تحذير للمسافرين طريق القصيم الرياض - نادي الهلال السعودي - شبكة الزعيم

الحــ1ـ1ـ1ــــربي · #1 30/09/2008, 05:57 PM

اخواني اليوم ذهبت الى بريده وبالصدفه مريت المحطه الاولى وانت طالع من القصيم الى الرياض
واستوقفني صاحب سياره مرسيدس اماراتي دبي ومعه عائلته قالي انا رايح الامارات وبطاقتي
صارلها مشكله والان انا واعيالي مافطرنا والسياره فاضيه من البنزين تكفا القيت نظره على السياره
الا اللوحه دبي ومغبره عن الرمل وثوب الرجال متصفط يعني باين عليه السفر والله واخذ 100 ريال
واعطيه الى الان انا مبسوط اني ساعدت الرجال رحت تغديت ببريده ورجعت
الا بالصدفه الاماراتي متجاوزني مع الطريق الثاني يعني متجه للمدينه
الا ولف مع الكبري اللي يسار بريده ويمين عنيزه وانزل معه وتمسكه الاشاره
واقف جنبه الا يوم ضرب بوري وقال نفس الاسطوانه ماكمل قال اسف انت اليوم
قابلتك فتحت الاشاره مشى ووراه ويرجع مره ثانيه للرياض ووراه لف على المحطه
اللي الصباح المهم واجيه واوقفه قلت انت منت اماراتي قال انا فلسطيني عايش بالامارات
قلت وين جوازك الا تغير وجهه قال جوازي تحت الاولاد نايمين المهم نصحته ومشى كلمت
امن الطرق قالي ايه خابرينه اللي يشحذ قلت ايه قال ياخوي هذا نمسكه وبعد يومين
وهو طالع لاكن نبي نرسل دوريه وكلمت التسول قالو خابرينه خلاص شكرا
اللي ودي اوصله لكم اخواني لاتصدقون النصابين اللي يقول كويتي اواماراتي قله
وين جوازك قبل تعطيه شي

ارجو من المشرفين الكرام عدم حذف الموضوع لانه مهم هؤلاء النصابين يسلبون مابجيوب الناس باسم الله حسبي الله عليهم

ارسن فينقر · #2 30/09/2008, 07:28 PM

جزاك الله خير
بس ياخووي والله أنك نشبه نشبت للرجال ..

Bojan 9 · #3 30/09/2008, 08:29 PM

جزاكـ الله خير

الظاهر أنكـ لزقهـ ونشبهـ

أمـه داعيهـ عليهـ

ALMALAKY · #4 30/09/2008, 08:54 PM

كثير تصير هذي واحد من العيال يقول وحنا واقفين عند المحطه

جاني واحد يقولي انا جاي من مكه ولا معي دراهم البنزين ومن هالكلام

يقول انا قلتله تعال انا اعبيلك مسأله اني اعطيك فلوس لا والله !

تهرب الرجال وراح

وقبل فتره واقف عند سوق وانتظر اهلي يطلعون إلا جاني راعي كامري 2007 !!

قالي انا جاي من الشرقيه ولا معي فلوس تكفيني ابي فلوس ابتعشى فيها

قلت الحقني للبيت وانا اعطيك عشاء من البيت قال انا ماودي اتعبك ومادري ايش قلت تبي تلحقني ولا مع السلامه وراح ودريت انه كذاب

ملكة الورد*1* · #5 30/09/2008, 10:14 PM

الان والحمدلله في المملكة
حددت اوجه للبر واستقبال الصدقات
يعني اللي محتاج يروح عندهم ومايقصرون إن شاء الله
*******************************************
وبالنسبة للمواقف هذي صارت كثير على سبيل المثال
واحد من هالمتسولين (سعودي) كنا نمر حنا والوالد من طريق في هذيك الفتره كثير
وكل يوم يطلب وانه محتاج ومن هالكلام والوالد مطنشه
فمره جا طلب من الوالد فقاله ياولدي ورا ماتروح لجمعيات تاخذ حاجتك بدون ماتشهر بنفسك
قال : ما اعرف الطريق قاله الوالد اركب اوصلك لهم
ماندري الا ذاك اللي ما ادري وش فيها رجوله يجري واختفى

مشكور على النصيحة يعطيك ربي الف عافية مشكور

I don‘t know · #6 01/10/2008, 12:38 AM

مشكور اخوي على حرصك

انا مرة وقفت عند صرافة الا ويجي واحد من وجهه وحركاته عرفت انه مسطل المهم قال : اخوي بالله الفزززعة انا ومعي الأهل نبي فلوس عشاء ويوم شفت السيارة الاوفيها خويه مامعه لااهل ولاشئ طلع نصااب...

(الوسيدي) · #7 01/10/2008, 12:42 AM

بس مو كل الشحاذين نصآبين فيه ناس صادقين ومحتاجين

كان هنا · #8 01/10/2008, 02:25 AM

حسـبي الله ونعم الوكيـل .
"إنما يقبـض جمراً" أو كما قال الرسول عليه الصلاة والسلام .

Los Merengues · #9 01/10/2008, 02:30 AM

حسبي الله وحده و نعم الوكيل

هيجنز · #10 01/10/2008, 02:42 AM

يا رجال كثر التراب بس لمن تنادي

بــنــــوتــــهـــ** · #11 01/10/2008, 03:12 AM

والله المتسولين كاثررررررررررين

أقلكم

مرررررره كنا مشوغولين عندنا عرس

المهم ولد خااالي الصغير طلع وترك الباب حق الشارع مفتوح
وتتدخل شحاته بيتنا وتوقف عند باااب الصاله حقنا
المهم أنا كنت بغرفتي وطلعت الصاله أدور لأمي ولا أنتبهت لها
وشوووي تكلمني
أنا صرااااااحه فجعتني بغى يوقف قلبي

ويوم شفتها صرررررررررخت
وعالطول هجيت أنادي أمي
هههههههههههههههه

بعد ماراحت مسكت ولد خالي وعطيته تهزيئه

وبعدين خلاص تعوووووودنا صاروا فكل مكاااان
حتى عند بيوووتنا

أخوووي مشكور،،،،،ورده