السلام عليكم ورحمة الله وبركاته ..


بسم الله الرحمن الرحيم ..



اخواني الغالين ودي أتكلم عن موضوع حسآس عند البعض لما يعانوه من نقد ذاتي ..

طيب إذا نويت تكمل نصف دينك وفكرت بالإرتباط فعليا .. (الزواج لغير الناطقين بالعربية)


وبعد مده استغرقت ما استغرقت من الأيام ولربما الشهور ..


ذهبت إلى أقرب الناس إلى نفسك من النساء أكانت أمك أم أختك أم غيرهم ..


أول ماتجلس معها بتلاحظ سمة غالبة على طبعك ألا وهي الحيـــــــاء ..


وأنت يالمسيكين تبدأ باللخبطة في بعض الكلمات ..


والحساسية يرتفع سوقها عندك ..


وعيونك بالأرض ..


عاد هي ماشاء الله عليها تقوم وتعطيك ضربة على ظهرك تخليك تصحصح شوي وتستوعب انك زودتها ..

يعني على قولتهم

اخلص علينا وش عندك؟


وأنت وقتها تبدا بالفلسفة الزايدة

وانا أحس اني كبرت

وودي أشوف عيالي قبل لا أموت

وإذا مازوجتوني ترى بنتحر


وتجيك تتحسس جبتهك عسى منتب تعبان <<< من الفرحة



المهم تعطيها مواصفات فتاة أحلامك (قلوووب تتسابق وش كثرها)


من وإلى



ويشتغل بحث الحريم

أكبر استمتاع لهم في الحياة البحث عن عروسة الغالي>>>> اكشخ يالغالين من قدكم



ومن غلاتـه يحيسووون كل أبو شي (فيس يناظر أبو ريمان)



كل يوم طالعين له بوحده شكل <<<< ياختي ياناس ماحلاهم



هذي خالها مدمن


وهذي عمتها الله لا يبلانا


وهذي قبيلتها قد جربوا منها ناس نعرفهم ترى البعد عنهم غنيمة <<<<<<< ياصبر الأرض عليكم يا هالمتخلفين


وهذي انتبه ياوليدي ترى أبوها بخيل <<< هو بيتزوجها ولا بيتزوج ابوها؟؟؟؟



هالحريم وهالرجاجيل بيذبحوني

تلقونهم متزوجين من الشرق ومن الغرب

ومتكاثرين على عيالهم وبناتهم ياخذون اللي يبغونهم

آآآه يالقهر بس <<<<< أتوقع للي عانى هالتجربه بيحس بقيمة هالفيس












اللي أبغى أوصله




أسئلة الشباب/ <<<< عشان مايدورون الحب في مكان ثاني


1- ماهي مواصفات فتــــآة أحلامك ؟

2- ماهو شعورك إذا رفضتك العروسة ؟ وش عاد إذا كانت هي اللي يحبها قلبك ؟

3- ماهي الطريقة اللتي تود أن تتزوج بها هل اختيار الأهل أم اختيارك ؟



للبنات / يالبيـييـيـه بس يالبنات

1- ماهي مواصفات فارس أحلامك ؟

2- وش شعورك إذا رفضك العريس ؟ وش عاد إذا كان اللي يحبه قلبك ؟

للجميع/

1- كلمة توجهونها للفتاة اللتي تنتظر فارس أحلامها ضاربة بعرض الحائط معارضة اهلها له .. بقولها
( إن كان ربي كاتب لي آخذه فأنا له حتى لو العالم كله ضدي) ..


2- وش رايكم بالأهل اللي يزوجون بنتهم غصب!!!! متجاهلين أقوال الرسول صلى الله عليه وسلم ..
قد ثبت في الصحيح أن خنساء بنت خِدام زَوّجها أبوها كارهةً وكانت ثيبًا، فأتت النبي –صلى الله عليه وسلم- فردّ نكاحها. صحيح البخاري (6945).
وفي السنن عن ابن عباس –رضي الله عنهما- أنّ جارية بكرًا أتت النبيَّ –صلى الله عليه وسلم- فذكرت له أنّ أباها زَوّجها وهي كارهة. فخيرّها النبي –صلى الله عليه وسلم- سنن أبي داود (2096)، سنن ابن ماجه (1875).
وقد جاء في الصحيح عن النبي –صلى الله عليه وسلم-: "لا تنكح البكر حتى تستأذن". صحيح البخاري (5136)، وصحيح مسلم (1419).







أتمنى تفاعلكم مع هالموضوع تكفوووووووون

تراه يهمني كثيييييير ..







شكرآآ مقدمآآ ..



لكم أحلــ ورده ــى ..