ahzzq

إقتباس اخوي الخصم مايشجعك تحضر حتى اللاعبين عارفين النتيجه علشان كذا اليوم كانت المباراه ممله وانت عارف بعد اختبارات يعني اختبارات وخصم مايشجع يخلي المنتخب يطلع ابداعاته اجتمعن في مباراه وحده

اذا كان سببك الأول على كذا بنشوف الملعب فل يوم السبت الجاي لأن المباره مع اوزبكستان ..
مـع ما أـتوقع لأن الأختبارات تبدأ بنفس اليوم ..
الله يوفق منتخبنا ..


البردويل

إقتباس اقوووووول منتخب وراه ادارة التشفير ونهابة الدولارات ينعاااااف

وش دراك يمكن مشفرين المباره عشان الجمهور يحضر ..
ويرحم أبوك فكنا من السياسه


بنادول ياسر

إقتباس ياخوك شلون تبغى نحظر والجامعات بعد يومين الامتحانات والمدارس الاسبوع الجاي تبدأ عن نفسي اختباراتي اهم والله يوفق المنتخب السعودي

الله يوفقك بأختبارتك ..
وإذا كــذا ادعوا للمنتخب بالتوفيق ..


أحبك يازعيم

إقتباس الحضور الجماهيري القليل في مباراة الليلة سببه : أولا / الامتحانات ثانيا / مباريات أوروبا ثالثا / مستوى منتخبنا اللي مايشرف ! رابعا / ضمان النتيجة كون المنتخب المقابل ضعيف

الأول :: ما قلنا شـــي ..

الثانـي :: المنتخب أهـم ..

الثالث :: أنت أحضــر وشوف المستوى

الرابع :: مو شرط تصفيات 2006 مع الكويت ويعتبر ضعيف وفزنا 3 وشفت كييف الحضور ..


غامدي والراس عالي

إقتباس والله انك صادق لا ويتعذرون بالاختبارات ونص شباب الرياض عطالي بطالي والدعوه كلها 20 ريال بس وين ألي يحس بالوطنيه

أخـــيراً لقيت واحد يوقف بصفـي ..
يعطيك العافيه ..

أبسألك :: أنت حضرت المباره ول لا ؟؟


سعودي دريسدين

إقتباس وشلون تبي الجماهير تحضر وعندك كل هالاسباب / الاختبارات :- والله بصراحة الاختبارات اهم ,, الوطن اكيييييييد يستاهل اننا نضحي لأجله ,, وضحينا لأجله ايام تصفيات 2006 على الرغم انها كانت اول يوم بالاختبارات ,,, لكن كان منتخب يحمسك , منتخب فيه روووح , منتخب وطن بجد ,,, اما منتخب زي هذا ما يستاهل التضحية ,,, هذي اختبارت تحدد مستقبل ,, والله لا رسبت وسقطت وضاع مستقبلي محد راح يسأل فيني لا سلطان ولا نواف ولا اللعيبة !! اول كنا نضحي لعيون الاخضر لأنه كان يمتع وكان بالفعل مثابة الفخر والاعتزاز لنا كـ مواطنين !! لكن الحين وشلون تبينا نضحي لجل منتخب زي اللي شفناه اليوم ؟! وشلون تطالبنا بالوطنية وادارة المنتخب اصلا ما جابت خبرها ؟! وباعت مباريات المنتخب وحرمت باقي المواطنين اللي خارج الرياض من متابعة منتخب (( وطنهم )) ؟! الله اكبر الحين الاتحاد السعودي مرة محتاج فلوس لهالدرجة !! وشلون تبينا نحضر والمنتخب فيه اسماء اقل ما يقال عنها انها لا تستحق اللعب في الاخضر !! وشلون تبينا نحضر واحنا نشوف اسماء كثيرة جدا تستحق اللعب وهي افضل من الموجودين ,,, وعلى الرغم من ذلك يكابر (( اتحادنا الموقر )) وليس المدرب ولا يستدعيهم !! وشلون تبينا نحضر ولاعبين المنتخب يلعبون من غير روح واستهتار كبير جدا واهمال !! حتى انهم صارو يخلصو لأنديتهم اكثر من المنتخب !! وشلوووووووووووووووون في ظل كل هالاسباب تبي الجمهور يحضر ؟؟!

