|
هذا موقفي وكل شخص فيكم يذكر له موقف حصل له ,, يتذكره دائماً إليكم مشاركتي الأولى وأبي ترحيب قوي من الجميع دون أسثناء ولا بروح لمنتدانا >>>> لاتصدقون تروني هلالي صمممممممممممممممممممممممممممميم ومن قلب أخواني وأخواتي ,, سيداتي وسادتي,, ليدز أند جنتلمان >>>>> وش بتخطب >>>> لا بتزوج خخخخخ هذا الموضوع تفاعلي >>> ليه قناة تلفزيون على غفلة يعني كل واحد أو واحدة يقول أفضل أو أحرج أو أسوء أو أفضل موقف حصل له ومازالت ذكراه عالقة في ذهنه إلى الأن وبأبدأ بنفسي >>> لا ليدز فيرست ولاغيره ,,, إلا ماي سيلف فيرست في الأبتدائية وبالصف السادس >> يعني يوم بدأت الشطانة والشقاوة الفعلية :naughty: كنت العب كورة ومسوي حارس مرمى >> الدعيع على غفلة s60s والمدرس يلعب معنا ويشوت هذيك الكورة وأصدها وماأسمع إلا شيء ينكسر تقول ورق شجر يابس مادريت وشهو :confused: ,, شوي وإلا أحس أن يديني مهي معي ودوخة وآلم في يديني فظيع وأناظر يديني شوي تقول صارت بالونات ,, ماقدرت أتحمل أبد ,, وأقول للمدرس وياخذني للوحدة الصحية ويطلع عندي كسر في يديني الثنتين ويجبرونها كلها من المرافق إلى الكفوف في آن واحد ويخلون بس أصابعي ظاهرة >>> بعدها ماقدرت أسطر أخواني كفوف وكانوا أول السعداء بذلك :upset: المهم أخذت إجازة أسبوعين كانت من أمتع أيام عمري :clapping:>>> أحنا كذامانصدق في شيء مايخلينا نروح المدرسة بعد الأسبوعين رجعت للمدرسة وكأني أمشي على وجهي والجبيرة باقية في يديني رغم أن الألم والأوجاع راحت وضامن إن المدرسين مايضربوني ,, المهم في اليوم الثاني طنشت الواجبات والحفظ وكل مايتعلق بالمدرسة كأني زائر للمدرسة أو مفتش ,, ماعجب مدرس العربي هذا الشيء ,, الله يذكره بالخير كان مدرس مصري أسمه أستاذ / شحاته ـ وكان يضرب ضرب ماهو صاحي ـ ماحليت الواجب عنده وكل ماوقفني يسألني ماجاوب وأقول تعبان ولا أقدر أذاكر ,, الرجال بيني وبينكم أستحى مني عدة مرات ولكن أنا مسختها وزودتها بزيادة بعد وماستحيت على وجهي الرجال مقدر ظروفي وماقلي شيء ,, إلا وأقوم وأطلب أروح الحمام وماأدري أيش اللي جاني وأمشي جهة الباب ضامن أنه بيقول لي روح >>> واثق الخطوة يمشي ملكاً وماأدري إلا المساحة جايه بسرعة مليون :bigeek: وتسمخ في جنب وجهي ماأمداني التفت له إلا وتالني من قفايه وشايلني فوق ويرجد فيني الأرض >>> صرت تقول تمساح بحق وحقيقة وشوي إلا أنا معلق بجنب السبورة ماأدري كيف بس اللي أذكره أنه بكف طيرني لها >>> ومن هذاك الوقت وأنا أحب السبورة والسبورة تحبني :smilie47: خخخخخخخ ويمسك يديني المكسرة وماضاهر إلا الأصابع فقط ويجلدني عليها جلد والله ماقدرت أعد كم هي جلدة المهم وأنا في خضم المعركة إلا ويفتح الوالد ومدير المدرسة ( كان واحد بخاري الله يذكره بالخير مايمشي إلا معه باكورة أي بمعنى خيزرانة لاف عليها من جميع أنواع الشطرطونات وإذا شفتها تقول إنك شايف عزرائيل ) باب الفصل ويتفاجئون باللي حاصل قدامهم ( .. ضرب وجلد وتكفيخ .. وأنواع الشلاليت ) طبعاً أنا في هذاك الوقت قلت ( جاء الحق وزهق الباطل ) :clapping: >>> على بالي أنا الحق وألأستاذ / شحاته الباطل وقلت أكيد الوالد بيهاوش الأستاذ / شحاتوه , ويعطيه المقسوم وقلت أيضاً أن المدير بيستدعي الأستاذ للأدارة ويوبخه على مافعله بي أنا :sadangel:( .. الضعيف , المكسور الجناح , اللي مالي إلا الله ثم وقفت أهل الخير .. ) ولامانع لدي من أن يشحطه شحطتين بهذيك الخيزرانة ,, على بالي في هذيك الأيام أن المدير يضرب المدرسين >>> بعيد الشر عنكم دلاخة متأصلة من يومها وفجأة وبدون مقدمات وأنا في بحر التفكير العميق حول مصير أستاذ / شحاته من التشرد والفصل من المدرسة بسبب ضربه لي وأنا مكسور اليدين وأنه سوف يأخذ من أسمه صفة وهي ( الشحاته ) إلا الوالد يفاجئني بكف طلعني برا الفصل وبمقولة الأباء في ذلك الوقت ( .. لكم اللحم ولنا العظم .. ) وزاد على ذلك بقوله للأستاذ أبشر ياأستاذ والله لأدبه وأربيه لك ,, وباقي أنا في ذهول المفاجأة إلا أحس بكهرباء لاذعتني من رأسي إلى ظهري مروراً بـ أحم أحم نهاية بعصاقيلي أي أرجلي .. وأناظر وراي إلا هو المدير البخاري ـ شاحطني بالخيزرانة اللي معه ,, بعدها ماتشوفون إلا غباري شارد لايجي غيرها وأهرب بأقل الخسائر على الأقل وأوقف أخر الممر أناظر لهم وهم يضحكون بينهم ويودعون بعضهم >>> تقول بس شارد كانوا حاشرينه بزارين الحارة في زاوية ويحذفونه :ranting: المهم يجيني الوالد ويقول الوعد قدام لكن الحين أمشي نروح المستشفى نشيل جبيرتك اللي مكتبين عليها كل البشر ذكريات إلى درجة أنها تحولت من اللون الأبيض إلى الأسود والأخضر والأزرق صارت تقول جدار حوش في حارة شعبية مكتبين عيال الحارة ذكرياتهم عليه المهم رحنا المستشفى وتجيك هذيك الممرضة اللي حبيتها من أول نظرة وطنشت السبورة s51s >>> من يومه الطفل السعودي داخل في الغزل والترقيم فكت الجبيرة وكانت أحلى لحظة في حياتي في ذلك الوقت أنها مسكت خدي وقرصته وهي تبتسم وتقول لي خلاص ياحلو ياشاطر خلصنا >>> والله لو درت بالنية أنها لتبعد الفين كيلو s121s وأنا راجع مع الوالد للبيت أستغربت الوالد ساكت ماتكلم يسوق بس ويناظر قدامه ,, وصلنا البيت وأنا فرحان وأناظر يديني صارت بيضا وصرت بلونين حنطي وأبيض اليدين من كثر الدوران في الشموس في عز القايلة >>> تخبرون كنا في الأول نتشمس على البحر وأنا أناضر يديني فرحان بهم بغيت أبكي من فرحة اللقاء بهم بعد الفراق ( آه .. ياعين .. آه .. ياليل ) مادريت إلا الوالد داخل فيني عرض وتشوف أنواع التكفيخ والمعص والتشويت وأنا ناسي على أيش قاعد يضربني وأصيح وأقول له ( .. ماسويت شيء , ماسويت شيء ... ) لكن لاحياة لمن تنادي وبعد ماخلص قال لي أنا وعدت الأستاذ / شحاته ـ أني أربيك وأدبك وأنا أنفذ وعدي الحين .:crutch: بعدها بخمس دقائق فقط وأخرج من البيت وأهيم مع عيال الحارة >>> بالعربي نتسربت s93s وذلك للبحث عن مواقف جديدة وياما أكثرها في تلك الحقبة من الزمن خخخخخخخخخخخ |
طيب يا الغالي يا ليت تفرق بين الأسطور لأن عيوني إحولت يا الغالي تحياتي ... |
لعيونك ياراكان تم التعديل والتفريق بين السطور وسلامة عيونك من الحول أرق تحية لك |
هههههههههههه مـحـد قالـك تهمل دروسـك وصراحـه الى الحين ما أتذكر شئ ...تقبل مروري... |
