أنا هلالي وبس
وماهمني ليش وكيف
انت من دمي ياهلال

وانا من عرفت الدنيا كل من معي لاصديق ولا ابو ولا اخو كلهم يشجعون الهلال واعجبتني مبارايات الهلال صراحه والله بعدين يريحونك بطولات فرحات للهلال

وعشاان كذا انا صرت هلالي

احـــــــــــبــــــــــــــــك يـــــــــــــا زعـــــــــــيــــــــــــــم

من عام 1405 تقريبا ,, واللي شدني اكثر اني شفت مبارة للهلال اضن انها مع الطائي او النهضة او فريق لونه غريب ما اذكر لانه كان عمري وقتها 6سنوات ((اولى ابتدائي )),,,, ورقعوهم رقعه صح ,,, من بعدها تاكد حبي للهلال وصار عشقي الازلي وحبي الذي لا ينضب ,,

اشكر على موضوعك الحلو

انا من يوم طلعت على الدنيا ونا اشوف الدنيا كله هلال في هلال


عيال الحارة بغو يغيرون ميولي لن كان اخوي الكبير يشتغل بالدمام

وكان يجي بل الخميس والجمعه باس كان يعلمن موقف للهلال كانت

تسكتهم اسبوع كامل بل بعض المواقف كانت تسكتهم بل الاسبوعين

ولله الحمد والمله صرت زعيم هللي وكان بعد كل مبرات نجتمع بل الحار

واذا فاز الهلال ميطلعون وكانت احجرلهم بل المدرسه وافظحهم لمين

قلبو بعظهم هلالين من الروس الكبار بعد وبعظهم ترك الكوره والبعض

البقي صار يشجع النثر على السكتي

مشكــــور أخوي . . .

على الموضوع الرائع . . . اللي خلانا نتعرف على بعض الأعضاء . . .

أنــا بالنسبه لي . . . البيت كلهـ هلالي . . . واذا جت مباراة الهلال كنكـ داخل في سينما مو في بيتنا . . . ولكن السبب الرئيسي في تشجيعي للزعيم هو أخوي الكبير . . . كان كل يوم الظهر يرسلني في ذا الحر للبقالهـ واحد ببسي وواحد الرياضيه وطول الوقت يقرا اخبار الهلال . . << نذل ولا كلف على عمرهـ يشتري لي هههههههههه
وبعدهــا عشقت الهلال . . . ولا اتخيل حياتي بدونهـ . . . << الله لايحرمنا من هلالنا

عندنا
تشجيع الهلال مطلب عائلي

وانا من يوم عرفت شي اسمه كورة عرفت معها الهلال
وياما وياما ازعجنا الوالد علشان فنيلة تحمل الرقم 15
الهلال يجري بدمي
والثنيان هو اغلى لاعب عندي
خلاص الهلال صار كل شي عندي بعالم الكرة
يلعب و يمتع و يحقق

والله يوفق الهلال وين ما راح

انا اشجع العقل والركاده والاتزان فلذالك شجعت الهلال وغدم سلب الناس حقوقهم مثل مايصير مع بعض الناس الاعب فلان ما اخذا حقه وفلان مشتكي وفلان تفلوفي وجهه يوم كان مايصلح عين العقل تشجيع الهلال وقل السكر والضغط وادارات عقل من عبدالرحمن بن سعيد الي عبدالرحمن بن مساعد الله يحفظه

اول شي السلام عليكم
وثاني شي انا كنت اشجع الاتحاد لان الوالد اتحادي
لاكن لم ارى من الاتحاد اي شي يخليني اشجعه بعد ما كنت اشوف مباريات
الهلال والاتحاد وكان يوسف الثنيان وسامي يلعبون وكنت اشوف المباراة واتحسر
واقول والله ان الهلال هو الفريق اللي يستحق انك تشجعه وبحمد الله شجعت الهلال بس ماطولت في تشجيع الاتحاد غيرت لنادي الهلال وانا عمري 10 سنوات وكان الهلال لعب نضيف
ومهاراة وخاصة كنت اشوف جمهور الهلال وكنت اقول اوف اوف معقول هذا كله جمهور ولكن الحمد لله اني غيرت هلالي ولله الحمد واشكرك اخوي العزيز على الموضوع الجميل وشكرا

انا عشقت الهلال لاني من طلعت غلى الدنيا والعائلة الكريمه كلها هلاليه حتى جدي معهم هذه احد الاسباب السبب الثاني يوسف الثينان والسبب الثالث المتعه في اللعب و البطولات مع ان خوالي كلهم نصراويه

"| ورده |"


موضـــــوع رائع .. وتغيير جو .. مشكور // قناص سدير 20 //

بالنسبة لكيفية تشجيعي للزعيم. مُنذُ قرون من أيام // الغشـــيان //

الله يذكر أيامه بالخير .. وأيام .. الفيلسوف - التيماوي - أبو إثنين - بشار - إسطورة(9) آسياء - نواف2000.

