بسم الله الرحمن الرحيم
صراحه موضوعي هذا كان ودي اكتبه قبل نهائي كاس ولي العهد
بس على قولتهم وقت حصاد و ما له داعي التحطيم بس الموسم انتهى
و الادارة راح تتغير فعلشان كذا كتبت الموضوع وهو عبارة خمس
نقاط مهمه ربما يوافقنا البعض و البعض الاخر
اتمنى من الاداره الجديد ما ترتكب اخطاء الاداره التي سبقتها
معارض خلونا نستعرضها
اولا:
اللاعب الاجنبي صراحه الاداره مسويه فيها و متعاقده مع لاعب
ثلاث سنوات و يسكتونا شاب و مدري ايش و استثمار و راح يتطور
في الهلال و اخرتها يحطه المدرب احتياط انا وش ابغى في لاعب ما يفيدني
باختصار فلسفه زايده و مسوين اوربيين خلاص الى متى بترفعون ضغطنا
ثانيا:
شركة اوكتاجون ذي الشركة اللي ما ندري وش قصتها ثاني افضل شركة عالمية
من ناحيه التسويق و مواضيع كثيرة و بعد اسبوع ما شفنا ولا سمعنا شئ
و بعد شهر الظاهر كاني مب غلطان قريت بالجريدة شركة اوكتاجون تباشر اعماله
و الى الحين ما شفنا شئ اقولكم لا تسون اوربيين على غير سنع
ثلاثا:
إذا جيتوا تسون اوربيين خلوا عندكم جراءة و نسقوا اللاعبين اللي اقل من مستوى
الهلال و اولهم بدر الخراشي اللي طلع الشيب براسي مع انه مصلع تكفون
خلوكم اوربيين او تصنعوا بس و نسقوهم
1-بدر الخراشي
2-سلطان البرقان
3-ياسر الياس
4-خالد العنقري
صراحه لو نبيع كل واحد بـ 100 الف والله نستفيد على الاقل
رابعا:
اذا صدر قرار من الرئاسة العامه لرعاية الشباب (امحق رئاسه)
و فيه ظلم للهلال كالعادة لا تسون مثاليين و الله ترى حنا ببيوتنا
تضرب معنا H و انتم بالملعب و بالتفزيون يجب ان نحترم قرارات
الرئاسة و من هالكلام الرخيص تكفون ردوا مب ننظلم و نسكت
خامسا:
جمهور الرياض و ما ادراك ما جمهور الرياض بغيت اسالكم سؤال واحد بس
ليش حاطين الملعب بالرياض مب علشان تحضرون ولا بس جمهور نهائيات
احضروا من بداية الموسم الى نهاية عيب علينا والله عيب انا استحي اني اقول
هلالي و انا ما احضر انا حضرت 12 مبارة و هذا العدد احسه قليل وش معنى
اذا فاز الهلال حضرت و اذا انهزم ما احضر تكفون يا جمهور الرياض لا
تفشلونا الموسم الجاي عيب ترى والله عيب علينا
ملاحظة:
اعتذر على الصراحة الشديدة و الزيدة عن حدها لكن هذا الواقع
الوضع العادي
