جيتكم بأشتيــآآقي وبالسـلآم ابتدينـآ !! - نادي الهلال السعودي - شبكة الزعيم

وجــدان · #1 04/10/2008, 06:10 AM

السلآم عليكم ورحمة الله وبركاته

صبحكم الله بالخير >> ماني قايله مسـّآكم اللي مايجي بوقت الموضوع ماله تحيه

بسم الله و على بركة الله تم استقبـآآل عضوتكم المصوون الآنسه وجــدآن من ع متن طائرتهـآآ الخـآصه عند هبوطها في منتدى الزعيم وقررت ان تحط رحـآلها هوون بالجلس العـآآم >> يله عاد ابتلشوو اللحين ببثـآرتها

ابشركم ياجمـآعه تفعلت والله مستانسه الارض مو واسعتني من الفرحه .. حتى مااقدر اعبر بس اللي اقدر اقووله الف الف الف شكر لكل من كان له دور في تفعيلي وحتى لو كان هالدوور بسيط .. الله يعلم اني تعبت معي نـآس يستاهلون من خلال هالصفحه اني اشكرهم ع جهودهم معي .. ماقصرتو وماخيبتو ظني فيكم كل الشكر وكلمات الامتنان لاتفي حقكم .. صعب احدد اسم وانسى اسمـآء واخاف اني اذكر اشخاص ماودهم يرد ذكرهم هنـآ لأسباب خاصه فيهم .. لكن شكرآ وليت شكرآ تكفي ..

بمـآ اني توني مغلفه وبقراطيسي وهالموضوع بيكون ذكرى لي بعديين لا صرت اتواعد مع شذى بلأستشاريه ابيها بكلمة رآس

فـ لازم احط حرتي فيه وطبعـآ اولا واخيرآ محد مآكلها غيركم

هذا الله يسلمكم حبيت اعرفكم ع نفسي واسلووبي وكل ابو شي فيني من خلآل موقف صار لي يعني نبي نخووش ع طوول بلاها حركـآآت رحبو فيني ومدري وشو >> بس هذا مو معناه انكم ماترحبوون فيني لا الله يغربل سوالفكم رحبوو فيني وهلوو بي بس عاد ع خفيف عشان ماينحذف الموضوع >> تشرط

هالمووقف مابوه احد ماعلمته فيه لدرجة اني استلمت خواتي بالدوور كل وحده اقولهـآ اللي صار ع حده طبعـآ اقدر اجمعهم واقوول لهم السالفه مره وحده بس انا ماتبرد حرتي لين اقول السالفه اكثر من عشر مرات وع التوالي بعد تبوون اعادة تشغيل للسالفه عقب ماتنتهي ع طوول قسمن اني مستعده حركه بطيئه عبارات واكشن ابد مالكم الا اللي يملح لكم السالفه

هالمووقف صار لي وانا مسافره بالطياره عندي مقابله للجامعهـ من حـآآيل

للريــآآض

ولأول مره اركب طيـآره بحياتي

الموقف مو محرج موقف موبكي اقوووله !! > ولا وش رايكم نسوي تصويت >>

ترى ماشفتو من البثاره ولا كبر الشعره جايكم جايكم الحتسي لاتستعجلوون ع رزقكم بالدوووووووووور انت وايـآآه خخخخخخخخ

هذا يارعاكم الله بـآخر سفره من مطـآر حايل (

) لمطـآآر الريـاض (

)

ركبت ولأول مره بحيآتي طيـآآره !!

برحلة الذهـآآب كان الوضع تمـآآم والاوضاع مستتبـه ( حلووه مستتبه صووح خخخخخ )

من اقلعت الطياره دخت انخفض ضغطي وغطيت بسبات عميق >> تخيلوو اول مره بحياتي اركب طياره ومن تطير انام خخخخخخخخ ماأنلام انا حدي حدي لاأرتفعت عن الارض متر ونص متر ونص مامن طوول

هالمره مدري كم الف قدم ارتفاع الطياره قالنـّا الكابتن ارتفاعها بس نسيت هع

^

^

^

^

ترى اللي فووق مقدمه موب مهم ابد >> ادري لسان حالكم يقوول اجل ليه ممشورتنا ع الفاضي >> تسيفي موضوعي وانا حره تعالوو مكاني بعد لالا احلسو بكرسيي طال عمركم >> تحـآآرش

مالكم بالطوويلهـ نعطيكم الزبده برحلة الاياب ( الموووت الحمر ) كنت انا عند الشبـآآك واسم الله علي عيووني مغير تلووقط كلش اشووفه ع بعد مسافه وقدرهـآآ حتى مبـآراة الهلال شفت يوم ياسر يسجل قوول والله ياان الكابتن قعد يفحط بنـآ بالجوو وحنا مستـآنسين ونضحــك >> ايه بالحييييييييييل

بس تصدقوون ماشفت كم النتيجه مو اهمال لآ واللـــــــه بس لأن انشغلت بواحد من الجمهوور قاعدتن اقز من فوووق شفته معصب ويصارخ ويسوي حركات غريبه حتى عقب قوول ياسر قلت بس يابنت هذا اكيد مندس وانا انادي المضيفه قلت لهـآ طيارتكم من أي نووع ؟ اقصد فيهـآ قنابل شي ! اقدر اطلق صاروخ من هنـا للرياض .. وهي اللي ماتدري وش انا قاعدتن اقوول قلت اها بس وخري مايردني الا كابتنكم ورحت لمه وسألته نفس الأسئله المذكوره اعلآه هز دميجته وقال تم على مين نطلق بس اشرت له ع هالمندس قال عدي للـ 3 واعتبريه منتهي .. بديت اعد 1 .. 2 .. >> رحمته بعدين قلت 2ونص .. 2 ثلاث ارباع .. غمضت عيووني وقلت 3 !!
سمعت ضحكة الكابتن وتهللت مع شوي الم على المندس بس لأ عقب ماكررتها ف عقلي مندس مندس مندس ... ضحكت ضحكه شريره زي ضحكة المشاغب كان تعرفوونه

> بتنجلد .. ابشركم تم القضاء ع المندس بصاروخ كاتم الصووت ويوم حللو سبب الوفاة لقوهـآ صدمه عصبيه >> اشوى مانبي نذبح احد مات قبل الصاروخ يجيه والله من حرة الهدف

.. واي مندس هنا يطلعلي يله خخخخخخخخ

الموهيم كنت انا واخوي البكر بالطايره >> حلوه البكر >> وجع ايييييييييه كملي >> للتشوويق علامكم ماودكم تقرون طسو هع

ومن ركبت الطياره وجلست بالمقعد وانا اللي احووس ادور كتاب السلامه

واكثر شي شد انتباهي سترة النجاه اللي حاطينها بالصووره . على اساس ان تحت كل مقعد سترة نجاه وانا اللي انزل راسي بشووف سترتي بس ماشفت شي .. تعلقت بأخوي وانا ابتسي واقول ماحطو لي سترة نجاه كنت حاسه ان هالسفره ماراح تتم ع خير لابوها جامعه اللي جابتني للرياض ولابوها تذكره رجعتني لحايل تسان انثبرت هناك احسن واقعد اولول على شبابي اللي راح هدر ماحسيت الا بيد اخي الحنون يطب طب ع خدي بكم كف من العيار الثقيل

> ماوها تقول انها تصفقت

قال اخووي انثبري والله لو انزل ثووبي عشان تصير سترة نجاة لتس وامووت انا ماقصرت روقينا بس ..

الا ويجلسوون ورانا 3 شباب من حايل راجعين من جامعتهم بالرياض واصواتهم تبـآرك الله كل شووي تجي المضيفه وتقوول بلييز اصواتكن ازا بتريدوو آآصروآ شوي الترجمه ( اصواتكم يامال ابو عردز قصرووها شووي وجع

) مير ويطلع الحتسي الزين من شبابنا اللي يقوول لكـ بتأمري واللي يقوول تؤبريني من عوينـآتي الزرق واللي يقوول ..... الخ
من يووم ماحركت المضيفه من عندهم شبرين وهم يلعلعوون سوالف

انا ع اعصابي لأن كان عندي احساس ان الطياره بتطيح وكلهم ماراح يصير بهم شي الا انا اللي بموووت هذا احساسي مدري ليه وبعد ان الطياره هه هه تقل تهتز ماش ماش مهي طبيعيه

اللي وراي شبابنا الابطال ماقصرووو مغصني بطني يووم قالوو بصوووووت عـآآآآلي كعادتهم رعاهم الله طـــــــــآآآآآآآآحت طـــــــــــــــــآآحت ( يقصدون الطياره ) وانا اللي التفت لهم واقوول اخسئوو ثكلتكم امهاتكم >> هذي من عندي عشان الأكشن

وربي وقسم بالله ان دمووعي نزلت غصب قعدت تدحدر من عيووني وانا لاحوول ولا قووه بس اسمع وش يقولون واصدق وابكي

وجـآء المضيف !! احسه غلط ؟؟ خخخخخخخخخ ويقوول لخوويه المضيف الثاني
لا ياابني بتئوول ايه انته مش ممكن وهذاك معصب يقوول تعال شووف بعيوونك وانا اللي انقز وامسك المضيف واقوول عسى بس الطياره ماصار لها شي ولا بتطيح ويمسكني اخووي ويهجدني

^

^

^

^
وعلى فكره الحمد لله ماطاحت الطيــآآره

> باللهي >> واللهي حبيت اطمنكم يعني خفت تحسبوونها طاحت وانا لاسمح الله متت ولا شي قلت اطمنكم ع حضرة جنـآبي

بس وربي اخطر موقف صار لي بحيــآتي والله وقتها كنت ادعي ربي واقوول يالله يارب اول مااوصل مـطآآر حايل اموووت بس في السما مابي امووت !!

(( ترى احسن شئ المواصلات البريه .. توووبه منك ياطياره تووبه ابديـّه ))
>> تسمع بالسجع

بس خــلآآص كـآآس ماء لاهنتوو

تيب تيب بطلع خلااص لاتدفووون ( فيس يشرب ماء وطالع مع البـاب)

مواكب · #2 04/10/2008, 06:13 AM

الحمد لله على السلامه ... وه بس من البنات خوذي حذرك مره ثانيه ...

وتقبلي مروري . موااااااااكب ,

الهلالي دائماً · #3 04/10/2008, 06:14 AM

هلا بك وحياك الله اختي وجدان ...

والف مبروك التفعيل .. ومن صبر ظفر

وماشاء الله عليك من اول يوم موضوع طويل عريض

قصة حلوة .. وبداية تبشر بكاتبة قد الدنيا

والحمد لله على سلامتك ...

والله يوفقك ,,,

f*y*d · #4 04/10/2008, 09:46 AM

إقتباس

الرسالة الأصلية كتبت بواسطة ماجد مقبل


	هلا بك وحياك الله اختي وجدان ... والف مبروك التفعيل .. ومن صبر ظفر وماشاء الله عليك من اول يوم موضوع طويل عريض قصة حلوة .. وبداية تبشر بكاتبة قد الدنيا والحمد لله على سلامتك ... والله يوفقك ,,,

ماجد شكلها مجهزة الموضوع وحافظته بالوورد

ألف حمدالله ع السلامة اختنا وجدان وحياك الله بالمجلس

زارتنا البركة وتتفيدين وتستفيدين ان شاء الله
باين عليك نشيطة فـ لذلك لا تجلسين يومين وتسحبين علينا

استمري معانا وتميزي ونحن بالإنتظار

.
.

:: فتّكـ بـ ع ـافيـة ::

وجــدان · #5 04/10/2008, 10:10 AM

..

هلا والله فيــآض ورده

إقتباس


	ماجد شكلها مجهزة الموضوع وحافظته بالوورد

وش دراك قسم انه صدق اكيد انك المندس

الله يحييك اخوي فيـاض .. مدري والله اذا وراي فايده ولالا بس نصيبكم وش تسوون

إقتباس


	باين عليك نشيكة فـ لذلك لا تجلسين يومين وتسحبين علينا

وش دراك اني بسحب

طيب ان شاء الله اصير متميزه ونشيكه انت بس لاتزعل

مشكوور اخوي فياض ع المرور ورده

المشـــاغب ورده

الظاهر ان الموضوع موضوعي فـ لاتسوولف مع ابو مقبل هنـا اتمنى يكون تنبيهي مفهوم

هلا بك خيوو الله يبارك فيك .. مسرع تفعلت !! الا والله اني تلحطت شهر مع الواسطه بعد اجل بدوون واسطه متى كنتم ناوين بتفعلووني

ايه عادي تموون بس لايكثر لأن الدجاجه اللي تكلم عنها اول مره تركب طياره فـ شيء طبيعي

الله يوسع صدرك بطاعته اخوي المشاغب والاولى انك تطس انت لأن هذا موضوعي

..

ربطه وشباصه ورده

هلا بك حبيبتي والله يبارك فيك

متى ماحبيتي تجين تعالي بس لاتجين وانتي مبسووطه عشان مايتعكر مزاجتس

..تسلمين لاعدمتك ورده

وجــدان · #6 04/10/2008, 06:18 AM

مواكب ..

ايه اتقبل مرورك ليه مااتقبل هلآ والله .. والله يسلمك .. وأبشر طال عمرك

مــاجد مقبــل ..

ترى هالموضوع كاتبته من زمـان ومن شفت ايقونة اضافة موضوع ماصدقت خبر

الله يسلمك ان شاء الله والفضل بعد الله لجهودك وجهود الاخوان مشكوورين

وانا بنت من بنات المجلس من زمان متابعتكم وتعودت ع اسلوبكم ومواضيعكم الطويله

انت شف تاريخ التسجيل بس تميز من اولها

>> براا

نورت وشكرآ لك ورده

كارولين · #7 04/10/2008, 06:31 AM

والله مدري وش آقول
بس رديت بس كذا

<<<كىآن بيطلع بنص الموضوع بس هون

مبروكـ علىآ تفعيل العضويه
وحمد لله علىآ السلامه

نستنىآ موضوعكـ الجـىآآي<ايه هيين

وبس

see you

الهنوووف · #8 04/10/2008, 06:40 AM

وعليكم السلام ورحمه الله وبركاته

هلا بك خيتوو اخيرا

اول شي وش هديتي على تفعيلك

والا ترى بخليهم يوقفونك >>>منه الله ولامنه خلقه

ترى انا ماحب اطلب تفعيل احد اخاف يطلع مو كفو واتوهق به

بس كسرتي خاطري

هلا بك اختي والحمد لله ع سلامتك
والله يعينا على الطياراات

بس الحمد لله من تالي تعودت وماصرت اخاف
اخاف من السياره اكثر

بانتظار البنات الي كانو معاك شيخه البيض وملاك بطبعها

وحده نسيت اسمها بالضبط الي فيها القمر نسيت اطلب تفعيلس

العذر والسموحه

خلي ماجد يفعلك

>>>>>>>توهقه

الهنووف

كانت

هنا
ورحلت

الحلا مبتليها · #9 04/10/2008, 06:50 AM

يؤ يؤ يؤ يؤ يؤ يؤ
ماشاء الله ماشاء الله

والله اووب هين / هـ الي فعلكـ / ت << التاء حطوهاا بعد حرف اللام اوب تقولون فعلكت
وتحطوون من الحبهـ قبهـ

وجداانوووهـ ارحمينآآ بأهـ

لانو تعبآآنهـ حيل بعد المسآآبقهـ
الي ماادري ربي وش بلاني فيهاا

والا ابي افوووز

<< اللهـ من زين الحظ

انا من رجعت وقريت اسألتي غسلت يديني مني

وش هالاسئلهـ .. الله لايلوم هتلر ما يتطنز

برايفت هتلر الزعيم ماغيركـ

>> احمد ربكـ واسجد سجوود شكر له

وصل الضحى انو جهاازي ماادري اتصاال الدي .. الخ علق ولا قدرت اكمل اسألتي

ولا كآآن ماخليتك اجل قدر ايه .. ماادري من الرجاجه ماقريت انو الكترووني وجامعه

بس احمد ربك والحمد لله جاء موضوع وجدان وفرقعت كل الي بقلبي

وهالسؤال سقط سهواً دون سابق انذار .. خلاص بسكت مليت من الكتاابهـ

نررجع لكـ ياوجداان نسيت وش كنت اقول لك

ايه ماشاء الله تفعلتي

<< لا ياشيخهـ
بالمباااركـ يالغلا بالمبااركـ
والله يوفق ويسعد الي فعلتك << ماسكهـ معها بنت

ماشاء اللهـ قول وفعل الله يوفقهاا

<< كانه قدع نسحب القلب

وموضوعك قريت نصهـ الين قلتي وركبت واغمى علي .. او زي كذاا

تسلمين على الموضووع
وياهلا ويامرحبا بكـ هناا بيننا

يالله عاد شدي حيلك وورينا سنعك
وكني اشوف ملاك بطعها ! تحت

ثنين في واحد
مبروووووووووووووووووووووووك ملووكهـ على التفعيل

عارفهـ ان الرد بوادي والموضوع بوادي
لافضيت من الي عندي دخلت وعدلت ورتبت ونسقت الكلام

تحيااتي لكـ ^_^

ورده

بلد الوليد · #10 04/10/2008, 06:59 AM

عاد تصدقين قريت الموضوع كله

ولا انا مالي ومال القرايه وجعتني عيوني بس

فيه احد يخاف من طياره الله يخلف عليك بس

عاد تصدقين ذكرتيني بنت جيران القيصر رهيب الدبيه

باين انك بثررررررره وبالك وسيع للكتابه

وهذي من متطلبات العيش في الزعيم

حياك ورده
وأشوف الهنوف جالسه تستغل المنصب الاستشاري تمام

كارولين · #11 04/10/2008, 07:14 AM

وجدآآن
آنىآآ ولد

شفت ردكـ ورديتي عليهم كلهم
وادور اسمي ومىآليقته.!!!
قلت يمكن مىآشىآفـTـني او سقط سهوآ<<مىآيعرف يقلد

بس دخلت المسىآآآبقه حقت قبل شوي وضعت فيهىآ

ورجعت ولقيتك رديتي علي
see you

وجــدان · #12 04/10/2008, 07:20 AM

كيـان الازرق

هلاا ياقلبي منور بوجودك والله لاعدمتك تسلمين

والله يبارك بعمرك ويعينكم علي

هو انا يمكن استفيد لكن افيد والله ماظنتي

يسلمو يالـغلآ ع المرور الحلوو ورده

بلد الوليد

ايه طبعـآ لازم تقراه كله محلاك قاري نص الموضوع بعد يتمنن هالـ رجـال

يعني بتفهمني انك قووي وماتخاف من الطياره بس ترى عادي فيه بزران يتأثرون بزورو

بعض من بثارتكم خيوو ولاهنت ع المرور ورده

وخل الهنوووف تستانس دام لها يد بتفعيلي

يسلموو

وعد أنا هلاليه للأبد · #13 04/10/2008, 08:06 PM

عليكم السلام ورحمة الله وبركاته ورده

هلا ومرحبا فيك ,

لكن من اولها كل هالبثاره ؟؟؟؟

شوي شوي علينا

دخلت الموضوع قلت مابياخذ مني ون منت

واقرا واستناه يخلص ولا يخلص
واستناه يخلص ولا يخلص واستناه يخلص ولا ... <<<<< مسكت خط

لاااااااااا ومادريتي

ماعرفت صدقك من بثارتك بقصتك

وجدان

هلا فيك منوره يا بعد حيي

تصدقين

ودي ازور حايل يا بعد حيي

بإنتظار قادمك

لكِ ودي \
وعد

^ العنود ^ · #14 04/10/2008, 06:21 AM

تفعلتي مبروووووووك

مدري ليش الناس يخافون من الطياره

انا بالعكس استاااانس

يلا وجدان حياك ربي ,,

نشوفك بالمسن عاد

>>> برااا

ياحبيلك يازعيم · #15 04/10/2008, 06:24 AM

مــآشآء الله مبــرووك تفــعيل آلعضويــه..

والحــمدلله ع السلآمـــه رحلــه ممتعه

اجــل مآشــآء الله به احد مثلــي (ذروق)

وبآنتظـــآر آلمزيــد مــن ابدآعتــك وطلتك آلحلـوه..