يــا ســـــاتر كـــــــــل هذا شايله بقلبك على الأخضر والأتحاد السعودي ..
ع العمووم أنا اوافقك في أغلب ارائك .. خصوصاً ضم بعض اللاعبين وترك آخرين ..
ولكن ما بيدنا شي نسويه ندعم المنتخب بأي لاعبين ..
يعطيك العافيه ..


الــكــاســ20ــر

إقتباس الجمهور لا يمكن ان يكون عذر ابداً الجمهور طالب وطالب وطالب ولا نداء لمن تنادي كيف تناشد الجمهور بالحضور وهم لم يستجيبوا لنداءاتنا ؟؟؟؟؟

احنا ما قلنا الجمهووور عذر ..
قلنا الجمهووور من أهم الأسباب لظهور مستوى الأخضر .. وأنهم يلعبوا بروح قتاليه ..
وهذا موو كلام كلام كابتن المنتخب ياسر ..
قال:: كيف تبغى المنتخب يقدم مستوى والجمهور ما يحضر ..
أنا أشووف معاه حق .. بغض النظر عن اللاعبين او المستوى او التشفير او الخصم ضعيف ..
بالتوفيق للأخضر ..

اخوي أحسن شيء ما نبغى نروح المبارة كل مبارة للمنتخب على البث الارض والا اي ار تي
بله عاجبك جميع المنتخبات مبرياتها منقولة الا نحن

إقتباس أقول اللحين المنتخب واللاعبين مع احترامي الشديد لياسر لا يآخذون الجمهور عذر ما في وطنية ما في روح أنت تقول الجمهور جمهور أندية لا تنسى أن أغلب اللعيبة لعيبة أندية كمان وين المستويات والتألق اللي نشوفه في الدوري أنا مش متفائل أبداً بهالمنتخب صراحة لا وطنية ولا مدرب لو بنجلس نتابع منتخب بهالمستوى ما راح نخلص وبيجينا الضغط والسكر لذلك أقول خلك مع اليورو وكبر دماغك

ياحبيبي اي جماهير

هذانا وصلنا في كاس العالم 94 لمرحله ماقد وصل لها منتخب عربي .... وبدون جماهير

وفي كاس اسيا

ترى كل اللي موجودين في المدرجات 480 شخص سعودي

وشف وش سووا في اسيا

يارجال يتعذروون على الفاضي

مثل ماقال صاحب الرد المقتبس

مافيه وطنيه

إقتباس الرسالة الأصلية كتبت بواسطة عاشق ليو ميسي اخوي أحسن شيء ما نبغى نروح المبارة كل مبارة للمنتخب على البث الارض والا اي ار تي بله عاجبك جميع المنتخبات مبرياتها منقولة الا نحن

وانا معك اخووي ..

يعني أنا خارج الرياض وكل يوم على قناه عشان المنتخب ..

يا حظكم جمهوور الرياض لو تحظروون وتريحوون بالكم ..

بصراحه انا كرهي للاتحاد السعودي يخليني استمتع لما اشوف الملعب فاضي


بوسط الدوري الهلال يلعنون خامسه بالقرارات والظلم ولما يجي المنتخب انواع التوسلات لجماهيره خلوهم من كذا واردى

يمكن يكون كلامك صحيح إن مافيه جماهير
بس هالشي مايخليهم يلعبون بالمستوى هذا !!!
والله العظيم يفشلووووون المباريـات الوديـه للمنتخبات الثانيه أقوى
من مباريات منتخبنا وهي تصفيـات !!!
مهب عذر لأي لاعب إنه مايقدم مستوى ويلعب بدون روح وإستهتار علشان
الجمهور ماحضر ؟؟؟ !!!!
مجموعتنـا أقل مايقال عنها أضعف مجموعه ونشوف منتخبنا يلعب بالشكل هذا
ويالله يالله يفوز ويجي علينـا أهداف بعد وتبينا نأمل فيهم !!!!
إذا كانوا يبون كأس العالم فكأس العالم مايجي بالساهل كأس العالم يبيله حماس وروح
ووطنيـه ولعب من قلب علشان إسم الوطن مهب علشان الجماهير حضر !!!

teva4ever

إقتباس ياحبيبي اي جماهير هذانا وصلنا في كاس العالم 94 لمرحله ماقد وصل لها منتخب عربي .... وبدون جماهير وفي كاس اسيا ترى كل اللي موجودين في المدرجات 480 شخص سعودي وشف وش سووا في اسيا يارجال يتعذروون على الفاضي مثل ماقال صاحب الرد المقتبس مافيه وطنيه

انت تقصد ما فيه وطنيه للاعبين او الجماهير او الأثنين ..
ان شاء الله الوطنيه مووجوده .. لكن نحضر ونثبت وطنيتنا ..


ابو ســـامر

إقتباس بصراحه انا كرهي للاتحاد السعودي يخليني استمتع لما اشوف الملعب فاضي بوسط الدوري الهلال يلعنون خامسه بالقرارات والظلم ولما يجي المنتخب انواع التوسلات لجماهيره خلوهم من كذا واردى

كلنا مثلك أخووي ابوسامر معترضين على بعض القرارات تجاه الهلال او بعض الأنديه ..
لكن هذا القرارات يمكن من بعض اعضاء الاتحاد السعودي ..
وليس من الأمير سلطان بن فهد نفسه ..
هذاا مووضوع وهذاا مووضوع آخر ..


قلبي مملكـة والهـلال يملكـة

إقتباس يمكن يكون كلامك صحيح إن مافيه جماهير بس هالشي مايخليهم يلعبون بالمستوى هذا !!! والله العظيم يفشلووووون المباريـات الوديـه للمنتخبات الثانيه أقوى من مباريات منتخبنا وهي تصفيـات !!! مهب عذر لأي لاعب إنه مايقدم مستوى ويلعب بدون روح وإستهتار علشان الجمهور ماحضر ؟؟؟ !!!! مجموعتنـا أقل مايقال عنها أضعف مجموعه ونشوف منتخبنا يلعب بالشكل هذا ويالله يالله يفوز ويجي علينـا أهداف بعد وتبينا نأمل فيهم !!!! إذا كانوا يبون كأس العالم فكأس العالم مايجي بالساهل كأس العالم يبيله حماس وروح ووطنيـه ولعب من قلب علشان إسم الوطن مهب علشان الجماهير حضر !!!

ممكن ضعف المنتخب اللبناني يجعل المستوى ضعيف ..
لكن ان شاء الله المستوى يتصاعد في الأيام والمباريات القادمه ..

