|
هالمو ياشباب ابيكم شوي بسم الله الرحمن الرحيم .. السلام عليكم ورحمة الله وبركاته .. كيفكم ياهلاليوووون إذا طيبين كان أبيها .. واذا مانتم طيبين .. طقاق ..<<<خربتها خلووونا نكمل نقاااش بدوووووون زعل المطبخ ..وراه الحرمه هي الي تطبخ هاه ؟؟ مالكم يدين يعني ؟؟ ولا مسوين من كثر اشغالكم ؟؟ لاتقولون مانعرف نطبخ ؟؟ لاطلعتوا كشته ولاشي طبختوا هذاك الطبخ الي تاكلون اكواعكم من وراه .. اها بس تجي الحرمه من دوامها ... وتلقى زوجها جاي قبلها ولا سوى الغداء .. ينتظرها تسويه .. على تبن لو انا مكانها وربي ما اسويه<<طالق من جد .. ابي افهم... ليه حاطين المطبخ دايم للحريم ؟؟ مع ان كل دول العالم العربي والإسلامي والعالم الأوروبي والآسوي والإفريقي<<<قولي الكرة الأرضيه وخلاص.. كلهم رجال الي يشتغلون بالمطاعم .. هذا دليل انه احسن من الحرمة طبخ وأمهر .. وأتقن .. وخاصتن انه خطر المطبخ على الحرمه .. اولآ : لو شالت قدر وهي حامل بيأثر عليها ثانيا : البخار الحار يأثر على البشرة الدهنية <<<<تبي تنجلد اليوم خخخ ثالثا : مايخافون على اصابعها من السكين ؟؟ (وجه يحك راسة) الحرمه عندها بزارينها .. ومدارسهم تدرسهم وتنظفهم وتنظف البيت .. وكووول حاقه .. يعني المفروض ينقسم عمل البيت .. ويكون المطبخ لرجال .. أساسا الحرمه مسيكينه .. لو يجيب لها الأكل مالح ولا مر .. قالت واااااو يجنن .. وهي لو زادت الملح نقطه وحده .. لعن سل سل سل سبليها .. وراه مايطبخ هو وخلاص.. اشوف الحريم الحين ... لاجت وحده تبي تعرس ... اول شي تقولة بتعلم الطبخ .. طيب حلو انها تتعلم الطبخ .. ولكن مايكون السبب ان كل المطبخ عليها .. يكون السبب عشان تتساعد هي وزوجها على الطبخ <<<ياليت تفهموني يعني لو تهتم بشي ثاني عشان زواجها .. أبلغ من أن تهتم بالطبخ .. استخ استخ طبعا بغض النظر عن البنات الي يهوون الطبخ .. ويحلفن على ازواجهن انهم مايطبون المطبخ .. وهن الي يبن يطبخن رغبة منهن .. موب غصب.. لأنه لو غصب ماراح يصير للأكل نكهه على كلامهم مع اني ماني مصدقة ذا الحتسي .. لأني شفت هندي بماكدونالدز زعلان ويصبخ بالدنيا.. وقاعد يسوي لي البيج تيستي .. ويوم ذقته جونااااااان <<<<تقلعي بس نرجع لمحور حديثنا .. ترى العيال الي تطبخ لهم الحرمه ماهم عيالها لحالها .. حتى عيالك انت بعد يالرجال.. أنا طلبي من موضوع المطبخ .. موب اذا طبخت الحرمه غلط .. وغلطت بالمقادير .. يهاوشها زوجها .. لأنها موب مجبره على هالشي ..المفروض يقولها جزاتس الله خير .. بس مره ثانية قللي الملح .. ولا حاقه زي كده لأنه موب زين يجاملها .. يمكن تسويها مرة ثانيه ... وموب زين يهاوشها .. تتحطم وهي ماهيب مجبره على ذا الشي أنا مع الحريم الي تقول لزوجها .. متى مابغيت أطبخ لك قول لي .. يعني مو تروح تسويه يوميا .. سواء طلبه او ماطلبه لأنها ان سوته يوميا ... بعفوية .. بدون طلب من زوجها اولا : بيتعود .. وماراح يقولها مشكوره على التعب .. او جزاتس الله خير .. بياكل ويقول الحمد لله ويقوم ..زي كل يوم ثانيا : ان الزوجه واجب عليها طاعة زوجها .. يعني اذا طلب تسوية .. غصبن عليها ... رضت ام أبت .. لكن دامه ماطلب .. ماني معها انها تطبخ له .. الا ان كانت راغبه بالطبخ .. او لها خلق تطبخ موب تجي من شغلها تعبانه وتشمر يدينها وتبدأ بالطبخ .. بعض العزوبيين .. يجيه واحد يقول .. وراه البيت محيوس .. وأكلك كله من المطاعم .. ومدري كيف .. ورى ماتتزوج وترتاح ؟؟ ماخذين بعض الناس ان الحرمه بقرة يشترونها عشان انفسهم .. ليه هي شغال عند امك؟؟ <<تراني معصبة على بس الي يقولون ذا الحتسي يطول الحتسي .. وخير الكلام ماقل ودل <<<تسان مقللتن هالهذرة .. بوه شي ثاني .. وهو الرياضة في المدارس .. وراه مابوه رياضة بمدارس البنات ؟؟ مع ان الرياضة مهمه للبنات .. مره مره مره .. لأنها تحافظ على صحتها . وعلى نشاطها.. ما اقول أنها تلبس بنطلون .. وتروح تلعب كوره ولا كراتيه ولا ملاكمه ويييين حنا.. .. لا .. بس رياضه تكون مناسبة للبنات ومناسبة لأنوثتهن .. مثل الركض .. والمشي .. ومثل تمارين .. سواء تكون بالصباح او بحصة معينه من بين الحصص وش فرق بنات مدارس المملكة عننا يابنات المدارس الحكومية ؟؟ أعتبر هذا من قمع حقوق المرأة .. لأن كثير معلمات طالبوا بالشي هذا .. أكثر البنات بهالوقت عندهم هوس السمنه .. وشحوم .. وبلاوي .. والسبب هو قلة الرياضة .. لو فيه رياضة بالمدرسة .. وتجي المعلمة تعطي برنامج رياضي .. أو برنامج صحي لكل طالبه كان يطلع كويس أدري لو احتسي من اليوم لبكرة .. محد سامعن العمل بكون معكم صريحه بهالموضوع مع اني المفروض ما اكون صريحه فيه .. لكن شلون بوضح لكم وجهة نظري لما اروح السوق .. وش دخل أم أم أم الهندي يعرف مقاس ملابسي الداخليه ؟؟ ومرات يكون يمني أو سعودي .. <<وهذا دايم يصير .. وش دخل أم أم أمهم أسألهم عن البلايز النسائية .. وعن مثلا البنطلون ؟؟ أبي أفهم ؟ العبايات .. وش دخل الهندي بالعبايات ؟ من جد أستغرب ياناس .. وراهم تسذا ؟؟ المكياج .. وش دخله يقول لي هذي ماركة مدري ايش وهذي ماركة مدري ايش ... شفت حرمه مطلعه وجهها للهندي تبي تسألة عن كريم أساس يناسب بشرتها الدهنية .. وشفت وحده ثانيه .. الهندي يحط التنوره على خصرها بيشوف قدها او لا . يوم ماصار قدها جاب التنوره الي اوسع مدري الي اضوق ... وش لو كانت هالأسواق محلات نسائية بحته .. يعني الي تبيع فيها حرمه .. والي تشتري حرمه .. ويكون السوق عام .. إذا كان الرجال برى ينثبر إلين تخلص حرمته .. وتطلع له ويكملون تسوق .. أسواق الكويت .. وهي الكويت .. الحريم هن الي يسوقن السوق .. يقولون منعناهن من باب الفتنه ... اساسا وراه يدخل رجال للمحل .. اوكي يدخل للسوق .. يتمشون .. ويتعشون ويفلونها .. لكن محلات نسائيه مالهم دخل ... اسسسسسسسسسسسسسستخ يعني بدل هالعاطلات الباطلات .. تشتغل وحده موب يصير احسن ؟؟ جو طاش ماطاش وخربوا اووم الفكرة .. ===== ===== لي نقد آخر بموضوع آخر .. انتظروني .. طولت عليكم === أسئلة النقاش .. وش رايك بكلامي بموضوع الطبخ .. ووش رايكم بعمل المرأة بالسوق .. من باب انه عمل وهي محتاجه .. مو تقولون تصير معلمة ابرك لها !! لأنه اكيد ابرك لها .. لكن .. من باب أنها عاطلتن مابطلة ... مثلي وشكالي .. <<<ودي اشتغل بمحل وربي فله ... على الأقل اشوف الناس ويشوفوني .. مو بس منثبره بالبيت .. ترى كلامي يحتمل لخطأ والصواب .. وسامحوني على اسلوبي المروح .. ولكن ان شاء الله يتعدل اسلوبي بالمرات القادمة .. وترى إختلاف وجهات النظر مايسوي مشكل مشكل مع صداقه أنا وأنت <<ناسيه المثل هالله الله يالحتسي الحامي ... مابي شكرا .. وخلاص .. بس الي ناوي يمر بس مرور بدون مناقشة يقول شكرا ابرك حياكم الله .. ط ط طحياطي مزووووووووووون |
بعد تبونا نطبخ لكم ماتبونا نرتب لكم البيت بعد :d طيب اذا حنا طبخنا وش بيصير دووركم يعني ؟ وش تسوين تتابعون التلفزيون بس ولا تروحون اسوااق :d اذا بتقولين لي الوظيفه الحين عسانا نلاقي وظائف عشان تلاقون انتم :d شوفي هو مافيها شي انك تساعد بالبيت الرسول الي هو الرسول صلى الله عليه وسلم كان يساعد في البيت طبعاً المعلومه كان يقولها لنا مدرس في حصة المطالعه الظاهر :d والله اني رجعت البيت متحمس قلت يمه وين المكنسه :d بس الحمدالله رجعت لصواب :naughty:استغفر الله اقول اطبخو بس ولا يكثر هرجكم بعد :d والله العظيم بنات هاليومين مادري وش يرضيهم من زينكم عااد اساسا انا مافكر اتزوج سعوديه انا مخطط ياما على سوريه :smilie47: ولا مغربيه :smilie47: اجل سعوديه ازين مافيهن الطبخ والحين مهوب طابخات اجل وش نبي فيكم :razz: |
مزون يرحكم والديك :d ارحمينا 3 مواضيع كلها كشته :d ياحليلتس يامزون :surprised: مزينه تعتب بروح اشوف ذاك الموضوع وارجع للنقاش الحامي :d وفري ليوم الخميس >>يوم الاجتماع :d الا ماقلتي لي وش مرجعك في مواضيعك :d |
إقتباس:
اقول ودي اكوفنك واخليك هاموررر مشوي وش بلاك تناقر المزاين الي مثي هههههههه<<<<<<انطمي بس |
إقتباس:
بجد مزنه 3 موآآآضيع ينعن اووم السحبه شكلك بتسحبين علييييينا سنه بعدين :upset: ياويلك وربي تعودناا عليك :( ومواضيعك الفن تاستك :d لي عووده بأذن الله :smilie47::stoned: |
الطبخ آخر شي أفكر إني أسويه :d <<< يتخيل شكله وهو يطبخ :d أتفق معك إن موب لازم الحرمة تطبخ إذا كانت راجعة من دوامها لكن إذا كانت عاطلة لا شغلة ولا مشغلة لازم تطبخ يعني تبين راتب الزوج يروح على المطاعم والرجال مسكين يروح الدوام من الصبح ويرجع وهو تعبان في الأخير ما يحصل أكل :stoned: أتفق معك بخصوص عمل المرأة في الأسواق النسائية وممارسة النساء للرياضة أشكرك على الموضوع ورده وضحكت على عصبيتك في الموضوع :d |
الحين وين بالضبط يشتشتون فيه؟ هنا والا بموضوعك الأول والا الثاني؟ وش كل هالإغراء؟ :D:D شوفي .. من ناحية الطبخ .. فبصراحة الرجال أفضل من الحريم في كل شي مو الطبخ بس ..! لكن مو معنى هذا أننا نتعدى على حقوقكن وناخذ منكن المطبخ :) <<< ما جات هالحقوق إلا على الطبخ :D لازم نحسسكن ان لكن قيمة في المجتمع .. مو معقولة نخلي هالجنس اللطيف والناعم يحس أنه عالة على مجتمع الرجال :) يالله اطبخن واعجنن وغسلن ونظفن بيوتكن وحسّن ولو مرة بالمسؤولية يا بنات بلدي .. بالله عليك لو أننا حنا اللي نطبخ وننظف .. وش فايدتكن في الحياة؟ << أخاف يجي خروف منبرش ويقول إلا لهن فايدة بس لأنك عزابي ما بتعرفها زين :D المهم لا يكثر .. وترى الأيام هذي اختبارات مو وقت مواضيع طبخ واندومي انتي ووجهك يا البشعة :D سي يو ورده |
من المره الجايه إن شاء الله راح أطبخ بس الغسيل و ين أحطه فيت و أدوات النظافة و ين تروح ما حصلتها بعدين كبير الخط و غير نوعه أقول ما تبون بعد إحنا نرضع الأطفال و نلبسهم بامبرز ... خخخخخخخخخ |
إقتباس:
رد عيبني على قولة الامراتين بس يعني دلعونا يوموسوو لنا كبيسه او شكشوكه |
إقتباس:
ترانا جدتي عطتني دوره |
إقتباس:
لو تبي مومشكله غير للاطفال مابوه شي |
888 :d شوفي عيوني الاولى من الرجل الذوق انه يساعد زوجته في كل احتياجاتها من شؤوون البيت وغيره حتى الزوجه نفسها تساعد زوجها >> قولي قسم :d ان شاء الله بعود زوجي انه يساعدني من اولها حلو الزوج يكون حنون مثلاً يطبخ عن زوجته الجمعه :stoned: >> قاعده ارد وعقلي بموضوع ثاني فالعذر مدري شخربط :d حى بالنسبه للرياضه صحيح في ناس بأمس الحاجه لها واشوف انها عادي في ظل مناسبتها للأنثى وش بقى بعد الاسواق ..ماتفرق معي صايره مااحبهم كثير :) ان شاء الله بس اخلص اشغالي ارجع ارد عليك رد اوفر واشمل :d >>ايه طيب :d |
إقتباس:
إقتباس:
إقتباس:
من جد وش دخله الهندي يعرف مقاس ملابسك الداخليه .. أبن البلد اولى صح ولالا ؟! لازم ابن بلدك هو الي يعرفها ولا أحد غيره :d يعني اذا ماعرفها ابن بلدك من يعرفها الهندي ؟! ياعيب الشوم بس ازهليلها من اليوم ورايح بروح اشتغل انا بدال ذا الهنود :d ما بقى الا هي ياخذ المقاسات وشباب الأمه جالسه تتفرج :d شلون بنرفع بلدنا واحنا جالسين في بيوتنا ماناخذ مقاسات ولاشي ؟! :d --> وصل بنبان :d --> يعني مسك خط :d مزنة انا خايف عليك :d لأن الي يتحمس كذا اول بدايه يركد ولعد ينشاف خلاص يجيه ردة فعل عكسيه :d خففي المواضيع وخليها عندك بالجهاز وكل فتره نزلي واحد :d واكبر دليل متابعه بصمت :d وهي بصمت اقلقت ام المنتدى فتره :d والحين رجعت متابعة بصمت من جد :d بعدين الي يقول انك شينه عطيه كف وامزعيه s9s .. كل البنات حلوات s9s --> مريخي المجلس العام :d |
الصراحــهـ .. سأعـــاني فــي القرايــــهـ عيناي الجميلتـــان لا ترى مـا كتبــتي يا تكبرين الخط يا تغيرينه يا لا عاد تقولين رد على مواضيعي :D:D:D <<<< أنا المهم أنا |
الطبخ امره منتهي اختي صعب احس ان يكون الرجل بالمطبخ والزوجه جالسة مثلا جالسة انتي وامك وابوك يطبخ (لو قلت زوجك عادي لكن ابوك صعبة ) اما بيع النساء في الاسواق خاصة للنساء هذا موجود |
| الوقت المعتمد في المنتدى بتوقيت جرينتش +3.
الوقت الان » 09:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd