|
من اصداراتي ... (حبة الخال ) السلام عليكم ورحمة الله وبركاته انا عضو جديد اسمي عبدالله عسيري وشاعر واتمنى اني اكون ضيف خفيف عليكم وان اضع مشاركتي الاولى اصافحكم اليوم بقصيدة غزلية خفيفه هي حبة الخال ولها مكانة خاصة لدي واتمنى ان ترتقي الى عذب ذائقتكم...... ( حبة الخال ) لبيه يا بسمة علت حبة الخـــــــــال ويزينها المرمر بذيك الشفيــــــــــه انشهد ان البرق بين الشفق جــــــال لبية يالمعة لذيك الثنيـــــــــــــــــــة ذكرت معها مهجة القلب بالحــــــال وذكرت معها ليلة مخمليـــــــــــــة كنا انتسامر لال ياليل يـــــــــــالال والشفة دايم من حلاها نديـــــــــــة لون الكرز ونبعها شهــــــد وزلال من ذاق طعمه ليلته سرمديـــــــــة الليل يقصربي مع طيب الفــــــــال ماغير تتغنج وتمشي كذيـــــــــــــة خطوة دلع موزونها صوت خلخال تشكي ليونة عود... هالجادليــــــة والطرف لامنه غمز سهم قتــــــال صاب الخفوق بنظرة جاذبيــــــــة ثم اتبعتها بضحكة شبه مــــــــوال وثق قيود الفاتنه في يديــــــــــــــه تذوب روحي كلما جت على البال بس ارتعش ثم اتلفت هنيــــــــــــه ياحظ من هو قلبها فيه ميـــــــــــال بالشرع ماهو في دروب الخطيــة وسلاااامتكم اخوكم (بـــيـــتـــر) |
هلا بـ بيتر بترالي :d...أقصد بيتر نين ون ون :d . وعليكم السلام ورحمة الله وبركاته . حياك الله يـ أخوي Betar911 .. ماشاء الله تبارك الله شاعر :yes: أجل بتنظم لنا قصيدة سبيشل لـ المجلس العام :d. صراحه انا مالي ومال الشعر :) أحب اقرائه وأحيانا ً اقرأ ولا أفهمه :( . لكن بإذن الله راح تنبسط بـ المجلس وتشوف الشعراء أمثالك ، ترى عندنا شعراء كثار فيه شعراء هجاء وفخر ومدح بس هاه مانبي شعراء غزل :d... يعني أنضم إلى أي كوكبه إلا الغزل:razz:. ع العموم .. تسلم ع موضوعك وصح لسانك :) . الفيروسه الزرقاء |
مايصير خاطرك الا طيب اوكي راح اسوي قصيدة بس يبيلي وقت على فكرة عاد انا ما اكتب الا غزل وقصايدي واجدة بس اصبروا علي شوي |
حـــي اللــــــه الشيــــخ بيتـــــر :stoned: يا هــلا والله ومسهـــلآ :stoned: أجــل جايبن لنا قصيده يا الشيخ ؟ :surprised: انا بقول لك الصدق من وجهة نظري بيني وبينك القصيدهـ أعجبتني تدل على شاعر مميز بس ما تحس إنك قليل أدب شوي :bigeek: <<< زبد للرجال أنت الصراحه عندك إمكانات رائعه لكن قصايدكـ وصخه مثل نزار قباني :stoned: <<< ما فيه اسلوب تعبير أبدا تقعد تقول مر في براطمهاا ومدري وشو مع إني خبرت المر في الكبد أو المر فيذا أما مر بالبراطم توني أدري عنها :stoned: يعني أنا أشوف حاول لا تكثر من الشعر الفاحش أحسن :) لا تزعل يا الحبيب ترى نقد عادي لكن الوقت فجريه وما عرفت أختار الفاظ مناسبه :razz: أعذرني |
عسيري والنعم فيك مرحبا الف مرحبا هيل عد السيل وبالنسبة للقصيدة صراحة قصيدة محنتكة مفنتكة >>>>>> يعني فنانه والى الامام |
ونعم بحااالك والله ومشكوور القيصر انا احترم راايك وان شالله تشوف مني اللي يرضيك مع الف شكر للاخ r3d1003على تشجيعه لي |
هلا والله بأخوي بيتر <--لاتتعب حالك ما والله تحصلك وحده مثل هايدي حط اسمك عبدالله و الرزق بيد الله :d اما القصيده مجنونه ولو اني دخلت جو مع قصيدتك الى انها فحوشه ولايست فاحشه :d زي ماقال القيصر الي مسوي حاله مؤدب :naughty: ويالله عاد لا اطول عليك اتمنى نشوف جديدك عما قريب سلام |
مشكوور بس العيال عندي بالمدرسة يسموني بيتر لسببين الاول اني اشبه والثاني عااااد صعبة اقولك .......... لا هنت على مرورك |
| الوقت المعتمد في المنتدى بتوقيت جرينتش +3.
الوقت الان » 02:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd