|
قصيدة من روائع شعري الدعوة للجميع ذكور و أناث السلام عليكم و رحمة الله و بركاته مدري انا شاعر بس احس اني شاعر هذي بعض قصائدي الغزلية و هي اكثر شئ اكتب في الشعر هو الشعر الغزلي. اتمنى انها تعجبكم و انتظر ارائكم و نصائحكم كتبت الشعر من قلبي وما احتجت لورق وكتاب احس ان الشعر يقبل قبل اطلبه يأتيني اعرفه زين انا شعري يجي من دون طرق ابواب يجي يدخل على قلبي ويلعب في شراييني وانا مالي سوى التهليل والتصفيق والترحاب وابيح للشعر داري واعبي له مواعيني واذا كان الصبي (حامد) تفنن في (غرام احباب) فاباخذ قافه ووزنه واسطر به عناويني ابكتب لك قصيدة شوق وماني يالغلا كذاب دخلتي داخل اعماقي وانا ما قلت خليني ابغطس في بحر همك وماني منه بمرتاب وانا ما اخاف درب الهول واذا يبغاني يجيني شربت الهول من صغري وسكرته يوم قدني شاب واذا اقبل علي همك ابشهر له سكاكيني ابكتب هالشعر لاني ابي من قلبك الاعجاب ابي اقرب من انفاسك تلاقيني و تحسيني (عطيتك عشق من قلبي وسلمت لغلاك رقاب وغيرك يحترق قلبه ولا يقدر يحاكيني) انا اقول لغلاك اشهرت قلبن صادقن هياب نثر لك كل احساسه وعلى كيفك تلاقيني وما غاب الفكر عنك ولا منك شعوري خاب لقيتك فوق ما ابغى واحلى لو سألتيني لقيتك توته بنوته لقيتك مرتع الاطياب لقيتك شمعت(ن)تضوي حياتي واجمل سنيني وابرهن لك على صدقي تعالي وانشدي الاقراب انا وشلون متغير من اول يوم جيتيني للمعلومية و التوضيح هذي رد عن تحدي وجه لي بالرد على نفس احد الابيات من ابيات الشاعر الكبير حامد زيد. |
معقولة و لا رد ما حد اعجبته القصيدة على العموم مشكور للي قراها |
يعطيك العافية وصح السانك والله شف القصيد روعه بس مدري هل هي خالية من بعض الكسور بس صراحه حلوة وصح لسانك مرة ثانية |
صح لسانك ما شاء الله عليك لكن عندي سؤال أنت مبتدأ و لا شاعر من زمان ؟ . |
صـــــــ لسانك ــــح.... تقبل مروري... هموسة |
يعطيكم العافية على الردود على فكرة انا مني مبتدا اخوي راكان و ان شاء الله تشوفون جديدي |
صراحه القصيدة رائعه جدا لكن عندي ملاحظة بسيطة واذا كان الصبي (حامد) تفنن في (غرام احباب) أحسها قويه شوي في حق الشاعر الكبير حامد زيد يعني لو استبدلتها بكلمه تليق بمقامة شعره وأسمه ! ومع هذا تبقى القصيدة مميزة تحياتي ورده |
ملاحظاتكم تاج على راسي بالنسبة لكلمة الصبي انا ما راح اوصل لهذا الشاعر الكبير بس كلمة الصبي اقصد فيها الرجل و ليس تصغيرا فيه |
يعطيك العافية وصح السانك صراحه القصيدة رائعه جدا |
إقتباس:
---------------------------------------------- ------------------------------------------------------ |
وعليكم السلام ورحمة الله وبركاته صح لسانك على هذه القصيدة الرائعة والجميلة جداً بمعانيها , ولقد وفقت كثيراً باختيار الكلمات التي تفيد المعنى وتفي بالغرض , صحيح أنه يؤخذ عليك كما قال فهد وصفك للشاعر الكبير حامد زيد بالصبي ! وكان من الأولى والأجدر اختيار كلمة تناسب مقامه وهامته الشعرية , إقتباس:
إقتباس:
أيضاً أتمنى أن لاتأخذ وزنه ولاقافه وأن تبدع لك وزناً ومنهجاً خاصا يميزك ويُعلي من شانك لأنك تمتلك جميع الإمكانيات وبحوزتك كافة الأدوات ,, أيضاً كلمة ( قدني ) في صدر البيت الآخر سببت ثقلاً واضحاً وأربكت إيقاع وجرس القصيدة ,, القصيدة بعمومها جميلة جداً واستمتعت بقرائتها وأعجبت بإختيارك للألفاظ فيها , وماأبديته لك من ملاحظة لايمكن أن يحجب كل إبداعك أو يقلل من شانك فاستمر على هذا وحاول تزويد ثقافتك الشعرية حتى تكون نجماً لامعاً يشار له بالبنان , كل التوفيق لك أخي ياحليلي وأنا اتفلسف تقل صدق :d 00000000 |
| الوقت المعتمد في المنتدى بتوقيت جرينتش +3.
الوقت الان » 01:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd