دكتـور vs عميـد الكليـه ..(قصتـي)
 

بسم الله الرحمن الرحيم ..
صباح / مساء الخير للجميع ..


بدون مقدمات ..

بسم الله الرحمن الرحيم ..
سعادة رئيس قسم ...... المحترم
السلام عليكم ورحمة الله وبركاته وبعد ..

أرفع لكم خطابي هذا وفيه أفيدكم بأن والدي توفي بداية الفصل الدراسي الثاني (رحمه الله) ونتيجه لذلك فقد تغيبت عن المحاضرات مده تزيد عن نسبة 25% لذا أتمنى من سعادتكم مراعاة ظرووفي الخاصة والمرفقة إثباتاتها مع هذا الخطاب وشكرا ..
الطالب / عبدالمحسن

الله يرحمك يا يبه .. :(

بعد ما سلمت الخطاب لرئيس القسم دار بيننا كلام ..



رئيس القسم / غيابك كثير يا عبدالمحسن.. وبعدين موضوعك لازم يمر على العميد أولا ومجلس الكلية ثانيا ويمكن يوافقون أولا ..

أنا / غيابي مثل ما قلت بالخطاب بعذر رسمي (وفاة) ..


رئيس القسم / أوكي إنت رح للعميد وقدم خطاب جديد وإن شالله يوافق على موضوعك ..


طلعت من عند رئيس القسم ورحت أنا ومجنون الزعيم (9) << :smilie47: قلوب من هنا للجامعه ..

لعميد الكليه وكتبت خطاب جديد وصورت الإثبات ورفتعها مره ثانيه ..

كان موجود لحاله بالمكتب .. عميد الكليه سمعته زينه عند الطلاب ودايما يمدحون فيه عشان كذا كنت متفائل أنا ومشعل إنه بيخلص موضوعي ..


عميد الكليه / الله يرحمه إن شالله وعذرك عبدالمحسن واضح وصريح ومراعاة لظروفك ما راح أخلي الموضوع يمر على مجلس الكليه .. بس أبي منك شغلة وحده بس ..

أنا / سم

عميد الكليه / أنا بوقع لك الخطاب وبوجهك لرئيس القسم مره ثانية وقل له أبو عبدالعزيز يسلم عليك ويقول خل دكاترة الطالب يوقعون على موافقتهم على دخولك الإختبار ..

أنا / يعطيك العافيه وما قصرت ..

رجعت أنا ومشعل مره ثانيه لرئيس القسم وعطيته الخطاب ..


رئيس القسم / ما يصير هالكلام .. واضح من كلام العميد إنه ما يبي الموضوع يمر على مجلس الكليه .. ولا وش رايك إنت .؟


أنا / إنت قلت الموضوع عند العميد ولما قرر العميد وعطاك الخطاب تبي تعقد الموضوع ...!!

رئيس القسم / أنا ما قلت شي بس النظام يقول موضوعك لازم يمر على مجلس الكلية ويقررون هم .. إسمح لي ..:upset:

أنا / أوكي يصير خير إن شالله ..



ومره ثانية للعميد ..


أنا / رئيس القسم رفض يوجه الخطاب للدكاترة ويقول لازم موضوعك يمر على مجلس الكلية ..

عميد الكليه / شلون هالكلام ..؟! الموضوع عندي وأنا أشوف إنه مافيه داعي هالكلام لأن مجلس الكلية بالنهاية ما يقدر يرفض عذر رسمي وواضح ..

أنا / والله يابو عبدالعزيز هذا اللي صار ..



إتصل عميد الكلية برئيس القسم وإنتهى الموضوع ورجعت مرة ثانية لرئيس القسم .. :upset:


رئيس القسم / خلاص عبدالمحسن خذ الخطاب ومر على الدكاترة اللي عندك وخلهم يوقعون على موافقتهم في دخولك الإختبار ..


الدكتور الأول / أوافق على دخول الطالب عبدالمحسن الإختبار النهائي

الدكتور الثاني / أوافق على دخول ............... إلخ
على فكرة الدكتور الثاني أدرس عنده مادتين

الدكتور الثالث / نفس الكلام اللي فوق ...وافق

الدكتور الرابع / وافق بعد ..

الدكتور الخامس / مو على كيفك إنت والعميد .............))


وش صار مع الدكتور الخامس وكيف دخلت الإختبار غصب عنه ...

كل هذا بالجزء الثاني ..




تكملة الموضوع لما أشوف الردوود ..

الله يـرحم ابوك .. ويسكنـه جنات النعيـم.م ..

ورئيس القسم.م هذا يبي يصعبها وهي سهله .. < وده يشوت رئيس القسم حقك

يالغالي ... الله يرحم أبوك ...


وبإنتظار الجزء الثاني ...

والله فيه ناس ماتتفهم المواقف ابدا

لاكن فيه ناس تعقد الشي

ولي رجعة لموضوعك

باك

اخوي عبدالمحسن

والله انا ابدا ما أستغرب شي عن الدكاترة وطقتهم لأن فيه بعضهم الله عطاهم علم لاكن في نفس الوقت سلطه على أنفسهم فقط
يعني خلاص كلمته يمشيها لو كانت غلط

أذكر ياعبدالمحسن اول كنت في كلية وجيت أخر مادة أبتخرج وأنتهي لاكن أصر دكتور أنه يرسبني فيها ولثلاث مراة على التالي

لأني مرة جيتة ووريتة حلي ووريتة المذكرة اللي كاتبها بخط يدة ومافيه فرق بينها أبدا وقلت إجابتي صحيحة 100% ولا عطاني وجه

ونا من النوع اللي يرتفع ضغطي

وقلت له ياالغالي مافيه فرق قال أقول أنقلع لأعطيك صفر كبر راسك تخيل دكتور متعلم يقول هالكلام عاد قدام الطلاب وأرتفع ضغطي وقلت له
يادكتور أنا راسي صغير لو راسي كبر راسك كان أنا معيد هنا مع مرتبة الشرف

يوم قال أطلع برا ولا انت ناجح عندي أبد

وقلت رح الله يلعنك ولا يحللك ولا يبيحك >> من القهر أستغفر الله

وفعلا رسبني عنده 3 مرات وصرت أذا جت مادته ونفس الدكتور وطلبت تغييره وعيوا علي ما احضر لانه دايم يتحلف فيني

لين تخرجت بتقدير مقبول والحين من يقبل مقبول

لاكن الحمدلله على كل حال

أقول عبدالمحسن معليش طولت علىيك بس صراحة موضوعك قوي
ومساحة لتعبير عن مثل هذي الضروف

وبإنتظار الجزء الثاني

الله يرحم أبوك برحمته يا رب العالمين

يا أخي الدكاتره كأنه إذا عذرك ولا دخلك الإختبار بيدفع شي من جيبه

الله يعينك ويوفقك ...

الله يغفر له ويرحمه ويسكنه الجنة ..
وجميل أن العميد تعـآون معك ..
سبحـآن الله .. الي نيته صـآفية أمورهـ تمشي زي الحلآوة ..
الله يوفقك وبانتظـآر جزء دق الخشوم :D ..!

الله يرحم أبوكـ ويغفر له ويتجاوز عنه ,

إقتباس:

الدكتور الخامس / مو على كيفك إنت والعميد .............)) وش صار مع الدكتور الخامس وكيف دخلت الإختبار غصب عنه ... كل هذا بالجزء الثاني ..

أهم شي انك دخلت الإختبارغصب عنه ,

ننتظر الجزء الثاني

الله يرحم ابوك ..ويدخله للجنه ..

ممكن سؤال....

بأي جامعه انت تدرس...؟؟؟

(تكفى نزل الجزء الثاني >>>تحمست )

تحياتي:)

< فاطس ضحك:d انا ضيف شرف على الموضوع:D

يمكن بالجزء الثاني اخذ الورث واسحب عليهم<< طلع مسلسل مصري:d

عبدالمحسن .. اخيرااا:d

< ترى ماله داعي ارد لأني عارف القصه :D


المشاغب :D vous est fou

الله يرحم ابوك وعظم الله اجرك :(

بالنسبه لموضوعك ياخي فيه دكاتره يجونك عسل ويجونك ناس تتمنى ان الشمس و القمر مايطلعون عليه اليوم الثاني

ننتظر قسم الثاني للقصه

الله يكون في عونك اخوي عبدالمحسن بس من جد مشعل ماله دور:stoned:

اولا الله يرحم ابوك
ننتظر الجزء الثاني

يعطيكم العافية عالمرور ..

بالجزء الثاني ..