الجزيرة الرياضية....الى اين؟؟ اول شي السلام عليكم ادش في الموضوع على طول انا اليوم وانا افر على مكاتب اشتراكات الجزيرة الرياضية ...ابي اشترك انا قال لي ولد عمي ان الاشتراك في القناة بــ120 ريال ..رحت اقرب مكتبم اشتراكات عندنا في البديعة اجي عندهم واسالهم كم السعر قالوا لي بـ300 ريال وارجع اروح العليا اشوف هناك بكم الا احصلها بـ350 وارجع البديعة قلت من هناك ارخص الا وصارت بـ400 ريال واسالهم ليش هالارتفاع قالوا من القناة نفسها ..قلت بلاها يا ولد اروح لي واحد من هالمقاهي وبس ...واعذروني على الاطالة..واذا ما عرفت ارتب الموضوع .. وابيكم ترحبون فيني ترو انا عضو جديد وهذا اول موضوع لي!!!:d:d:smilie47: |
هههههههههههههههههههههههههههههه هلا والله منور:):) |
حياك الله انا مشترك قبل شهر 150 الحمدلله |
يمدحون الدريم بوكس اشتره وريح نفسك من البطاقات و الإشتراكات |
بخيل .. الله يزيدك .. :naughty: . . . . . . |
إقتباس:
دورت الدريم بوكس ما لقيت عطني بالتحديد وين يبيعونه وسمعت لازم دي اس ال وأشتراك مدري حق وش بس بالله اذا تعرف وين أحصله عطني خبر في نفس الموضوع لأني ما أواطن المقاهي الي ما وراها الا وجع الراس:upset: ومشكور على الموضوعs60s |
ههههههههههههههههههههههه اخوي خذلك دريم بوكس وريح نفسك وعلى فكرة ما يقطع الا ART |
اكاد أجزم انهم يكذبون عليك الأرتفاع منهم فقط الجزيره محدده السعر اشتراك جديد 40 دولار تجديد اشتراك 25 دولار فقط هذا شغل البنغاليه ومحلات الستالايت نصب في نصب قبل اي بطوله بأسبوع يضربون في الاسعار دارين أن اللي يدور في هالوقت محتد وشاري شاري . :d شف وكيل الجزيره شركة لنقو في سوق رويال مول بالرياض ( كشك ) وفيه محل لهم في المرسلات مدري بالضبط وينه . جرب تروح لهم . |
ماهو من القناه غلا الاســعار من البنقاليه حسبي الله عليهم .,,! ولو تروح لوكيل الجزيرهـ في الســعوديه ,,الي هو شركة لينقو تلقاها .. بـ 130 ومكانه بالعليا العام مقابل العقاريه ,, |
اخوي اريحك تبي كرت الجزيره روح شارع سلطانه وتلقى كرت الجزيره بـ130 انا مشترك قبل اسبوع وشريت الكرت من هناك |
انا بشقراء يقولون بـ250 وبالدوادمي بـ200 وبالمجمعه سعرها الاصلي 170 |
الاشترررررررررراك الجديد بــــ400 ريااااااااااااااااااااااال |
اخوي هذولي نصابين قبل شوي اعلان على الجزيره يقولو الاشتراك ب40 دولار اي 120 ريال..,,, خذها من جده اذا تعرف احد هناك..,,, |
اي شخص اخذ من السوق السوداء اليومين هذي انضحك عليه وهي استغلال من بعض ضعفاء النفوس لجل البطولة لن البطاقات يوم الغدالسبت بعد العصر تحصلها بالمحلات المعتمده من الجزيرة في جميع مناطق المملكة والسعر واضح 40 دولار = 150 ريال وبمكانك الدخول على موقع الجزيرة الرياضية والتاكد من المحلات المعتمدة وايضاً سعر الاشتراك وهذي هي المحلات المعتمده http://www.aljazeerasport.net/arabic...tch_us/ksa.jpg |
الجزيره محدده السعر اشتراك جديد 40 دولار تجديد اشتراك 25 دولار فقط هذا شغل البنغاليه ومحلات الستالايت نصب في نصب قبل اي بطوله بأسبوع يضربون في الاسعار دارين أن اللي يدور في هالوقت محتد وشاري شاري . ;كلام سليم |
الوقت المعتمد في المنتدى بتوقيت جرينتش +3.
الوقت الان » 04:40 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd