يالله يابومساعد تكفى , وش ننتظر بعد كلام حسن معاذ انه يبي الهلال - نادي الهلال السعودي - شبكة الزعيم

معجب بالفتى الذهبي · #1 01/06/2008, 09:43 AM

السلام على من اتبع الهدى

الكل شاف ايش قال حسن معاذ بالمقابلة

والكل يعرف ان الهلال بحاجة الى ظهير ايمن

اجل ننتظر ايش

ولا احد يقول لي صعبة تاخذه من الشباب

كلنا نعرف علاقة اعضاء شرف الهلال بخالد بن سلطان

وعلاقة عبدالعزيز بن سعود بالبلطان

ياليت لو ان الادارة تجيبه وتنهي موضوع الظهير الايمن

سلام

جابر الكويت · #2 01/06/2008, 09:45 AM

حسن معاذ لاعب مميز وعن نفسي تمنيت وجوده بالهلال من اول ماشفته وعرفته

لاعب جيد وارجو احضاره

DiDo0o · #3 01/06/2008, 09:45 AM

اخوي هو ما قال انا اريد اللعب للهلال .. هو قال اللعب للهلال حلم .. يعني مو معناه انه يبغى الهلال ... لا تستعجل الله يصلحك ..

وتو الناس على الامير عبد الرحمن .. وان شاء الله يجيب الي احسن منه باذن الله

معجب بالفتى الذهبي · #4 01/06/2008, 09:48 AM

^

^

ياخي واحد يقول ماراح اجلس في الشباب باقي مسيرتي

ويقول انا افضل الهلال وهو حلم بالنسبة لي وافضله على كل الاندية

ويقول قدوتي سامي الجابر ونواف التمياط

وش بقي يعني

تبيه يقول تعالو اشتروني تكفوون

راكان _20_ · #5 01/06/2008, 09:49 AM

صراحه أمنية أن حسن يجي للهلال و إن شاء الله إن إبن مساعد يجي يا رب العالمين ..

الله يعطيكم العافيه ...

هلاليه زي القمر · #6 01/06/2008, 09:53 AM

حسن ماشاءالله عليه حتى في التسديدات اذا قابلنا الشباب والله انه يخوفني

ياليت والله يجي للهلال

ويعطيك العافيه والله يكتب اللي فيه الخير للزعيم

فابري · #7 01/06/2008, 09:56 AM

والله انــه لاعب لايختلف عليــه اثنين يــااخي لاعب يبي الزعيم وخــالدبن سلطان هلالي
شفووو الغنــام على عزمستـــواه اعطنــا الاعب وانشــاء الله يعطينا حســن معـــاذ

Fahad Al Sudais · #8 01/06/2008, 09:59 AM

يالغالي

حسن لاعب جيد..

لكنه (مشكلجي)

كل فتره والثانيه مسوّي له جريه

والبلطان قال عنه راعي شطحات

ومثل هذا صعبة يسلك في الزعيم

الله يرزقنا بواحد افضل منه اداء وخلقا

محبتي

تكروني ابيض · #9 01/06/2008, 10:04 AM

طالما حاط في توقيعك رونالدو خلاص كفايه انك فاهم كوره

ان شاء الله هلالي

حوطي وكلي فخر هلالي · #10 01/06/2008, 10:10 AM

تكفى يابومساعد فرحنا بدري تكفى طلبناك نبي ندخل الاجازه وحنا مرتاحين البال

الله اقوى · #11 01/06/2008, 10:12 AM

وش دعوى تقول السلام على من اتبع الهدى !!!!!!!!!!!
انت شايف بيننا كفار علشان تقول هالكلمة
اين مقص الرقيب عنها!!!!!!!!!!!!!!!!!!!!!!!!!!!!!!!!!!

abo_samee7 · #12 01/06/2008, 10:27 AM

والله وانا اخوك اخاف انهم يجيبونه الهلال وبعدين يفقع خشوم اللعيبه عندنا

فكنا شره بس وخله بعيد

تروني امزح لحد ياكلني

ابو معاذ والله انه ممتاز وياليت لو يجي بيفك ازمه

ولازم نلحق عليه قبل لايقدمون الإتحاد عرض لأنه زي ما انتو عارفين انهم في حاجة مااااااااسه للظهير ايمن بدل الدوخي

SAACHI · #13 01/06/2008, 11:15 AM

إقتباس

الرسالة الأصلية كتبت بواسطة الله اقوى


	وش دعوى تقول السلام على من اتبع الهدى !!!!!!!!!!! انت شايف بيننا كفار علشان تقول هالكلمة اين مقص الرقيب عنها!!!!!!!!!!!!!!!!!!!!!!!!!!!!!!!!!!

انا مع راي اخوي وشو اللي السلام على من التبع الهدى ؟؟

داخل على يهود انت ؟؟

والا نصارى ؟؟

عدل موضوعك الله يجزاك خير

حاربارد · #14 01/06/2008, 11:24 AM

حسن معاذ لاعب مميز وعن نفسي تمنيت وجوده بالهلال من اول ماشفته وعرفته

لاعب جيد وارجو احضاره

ولكن البلطان لن يتركه للهلال وهو عارف أن الهلال يبيه وعارف أن حسن معاذ خطير ....

ولو يجي بصراحه بيصيرصفقه ناجحه أحسن من صفقة ليلو وصفعه برونو ههه

تحياتي للجميع

معجب بالفتى الذهبي · #15 01/06/2008, 12:24 PM

شكرا شباب على المرور

والاهم ان تصل رسالتنا الى سمو الاميرعبدالرحمن

وان شاء الله يتعاقد معه