ههههههههههههههههههه يامسكين خخخخخخخخخخخ :razz: . . انا بذكر لك موقف محرج لدرجة اني مدري وشو :d . . ذاك اليوم دقيت على خويي عالثابت طبعا ابوه كان مديرنا :d المهم رد علي ابوه انا : أ إا أ أ أ أ السلام عليكم .<< مايدري وش يقول :d هو : وعليكم السلام انا : وين فيصل <<< بكل هدوء هع هع هو : انت ابراهيم انا من الخوف بغيت اقول لا ابراهيم خخخخخخ قلت : ايه قال : حياك الله انا : والله بخيرر خخخخخخخخخخخخخخخخخخخخخخخخخ وقسم بالله انا سكت شوي هو ضحك بس مايبي يوضح لي :d قال لحظه بنادي فيصل وكلمت خويي اللي بغيت اسطره بمخمس وافقع خشته :d |
الجميل من جد يوم تكلم مدير تحس أنك في عالم ثاني وداخل بير ,, ألف تحية لك ولمرورك ولموقفك |
ههههههههههههههههههههههههههههههههههههههههههههههه انا والله اذكر موقف واحد بس كنت بصف خامس ابتدائي ومن يومي اكره مادة الرياضيات وجات لي فترة اخلي الوالدة الله يسلمها تحل لي بالبيت اسئلة الكتاب وكنت اروح بالفصل وكان المدرس يشرح واذا قال حلو السؤال الفلاني قدمته للمدرس على اني حالها بس كانو في ناس حقودين منقهرين مني ليه انا ذكي ودايم منتبه مع الاستاد هههههههههههههه ودام يقول للمدرس اني غشاش ومهوب صدق هالشي وماادري ايش ليما جا احد الايام المدرس تاثر باقويلهم ومن يوم دخل الفصل علطول سيدة علي ويفتح الكتاب ويشوف الدنيا مزدهرة عندي بالكتاب والاجواء ربيعية ويحبها قلبك الله لايعيد ذاك اليوم |
يعطيك العافية وماتشوف بأثر رجعي اخوي عرمز اف ام انا ابي امسك اخر جملة وهي حقبة من الزمن لانه الصراحه حقبة جميلة تخلو من البلاي ستيشن والنت وهي حقبة الفلق والمفالق انا اذكر مدرس لغه عربية الله يهديه كان متخرج من كلية المعلمين وحالف انه لازم الطالب اللي يدرس عنده يحلم فيه بالليل كان الله يهديه يدرسنا مادة اعتقد انه الغيت الان وهي قصص الصحابة رضي الله عنهم كان الواجب هو كتابة القصة مرتين مع الهمزات والكسرات يعني كل الاشكال وكانه معه جني يعلمه انك حاذف سطر واحد تعرف تبي تخش جو انك مؤلف القصه على العموم الاخ صار اخ الان بعد ما تخرجت عليه ضرب كانك في معتقل ومسوي جريمة وطنية وكان متسلط على طالب يلعب الحين في نادي كبير اكرهه من كل قلبي كان كل ما ضربه كان يجلس يجعر جعر يكرهه قلبك الى درجه انك تجلس تدعي ربك من تبداء الحصه انا المدرس ما يشوفك والكل يتمنى من اعماقه انه فلان طالب هو اللي يجي عليه الدور لانه الطالب هذا مسوي حادث والاسنان حقته كانت تركيبه وكل ما ضربه المدرس يغمى عليه ويطيح على وجهه وطبعا اذا طاح جاء الفرج لنا لانه اسنانه تنتثر في الفصل والكل يهب مسرعا من اجل نجدته ومساعدته في جمع اسنانه واخذه الى الحمام اكرمك الله علشان يغسل وجهه ويفرك اسنانه معها وكنت انا اسرع واحد في انقاذه الى درجه انه توقعت انه اتوظف في الدفاع المدني بعد ما انهي الدراسة لوجود لياقه عالية في الانقاذ هاذي احد القصص في المستقبل ممكن اذكر قصتي معه طولت عليكم |
محب الجنة الله يسعد قلبك ,, أجل الوالدة تحل لك .. ومفكرينك دافوووور ألف تحية لك على المرور والموقف الدنيا بلووو الدفاع المدني بسيطة أرسل ملفك وشهادة الخبرة من خويك والمدرس ولو تبي الصاعقة أوديك ههههههه ألف تحية لك ولموقفك |
هلاااااااااوغلاااااااا بالاعضاءالجدد<<كلنا في الهوا سوا عرمز,,الجميل,,الدنيابلوو,,محب الجنه تحياتي لكم مواقفكم حلوووووووووه ومضحكه... أنابصرااااااااااااحه اكثر موقف للحين ببالي لماكنابسادس ابتدائي اناوصديقاتي دايم هاجين من الفصل معروفين بمشاغبتنابالمدرسه مع اننادوافيييير والحصه الي تجيب النوم نهج منهاطبعاً قبل ماتجي الاستاذه عشان ما تحجرنا كناندورفي اسياب المدرسه ونستهبل عالفصول بس حظنا ماقد مسكتنا استاذه لاننانهج اماكن قليل الاستاذات يدورو فيها مره كنا هاجين من الفصل واحنا نازليين طيراااااااان من الفرحه فجأه المديره قدامناصنمنا من الروعه فقالت ليش نازلين واحنا نفحط راجعين عالفصل ولحقتنا بس ماقدرت تمسكنالان كعبها وش طوله>>><<<تعرفون المدرسات مايحتاج ولقينا الاستاذه بالفصل واحنا نفحط عالحمامات\\اكرمكم الله\\ فدخلت المديره عالحمامات احنا كل وحده قافله على نفسها ومرت على كل حمام وتفتح لما لقت حقتنا مقفله قالت غريبه وهي طالعه وصفرت نهاية الحصه وانا اقولهم النحشه يابنات وانا ادعس ما تشوفون الا غباري واحنا من يومها حرمنا ننحاش ونستهبل صرنا نمشي سيييييده>>><<<خخخخخ سياره على غفله كلهم استغربوا تغييرنا المفاجئ بس حلووووه ههههههههههههههههههههه تحياتي لكم\ خجووووووووله وبيااااسر مهبوووووووووله |
حدث لي .. موقف محرج .. أحد الأصدقاء .. أهداني نغمة موسيقية .. ولم انتبه لها .. وكان الوقت قريب من صلاة العشاء .. ذهبت إلى المسجد .. وفي أثناء الصلاة .. جاءني أتصال .. فرقص الجوال .. على أصداء تلك النغمة الجديدة .. في باديء الأمر .. لم أشك أنه جوالي .. ثم تذكرت فجأة .. فسارعت لأقفاله .. لعد أن شارفت النغمة على الانتهاء .. حقيقة شعرت بخجل شديد .. وأنا أسمع صوت الفحيح والكحيح والتنحنحات .. بعد أن انتهت الصلاة .. التفت الإمام ليقول وهو مبتسم .. لم نسمع المعازف في بيوتنا والحمد لله .. لكننا الآن لا نسمعها إلا في المساجد .. كانت فعلا مفارقة .. عجيبة .. يا الهي .. تمنيت وقتها .. أن الأرض تنشق وتبتلعني .. ومن ذلك اليوم .. نغمة جوالي .. تهمس لي همسا .. الغالي عرمز .. شكرا لك .. |
هههههههههههههههههههههههههههههههههه طيب طيب :wink: انا بذكر موقف محرج لي :stoned: كان عندنا غداء في البيت واحد من اخوياي الي كنت احبه بس متضارب معه حاظر عندنا وانا بصراحة اذا شفته ارتبك وتجيني ام الركب من كثر حبي له :smilie47: المهم كان ما فيه احد من اخواني يصب القهوة الا انا وكنت صغير يعني شوي وامسك الدلة والفناجير وانواع الاصوات تطلع يدي ترتجف ما ادري وش صارلي هذاك اليوم حتى المعازيم لاحظو وشربو على فنجار وقالو اجلس ما نبي شي وخويي يناظرني بستغراب طحت من عينة والله عقدني هالسالفة :upset: |
أول شي رح غير يوزرك يا أخي مدري وشو عليه جاي تستعرض به :D .. لا وفرحان حاط معه إف إم :D ثاني شي .. والله يا أنت كنت ملطشة للي يسوى واللي ما يسواش :D .. تروح المدرسة تتكفخ ترجع البيت تتكفخ بالشارع تتكفخ حتى الخدامة الظاهر أنك ما سلمت منها :D ثالث شي .. موقفك حلو وقميل يا قميل وأسلوبك في السرد حيل قميل ورده استمتعت بالتكفيخ اللي صار لك ورده رابع شي .. موقفي : كنت بالثانوية مشاغب ودافور .. يعني آخذ الأول بالراحة ولا علي من المدرسين :D عشان كذا ما تفرق معي الـ 5 درجات حق المشاركة لأني أعرف أني بأجيب بالاختبارات درجات حلوة s9s مرة تأخرت على الطابور وكانت الحصة الأولى اختبار في مادة الجيولوجيا .. وقفنا الوكيل الأول وجلدنا وما سمح لنا بالدخول للصف رغم أن علينا اختبار :( راح علينا الاختبار وكنا ثلاثة .. ما كلمت المدرس عشان إعادة الاختبار لأني ما أدانيه ولا أبي له فضل علي واكتفيت بالاثنين يكلمونه .. وافق يعيد لنا الاختبار بعد نهاية الاختبارات .. لكن الاختبار تأجل أكثر من مرة ولا أدري وش السبب .. المهم .. اختبرنا قبل نزول التقارير بأسبوع .. ولما نزلت التقارير ما نزلت الدرجة وأخذنا فيها صفر :(:upset: عاد الحين مشكلة وشلون أودي التقرير لأهلي ونسبتي طايحة؟!! ما لقيت غير أروح المكتبة اللي جنبنا .. وأصور من هالتقرير وأقص وألزق بهالأرقام لين قدرت أعدلها بصعوبة :D والحمد لله مشت على أهلي وما لاحظوها :clap: بعدها بكم يوم .. دخل علينا الوكيل الثاني وقال لنا : من اللي عنده غلط في الدرجات ؟ ما أحد رد .. بعدين قلت أنا : أنا عندي غلط مطبعي :stoned: قال : رح عدله بالمطبعة .. قلت : أبشرك عدلته بالمكتبة ما لقيت المطبعة :razz: .. وضحكوا الطلاب لأنهم يعرفون أني معدلها s60s قال : أنت الظاهر ما نفع معك التوقيف بالعمود وتبي تقضي كل السنة جنبه :upset: قلت : التوقيف للرجال :naughty: <<< فاهم الرجولة غلط :d الغريب أن الوكيل طلع وما كلمني رغم أنه قوي شخصية ويخووووف :( .. ربي رحمني والا قسم بالله لا أتكفخ مثل ما تكفخت أنت وألعن :d قلت هالموقف لأني طلعت شنب وأباظاي :d .. أحب أهايط شوي عندكم :smilie47: عندكم مانع؟ :naughty: |
خجولة وبياسر مهبولة أشوى مالحقتكم المديرة هي وكعبها كان أذنبتم فيها الضعيفة تسلمي على الموقف العاشق المائق ذكرتني بموقف واحد من الشباب حاط نغمة نانسي في الصلاة ناسي وش هي الأغنية ,,, هي التسليمة الأولى للأمام وماعاد شفناه لك أجمل تحية على الموقف زعيم في حب الهلال كان قلت ( الدلة اللي ماتبهر من الهيل مثل العجوز اللي خبيثاً نسمها ) وعلى طول كانت راحت الحالة أرق تحية لك على الموقف المشاغب الحمدلله أنك عرفت تقرا اليوزر ,, وليه أغيره وهو عاجب غيرك تكفخت أنا وأعترفت لكن أني أوقف بجنب العمود أشوف أنا أطول ولا هو ماقد صارت لي وشفت اللي صور لك في المكتبة ترى ماهو أنا خخخخخخ تسلم على مرورك العسل يابصل |
شكرا لك اخي ع الموضوع ذكرتني ايام المدرسه وشعتله ومواصلات صار معي موقف كثير محرج بس الكل عارف اني شقيه احنا عن بعض المدارس الخاصة مختلطه ، كنت انا واخي اكبرمني طبعا وانا مروحه معه من المدرسه بخليني احملوا شنطة المدرسة ، ومره حكيت له هي الشغله مطوله معك حكيت له احمل انت شنطتك والا برميها ما صدقني بحكم انه اكبر مني ، وكيف ارميها رحت ورميتها بالشارع وكمنا الطريق ورجعنا ع البيت قبل ما نصل البيت طلب مني شنطته ، حكيت له رميتها هو فكر انه ماما رح تضربني رجعنا ع البيت وخبر ماما بالموضوع راحت ماما ضربته ههههههههههه خبرتها انا مو شغاله عنده . رحوا محل ما رميتها وجابوها ومن وقتها ما حملت له شطنته لحد الان بنضحك لما نذكر مواقفنا انا واخي مع بعض http://xd.alhilal.com/files/6zxk0qy1j...lwyt_thumb.gif |
| الوقت المعتمد في المنتدى بتوقيت جرينتش +3.
الوقت الان » 08:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd