بسم الله الرحمن الرحيم

السلام عليكم هذا اول موضوع لي بالمنتدى كوني عضو جديد..!<<افهموها رحبوبي
انتشر في هذي الايام مقاطع فيها سب وشتم لابو متعب ولبعض الرؤساء العرب والمشكلة انها انتشرت في اليوتيوب يعني الي ما يدري يدري ..!!
مثل مقطع شاطر شاطر الي فيه كونداليزا رايس كانها معلمة والرؤساء العرب التلاميذ وايضا مقطع بحبك يا حمار الي وفيه الملك عبدالله هو الحمار الله يكرمكم

ودي لو نحارب هالمقاطع ولو بحجبها عن السعودية على الاقل هذا رابط طلب حجب واتمنى من الجميع طلب حجب :

http://www.internet.gov.sa/resources...t-ar/block-ar/

وطريقة طلب الحجب كالآتي :
1- تضع بريدك الالكتروني (الايميل) في الحقل الاول .
2-تضع الروابط الي تبغى تحجبها.
3-تضع سبب طلبك للحجب نقول :
لما فيه من سب وشتم للملك عبدالله (حفظه الله).
4- ارسال.

ودمتم بود

:: HILALI ::

اتمنى اخوي تحذف المقاطع ..
مشكووووووووور .. والله يشل يد اللي سواها ..

اولاً حياك الله اخوي ومرحبا بك في هذا المجلس المبارك ..

ثانياً ياخي العزيز انت اللحين مسوي تبي تحارب نشره وبكذا انت تساعد

على نشره الله يجزاك خير وانت لاتعلم !!!

ابومتعب قائدنا وملك القلوب وقسمن ان مثل هذه لاتزيدنا الا حبا وترابطاً مع حكامناً

واقسم يمين ان اكون موالي لملكنا الوالد الحنون عبدالله بن عبدالعزيز

مادمت حيا على الارض ،، واقسم ان روحي فداء لديني ثم مليكي ووطني ..

والله يشل ايد من سواها ،،

والسلام عليكم ورحمة الله وبركاته ،

إقتباس اتمنى اخوي تحذف المقاطع ..

مشكوور على المروور وطلباتك اوامر

إقتباس ثانياً ياخي العزيز انت اللحين مسوي تبي تحارب نشره وبكذا انت تساعد على نشره الله يجزاك خير وانت لاتعلم !!!

مشكوور على التنبيه وان شاء الله اني صححت الخطا بحذف المقاطع

والله انك مسكين ياهلالي
حطمونك
احس انك ماراح تحط مواضيع
خخخخخخخخخخخخخخخخخخخ

إقتباس الرسالة الأصلية كتبت بواسطة عاشق المووج الازرق والله انك مسكين ياهلالي حطمونك احس انك ماراح تحط مواضيع خخخخخخخخخخخخخخخخخخخ

بالعكس ياخوي مافيها تحطيم ولا شئ !!

اللهم تذكير فقط لاغير ،، والرجال بالاول ممكن ناسي ويجهل الامر هذا ..

وجزاه الله كل خير على تجاوبه والذي ان دل على شئ يدل على طيب معدنه ..

اكرر ترحبيبي فيك وياهلابك ورده

إقتباس والله انك مسكين ياهلالي حطمونك احس انك ماراح تحط مواضيع خخخخخخخخخخخخخخخخخخخ

بالعكس هذا يزيد من همتي واصراري وكل انسان يخطئ والخطوة هذي راح تشجعني اكثر على كتابة المواضيع واستفيد من اخطائي وبردك هذا انت تحمسني على اني انزل موضوع ثاني..!!
بس لحظة على الاقل انا حاولت وكتبت موضوع انت قد كتبت موضوع ..؟
لا
واتمنى انك تكبر عقليتك شوي اخوي

إقتباس الله لايوفق الي سواء كذا بالله وش سواء لهم ملكنا ابومتعب الله يحفظه ياجبل مايهزك ريح >>>>> والله الموفق

مشكوور على المرور اخوي..!!

والله لا يوفقهم وانت صادق ياجبل ما يهزك ريح

إقتباس بالعكس ياخوي مافيها تحطيم ولا شئ !! اللهم تذكير فقط لاغير ،، والرجال بالاول ممكن ناسي ويجهل الامر هذا .. وجزاه الله كل خير على تجاوبه والذي ان دل على شئ يدل على طيب معدنه .. اكرر ترحبيبي فيك وياهلابك ورده

مشكوور اخوي والله يكثر من امثالك ومشكور على الترحيب

الحمدلله
بعدين فيه احد يحط موضوع سب ويحط مقطع اللي فيه السب

والله عيب والله عيب
هالحين يوم الرسول سبوه ورى ماحطو صورته


اتنمى ان ينضج عقليتك

فيه حل ثاني نحط مقاطع نمدح فيها الملك عبدالله بن عبدالعزيز (حفظه الله)

إقتباس الحمدلله بعدين فيه احد يحط موضوع سب ويحط مقطع اللي فيه السب والله عيب والله عيب هالحين يوم الرسول سبوه ورى ماحطو صورته اتنمى ان ينضج عقليتك

اول شي الموضوع مو موضوع سب ولا شتم اقرا المضوع زين الله يصلحك ما سبيت فيه احد والمقاطع اعترف اني غلطت بس عدلت الخطا وحذفتها واتمنى من الادارة انهم يتفاهمون معك لان ردودك راح تسبب مشاكل وما راح ارد عليك اذا رديت مرة ثانية الادارة ان شاء الله راح ترد
ولا وش هذا الرد

إقتباس والله انك مسكين ياهلالي حطمونك احس انك ماراح تحط مواضيع خخخخخخخخخخخخخخخخخخخ

هذا رد يدل على ايش على صغر عقليتك مع احترامي لك وانا اناشد الادارة انهم يتفاهمون معك..!!

إقتباس فيه حل ثاني نحط مقاطع نمدح فيها الملك عبدالله بن عبدالعزيز (حفظه الله)

مشكوور اخوي على الرد والتفاعل وعلى هالحل والله حلو نشر المقاطع الي فيها مدح للملك حفظه الله مثلا زي هذا المقطع :
http://www.youtube.com/watch?v=tzVS40lRj58>>> سارق القلوب

يا إخوان ملك ونعم وإحنا على أمره في طاعة الله لكن لي عتب على كلمة

إقتباس ابومتعب قائدنا وملك القلوب وقسمن ان مثل هذه لاتزيدنا الا حبا وترابطاً مع حكامناً

ملك القلوب هو الله جل جلاله .. دليل (( يا مقلب القلوب ثبت قلبي على دينك ))

فهو مقلب القلوب ومآلكها وحقيقة لا أعلم لما لا يفتي العلماء بهذا الأمر

الله يرزقنا الطيب ويبعدنا عن الخبيث