#1  
قديم 07/06/2008, 08:47 AM
موقوف
تاريخ التسجيل: 21/07/2007
المكان: غرفة بيريز في الهايبري
مشاركات: 562
ياسر يرحم أمك فكنا وخذ معك طارق ..

السلام عليكم ورحمة الله وبركاته

أخباركون أخواني أخواتي ..

شنهو عاملين بأه ..


اي واحد يدخل الموضوع ينزل اللي بمخابيه .. ههههههههههههه


انا عضو في الشبكة صح ؟ .. صح ..

بس ولا واحد فيكم حاول يتقرب مني .. ويتخلخل في أعماقي ..

ولا حد سألن وش أعاني وش أحتاج .. ولا أحد سألن اذا معرس والا ما أعرست ..


انسان حساس .. شاعر .. ديموقراطي .. أحب اتابع ام بي سي تو ..

وجبتي المفضلة صاروخ شورما .. أفضل شهر عندي يوم الاربعاء ..



لي ثلاث أيام أدخل الشبكة وحزين .. وبنفس الوقت حزين ..

المواضيع كلها ياسر ياسر طارق طارق ..

رح تعال .. جب ود .. وكن فترة التوقف هذي والاجازة طلعت سببت فراغ ..

لدرجة الواحد يكتب اي شي .. ولأي شي ..

الصغير والكبير .. العاقل والمهبول .. كلن صار يكتب ..

صرت أدوّر شي أتلذذ وأنا أقراه سبع سنين ما أنساه .. مالقيت ..


كل المواضيع تشفّي .. وذبح وسلخ .. والعيد للحين ماجاء ..

ناس تتكلم عن ياسر ورحيله ... كأن ياسر مأسس الهلال

وتتكلم عن طارق واصابته .. وكأن اصابة طارق بعضلة النادي مهب بعضلته ..

توقف طارق يعني الهلال توقف ؟ .. ياسر رحل يعني الهلال رحل ؟ ..



ناس تجرح بياسر عشانه يحط سكسوكة ..

وناس طبّت ببطن طارق وكنه يشوّت على قول الدعيع ..


أنا أدري ياسر سبب مشكلة لكثير من الشباب .. خاصة اللي لهم علاقات عاطفية ..

وأدري طارق سبب مشكلة للناس اللي مالقوا وظايف ..


وصار النقد كله لأجل أمور شخصية مالها علاقة بالهلال أبد ..

ألغوا موهبة ياسر .. وفاعلية طارق ..



جميلة المواضيع اللي تذكرك بالانجازات .. باللي تحكي مسيرة بطل سابق او لاعب خدم الفريق ..

خاصة في هالوقت اللي مافيه مشاركات ولا مباريات ..

كويسة المواضيع اللي تجيك تتكلم عن نقاط في هالموسم صارت .. وتاخذ السلبيات والايجابيات بالفريق


رائعة المواضيع اللي تناقش اوضاع النادي المادية والفنية ..


لكن لما تكون من انسان يعرف وش يتكلم عنه .. وله مصادره القريبة من النادي ..


حلو انتقاد اللاعب لاصار يذكر السلبيات .. ثم يعرض الايجابيات .. ويطالب بالتطوير والتصحيح ..



اما شرشحة اللاعب .. لأن سكسوكته حلوة .. يعني قوية بحق كاتب الموضوع

النادي فيه عواجيز عاثوا بالنادي .. تركناهم ورحنا لياسر وغيره


ياسر لاعب فنان .. بقاءه بالنادي اضافة لقوته .. ورحيله مايضر نادينا ..

طارق وجوده عن خط وسط كامل .. لكن غيابه مايعني ان مافيه لاعب بديل



لو راح ياسر .. وراح طارق .. لأجل مطالباتكم .. من بتكتبون فيه ؟

صدقون لو مايبقى بالهلال الا عامل نظافة .. كان استلمتوه بالشبكة شيل وحط لمين يعاف النادي ..



انا ماقول أكبروا باعماركم .. لأن كلكم كبارين .. والكبير كبير عقل

بس ارتقوا بالمواضيع شوي .. ابي ادخل الشبكة احس اني اقرأ شي يستاهل اني اقراه


اذا على ياسر .. ثبتوا موضوع حش .. اي عضو براسه شي عليه يكتب بهالموضوع ..

بس قهر كل الشبكة ياسر .. ياسر حك راسه .. ياسر أرمش بعينه .. ياسر ضيع بلنتي قبل شهر ونص


ياجماعة مهب لازم أفتح صفحات لمين رقم 4 .. ادور شي غير ياسر وطارق ومدري مين ..



في النهاية أعزاءي واخواني .. بسألكم سؤال ...

وأتمنى تجاوبون بدون لف ودوران ..

ايهم أفضل .. سكسوكة ياسر .. والا شنب سعد الحارثي ؟


منقـــول
  #2  
قديم 07/06/2008, 08:50 AM
الصورة الرمزية الخاصة بـ سـ6ـام
زعيــم مميــز
تاريخ التسجيل: 29/04/2005
المكان: الرياض
مشاركات: 1,901
ارفع لك القبعه

اسلوب هزلي اجدت في طرحه

وياليت تظيف موضوعين بعد

الــ art

ولقب الاسطورة

,,,

مشكوووووووور اخوي على الموضوع الرائع
  #3  
قديم 07/06/2008, 08:51 AM
الصورة الرمزية الخاصة بـ عطــر الأمــاكن
مشرف سابق بمنتدى الجمهور الهلالي
تاريخ التسجيل: 24/04/2005
مشاركات: 13,275
مرحبا أخوي فابري

يمنع النقل من المواقع الأخرى بأي شكل من الأشكال
سواء خبر أو مقال أو صور إلخ

شبكة الزعيم ممثلة بكتبها وأعضاءها في غنى عن نقل مقالات من المواقع الأخرى
فهي مصدر للخبر والمقال وليس العكس
   

إغلاق الموضوع

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:27 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube