الهلال شكل ثاني بدون المسعري والقحطاني
 

في مباراتين سجل الهلال 12هدف ودخل مرماه هدف واحد وهذي نسبه جيده قياسا بان الهلال كان
مطالب بان يسجل اكبر كميه منالاهداف بمباراه الانصار واربعه اهداف بمرمى الطائي
الملاحظ ان الشلهوب استعاد مستواه توليو لازال مستواه متارجح وتمريراته غير دقيقه وعمر
الغامدي لايختلف عن توليو فالبرود يصاحب ادائه لكن نار الغامدي ولاجنه المسعري والقحطاني
وصدقوني لو واحد منهم موجود ماتشمون نص الاهداف لان وجودهم نقص وبتر لخط الوسط
وبغيابهم الرتم الهجومي السريع المرعب عاد للهلال برغم انخفاض مستويات بعض اللاعبين
ففي مباراتين سجل حسين العلي 3اهداف
ادميلسون هدفين
الجمعان 3اهداف
وسامي والمطيري وماسيدو والشلهوب هدف
التمياط في مباراه الطائي ظهر على مستواه بعض البطء وقد يكون للياقه او غيره دور في ذلك
كان المفروض على المدرب انزال العمودي بدلا الغامدي وذلك لاشعال الجهه اليمنى هجوميا
ثلاثه الله يريحنا منهم حسن النكبه وابو مسعر وابو قحط

الله فكنا من هم ....
وسلامي....

بالله عليكم هذا المسعري لاعب عاد
الكورة مهيب طردي وتكسير وكروت وتردد ،، ترى البطولة العربية هو اللي ضيعها الله يضيع وجهه ...
جعله بسلامتي ماعاد يطقها مع الهلال.....

اي والله الله فكنا منهم
والا كان الهلال الحين في خبر كان

يا أخوان أذيتونا
فكونا من الهرج الفاضي
ترد هذى ماهو وقته.

خلاص شباب
 

انا تصيبني حساسيه اذا بس سمعت اسم المسعري(الخبل) والقحطاني

بس هذا الهلال يلمع بس باقي شوي ويسطع
انا لما حضرت مباراة الهلال والانصار
<<< من المدينه
تفاجأت بمستوى العامودي فعلا مستقبل الهلال العامودي

باي

والله معك حق فعلا الهلال أفضل بدونهم - مع احترامي لهم -





Blue Passion 15-9

الحمدلله ما لعبو

صحيح انهم هم كانو على القلب

كلام واقعي..
 

فعلا..مع الاسف..الهلال بوجود المسعري والقحطاني واضيف عليهم الكاتو طبعا تحس انه يعاني من مشكله في رتم اللعب..

والحمد الله..بعد عوده النجوم اصبح الهلال شكل ثاني ولله للحمد..والف مبرووك,,

اووووووووووووووووه ........تكفون حطوا معهم العتيبي والمفرج والنزهان الثلاثي الشؤم

أسأل الله أن يكونون دايم بعيدين

اما الهلال شكل ثاني !! وثالث بعد!! حرام مثل هالثنائي يلعب في زعيم اسيا!! هذالي حدهم سدوس والفيحاء وارطاوي الرقاص!!
الفرق بين الهلال في وجود الثنائي المرعب(مسعري -قحطاني) والهلال بدونهم مثل البلاي ستيشن لما تحط سرعة اللعب على الصفر ! ولماتحط السرعه فل!!!