|
مـــتــى شـــجــعــــت الــــهـــلال؟؟ صباح الخير . . . . . . ياهلا بكم والله وشلونكم وش اخباركم مع جو الرياض الممتع اللي لو تحط بيضه على موترك الساعه 2 اضمن لك يكون غداك بيض مقلي:d<<<<<تنكت ياشباب بما انه الموسم انتهى والحمدلله اخذنا بطولتين:clap::clap::clap::clap: قلت خل اعطيكم موضوع نفرفش فيه . . . . . . :yes: وخل نسأل كل واحد متى بديت تشجع الهلال ؟؟:smilie47: يعني متى صرت تهتم ويصير ضايق خلقك اذا انهزم الهلال,... انا طبعا ثاني اخواني واخوي الكبير ما يهتم بالكورهـ وتقريبا شجعت الهلال من عام 1415 يوم النهائي مع النصر<<<<<<<<<وجهي شؤم على الهلال:d السؤااااااااااال:متى بدأت بتشجيع الهلال؟؟؟ |
الموضوع مكرك اخوي فهد وعلى العموم يعطيك العافية |
انااا من عام 1409ه كنت ورع وقتها _______________________________ |
انا من عام 1419 واللي علمني حب الزعيم اخوي الكبير الله يجزاه الف خير وكان وقتها عمري 9 سنوات تقريبا َ |
موضوع حلو بس تصدق، انا ما ادري بالضبط متى بدأت أشجع الهلال، أعتقد انها بالفطرة بس متى بدأت أشجع وازعل للخسارة كانت في 1417 تقريبا، وبعدها انقطعت فترة عن المتابعة، يعني ما اتابع غير المبارات المهمة، ومن السنة الماضية تابعت كل شي وكل الكواليس ،،، وعلى فكرة أنا يمني وباليمن والنادي الأول اللي احبه هو الهلاااااااااااااااااااااااال،،، |
والله العظيم شجعت الهلال منذ طفوولتي المبكره عام 1419وكنت بي استمرار شراء مجله النادي لعيووون ابو يعقووب واخذ الصور الهلاليه والصقها في دفتري الخاص وهو يوجد عندي الي اليوووم وبداخله صور صلاح الدين بصير فيصل ابو اثنين التيماوي قصه حياه سامي الجابر مع الصور صور الاحتفالات الهلاليه بكأس السووبر ذكريات لا تنسي واشكرك شكر خاااص على هذا الموضوووع |
انا انا انا انا والله الظاهر من عام 1366 وانا هلالي |
روعه موضوعك انا عن نفسي من الناس اللى يحبون العناد ومخالفه رأى الاغلبيه بالعباطه < كنت سابقا الحاصل ان كل مجتمعنا نصراوي صميم طبعا انا من سكان جده شفتهم كلهم نصراويه قلت والله ما اصير مثلهم ..اللى فهمته من هلال ونصر انهم ضد بعض دوما واكيد فرصتى وشجعت الهلال وكان على مبدأ عناد فقط .....والان حبيت العناد والعباطه وليتها تسوي هالنتايج طبعا كل النصراويه بلا استثناء اللى يقربون لى يا تطوع يا ترك الكوره واتجه للاوروبيـه مسوين متطورين |
أناشجعت الزعيم وعمري 15سنة وأحين عمري 27سنة وكان في مباراه مع الأهلي وطبعافاز الزعيم:d |
أنآآآ شجعت الزعيمـ وعمري 6 سنوآآآت والبركهـ في سآآمي الجآآبر لقيتهـ في سوق في الريآآض مآآ اذكر وش هو واللـهـ وشفتهـ يآآ ولد شبهت عليهـ مع العلم اني هالوقت كنت اشجع نآآدي الفقر عشآآن خآآلي المهم سألت ابوي وهو أهلآوي طبعآآ مآآ فيهـ غيري بالعآيلهـ هلآلي المهم قآآل هذا سآآمي الجآآبر الآ وتقول صآآروخ انطلقت لهـ أول مره اشوف سآآمي بحيآآتي وللأسف كآآنت اخر مره المهم سلمت عليهـ وقعدنآ نسولف شوي حول العقآآرآآت وسوق الأسهم << يلعن ام النصب المهم بعد مآ سلمت عليهـ قالي وش اسمكـ قلتلهـ اسمي بدر قال وش تشجع قلتله النصر قال ليش قلت مدري قال ليش مآ تشجع الهلآل قلتله ولآ يهمك الهلآل الهلآل لآ وشرآ لي بعد فنيلة الهلآل قسم باللـهـ يووومـ مآآآ انسآآآه ابد لكن يوم بديت أهتمـ لمبآريآآت الزعيم وازعل وهيك 1422 وكآن عمري تقريبا 12 سنهـ مشكور عالموضوع خيووووو |
آما بالنسبه لي أنا ..!! من يوم فتحت على الدنيا .. والهلآل يجري في عروووقي .. والله مدري تاريخ الايام هذي زين .. لكن ايام التيماوي // والثنيان // وابو ثنين // وعز الفتى الذهبي // والاسطوره السعودية الاول ((سامي)) كثيرين والله |
انا من يوم ماطلعوني من بطن امي وجوا بيقطعون الحبل السري شافوا دمي ازرق من يومها عرف العالم اني مجنوم ازرق وابيض |
من قبل ربي مايخلقني وانا هلاليه بحكم تاثير المحيطين حولي لبى قلب الهلال :) موضوع رووعه |
شكرا لموضوعك أنا الصراحه لما كان عمري 8 سنوات تقريبا أخوي الكبير نصراوي متعصب كان يعطي أي نصراوي مئه ريال أذا فاز النصر وكان يغريني بتشجيع النصر المهم أنا حاولت أشجع النصر وقلت لكل أخواني أنا نصراوي أقولها وقلبي يتقطع كله عشان ال100ريال ههههههههه المهم أستغفر الله أشجع الهلال في قلبي وأذا فاز النصر يجيني أخوي ويعطيني100 ريال وأنا مبسوط ههههههه ولما أشوف الهلال يفز قلبي ياناس ماقدرت أشجع غيره ولما صار عمري 12سنه قلبت للهلال وأخوي النصرايين وش فيك قلبت قلت من زين ناديكم أنا هلالي ومن ذاك اليوم ألى الحين وأنا هلالي وكل سنه أحب الهلال وأتعصب له كثر وأكثر والكل يعرف أني هلالي متعصب وأخوي النصراوي أذا شافني يتكلم في الهلال بس والله أني أخليه يسكت محد يدري وش يقول ههههه |
انا هلالي من ولدت وهذا أهم شي ومدري الوالد يقول اني اول ماطلعت من بطن أمي كان على رقبتي شال الهلال |
| الوقت المعتمد في المنتدى بتوقيت جرينتش +3.
الوقت الان » 12:46 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd