واذا كان اخوك وولد عمك وبعض جماعتك موظفين في الاتصالات تدعمهم ولا لا

يااخي فيه هلاليين كثير موظفين في الاتصالات ولا رايك يستقيلون .؟؟

كلــــــــــــــــــــــــــــــــنا موبــــايلــــــــــي

إقتباس الرسالة الأصلية كتبت بواسطة عــ بــدوي ــشــق الله يشفيكم بس اقسم بالله اني اشره عليكم احياناً ياجمهور الزعيم خابر عقولكم اكبر من كذا كل شوي طالعين وتقولون قاطعوهم قاطعوهم المشكلة اتحدى واجزم ان ولا واحد بالمئة منك قاطعهم مرة على ART و اليوم على الاتصالات السعودية ياخي خلونا واقعيين ترانا في بلد واحد مو متفرقين والا شي الحمد لله انا تحت ضل ابو متعب الله يطول في عمرة وتقعدون تسون فرقى وتفرقى الله يهديكم بس الله يهديكم الله يهديكم اتمنى منكم الا تأخذوا علي ولكن هذا هو الواقع (( تكفون ياجمهور الزعيم لا تخلونا كلمة في حلووق الاندية الاخرى خلونا اكبر من كذا ) )

كلنا تحت ضل أبو متعب وأيش دخل الوطنيه واليد الوحده في المقاطعه


وانت كلمه وحده صح قلتها في كلامك كله هو أننا بلد واحد ويزيدها دين واحد يعني لا باس أن نتتقل من هاذي الشركه الى الشركه الراعيه لنادينا لئنهم كلهم عينان في رائس ولاختلاف هو أن نادينا شريك لموبايلي وبعدين حبيبي يوم تتنافس شركتين على كسب رضاء المستهلك هل تسمي هذا تفرقه وبعدين تبي تفهمني أنك أفهم من حكومتنا الرشيده لئنه لو كان كلامك صح ما كان سمحت الحكومه بئنشاء شركة موبايلي ومن بعدها زين لئنه فيه تفرقه ووو (باقي كلامك) ياليت يا حبيبي تكبر عقلك شوي وتتكلم بواقعيه

أما عن مقاطعة art ونسبه الواحد في الميه أبفهم أنت ايش حارق رزك الله يهديك بس أذا واحد في الميه هزت art اجل في الفتره القادمه 100 % أيش بتسوي في art أرجع وقول التنافس ظاهره صحيه وتعود بألمصلحه للجميع ونحن نتبع عشقنا وحبنا الا وهو الهلال

وما ألناس وكلامهم المثل يقول (من راقب الناس مات هما)<<<<<< الا على طاري الناس سمعت عن جمهور أسمه جمهور الناس على العموم خلي الي يتكلم يتكلم ماهمنا احد والمقاطعه مستمره

تحيا11111تي لك

إقتباس الرسالة الأصلية كتبت بواسطة عــ بــدوي ــشــق الله يهديكم بس ياجمهور الزعيم كل شوي طالعين بموضوع قاطعوهم فاطعوهم خلوا عقولكم كبيرة وخافوا الله ياناس مرة تقولون قاطعوا ART واليوم تقولون قاطعوا الاتصالات السعودية واكيد بكرة تقولون قاطعوا شي سخيف اسخف من اللي تتناقشون فيه ياناس ليه حنا زي كذا ترانا شعب سعوودي واااحد وعلى ديانة واحدة مو حزب وديانات وغيرة.... الحمد لله انا تحت ضل ابو متعب الله يطول في عمرة ان شاء الله ياناس حبوا لغيركم ماتحبوه لانفسكم خافوا الله وانا متأكد ان ولا واحد بالمئة قاطعهم بس يرد على عماها الله يهديكم بس الله يهديكم الله يهديكم (( تكفوون لاتخلونا كلمة ومضرب مثال في جماهير الاندية الاخرى يقعدوون يتكلمون ويضحكون علينا )) والسبب هو (( قاطعوهم ))

هههههههههههههههههههههههههه

مقاطعين مقاطعين الله لا يعوق بشر يا أبو عقل كبير ورد الي فوق هو نفس ردي على كلامك

بس أذا العقول الكبيره مثل عقلك الله يخلف خلنا على قولنا الصغيره الي جننت ناس وقومت ناس وقعدت ناس


تحيا11111تي يا راعي العقول الكبيره

ايه طبعا ردي ينحذف لاني قلت كلمة حق
وكلمة الحق محد يبيهااا

وكلااام العقل والحيااادي ممنوع

والتعصب مرغوب

إقتباس الرسالة الأصلية كتبت بواسطة زعيمة نفسي ايه طبعا ردي ينحذف لاني قلت كلمة حق وكلمة الحق محد يبيهااا وكلااام العقل والحيااادي ممنوع والتعصب مرغوب

مو بس كلامك انتي بكبرك يبيلك حذف


وتري يمدحون المطبخ وشلك وش الكوره الكوره في وادي وانتي في وادي

سددو فاتورتي وبحول موبايلي <<--واحد مطفر

ان شاء الله بحوله لموبايلي لما اسدد واسوي تصفيه

بس الدي اس ال .. لااا .. لان موبايلي كونكت ماتغطي

بالحي اللي انا ساكن فيه تغطيه قويه .. الي هو حي الروضه

انا متعصب الزعيم لاكن بكل صراحة مافية مقارنة بين موبايلي والاتصالات

اللهم موبايلي افادت زعيمنا بالعقد بس اما الزعيم سواء حولنا ولا لا فلوسهم جايتهم

والزعيم ادعمه في الحضور للملعب وبشكل دائم هذا اهم شي والاهم الاخر مرتاح في الاتصالات

وبالتوفيق لموبايلي والزعيم

الجوال أفضل بكثـــــــــــــــــــــــــــــيــــــــــــــــــــــــر

من موبايلي أو >>> ( شركة أسرقوهم )

إقتباس الرسالة الأصلية كتبت بواسطة ياسر بن سعود الجوال أفضل بكثـــــــــــــــــــــــــــــيــــــــــــــــــــــــر من موبايلي أو >>> ( شركة أسرقوهم )

مسجل ومتعب نفسك عشان ىتقول هل كلمتين


صباح الخير حبيبي

قطع الاعناق ولا قطع الارزاق



لا من جد مالها داعي


تبون الكل يكره الهلال ؟؟؟؟؟



حرام ما يصير

والله ياخوي انا موبايلي منذو مبطي لعيون الهلال

الله يهديكم بس ياجمهور الزعيم

كل شوي طالعين بموضوع قاطعوهم فاطعوهم

خلوا عقولكم كبيرة وخافوا الله ياناس

مرة تقولون قاطعوا ART واليوم تقولون قاطعوا الاتصالات السعودية

واكيد بكرة تقولون قاطعوا شي سخيف اسخف من اللي تتناقشون فيه

ياناس ليه حنا زي كذا

ترانا شعب سعوودي واااحد وعلى ديانة واحدة

مو حزب وديانات وغيرة....

الحمد لله انا تحت ضل ابو متعب الله يطول في عمرة ان شاء الله

ياناس حبوا لغيركم ماتحبوه لانفسكم

خافوا الله

وانا متأكد ان ولا واحد بالمئة قاطعهم بس يرد على عماها

الله يهديكم بس
الله يهديكم
الله يهديكم

(( تكفوون لاتخلونا كلمة ومضرب مثال في جماهير الاندية الاخرى
يقعدوون يتكلمون ويضحكون علينا ))

والسبب هو (( قاطعوهم ))

هذا الكلام المزبووووووووووووط

الاتصــــــــــــــــــــــــــــــــــــــــــــــــــــــــــــــــــــــلات فاشله فاشله فاشله