نادي الهلال السعودي - شبكة الزعيم - الموقع الرسمي - أعزاءنا المسافرين نرجو ربط احزمة المقاعد استعدادا للهبوط وشكرا.....!

المكان : مطار الملك فهد الدولي

الزمان : الجمعة الساعة 10 ليلا

-------------------

أخوي: هاه قصيت البوردينق

أنا : لا ما ضبط معي الجهاز:frown2: ورايح للموضف

-----------------

السلام عليكم

ما ضبط الجه...

الموضف : روح للصف هذاك

---------------

ما هذا

كنت بابطل اسافر

صف مهول مهول و واصل حتى حاجز الحقائب :sick:

------------

فكر يا بطل ...فكر يا بطل:wallbash:

الا وانا اشوف موضف الخطوط السعودية

تو جاي يبي يدام ويمسك الشيفت بتاعه

الا و امشي وراه وراه

حتى جلس بالمكتب

واصير باول الصف ( يس يس يس ):clap:

اقص البوردينق واطلع

--------------

اوكى قصيت

والحين داخل الحاجز الامني

البوابة 32 واقرب كرسي

واجلس

شوي العب بجوالي

وشويه اقرى بكتاب

لان رحلتي الساعة 12.30

-----------------------

المهم الا واحس ما حولي احد :confused:

ولا احد يبي يسافر الدمام ليش ما ادري

قلت بكيفهم

----------------

طفشت

قلت لنفسي لفه كذا على الماشي

انا لاف الا والشاشة بوجهي

رحلة الدمام 12.30 البوابة 36

اطالع بورقتي الا البوابة 32 :surprised:

-------------------------------

الى موضف المطار

يابوي وين بوابة الدمام

وين البوردينق تبعك

هذا هو!!

روح لبوابة 36

--------------------

الا ما صدقته

واروح لمكتب الموضفين

قالوا روح ل 36

لاحووووول

-----------------

واشيل الشنتاية

واروح اعسكر ب 36

موعد الصعود 11.45

المهم الساعة الحين 12

اسأل العالم

قالو لسا ما اجت الطيارة

هوه

الحمد لله ما اقلعت وسحبت علي

-----------------

انتظر وانتظر وانتظر وانتظر

------------

اسأل العالم

الطيارة ما جت من الدمام

اللي لازم نطلع فيها

-----------------

بما اني احب المشاكل وانطلق على مكتب الموضفين

يبو وين طيارتنا

-التأخر من الدمام خارج عن الارادة

كيف يعني

- صياااانة

طيب الصيانة مو مسؤوليتكم؟؟؟

- الا لكن خارج عن الارادة >>> ما ادري من وين جايبين هالجملة.

طيب الحين مين يعوض المسافرين عن التأخير

-اسمع الرد الجميل " اذا تأخرتوا ساعة عن الموعد نقدم لكم عصائر عند البوابة"

والله العظيم جايين المطار علشان عصيركم <<< ما قلتله هالكلام

طيب وين مكتب المسؤول انا ابي تعويض ولاني ماشي الليلة

-قال مكتب المناوب في اخر المطار رح له

ياليل طيب رقمه

-قال ما يرد

اوكى عطني

-مو عندي :bigeek:

--------------------

عرفت في هذاك الوقت ان مهما سويت ما في شي بينفع

رجعت لبوابة 36 سكس

الا ورحلة الدمام مو موجودة بالشاشة :upset:

الا والعالم ماسكه واحد من الموضفين

قال : الرحلة واصلة حسب علمي

وان شاء الله مسافرين الليلة وعن الشاشة ما عندي خبر

------------

تحس الموضفين كلهم ما يبونك تكلمهم

ما ادري هل هو نقص بالكفاءات ام ادارة فاشلة بقيادة المهندس "الملحم" الله اعلم

------------

موضف جاي يمشي طبلونه

الدمام الدمام باعلى صوته:clap:

نقرب حوله الا والاخ من شركة سما:nono:

------------

الساعة 1.20 صبحا " تقريبا

الدمام الدمام الخطوط

الا واجي امشي 2000 ويقطع التكت

واخش الطيارة

-----------------

قلت لكم حق مشاكل

قابلت مضيف الطيارة الكبير

قلت وشوله هالتاخير

قال ويش نسوي

قلت ليش ما تسوون استقالة جماعية

طالع فيني بنظره غريبة وقال " يو مست بي كيدينق مي " " اكيد تمزح"

قلت طيب كل يوم تاخير

قال اليوم العصر ما كان فيه طيارة بالاصل للرحلة :bigeek:

قلتله والله انها فضيحة في عالم الطيران المدني

-----------

رحت اشوف السيت حقي وينه

طلع عند النافذة

طالعت من النافذة على المطاار وانا حزيين جدا :frown2:

قال : " ما فيه طيارة "

احزنتني الكلمة

هذا يعني ما فيه طيارات للاحتياط اصلا

هذا يعني ان طيارتهم يكرفونها كرف 24 ساعة

هذا يعني ان السعودية مقبلة على حوادث طيران في المستقبل القريب "الله لا يقوله"

بسبب اهمال الصيانة وانتهاء العمر الزمني لاغلب الطيارات

-------------

وافكر تفكير عميق الا وافز على صوت المذيع الداخلي

" اعزاءنا المسافرين نرجو ربط احزمة المقاعد استعدادا للاقلاع وشكرا"

ربطت الحزام وقريت كم من جريدة

---------------------

"اعزاءنا المسافرين نرجو ربط احزمة المقاعد استعدادا للهبوط وشكرا"

هبطنا الا والطيارة تحس ان بتتفكك اجزاءها تقول باص منتهي

فتذكرت

7

7

7

7

7

" ما فيه طيارة"

"أول موضوع لي بمنتدى المجلس العام"

تقبلوا تحيات أخوكم

رومـــيو العربــــ