؟ قالت مدام احسن لك خذي بنتك واطلعي'' تقولي كذا وعينها يمين وشمال المهم طلعت ذاك اليوم ولاني دارية ليش سوت كذا ولا عرفت والله الا بعد ماصار اللي صار لبنت جماعتنا...''...هذا دليل على ان جميع العاملات عارفين وش قاعد يصير بس مايقدرون يتكلمون خايفين يخسرون وظايفهم وهذا دليل ان هناك شباب واولاد عائلات الله حسبنا عليهم قاعدين يلعبون بشرف هالبنات البريئات وللعلم ترا خلف المشغل منطقة خااااالية شبه صحراء '' مقطعة'' الله العالم وش قاعد يصير فيها ووالله اني ماكتبت هذه المقالة الا حتى كل اللي كانوا يرتادون هالمشغل يقطعون روحتهم له وترا المشغل اسعاره رخيصة ومعقوله وهذه من ضمن سياستهم حتى يخلون الطيب والبطال يجييهم وهم عاد ينقون الفريسة... رسالتي الى كل من يقرا هذه الورقة ان يوصلها لامه لاخته..لزوجته...او لبنته..ورسالتي ايضا ان لا تتوقف هذه الورقة عندك فقط ايها القارئ بل انشرها لكل من تعرف حفاظا على بناتكم....'' نصيحة '' ونصيحة اخرى للاخوات الكريمات انتبهوا من المشاغل الكبيرة انتبهوا انتبهوا والله انها اكبر من يتاجر ببنات المسلمين وخاصة السعوديات فهناك من يحقد علينا حقد دفين والله حسبي عليهم>'' فاعلة خيـــــر'' مـــــنــــــقــــــول للـــفـــائــــدهــ اتمنى ان لاينقل الموضوع لقسم اخر لكي يراه الجميع وينتشر بسرعه. |
لا حوووووووووووووووووووول و لا قوة إلا بالله حسبنا الله و نعم الوكيل اللهم آمن روعاتنا و استر عوراتنا يا رب العالمين |
أقسم برب الجلال إن القصة نصب في نصب أنا ما أكذبك أنت لا و الله و حشاك يا الغالي اللي مطلع القصة خاطئ و أنا على أتم الإستعداد أتقابل مع أي واحد و عند المشغل ...... لأنه يكفي ظلم و يا كثر الإشاعات اللي سمعناها ... أول شي صاحبة المشغل حرمة و أخوها صديق خويي مره زين و كل يوم صاحبة المشغل تجي شوي و تمشي و معها بانوراما يوقف بالزاوية عند المشغل مع السواق و اللي مو مصدق يروح يسأل السواق طلعت إشاعات كثيرة على المشغل و أنا كنت مصدق لكن بعد ما عرفت الحقيقة عرفت إن المشغل شريف و بسبب الظم هذا المشغل قاعد يدخل ذهب . و الله على ما أقوله شهيد ... |
انا لا اعرف مشاغل الرياض ولا لبنى ولا شي لكن .. لا اصدق مثل هالقصص .. اغلب القصص الي في المنتديات كاذبـة لتشويه سمعـة نـاس .. لصالح ناس اخرين .. لكن ياويلهم من الله يوم الحسـاب .. مشكـور اخوي وجزاك الله خيــر .. |
معليش أخي الكريم مادخلت راسي هالقصه مع أني ماني من اهل الرياض ولا أعرف المشغل بس سالفة البخاخ هي أذكرها قديمه يعني ماعندهم الا هالبخاخ طيب ماقلت لنا يتاجرون فالبنات كيف فاتحين جراره والبنات مغما عليهم ماتجي هذي ماقول غير حسبي الله ونعم الوكيل ترى هالكلام راح تحاسب عليه يوم القيامه |
والله اني سمعت عنه كلااام كثير لكن وين الي يفكر الله المستعان مشكوور أخوي ناقل الموضوع |
لاحول ولاقوة الا بالله ..وحسبنا الله ونعم الوكيل.. معقول يصير هذا بلدنا وين الرقابه على المشاغل .. طيب ياخوي ليه مايشكون اهل البنت للاماره وهم ماراح يقصرون اظن ان اصحاب المشاغل معد عندهم امانه على بنات المسلمين لمشاغلاهم فهذه مسوليه وان فلت من العقوبه من البشر فلن يفلت من عقوبه ملك الملوك [يمهل ولايهمل] ودام العاملات في المشاغل لايغطون الوجه ......ليه ماندخل بمحرم .. حسبي الله ونعم الوكيل الله اعدل واكرم الله يريهم في انفسهم واموالهم واولادهم سندعهم والله حسبنا وحسبهم .....هذا دعاء مهم ياخوان وعقوبته تشمل النفس والمال والذريه لكل ظالم تقبل ردي والله يجزاك خير .. اختك:عطر الصمت |
سمعت نفس السالفة وكلاام كثير عن هالمشغل لكن كلها اشاعات ومثل ماقال اخوي راكان 20 راعية المشغل حرمة ومعها بانوراما داايما تجي المشغل وبنت محاافظة ومحترمة وكل هالكلام مطلعينه حسااد للمشغل لانه مااشي سووقه الله يزيدهم ويبعد عنهم شر الحسااد |
اخي الكريم انا من الناس اللي راح لمشغل لبنى ولا شفت عليهم شي لكن والله من كثرة الزبائن كثرو الحساد .... انامااحط شي بذمتي لكن انا تكلمت على اللي انا شفته وأذا كان فعلآ موجود فيه الصور الخليعه او حصلت فيه مصيبه كان من زمان تقفل المشغل... والله اعلم اشكرك اخوي على المجهود الذي بذلته ... تقبل خااااالص ودي وتقديري حــــبر الـــعـــيون |
اختي او اخي صاحب الموضوع اشكرك على الدراما التي شدتني واقول دراما لانها من نهج الخيال ليس منك ولاكن من التي ذكرت لك( ي) القصه لانها لاتصدق لو حدث اقل بكثير من الاغتصاب لقامة الدنيا عليهم وانتي تتكلمين عن اغتصاب فتيات وليس فتاة يعني تتوقعين اخوانهم وابأهم سوف يسكتون وينتضرون الفرج في اقفال المشغل ياسبحان الله هل نحن في دوله غربيه تبلدت الغيره عندنا يا اختي لو حصل هذا لينقلب المشغل بمن فيه الى ساحة دماء من اخوان واباء البنات ،،، لا نتوقع ان الحسد يصل الى هذه الدرجه ... تأكد( ي) من مصادرك اولا علما بأني لا اعرف المشغل ولا اصحابه ولاكن كثرت الاشاعات على هذه الاماكن وكأننا في شيكاغو ،،، |
ياويلك من رب العالمين بلا كذب ياخووووووي خافو ربكم ياناس ياعالم اعوذ بالله وصل الحسد لهالدرجة |
لاحول ولا قوه الا بالله الله يعطيك العافيه - وشكرا لك على موضوعك المميز والرائع - وتقبل مني فائق التحيه والاحترام . |
لاتعليق ................................................... |
ياالحبيب الي ناقل الموضوع الاخت لبنى بنت محترمه ومحافظه وبنت حموله معروفه تبيني اذكر لك اسمها ماعندي مشاكل وانا ما أمن على اهلي الا عند الاخت لبنى وسألت اهلي وعلمتهم بسالفتك السينمائيه هذي فاستغربوا كثيرا ومن حقهم لكن عيون الناس ماترحم |
اشكر الجميع على تفاعلهم وتوضيحهم وانا والله على نيتي ابي الخير للناس وانصحهم بس احس اني استعجلت ونقلت الموضوع وساهمت في نشر خبر يحتمل الخطأ بدون ان اتبين واتحقق والله اعلم,, وهذا درس لي ولغيري للتأكد قبل نشر اي خبر ونتهم الناس,,لانها امانه امام الله ومسوؤليه وسوف نسأل عنها,, استغفر الله واتوب اليه ,,استغفر الله واتوب اليه. |
| الوقت المعتمد في المنتدى بتوقيت جرينتش +3.
الوقت الان » 07:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd