نعم مشكله اعاني منها انا واخواني الهلاليه ابوي نصراوي صميم يكره الهلال الى حد الجنون الله يهديه يقول لوقابل الهلال الكيان الصهيوني شجعت الصهاينه
ما اقدر اتابع مباريات الهلال وهو عندي بالذات بعد اعتزال سامي لانه ايام سامي كان يقولي قبل مباراه الهلال والنصر اذا سامي موجود ياوليدي علمني عشان انام بدري وانا مرتاح بلا وجع رأس لانه يعرف ان سامي بيحسمها للهلال .
الله يوفقه الميزه الوحيده فيه انه يموت بسامي والله غريبه نصراوي يموت في سامي نعم ولا يسميه الا الذيب اذكر عام 1410 هـ قالي اسمع واحفظها مني وانا بوك لاعبكم ذا راح يكون المهاجم الاول عربيا ووالله ياولدي وقل ماقلته ان يكون وصول المنتخب للعالميه على ايده اذا استمر بنفس المستوى وبدون اصابات وفعلا حصل هذا بعد 4 سنوات وذكرني بكلمته في بدايات سامي
.
وكان يقول ان اللاعب ذا دعوه علينا معشر النصراويين والله شكله بيطير النوم من عيونا الله يفكنا منه يحترف ولا يشوفون له صرفه
وماكان يسميه الا الذيب ويوم اعتزل قام يتابع بشغف مباريات الديربي زي اول (آآآآآآآآه ياسامي ليتك فيه) والله انه ذبح ذبيحه يوم فاز النصر على الهلال ببطولة فيصل هذي السنه بعد المباراه عزم كم فقراوي صغار وكبار وعشاهم خروف والقهر اني ابكي بالملعب وهو يعزمني يقول احجز وتعال بكره ذبيحه ثانيه لاتفوتك الخرفان واخواني عنده دله رايحه ودله جايه وهم هلاليين مساكين ويش يسوون
ابوهم الله يطول بعمره ويرده للصواب عمره ستين ادعوا له الله يوفقه ويكون هلالي ويريحنا ولا يجينا واحد مثل سامي عشان يخليه يقاطع مباريات الديربي
.!!
الوضع العادي
