@@جنون الخطوط الجوية للطيران جده 900 ريال @@
 

قبل ما أبدى بالموضوع الغير شيق لاخواني المسافرين ،،، الموضوع ليس قصة من خيال

أو مجرد أحلام مدير الخطوط الجوية السعودية ،،، بل للأسف انه الواقع المرير المر على المواطن السعودي الضعيف .

@ @ @ البداية @ @ @


ونحن على غداء يوم الخميس الموافق 8 / 6 / 1429 هـ ،،،

الوالد : فهد وش صار على موضوع الحجز .
فهد : والله ما صار شي .


الوالد : يا خوفي كل يوم كذا الين تروح المقاعد وحضرتك ما حجزت لنا .
فهد : أبشر يبه ، أخلص الغداء وأحجز لكم .
فهد : يتصل على الخطوط الجوية السعودية ،
الموظف : سم الله يحيك ، كيف أقدر أخدمك ، سوري كيف أقدر أسرقك (( شعار صيف 2008 ))



فهد : الله لا يهينك أبي أحجز على القاهره ،
الموظف : كم مقعد وباي يوم تبيه



فهد : العدد مشفر (( خايف من العين )) :d:d:d واليوم الفلاني
الموظف: خلاص أخوي فهد حجز اوكيه ، واخر موعد لقص التذاكر يوم الفلاني .

فهد : أخوي لو سمحت كم سعر التذكرة .
الموظف : والله أخوي مو واضح لي كم سعر التذكرة .


فهد : غريبه العاده الموظف يعلمني سعر التذكرة مو معقول ما تعرف .
الموظف : والله اسعار التذاكر أرتفعت ولسى ما واضح كم الارتفاع



فهد : افا عسى الزيادة مو واجد
الموظف : والله الى الان ما ندري كم الزياده ، بس أمس ارتفعت تذكرة جده الى 900 ريال .


فهد : اوف 900 ريال مرة وحده :bigeek::bigeek::bigeek: أخبرها كانت بحدود 600 .
الموظف : اي والله كانت 580 ريال واتفعت الى 900 ريال .



فهد : شكرا اخوي ومع السلامه .
الوالد : ها فهد حجزت .


فهد : اي حجزت اوكي بس اسعار التذاكر طارت فوق .
الوالد : كيف . واعلمه السالفة ، وعطاهم كم دعوه من عنده :d:d:d يحبها قلبك مع كم كلمة مشفره :d


الوالد : فهد تعال

فهد : سم يبه ،
الوالد : قال رح الخطوط المصرية واحجز لنا على الخطوط المصرية .

فهد : وانقز للخطوط المصرية واحجز لهم كم سعر التذكرة
الموظف المصري 2248 ريال .

فهد : اوف ليش كذا العام بحدود 1950 ريال
الموظف المصري والله يا باشا البنزين ارتفع .

فهد : والله ما تنلامون بدام خطوط بدلنا يسرقون اكيد لكم نصيب من الكعكه .
الموظف بس احنا أرخص من الخطوط السعودية .


وانتهت السالفه ،

وارجع البيت ، والا الوالد يقول تعال شف الملحم وش يقول ،

قلت خير وش عنده الملحم يقول اسعار التذاكر ارتفعت ، ويقول المجنون ان 70 من قيمة التذاكر بتروح للبنزين .

قلت خله يقول وخله يكذب يحسب اننا هنود بنصدقة .

الوالد والله الهنود أبرك من اذا اراتفعت الاسعار بالشكل هذا يسون مظاهرات ، اما انتم بالشعب السعودي بس تستهلكون وراح تشترونها ولو انها 4000 ريال .

فهد : يمون على الوالد منت بعاقل بالبناني تراك سعودي ولو قد سمعنا تكلمتوا بالعكس الحين بزمنا نتكلم أقل شي احسن منكم أول لا كلام ولا أفعال .
الوالد : اقول ، أبلع لسانك وأسكت

فهد : أبشر :d سكتنا لعيونك .

وانتهت القصة الليمه للمواطن السعودي الذي يحبث عن الهروب من شمس الرياض ويبحث عن تغير الاجواء .

بصراحه : ما هو موقفك وتخيلك للوضع الذي راح يصير هل سيتحرك الاعلام ، ويطرح المشكلة ، ام أنه الواقع الذي سيرضح له المواطن السعودي ؟؟؟



القصة حصلت لي شخصيا عاشق الفيلسوف 15

تحياتي للجميع .

الزياااادة ع الرحلااات الدولية

اما الداخلية...فارتفعت عن طريق الخطأ ليوم او يومين بس حسب ما فهمت انهم خلاص رجعوها مثل ما كانت ..

سبب الزيادات ان الخطوط في الرحلات الدولية تعبي بنزين من برا، فيكون مرة مرتفع مقارنة بالسعر اللي تحصله في المطاراات السعودية

لو كآن هذآ هو تفكيرهم .. فـ هو عذر أقبح من فعل ..!

شرفني مرورك أبو طلال ، ولكن للأسف الخبر رسمي وخاصة بالنسبة للرحلات الدولية ،

اما بالنسبه للرحلات الداخلية ، نتمى كما ذكروا الاخوان من تصاريح المسئولين أنه طريق الخطأ :d:d:d.


ولكن الغريب الخطأ رفع التذاكر ما نزلها ،، ممكن مع الايام نشوف التذاكر 100 ريال عن طريق الخطأ .:d:d:d

أسعدني مروك أخوي الزلزل الهلالي

الله لا يوفقهم ولا يغنيهم ،

وبالنسبه للقاهره ، زرت مكتب الخطوط الجوية السعودية ، وقال لي القاهره الى اليوم وصلت 2300 ريال

قلت كيف ، قال يعني بعد أسبوع ترتفع ، قلت صارت أسهم مو خطوط .

قال السعر هذا لك الى ان تقص التذكرة . واذا ارتفع السعر تدفع الفرق .

علما بان سعر التذكرة قبل أسبوعين الى القاهرة كانت 2186 ريال

وخلال أسبوعين ارتفعت 114 ريال .

والقادم مذهل .

هلا وغلا أخوي أبو رأس

وانت مصدق اخوي ان الارتفاع بالنسبة للرحلات الداخلية كان بالخطأ ،،، صدقني رفعت الأسعار شخصيا أتوقع مشاهدة ردود الفعل المواطنين على الزيادة .

وثاني شي بدام انها بالغلط ، هل سوف يتم تعويض المساكين الذين سافر الى جده بسبب غلط من الخطوط كلفهم 340 ريال لللشخص الواحد !!!!!!!


أما الرحلات الدولية اذا كان الاررتفاع قووووي يمدحون البحرين ونسافر منها اذا كان هناك فرق كبير بالسعر .

كلهم 400 كيلو وحنا بالبحرين . ونسافر منها .

كل الخطوط ارتفعت

قبل سنتين او ثلاث خطوط الاتحاد حجزت فيها على ماليزيا بــ2300 ريال

وقبل اسبوع حجزت على ماليزيا بنفس الخطوط 4348 ريال

يعني 100%