#1  
قديم 13/06/2008, 01:09 PM
زعيــم متألــق
تاريخ التسجيل: 22/09/2006
المكان: غرفة المعيشة :$
مشاركات: 1,197
سالفتي مع الانفصالات .. كل عضو يدخل للعبرة

بسم الله الرحمن الرحيم


السلام عليكم ورحمة الله وبركاته



بدون مقدمات .. بدون سوالف ..

كان معاي الجوال .. فتبت الى الله وحولت موبايلي .. قبل عرض موبايلي >> هذ الكلام قبل 7 شهور .. جاءت موبايلي .. وسوت العرض .. طبعا انا تحسفت شوي .. لانو بتفرق معي 480 ريال .. بس خلاص .. ما عاد يمدي .. قمت وطلعت موبايلي وصار معاي ثنتين .. وقلت بلغي ذاك الرقم .. الاول .. طبعا رفضت .. لانو مميز .. ومن بعدها سوت الانفصالات العرض .. وبلاني الله وحولت .. للانفصالات ..


يوم راحت شهرين .. المدة النظامية .. قلت خلاص برجع لموبايلي .. واستفيد من العرض .. ..


راح طويل العمر >> لا يكثر .. .. راح لموبايلي العزيزة .. وقدمت .. تحويل .. وطلعت .. وبعد مرور كذا وقت .. دق علي رقم .. 0902 ..

انا : مرحبا ..

هو : السلام عليكم ..

انا : وعليكم السلام ..

هو : الاخ BSBS-NO >> مب قآيل آسمه ..

انا : اي نعم .. ! سم وش بغيت .. ؟

هو : معاك الجوال الله يحييك .,, وانت قجمت بتحويل الرقم .., صح

انا : ايه لاني هلالي .. ومن زين شركتكم .. الفاشلة .. ال .. ال .,. ال,,,, الخ ..

هو : طبعا هذي وجهة نظرك نحترمها ولكن نود تنبيهك بانه تم رفض تحويل رقمك ..


انا :: هههههه والله تبطي ترفض ..

انا : طيب ليش ؟

هو : انت حولت موبايلي قبل ومن ثم الجوال .. واستفدت من عرض الجوال ..عشان كذا يلزمك تنتظر سنه ..

انا : ( قاطعته ) .. هههااااااي .. تسمع .. انتظرني هاههاههها ..

هو : هههه اللي تامر فيه طال عمرك >> مسوي اخلاق ..

انا : وغيرها ؟

هو : تدفع 500 ريال غرامه ..

انا : ليش ... ؟

هو : لانك استفدت من العرض ..

انا : لا يشيخ .. ! ومن متى .. ؟

هو : هل تود تدفع 500 .. او تنتظر ..

انا : طيب اخوي معليش .. انا يوم احول .. ما وقعت بالعقد انني ادفع 500 عشان احول ..

هو : طيب اخوي بامكانك تتصل على الشكاوي وتخبرهم .. انا جاي اخبرك بس .. مو اناقشك >> زقت معه ..

انا : الله يلعنكم وشركتكم .. طيب عطني .. الرقم الشكاوي ..

هو : تفضل اخوي >> زاقه معاه .. 8002444455

انا : يلا انقلع ...

طوط طوط طوط


::::::::::::::::::::::



أنا : 902 ... طوط طوط .. طوط طوط ..


الجوال : مرحبا بكم في قسم الشكاوي .. عزيزي العميل .. لاعادة الخدمة بعد السداد >> متعودين دايم يفصلون عشان كذا حطوها الاولى .. ..... الخ ..


انا : 0 .. طوط طوط ..

الجوال : عزيزي العميل للمشاركة في تقييم الخدمة .... الخ

انا : انتظر 23 دقيقة .. عشان يردون .. ... والله ما ازيد الحرف انه 23 دقيقه .. حتى كنت في جافا تايم اللي في التحليه .. والناس تناظرني ومستغربه


..


المهم .. ردو ... وقلت لهم وقال خلاص نسجل البلاغ ونتصل عليك ونتفق معاك ..


والله يا جماعه لي الحين 3 اسابيع او اكثر ما دقوا علي ..

وانتهى العرض .. حق موبايلي ..


لكن اقولها بصوت عالي ..



الله لا يوفقكم يا اتصالات يا الانفصالات .. الله يهز شركتكم الله يخسركم ..


والله يا جماعه ما زدت الحرف الواحد













:

تعليقاتكم
اضافة رد مع اقتباس
  #2  
قديم 13/06/2008, 01:18 PM
الصورة الرمزية الخاصة بـ Msh3al_37
زعيــم مميــز
تاريخ التسجيل: 11/07/2005
المكان: In my dream world
مشاركات: 1,548
اذا على رقم مميز

موبايلي مسويه عروض على الأرقام المميزة كنت تقدر تستفيد منها
اضافة رد مع اقتباس
  #3  
قديم 13/06/2008, 01:22 PM
زعيــم مميــز
تاريخ التسجيل: 20/04/2007
مشاركات: 1,641
يوووووووووووه اذا على بلاوي الإحتيالات عدّ واغلط

انا شريحتي سوا .. جتني فتره كل ما أشحن يسحبون الرصديد كله .. وأحياناً من زود الأدب يسحبون نصه بس .. واذا دقيت اسأل انقع نص ساعه عالخط

ونفس حالتك لما اشتكي يقولون بنرسل طلب شكوى وخلال اربع وعشرين ساعه يردون عليك والحين صار لي 3 شهور ومسويه حوالي 13 شكوى ولي عندهم حوالي 100 ريال مجموع الرصيد اللي سحبوه وعلى حطةايدك لاحس ولاخبر وكل مادقيت نفس الموال خلال 24 ساعه بنرد .. لين ماغسلت ايدي وطلعت رقم ثاني لموبايلي

ورب الكعبه ان كل هالكلام صاااير معي ومن كثر ما أشتكي لأهلي قالوا غيري رقمك وفكينا
اضافة رد مع اقتباس
  #4  
قديم 13/06/2008, 01:24 PM
زعيــم متألــق
تاريخ التسجيل: 22/09/2006
المكان: غرفة المعيشة :$
مشاركات: 1,197
إقتباس
وأحياناً من زود الأدب يسحبون نصه بس



ههههههههههههههههههههههههههههههه


إقتباس
موبايلي مسويه عروض على الأرقام المميزة كنت تقدر تستفيد منها


لكن اخوي .. انا ابغى رقمي .. كثير من الناس معاها رقمي ..
اضافة رد مع اقتباس
  #5  
قديم 13/06/2008, 01:25 PM
زعيــم مميــز
تاريخ التسجيل: 13/01/2008
المكان: ساوباولو
مشاركات: 1,792
إقتباس
الرسالة الأصلية كتبت بواسطة Msh3al_37
اذا على رقم مميز

موبايلي مسويه عروض على الأرقام المميزة كنت تقدر تستفيد منها

صادق..............................................
اضافة رد مع اقتباس
  #6  
قديم 13/06/2008, 01:27 PM
زعيــم متواصــل
تاريخ التسجيل: 18/03/2007
مشاركات: 198
بس يا اخوان اذا هو يبي رقمه ..

لكن القهر ليش يقولون 500 ريال .. وهو ما وقع بالعقد .. ؟
اضافة رد مع اقتباس
  #7  
قديم 13/06/2008, 01:29 PM
زعيــم مميــز
تاريخ التسجيل: 03/04/2006
المكان: @ روح الزعيم @
مشاركات: 5,682
ول ول

500 ريال

من جد مافي لا عقد موقع ولا شي ولا هم قالوا من اول الشي هذا

من جد نصب في نصب الله لا يوفقهم
اضافة رد مع اقتباس
  #8  
قديم 13/06/2008, 01:34 PM
زعيــم متواصــل
تاريخ التسجيل: 18/03/2007
مشاركات: 198
طيب اخوي رووح لهيئة الاتصالات واشكيهم ..
اضافة رد مع اقتباس
  #9  
قديم 13/06/2008, 01:34 PM
زعيــم متواصــل
تاريخ التسجيل: 02/07/2006
مشاركات: 113
ممكن احد منكم يفيدنا عن تسعيرة موبايلي
للمفوتر والغير موفوتر
لأن بأحول لموبايلي
اذا كانت ارخص
اضافة رد مع اقتباس
  #10  
قديم 13/06/2008, 01:47 PM
زعيــم نشيــط
تاريخ التسجيل: 27/06/2005
مشاركات: 783
با النسبه لي الشركتين سرقوني موبايلي والاتصالات

الاتصالات كنت مشترك في باقة الانترنت 5 قيقا في الشهر وخلص الشهر والبرج الي عندنا خرب ما يشغل انترنت قالولي خلاص اذا اشتغل البرج بنعوضك عن الايام الي ما استفدت فيها من الخدمه قلت طيب والحين لي اكثر من شهرين لا اشتغل الانترنت في البرج ولا عوضوني

موبايلي كان عندي جوال شحن وانا ما استعمله وكان مشحون 200 ريال بعد فترة شغلت الشريحه لقيتها مفصوله قالولي اشحن بتسعين ويشتغل شهرين شحنة بتسعين ولا اشتغل رحت للفرع قالولي لازم تنقل الشريحه بسمك قلت اوكيه وعبيت الاوراق الي عندهم قالو يومين ويشتغل جلست اسبوعين ماصار شي وبعدها دقيت على الرقم لقيته شغال ومع واحد ثاني ورجعت للفرع قالو رح راجع الفرع الرئيسي رحت للفرع الرئيسي قالو ارجع لنفس الفرع الي انت نقلت الشريحه بسمك فيه وبين روحه وجيه طفشت وقفلت معي ورضيت با الامر الواقع ما فيه امل يرجعلي ريال واحد وقلت في قرارت نفسي (متعوب عليها) ضاعت فلوسك يابلوي على قولت جمهور الاهلي


وسلامتك
اضافة رد مع اقتباس
  #11  
قديم 13/06/2008, 01:49 PM
الصورة الرمزية الخاصة بـ زعــيــ511ــم
زعيــم مميــز
تاريخ التسجيل: 09/12/2006
المكان: شبكة الزعيم
مشاركات: 32,279
اخووووي لاتسكت أشتك عليهم شركة الاحتيالاات !!

يازين موبايلي بس
اضافة رد مع اقتباس
  #12  
قديم 13/06/2008, 01:50 PM
زعيــم متواصــل
تاريخ التسجيل: 15/05/2008
مشاركات: 192
الحمدلله لي مع موبايلي أكثر من سنتين
خدمه ولا أحلا ............

أثبات أن شركة موبايلي أفضل من الانفصالات
أن شركه زين وقعوا معهم تغطية الأبراج إلى
ان تقوم زين أكمال أبراجها .........
اضافة رد مع اقتباس
  #13  
قديم 13/06/2008, 02:11 PM
زعيــم جديــد
تاريخ التسجيل: 21/04/2008
مشاركات: 16
هههههههههههههههههههههههههههههههههههههههههه

الانفصالات = الاتصالات >>>>>>>>>>>>>> جبتها عالجرح ..

والله يعينك على مااصابك ..

وانا من اول مااخذت جوال قبل اربع سنوات .. وكلها شارايحي اللي غيرتها اكثر من 10 مرات كلها موبايلي ..
اضافة رد مع اقتباس
  #14  
قديم 13/06/2008, 05:23 PM
زعيــم متألــق
تاريخ التسجيل: 22/09/2006
المكان: غرفة المعيشة :$
مشاركات: 1,197
إقتباس
الاتصالات كنت مشترك في باقة الانترنت 5 قيقا في الشهر وخلص الشهر والبرج الي عندنا خرب ما يشغل انترنت قالولي خلاص اذا اشتغل البرج بنعوضك عن الايام الي ما استفدت فيها من الخدمه قلت طيب والحين لي اكثر من شهرين لا اشتغل الانترنت في البرج ولا عوضوني

موبايلي كان عندي جوال شحن وانا ما استعمله وكان مشحون 200 ريال بعد فترة شغلت الشريحه لقيتها مفصوله قالولي اشحن بتسعين ويشتغل شهرين شحنة بتسعين ولا اشتغل رحت للفرع قالولي لازم تنقل الشريحه بسمك قلت اوكيه وعبيت الاوراق الي عندهم قالو يومين ويشتغل جلست اسبوعين ماصار شي وبعدها دقيت على الرقم لقيته شغال ومع واحد ثاني ورجعت للفرع قالو رح راجع الفرع الرئيسي رحت للفرع الرئيسي قالو ارجع لنفس الفرع الي انت نقلت الشريحه بسمك فيه وبين روحه وجيه طفشت وقفلت معي ورضيت با الامر الواقع ما فيه امل يرجعلي ريال واحد وقلت في قرارت نفسي (متعوب عليها) ضاعت فلوسك يابلوي على قولت جمهور الاهلي


هههههههههههه الله يعينك اخوي بس .. لكن غريبة على موبايلي .. وانا اتوقع انك عديت الوقت حق الشحن اللي هو شهرين .. !
اضافة رد مع اقتباس
  #15  
قديم 13/06/2008, 05:39 PM
زعيــم نشيــط
تاريخ التسجيل: 27/06/2005
مشاركات: 783
إقتباس
الرسالة الأصلية كتبت بواسطة BSBS-NO
هههههههههههه الله يعينك اخوي بس .. لكن غريبة على موبايلي .. وانا اتوقع انك عديت الوقت حق الشحن اللي هو شهرين .. !

ممكن اكون عديت الوقت حق الشحن بس ليش يقولون لي اشحن بتسعين ويشتغل


على العموم كل الشركتين عليها ملاحظات بس مادام موبايلي مع الزعيم فاكيد بكون معها


وشكرا,,,,,,,,,,,,,,,
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:39 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube