باركوا لـــي بأتزوج - نادي الهلال السعودي - شبكة الزعيم

هلالية بنت هلالي,, · #1 09/06/2008, 01:07 AM

السلام عليكم

كيفكم ..؟

هذا يقولكم مرة واحد تزوج وبليلة عرسه يوم راح هو ومرته الفندق من التوتر قال لها " اهلك يدرون انك هنا "

بايخة ادري بس هذا اخر ما توصل اليه العلماء من مقدمات لموضوعي الماصل

في مرة من المرات وبعد ما خلصت الثانوية بالصدفة < --- ما كنت ادري ترى

جتني امي في مرة من المرات اللي بعد الثانوي وقالت لي تعالي يا بينتي ابيك بموضوع انا وابوك

انا استانست قلت اكيد بياخذون رايك بموضوع مهم والله وصرتي مهمة

رحت ودار بيننا هذا الحوار اللي ما ادري وش يبي

انا : هلا يمه امري بس

امي : تدرين با بنتي انك كبرتي وصرتي احلى عروس وجا الوقت اللي نفتح الباب للخطاب < --- امحق طوابير ورا الباب

انا: لاااااااااااا يمه خطاب مين وزواج مين انا مابي اتزوج ابي اكمل دراستي
نسيتي يمة اني حلم حياتي ادرس رياضيات واكمل دراسي حرام عليكم مابي

امي : بس يا بنتي متقدم لك ولد ناس كامل والكامل الله اخلاق ومال ووجه حسن ها موافقة ؟؟

انا قلت دام وجه حسن خلاص تم

طبعا ابوي ساكت وكل ما ناظرته لقيته كذا

ونمت يومها نومة تعيسة وانا افكر شلون شكله وش اسمه ولد منو كل عمره
وبعدين حولت من الهواجس للاحلام الوردية لين وصلت
تركيا وشهر العسل < --- ما ادري شجاب طاري تركيا بس مو مشكلة العوض والا الديرة

ثاني يوم وامي قاعدة بالحوش تتقهوى رحت قرشعت اختي الصغيرة وجلست اصب قهوة واسال
اسوي عمري ان الموضوع مو مهم بس من باب الفضول

انا: يمه

امي : سمي ؟؟
انا: بخصوص الموضوع اللي امس الرجال هذا ولد منو ووشو وضعه الاجتماعي ؟؟

امي : الله يسلمك هذا خالد الفلاني وعمره ..... الخ < --- مو لازم تدرون اخاف يصير فيها قبايل

انا: قلتي لي خااااااااالد اها
A+k

امي : ها شرايك ؟

انا : خلاص انا ما اعرف عنه شي بس دام انكم تشوفونه ولد ناس خل نجرب والايام الجاية بتحكم

امي: خلاص اجل الخميس الجاي بيشوفك

انا : ووجهي منعفط طيب الله يستر

وجا الخميس المنشود وانا اعصابي مشدودة وواصلة حدها

واذن العشا وجاك الموت يا تارك الصلاة

وفي تمام التاسعة مساء اذا بباب غرفتي يفتح وامي بابتسامة عريضة

ها يمه جهزتي ابوك والرجال بالمجلس

انا قمت ورجولي تنافض وساعة لي ما دخلت وما اقدر اوصف لكم الشعور والمنظر

عيوني بالارض علشان ما اطيح واتفشل ولو احد قال لي بوووو!! اصيح

رحت ودورت نعال ابوي بما ان عيوني بالارض وقعدت جنبه وانا ما ادري وين الرجال

شوي والا شخص ما يطيح قدامي ويصارخ واااااااااااااااااااااااا ااا

انا هنا نشف دمي وراحت علي مسكت بابوي واثاري الحبيب ميت ضحك

فتحت عيوني علشان استوعب الا واشوف اخوي منسدح قدامي ويصارخ وااااااااااااااااااا صادوه تعيشين وتاكلين غيرها انا العريس

وامي واقفة عالباب تقول ها شرايك في العريس موافقة

مجموعة حل القصة { ø }<--- طيري

اللي نطلعه من هالسالفة

ان اهلي يسمعون بالمقالب ومقالبهم ماش ما تنبلع والله اني كنت بموت من الخرعة كنت توي بزر ام 18 سنة او اقل

لا عمرك اختي العضوة توافقين على شخص بدون ما يرزون لك صورته يومين علشان تتعودين عليه قبل لا يشوفك

ودي اقول لا عمرك تثقين باهلك بس قوية

وسلامتكم

ملطوش لطشه خفيفه

مشعل911 · #2 09/06/2008, 01:13 AM

خخخخخخخ هههههههههههههههههههههههههههههههههههههههههههههههههههههههههههه
وربي تضحك واللطشه حلوه ياحلى هلاليه هههههههه ودي انها صارت لك
ان قريت عنوان الموضوع قلت خلن ادخل وابارك ههههههههههه
شكرررررررررا

Canada's gallant · #3 09/06/2008, 01:20 AM

شكلي بأحقد على أخوك

خرب علي جوي الوردي الجميل الجذاب

أهم شيء إنك ما جبتي العيد و انتحرتي من الخوف

مبروووك <<< داخل و أنا أبي أقوله و لازم أقولها ما فيه حتى لو ما فيه زواج

على فكرة أنا تنحت في نهاية القصة بعد ما روعني أخوك

... وشلون يعني لاطشتها

عوافي و نعيش و ناكل كورن فلكس

az3eem-4-ever · #4 09/06/2008, 01:20 AM

احس وجهك صار صغيييييييييير

اجل اعجبك العريس

عقبال ما تتزوجين صدق

فهد عاشق البرسا · #5 09/06/2008, 01:24 AM

بعد ما أنسجمنا مع القصه وصاحبتها قلتي ملطوش

وين تنصرف هاذي

عموما مشكوره على النقل ورده

الحلا مبتليها · #6 09/06/2008, 01:25 AM

هههههههههههههههههه ..

جوناااااااااااااان الفكره الله يرج بليسك

بس من جد الاهل صراحه رهيبين..

هلالية بنت هلالي,, · #7 09/06/2008, 01:33 AM

لا المشكله تلقونها فرحانه لكن تسوي نفسها >> قال ايش قال بتكمل خخخخ

بس تنرحم تفشلة

مشكورين ع طلتكم

وهذا ان دل ع شيء فيدل ع انكم بتباركون لي > احلفي عاد