اول: اختبارات

ثانيا:مبارايات كأس أوروبا

ثالثا: ليش ما رحت انت

رابعا: مشكووووووووووووووووووووووور

إقتباس الرسالة الأصلية كتبت بواسطة سعودي دريسدين وشلون تبي الجماهير تحضر وعندك كل هالاسباب / الاختبارات :- والله بصراحة الاختبارات اهم ,, الوطن اكيييييييد يستاهل اننا نضحي لأجله ,, وضحينا لأجله ايام تصفيات 2006 على الرغم انها كانت اول يوم بالاختبارات ,,, لكن كان منتخب يحمسك , منتخب فيه روووح , منتخب وطن بجد ,,, اما منتخب زي هذا ما يستاهل التضحية ,,, هذي اختبارت تحدد مستقبل ,, والله لا رسبت وسقطت وضاع مستقبلي محد راح يسأل فيني لا سلطان ولا نواف ولا اللعيبة !! اول كنا نضحي لعيون الاخضر لأنه كان يمتع وكان بالفعل مثابة الفخر والاعتزاز لنا كـ مواطنين !! لكن الحين وشلون تبينا نضحي لجل منتخب زي اللي شفناه اليوم ؟! وشلون تطالبنا بالوطنية وادارة المنتخب اصلا ما جابت خبرها ؟! وباعت مباريات المنتخب وحرمت باقي المواطنين اللي خارج الرياض من متابعة منتخب (( وطنهم )) ؟! الله اكبر الحين الاتحاد السعودي مرة محتاج فلوس لهالدرجة !! وشلون تبينا نحضر والمنتخب فيه اسماء اقل ما يقال عنها انها لا تستحق اللعب في الاخضر !! وشلون تبينا نحضر واحنا نشوف اسماء كثيرة جدا تستحق اللعب وهي افضل من الموجودين ,,, وعلى الرغم من ذلك يكابر (( اتحادنا الموقر )) وليس المدرب ولا يستدعيهم !! وشلون تبينا نحضر ولاعبين المنتخب يلعبون من غير روح واستهتار كبير جدا واهمال !! حتى انهم صارو يخلصو لأنديتهم اكثر من المنتخب !! وشلوووووووووووووووون في ظل كل هالاسباب تبي الجمهور يحضر ؟؟!

رسـ هلالي ـاوي

إقتباس اول: اختبارات ثانيا:مبارايات كأس أوروبا ثالثا: ليش ما رحت انت رابعا: مشكووووووووووووووووووووووور

أختبارات ما قلنا شـــي ..
وإذا ليش ما حضرت أنا برا الرياض ..
والعشم فيكم يا جمهوور العاصمه ..


a365

إقتباس كفييت ووفييت

مشكووور لمرورك وردك ..
يعطيك العافيه ..

المحزن ان الجماهير بدئوا بالتفاخر بانهم جماهير انديه ويفضلون الاندية على المنتخب

وشكرا

زعيـ نصف الارض ـم

إقتباس المحزن ان الجماهير بدئوا بالتفاخر بانهم جماهير انديه ويفضلون الاندية على المنتخب وشكرا

معـاك حــق أخووي ..
ولاتستغرب بــكره يقولون بصريح العباره او في الأعلام هذا الكلام ..
وهــذا يعتبر شي خطــير جـداَ ..

يا خي احضر و أتابع مستوى زي هذا منتخبنا أصلاً من بعد كأس آسيا وهو من جرف لدحديرة

الخبر المفرح إقالة أنجوس

أتمنى تكون فأل خير عالمنتخب

وإذا شفنا الوطنية الأهم عند اللاعبين ذيك الساعة طالب بالحضور

وبالنسبة لقولتك ما في جماهير اللعيبة ما راح تقدم مستوى

سلم لي عالوطنية أجل

يعني يا يحضر يا جمهور يا بأخرب

لوووووووووووووووووول

يا خي لو ما أحد يعرف يلعب إلا بجمهور كان ما عرفنا كرة قدم أصلاً

تبدأ بالحواري والمدرسة بدوووون جمهوووور

شكراً

إقتباس انت تقصد ما فيه وطنيه للاعبين او الجماهير او الأثنين .. ان شاء الله الوطنيه مووجوده .. لكن نحضر ونثبت وطنيتنا ..

اقصد انه مافيه وطنيه باللاعبين طبعا

او علشان اكون دقيق

فيه .... بس عنّات

اذا اشتهوا لعبوا صح .... واذا طلعت ام العبيد ,,,, انواع التخريب

إقتباس الرسالة الأصلية كتبت بواسطة غامدي والراس عالي والله انك صادق لا ويتعذرون بالاختبارات ونص شباب الرياض عطالي بطالي والدعوه كلها 20 ريال بس وين ألي يحس بالوطنيه

صـــح لسانك وعلى فكره خليجي 18 كانت ايام امتحانات ونص شباب الرياض هناك ليه علشانها ابوظبي طيب خل جماهير الزعيم وشوفوا جماهير النصر الي معترظين على الشركة الي احصت اكثر نادي جماهيريه ياالله ورونا الحظور ولا بس للحالمي