فلم هندي على كيفكم
 

الأفلام الهنديه..جميله.. ولكن القصه دائما ثابته..
البطل يقع في غرام عشيقته, ويكتشف أن ابوها هو قاتل ابيه, فيقرر الإنتقام في الوقت الذي يلعب ابن عمها دور الشرير الطامع فيها وبمباركة ابوها..

في النهايه طبعا يفوز البطل بعشيقته..

جميع الأفلام الهنديه تدور حول هذا المحور..

وانا مع كل من وصف الرياضه هنا بالسعوديه بالأفلام الهنديه..
فالبطل معروف...الزعيم طبعا

والبقيه كومبارس.. كل يوم لهم دور.. يحاولون عرقلة الزعيم..
فمثلا هاذي السنه الإتحاد يمثل دور(ابن العم الشرير)
والإتحاد السعودي هو أبو البنت
والبطوله هي عشيقة الزعيم
والنصر مجرد تكملة عدد لزيادة وقت الفلم

المهم.. والي الجميع متفقين عليه.. ان البطل(الزعيم) راح يفوز بعشيقته (كأس الملك)

@@@@@
من بداية نظام المربع, تصدر الزعيم الدوري ست مرااات..
النصراويين مثلا..الي صاجين العالم.. ما تصدروا الدوري ولا مره

@@@@@
الإتحاد يفوز على الرياض بعشره(بدون محترفي الرياض لأسباب مجهوله), والطائي يفوز على الأنصار بسبعه في مباراة فاصله, والإتحاد يفوز على الأهلي بأربعه(هذا وهو متأهل للمربع).. كل هاذي افلام فاشله.. ما ترضي الجمهور ... الجمهور يبي بطل.. يبي زعيم.. موب بيضة ديك


@@@@@
إعلان..
يعلن نادي الزعيم عن طلب من يجد في نفسه القدره على المشاركه في الفلم الختامي لهذا الموسم وهو بعنوان
(العين تدمع.. والكأس في أيدي الزعماء يلمع)
علما بأنه سيكون هناك مشهد رومانسي بين الثنيان والكوره ومدافع الفريق المنافس

@@@@@
اشكر المنتديات الإتحاديه والنصراويه على النقل المميز لمباراة الهلال والطائي أمس..
فوالله كانت المباراة من كيبورداتهم اكثر متعه ..
(الهلال يسجل الهدف الأول )
(الثاني )
(الثالث )
(باقي 15 دقيقه على نهاية المباراة .. يا رب)
(الرابع )
(الخامس )
(السادس )

طيب الإتحاديه طرف بالموضوع.. النصراويه وش لقفهم؟؟
ما اقول الا الله يخلي لكم الزعيم ولاعبيه الي مالين منتدياتكم

@@@@@

من ما نقرأه في المنتدى النصراوي, لا نحس انه لديهم مباراة حاسمه يوم الأحد القادم أمام الأهلي, فجل مواضيعهم عن الزعيم ولا عبيه..
عموما..الأهلي مفصل تفصيل جاهز لكي يفوز عليه النصر:
1- ايقاف اربعه من لاعبيه
2- عدد كثير غيرهم مهدد بالإيقاف(عن كأس ولي العهد)
3- مشتت ذهنهم في البطولتين
4- المباراة في الرياض
5- الغاء عقد المدرب ومدير الكره في النادي

ومع ذلك.. انا رأيي ان الحقيقه اجمل من الخيال يا نصراوية

;) ;) ;)

صدقت يالغالي ، شكرا لك ..


ولهم أقول :

ياللي ساقه الجنون
وماله بالملعب جمل
ياخيابة الظنون
وياانتكاسة الأمل
استفيد من الفنون
وعد جمهور البطل
ضيعوكم بالزحام
ياحرام وياحرام
( مايصح إلا الصحيح - سماوي )