على ايش تقولون مبرووووك للهلال عبدالرحمن بن مساعد !! - نادي الهلال السعودي - شبكة الزعيم

الياسريـه · #1 29/05/2008, 07:23 AM

سلام

اشوفكم فرحانين بالامير عبدالرحمن بن مساعد

يعني مع احترامي له على اي اساس هالتفائل؟

ولا لانه عبدالرحمن بن مساعد وخلاااااص !!!!!!

وبعدين نسيتو من جاب لكم ياسر وغيره ؟؟

نسيتو وش سوا محمد بن فيصل

آآآآآآآآآه يابو سلطان

هـ بحت ـلالي · #2 29/05/2008, 07:27 AM

طيب ماقلنا شيء

محمد بن فصل على العين والرآس

بس صرح قبل نهايه الدوري قال ماراح استمر

وراح التفت لمصالحي الخاصه

وبذالك رشح الامير عبدالرحمن بن مساعد لتولي رئيس نادي الهلال لمده 4 اعوام

نوااف الحربي · #3 29/05/2008, 07:32 AM

تفائلنا بالامير عبد الرحمن وش دخله في محمد بن فيصل يالطيب؟؟

بعدين اذا تفائلنا وفرحنا بالامير عبد الرحمن مايدل على اننا نسينا محمد بن فيصل

مشكور على اهتمامك

S K Y · #4 29/05/2008, 07:34 AM

نفرح لأننا نعرف معدن الأمير عبدالرحمن وطريقه تفكيره وأسلوبه ووفائه وجرائه رأيه
بعكس الناس اللي ماتعرف شي عن الأمير عبدالرحمن وعلى هالأساس مايدرون ليه يفرحون

fai9al 20 · #5 29/05/2008, 07:34 AM

اختي الامير محمد بن فيصل ما قصر لكن الرجال ما يبغى يستمر نخلي النادي بدون رئيس يعني اكيد بيكون في رئيس واعضاء شرف نادي الهلال اختاروا الامير عبدالرحمن بن مساعد و اولهم الامير بندر بن محمد بعد ما تنازل على الكرسي لسمو الامير عبدالرحمن يعني كل اعضاء شرف نادي الهلال يبغون الامير عبدالرحمن

خلينا كلنا نقووووول ((الله يوفق عبدالرحمن في رئاسة نادي ك نادي الهلال )) وخلاص الظاهره راح لكن في قلوبنا جميعا

mfad · #6 29/05/2008, 07:36 AM

السلام عليكم ورحمة الله وبركاته
أقول في البداية يا أختي الغالية (الياسرية) الأمير محمد بن فيصل وصل ولا قصر والآن جاء دور غيره في إكامل مسيرة هذا العملاق الهلال ولو كان تفكير الجميع مثل تفكيرك كان ما تقدمنا ولا خطوة وأنا متأكد إن الأمير محمد بن فيصل أول من هنأ الأمير عبدالرحمن بن مساعد على هذا المنصب ليقينه أن التغيير له إيجابة عظيمة في الرقي والتطوير وياليت ما يكون تفكير الواحد منا متحجر.

عــشــق الــكــتــابـه · #7 29/05/2008, 07:38 AM

بو سلطان ماقصر وشهادتي فيه مجروحه

لكن وش تبينا نسوي ؟ الرجال انتهت فترة رئاسته والان جا رئيس جديد .. ماتبينا نفرح !!

ثانياً شخص مثل الامير عبدالرحمن بن مساعد نفتخر فيه ونحبه يفرحنا انه يكون رئيس لنادينا

شخص لديه عقليه اداريه وثقافيه واستثماريه ولديه روح الشباب وطموح ويريد تقديم كل شي لخدمة الهلال ..

نحبك والله ياشاعر الانسانيه

متى نشوفك جالس على كرسي الاداره وصورتك نازله هنا

تحياتي

حبك حلو يا هلال · #8 29/05/2008, 07:59 AM

لليه ما تبينى نفرح بالامير / عبدالرحمن بن مساعد !!
غريبه من جد غريبه
بس اتوقع انتى تكتبين لمجرد الكتابه فقط
يعنى الامير محمد بن فيصل احد جاب طاريه
الامير محمد بن فيصل هو الظاهره و هو الذهب كله
بس قدام استقالته و هو في قلوبنا
ما اقدر اقول الا
موضوع غريب
بس ابقول شئ
عادتنا حنا الهلاليين نفرح و ما نحب النكدو النكد دائم في جماهير الانديه الاخرى
بس شكلك ما تعوده ع النكد
و الشاطر يفهم

اللورد123 · #9 29/05/2008, 08:04 AM

صرح الأمير محمد بن فيصل قبل نهايه الدوري قال ماراح استمر وراح التفت لمصالحي الخاصه

وأصلاً موضوعك ما له داعي نهائياً ...أتمنى ينحذف .

تقبلي مروري 0_0

^هلالي الخبر^ · #10 29/05/2008, 08:07 AM

بالله و تحسين به ؟؟ وش دخل فرحتنا بعبد الرحمن بن مساعد بمحمد بن فيصل ؟؟ شكلك عاطفيه مره

اعرفي شلون تتكلمين الله يصلحك

saad_20 · #11 29/05/2008, 08:08 AM

احبكـ يا الامير / محمد بن فيصل
لننساك بل ستبقى في قلووووبنا الى الابد

مشجع الميلان · #12 29/05/2008, 08:12 AM

محمد بن فيصل يعتبر من أفضل الرؤساء الي مروا على الهلال ..

فالهلال تطور في عهده تطور من جميع النواحي ..و لم يقصر بأي شي

و لكن عهد محمد بن فيصل أنتهى و سيبدأ عهد عبدالرحمن بن مساعد ..

و عبدالرحمن بن مساعد يعتبر عقليه فذه .. و بالتأكيد الهلال سيتطور أكثر في عهده
و خصوصا إذا كان سامي بجانبه و لذلك نحن فرحين لتوليه الرئاسه ..

و خصوصا بأن بندر بن محمد هو من الذين رشحه للرئاسه ..

.
.
.

estree7 · #13 29/05/2008, 08:12 AM

الياسريه انتي الحين وش تبينا نسوي بالظبط نجلس نلطم يعني ولا وشوو

محمد بن فيصل مافي رئيس جاب زي بطولاته

وعدم إستمرارهـ بالرئاسه خسارهـ لنا وللهلال

بس هو الي طلب هذا الشي

وعبدالرحمن بن مساعد تقدم وترشح وصار رئيس

وجلسنا نبارك له

زعيمه في كل حالاتي · #14 29/05/2008, 08:15 AM

صــراحه موضوعك ماله داعي ابدا محمد بن فيصل خلصت فترة رئاسته ومايبي يكمـــل يعني نخلي النادي بدون رئيس وش رايك يعني ؟؟

الظـــاهر انك مو مطلعه على الأوضاع اول بـ أول
محمد بن فيصل على العين والراس وعبدالرحمن بن مساعد يكمــل مسيرة الهلال اللي مايعرف عبدالرحمن بن مساعد لايحكم عليه قبل ماينتهي الموسم الجـــاي
ولــك إحتـــرامــــاتي لشخصك الكـــريم

so-paa · #15 29/05/2008, 08:15 AM

يا اخوان الأمير محمد بن فيصل قدم الكثير للكيان الأزرق ..

شكرا محمد بن فيصل ..

-------------------

جاء الرئيس الجديد .... وياهو من رئيس ..

انا مستعد للحلف على فترة رئاسية جديدة ناجحة بكل المقاييس .. وابصم على ذلك ..

من لا يعرف الأمير عبدالرحمن .. بوجهه نظري انه لا يفقة الكرة ...

اسألوني اجيبكم عن عبدالرحمن بن مساعد ...

منهو هاك الرجل الذي يدفع الكثير والكثير جدا للنادي .. ومع كامل احترامي .. اعضاء شرف اخرون ومؤثرون جدا لا يدفعون ولا 60 الف ريال بالموسم ... ولاكن هؤلاء الأعضاء بارعون جدا في التصريح خلف التلفاز بعد كل مبارة للزعيم ..

اعزائي ... دائما ما نسمع عن هذا الخبر ..

عضو شرف يدفع مليون ريال ولا يرغب بذكر اسمة .. هلا عرفتم من هو هذا الرجل ...

اااااااااه يا سمو الأمير عبدالرحمن .. لم يقدروك ولم يعرفو قدرك ..

واعذروني على الأطالة