هذه عدة توصيات لمن سيحضر مباراة اليوم وخصوصا لربعنا بالدرجة الثانية :

1- المفروض نتجمع بمكان واحد يعني عند النص مثلا ومانحاول نبعد حتى يكون صوتنا قوي ( معليش خلونا نتحمل اليوم الدخان والفصفص ) !!!!

2- يمنع منعا باتا دخول الفصفص حيث أنه يشغل العالم عن التصفيق والتشجيع وحنا اليوم نبي نطلع هبالنا كله يعني اللي ماعمره انهبل لازم يجرب ينهبل اليوم ترى الهبال بعض الأحيان ممتع !!!

3- أي واحد تخلص المباراة ويده ماصارت زرقاء من التصفيق يلزم بدخول دورة تصفيق مدتها اسبوعين عند أبو لما <===== أنا مكفخ مكفخ اليوم من أبو لما بس خربانة وكله يهون من أجل الهلال .

4- التشجيع يجب أن يكون مستمرا مهما كانت النتيجة سواء أعجبتنا أو لم تعجبنا ولنضع بأذهاننا أن الهلال قادر على أن يحرز الأهداف المطلوب حتى آخر دقيقة من المباراة !!!

يعني ماهوب يجي هدف للطائي لاقدر الله نسكت وإلا نطلع !!! ( أنا أبقعد عند بوابة وأبو لما عند بوابة واللي يبي يطلع ياويله )




5-اللي مطفر ومستخسر بالهلال خمسطعش " تريل "

اللي ماعنده سيارة ومالقى أحده يمره أو مستخسر حق البنزين على الهلال

بشرررررررررى سارة لهؤلاء ......

أبو لما تكفل بكل هالمصاريف يعني خذ ليموزين وتعال عند بوابة الدرجة الثانية وتلقى واحد وسيم شعره أصفر وعيونه خضر !! هذا أبو لما كلمه ويعطيك حق الليموزين وتذكرة مجانية وتشكيلة مائية أم أربع وعشرين لون

كل الشكر لأبو لما على هذا الدعم المتواصل والتضحيات المتتالية في سبيل استمرار الانتصارات الهلالية

لاتصدقون ترى أمزح مع إن أبو لما مايقصر بس ماودنا نكلف عليه وتكفي صفقة يسري الباشا لاعب العدالة

لايزعل أبو لما علينا حبينا نمزح ونرفع الروح المعنوية وأنا الحين شايل غداي ومعي زولية ومسنتر عند الملعب أبنام هناك وقوموني إذا فتحوا البوابات واللي يبي يجي يتقهوى حياه الله

أهم شيء نبي نرج الملعب ونخلي أهل الملز يرفعون معروض للأمير عبدالله يطالبونه بنقل الملعب للجنادرية

لنتيجة المتوقعة بإذن الله هي 5/1 أو 6/1 <===== ماسرقتها من ؟؟؟؟؟؟

هههههههههههههههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههه
ما عليك توني طالع من الدوره هذي بتقدير ممتاز
باقي بس التطبيق الييوم في الملعب
الدكتور ابو لما مدح تصفيقي وقالي انه يتوقع تطبييل اذا شديت حيلي

إقتباس أبو لما تكفل بكل هالمصاريف يعني خذ ليموزين وتعال عند بوابة الدرجة الثانية وتلقى واحد وسيم شعره أصفر وعيونه خضر !! هذا أبو لما كلمه ويعطيك حق الليموزين وتذكرة مجانية وتشكيلة مائية أم أربع وعشرين لون

طيب ابو لما تكفل بالليموزين والتذكرة ..

بس وش سنع التشكيلة المائية

السلام عليكم ورحمة الله وبركاته ..

كلام سليم وومتاز... تكفون رجوا الملعب خلوا أهل الملز يشدون عن بيوتهم .....لا تسكتون أبد اللي يبي يسكت ينام في بيته احسن لنا وله ... تكفون يا عيال الهلال طالبكم اليوم يومكم إذا ما حضرتوا اليوم متى تحضرون علشان ابو يعقوب احضروا علشان سامي والتمياط والدعيع وعلشاني ......

والله ثم والله لو ما كنت متربط اليوم بعمل ضروري كان جيت وحضرت المباراة ورجعت للقصيم بنفس الليلة ........ لكن اهل الرياض كلهم بركة وفيه ناس بعد يبون يجون من جده والدمام والقصيم ومن كل مكان ...... تكفــــــــــــــون ..... تبون الصدارة والنهائي تعالوا للملعب ما تبونها ناموا في بيوتكم بس لا تقولون ليه خسرنا البطولة ؟لا سمح الله

اخوي العزيز .. الغريب

انشاء الله نبي نكون قد المسؤولية اليوم

بس عندي ملاحظة اتمنى من كل اللي يبي يحضرون اليوم انه ينتبهون لها

وهي اننا مانستعجل على الاهداف ونضغط نفسيا على الاعبين لان الاهداف تبي تجي انشاء الله واكبر دليل مباراة الانصار الهدف ماجاء الا بعد الدقيقة 35 تقريبا

انا ودي اتقهوى معك بس القهوة والشاهي والكليجا (اختصاصنا ) واذا تبي كراث ماعندي مانع ;) .. بس بشرط تذاكري انا واللي معي عليك (عز الله اللي رحت فيها )

إقتباس التشجيع يجب أن يكون مستمرا مهما كانت النتيجة سواء أعجبتنا أو لم تعجبنا ولنضع بأذهاننا أن الهلال قادر على أن يحرز الأهداف المطلوب حتى آخر دقيقة من المباراة !!! يعني ماهوب يجي هدف للطائي لاقدر الله نسكت وإلا نطلع !!!

والله هذي من أهم النقاط ... ولازم نتذكر مبارة الهلال والصفاقسي وكيف كان الشوط الاول وكيف اصبح الهلال في الشوط الثاني ..

كل الشكر لك وللعضو الداعم محمد أبو لما

شدو حيلكم يا شباب وإنشاء الله رجال الهلال قدها وقدود .


عضو15

كل الــشكر للعضو الداعــم محــمد ابولما ..

لــساننا عــاجز عن الشــكر لهذا الشخص بتكفله بتأمين حق الليموزين والتذكره ..

وبإذن الله هـالحـوافز بـيكون مردودها كبير على الجمــهور بالتفاعل مع الزعــيم وتشجيعه بأكبر قدر

بس الله الله بالحضـــور وشغل الرســميات مانبيه انطلوا غتركم في السيــارات وهــات تشجيع

إقتباس المفروض نتجمع بمكان واحد يعني عند النص مثلا ومانحاول نبعد حتى يكون صوتنا قوي

توقعي يقول اللي بيجي قبل المباراة بنص ساعه ما رح يلقى مكان .... وانت تقول تجمعوا .

انا بصلي المغرب هناك وبالتوفيق للزعيم

شوكرااان ابو لما اقول انا بطلع للدمام وابيك ترجعني للرياض وتتحمل النفقات الين ماطب الملعب ((<<== بي يشوف وش كثر معه فلوس ))

وبئدين البشاره البشاره جايب لكم تكرونيين

واهد اتهادي وواهد اهلي نفر وثلاثة شيش كباب وواحد معسل

التكارين يمسكون لك رزم الفلوس عاد ابولما بن الوليد

المهم ... واهد من التكارين صرووق

خمش له خمشة وحطها بجيبة الغريب تسني مكان امين

ماقلتوا ليه الغريب بالذات لانه مشغول بالهبال اليوم

إقتباس يجرب ينهبل اليوم ترى الهبال بعض الأحيان ممتع

وقتها انا من زود الخبث

واجي عند ابو لما بن الوليد و يسلم على كتفي ويحب راسي وخشمي

<<== الوليد

واقول له وش ناقصك تبي زود اطلب ياوليدي ترا ماكثر الله غيرهن

المهم قال مابي شي طال عمرك معي اللي يكفي وزود

كان انادي سعد وش انادي مسوي نفخه اني الوليد ااشر بيدي

وش بيدي الا بعيني اغمز له هات لك مليون ووزعه على الشباب

والله واقول لابولما ياوليدي لايضحكون بك الغريب تراه مخاويك على طمع

الغريب مخطط على كودين جافا وكم سطل من هالالوان حقت ابولما .

<<== يلعن ام البراءة ياشيخ شوفوا الغريب الطيب مايبي رزمة ولا شي

المهم

ويفقد ابو لما رزمة من هالقرنقش الفليسات يعني

وش السر انه فقدها وهو شبعان

السر هو..











انا قايل له اذا قلت لك بغيت زود ترا يعني احد سرق منك

ويوم غمزت لسعد كنت اقصد الغريب

<<== ياحبه للشر

ويجي ابو لما ويفسر ذرعانه

وطرااااخ دوش دببببججججج وااااا

اااايه هههههووووو كركركيتنرررشههن

الا الغريب على السور معلق

واجي انا واقول ياوليدي

خذ بدالها مليون رزمة من ابو مية الف وارمها عليه ولاعاد يسرق بالحرام




يحووول شكله ينرحم الغريب

لاعاد تكتب مواديئ تذهك

ادهكوا ادهكوا هقبال ماندهك اليهم كلهم من اتهادهم لنثرهم

أحبك ياسامي :

انتبه ترى الدكتور أبو لما يسقط طلابه بالعملي شد حيلك

ـــــــــــــــــــــــــــــــــــــــ

أبو هيا :

إقتباس طيب ابو لما تكفل بالليموزين والتذكرة .. بس وش سنع التشكيلة المائية

أنت ماتدري إن أبو لما هو مؤلف كتاب (( كيف تشجع بالألوان ))

وماتدري إن أبو لما راح البنك وبغوه يوقع مادروا إلا مطلع خمس ألوان يبي يوقع

ـــــــــــــــــــــــــــــــــــــــــــــــ

شاهين :

ترى ذبحتونا كل شوي واحد قايل مرتبط

أشوفك اليوم يعني أشوفك قل تم

ـــــــــــــــــــــــــــــــــــــــــــــــــــــــ

أبو محمد الهلالي :

شاهي وكليجا وكراث ؟!!!:sad:

لاوالله اللي ماحد جالس جنبي بالمباراة !!!!

ــــــــــــــــــــــــــــــــــــــــــــــــــــــــ

الإعصار :

لازم نوازن بين الثقة والهدوء وعدم البطء وعدم الاستعجال يعني الصراحة يبي لها مجهود بس إن شاء الله خير

ــــــــــــــــــــــــــــــــــــــــــــــــــــــ

عضو 15 :

وش شدوا حليكم ؟!!!!

كأنك تلمح إنك مانتب جاي :sad:

ــــــــــــــــــــــــــــــــــــــــــــــــــــــــــــــ

كايدهم :

وش نطل غتر ؟!!!

من قال لك إن فيه غتر أصلا ؟!!!

أقول لك هبال اليوم !!!!

يعني قبل المباراة تمر محل بويات وتقول له الله لايهينك سطل بوية بيضاء وسطل بوية زرقاء وادهر بهالوجه

ـــــــــــــــــــــــــــــــــــــــــــــــــــــــــــــ

عالي الشان :

ياليت والله

ـــــــــــــــــــــــــــــــــــــــــــــــــــــــــــ

مكسر روسهم :

لاحول ولاقوة إلا بالله !!!!:sad:

وش تكارين وسرق ودمام ؟!!!

أقول ترى المباراة بكرة عقب صلاة الظهر

اشوا اني ماني حاضره المباره...... علشان ماتزورق يديني

بس ماعليكم بادعيلكم

هههههههههههههههههههههه
تصدق لو اني قريب كان جيت لو علشان علبة الالوان السحرية

إقتباس وأنا الحين شايل غداي ومعي زولية ومسنتر عند الملعب أبنام هناك وقوموني إذا فتحوا البوابات واللي يبي يجي يتقهوى حياه الله

ذكريات سادت ثم بادت
تحياتي