ومع الأيام نكبر ويكبر حُبنا للزعيم. ونكبر وتكبر الإنجازات والبطولات والنجوم وتكبر زعامة (( أزوري آسياء ))

طبعاً كان أخوي صديق ×× لخالد التيماوي ××.. وكأن له تأثير بعشقنا للهلال مُنذ الأزل.

ومن جينا على الدنيا مانعرف غير .. الهلال .. ربي يحبنا والله إني أشكر ربي لأني هلالي..

بصراحه أنا أستغرب لدرجة إتي ما أصدق إن فيه ناس يشجعون غير .. الهلال .. الأن ليش تشجع:

* للمُتعه بفن كرة القدم. الذي لا يوجد بغير الهلال.

* الروح الرياضية لجميع من له علاقة (( بالأزوري الأسيوي ))

* النجومية المُطلقة لكل من يرتدي شعار زعيم 2/1 الأرض.

* التعامل الراقي من قبل اللاعبين والإداريين والجمهور الواعي. وكل من له علاقة بالزعيم..

* ويكفيكم إن لون شعاره أزرق مع أبيض.. لون المطر .. والبحر .. والعذوبه. مو لون الصحاري القاحلة.

.. بالمختصر المفيد .. << العقل السليم في تشجيع الزعيم >>

ومن جد مسكين اللي مايشجع الهلال.. الزعيم ينحب في في كل أوقاته. فوزه له طعم .. وخسارته لها طعم. والزعامه لها طعم خاص.. لا يليق إلا بالزُعماء..

تقبلوووا مررررروري.. ومسكين اللي ماعنده زعيم.. ×× معـاً لنبقى زُعمــــــــــــــــــــاء ××


"| ورده |"

أذكر وانا صغير في ديرتنا ,, وقفت مع أحد أقاربي ونتشاور

وش نشجع ؟ الهلال أو النصر !

في البداية قلنا نشجع النصر

ثم قلنا نشجع الهلال

وسبحان الله استمرينا على هالكلمه

وكان وقتها ماعندنا( بالديرة) تليفزيون !!عام1397هـ تقريبآ

نستمع للمباريات عبر الراديو ,,,

وكان لي خال نصراوي استقعد لي إغراءت لتشجيع النصر قال سأشتري لك بدلة نصراوية وكنادر وقبعة بس شجعه !!
بس ولله الحمد ما طعته
وبقيت هلاليآ عاشقآ

اولأ شكر لك اخوي ع الموضوع .. ثـآنيــآ الحمد لله ع اني طلعت هلالي ..
ثـالثــآ اخواني كلهم هلاليـــيــن وهم اللي طيحوني بالهلال وهذا اطلق شي سووه

اخيــرآ : الحمــد لله الحمـــد لله اني طلعتـ هلآلي ,,


تحـــيــآتي ..

من اللي حولي..العـآيله كلها هلاليه ماشاءالله

الله لايغير علينا هع هع

يعني تقدر تقول{من عاشر القوم ماثله}بس صدقني احلىىآ عشره وأحلىىآ ممآثله

الزعيـم وطـن غريـب حلـو..لآيق عليه الشطر اللي يقول {دريت إن الرفيق اللي يجنب خوة أمثـآلك غبي}

بس بصرآحه الزعـيم ينحب وينعشق..حتى لو كنت ماتميل لريـآضه,,فيه كل شئ من الثقافه والاعمال الخيريه والاجتماعيه اللي يسونها..والدينيه ربي يحفظه ياااارب

مشكـور اخوي ع الموضوع التحيف

ودي ورده

مساء النور والسرور ....

انا بصراحه من ايام الابتدائي ( اي سنه بالضبط ما ادري ) وانا اشجع الهلال ..
واللي زادني تشجيعه بهالطفوله كانت اختي تشجعه ... وانا اقب عقبها .. الهلال والهلال ..

ومن ذيك الايام وانا اشجعه .... (( وما اقول غير الحمدلله اني ما شجعت النصر ولو ثانيه ))

شكرا اخوي قناص على الموضوع الاحلى من حلو ..

سلملم