ART الزعيم .... قريباً - نادي الهلال السعودي - شبكة الزعيم

القصيمي2002 · #1 08/06/2008, 09:52 AM

السلام عليكم ورحمة الله وبركاته ......

أولاً على حسب موضوعي ( ART الزعيم ) قريباً قبل شهرين تقريباً أحد الأخوه جاب رابط في أعلان عن ( ART الزعيم ) ويقول الإعلان أنه راح تفتح عام 2008م ويبدو أنه خلص العام ولا شفنا شي للحين ياليت تفيدوننا .

رسالة للزعماء ...

ألي يطالبون بأن ( ART ) ماتفتح قناة الزعيم بالله عليكم عاجبتكم قناة الزعيم الموجودة ألحين تشات تقل أطفال عندهم لا بعد لو هي فاتحه قبل أشهر ماقلنا شي يمكن تتغير هل تدرون أنه دخلت السنه الثانية وهي على الحال

السؤال :

من راح ينقلكم المباريات مباشر إذا كانت غير ( ART ) ؟

ولكم جزيل الشكر ...

هلالي شمالي_عرعر · #2 08/06/2008, 09:58 AM

لآ وآلـف لآ

مآ نبي قنآه آسمهآ ART آلزعيـم

لأن هالقنآه رآح تفشـل

يآليت الأدآره الجديده تلغي العقـد

ويآرب آلجزيره الريآضيـه تآخذ الدوري آلسعودي ونفتك من العله اللي آسمهآ ART

تقبل مروري

Nilmar · #3 08/06/2008, 10:00 AM

و مو ضروري بعد انه ننتقل من سيء الى اسوأ صح ؟

يعني اذا قناة الزعيم الحين سيئه بنظرك اللي راح ينقذنا ويطور القناة هي الـART??

الـART تحاول بكل الطرق تحجيم شعبية الزعيم

ولو جا اجنبي ولا عربي ما يعرف عن الدوري السعودي شي وشاف اخراج اعتزال سامي واخراج اعتزال ماجد بيقول نادي النصر النادي الاول شعبيه بالمملكه وهذا كله بسبب الـART وعنصريتها مع جماهير الهلال

شكراً على الموضوع

إعتيازي · #4 08/06/2008, 10:03 AM

يارجال .. موتي عزيز ولاحياة المذله

والله إنك لتقول ياليتنا بقينا على قناة الشات أقل شي تحس إنه معك

ماهو قناتك وضدك !!

زعــيــم آسيا · #5 08/06/2008, 10:03 AM

ART هي الافضل شئتوا ام ابيتوا...!!

ننتظر ART الزعيم بفااارغ الصبر....

فواز بن عبدالله · #6 08/06/2008, 10:08 AM

بإختصار الـ art مافكرت في قناة الزعيم حباً في الهلال

بل حبا في جماهيرية الهلال ومامدى الدخل الكبير المتوقع

من ورى الجماهير إذا اشتركت فيها ..

القصيمي2002 · #7 08/06/2008, 10:10 AM

أشكر مروركم

صحيح كلامك

بس صدقوني أن ( ART الزعيم ) غير

أولاً : راح تنقل المباريات حصرياً لأنه تبع ART

ثانياً : صدقوني راح تتغير

ثالثاً : لن تكون حيادية مثل ما يقالهم يسون ألحين .

رابعاً : راح تكون هلالية متعصبة لا نريد أهداف الأندية الثانية أو مبارياتهم بيصير كل شي هلال .

داااني · #8 08/06/2008, 10:11 AM

الحمد لله صار لي ثمان شهور مقاطع قنوات الـ art ولم تفتني أي مباراة
ومع هذا كله مستحملين عنصريتهم عشان الزعيم فقط ..

وبالعربي بنقولها لهم ( لا للقنوات الإحتيال والعنصرية )

$هلالي$ · #9 08/06/2008, 10:12 AM

ماهو قناتك وضدك !!

أعجبتني كلمتك ...

7
7
7

القصيمي2002 · #10 08/06/2008, 10:14 AM

أشكر مرورك

داني

مقاطعهم ههههههههههههههههههههه

صدقني راح يجي اليوم ألي تقول فيه ياصديق ( البنقالي ) عندك بطاقة ART

RED Line · #11 08/06/2008, 10:15 AM

يعني يا نرمي نفسنا في احضان التعصب والظلم في آرتي . . .
او محطة البزارين والتشات . . .

يعني مافي حل ثالث . . .
ماهذه العقلية ؟؟ انظر لجيراننا النصراويين حطولهم محطتهم وشغالين زي العسل . . .
اما عن بث مبارياتنا . . . فهم باثينها باثينها . . . على قناة الزعيم او غيرها . . .

هـزيـم · #12 08/06/2008, 10:22 AM

ياخي انت شف اسمها واحلب لبن

وقناة الاهلي المصري اسمها قناة الاهلي
وقناة ريال مدريد
وبرشلونه ومشستر وارسنال وووووو
وحنا الزعيم لا ويليت الزعيم بس لا وزد عليها art