|
الكاسر على المحك... ياسر امهر وابرز مهاجمي المنتخب السعودي على الاطلاق وقائد المنتخب السعودي الحالي يتولي قيادة الاخضر لجنوب افريقيا الفين وعشره وبلاشك هذه المهمه صعبه ولكن احسنت ادارة المنتخب حينما وضعت الرجل المناسب في المكان الناسب القحطاني يحتاج وقفة الجميع وبعيدا عن التعصب وترك الوان الانديه وباذن الله سيقودنا شعبا وحضاره امام العالم وهي بلاشك فرصة القحطاني ومحطته الاهم لو عدنا بالذاكره لوجدنا ان من قادنا في الفين وسته هو الاسطوره سامي وثمانيه وتسعين بلاشك يوسف وفؤاد وسامي والمهلل كانو الاميز واتمنى ان نتوحد جميعا مع الاخضر وبدون تعصب. وحقيقه فيه نقطه مهمه وهي صانعي اللعب فالمنتخب فاتمنى ان يلعب انجوس باكبر عدد صانعي لعب ولايلعب بواحد فقط والحقيقه ان بط كبودنا حينما اخرج عطيف ودخل القحطاني وكان عطيف اعطى اكثر من كوره رائعه للهجوم بالاخص ياسر وانا لااقلل من شان عبدالرحمن القحطاني بقدر ماتمنيت انه يكون اضافه لعطيف والشلهوب ويكون بديل لاحمد مثلا ياسر الله يوفقك في قيادة الاخضر والسلام |
الله يعينك يا ياسر وش بتشيل ووش بتاخذ... مافية الا ياسر والباقي للاسف ماوصلو لمستواه من حراسة المرمى الي خط الوسط.. |
يااااااااااااااااااااسر والله انه الكل في الكل واللي مايعجبه ياسر غصبن عن خشمه يعجبه والوعد الايام الجايه واكيد مااقلل من المنتخب ولاعبينه وياسر بازر دايم ويلعب برووووح قتاليه يذكرني والله بروح الدعيع في الحراسه داااااايم يخدم مكانه وبكل فن ومهاره والصراحه مستحيل هالوقت تحصل كابتن للمنتخب غير ياسر القحطاني وهو اللي راح يبث الروح في اللعبيه في المراحل القادمه ان شاءالله وانا كلي امل في منتخبنا الحبيب مهما قالوا قليلين العقول من كلام يشووه الواقع ويجعله شبه مستحيل ياعزيزي صاحب الموضوع انا ااسف اني اقولك ماعندك احد من ناحية الجمهور واصحاب القلوب الوطنيه (انك لاتهدي من احببت ولكن الله يهدي من يشاء) صدق الله العظيم وانا اهنيك على روحك الوطنيه اللي اتمناها في كل سعودي وانا عن نفسي اتمنى للمنتخب الخير والامجاد ولا التفت للكلام اللي مايودي ولا يجيب |
مانقول ألا أملنا في ياااسر كبير أنشاء الله وأن شاء الله يتحسن المنتخب |
مانقول ألا أملنا في الله سبحانه وتعالى ثم في ياسر، ياااسر كبير أن شاء الله وأن شاء الله يتحسن المنتخب |
أقسم بالله مو علشاني هلالي لكن أمس ياسر عزيز شهيل معاذ عبده و الباقي محاولات من الشلهوب و غيرهم صفر على الشمال .. |
ولله مع حق يعطيك العافية ونطلب من انجوس يرجع الدعيع الى عرين الاخضر ونور الى الوسط |
ياسر اكثر واحد يتحمس حت ضاعت عليه الكوره تحس انه ينقهر واكثر واحد تحسفيه صفة القياده بالتوفيق له والمنتخب ياااااارب |
الصراحة إذا مافي ياسر المباراة تصير نائئئئئئئئمة |
ياسر الكاسر قدها وقدود رجل قيادي ومهاري ويحب الشباك والشباك تحبه |
مشكورين والله يوفق الكاسر وبقية زملائه بالاخضر ومشكورين عالردود والمرور |
| الوقت المعتمد في المنتدى بتوقيت جرينتش +3.
الوقت الان » 03:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd