الولد البار....
 

بشرونا بالصحافة عن علاج جديد

ينعش الابدان ويرجع الشايب ولد

صانعينه بواشنطن ومفعوله أكيد

جعل من جابه يوسع له باللحد

قلت فرصه شايبي له زمن مايستفيد

من كبر سنه يعاني وروح بلاجسد

له سنين منعزل لاشقي ولاسعيد

كل ماشاف العجيز تثاوب ثم رقد

مابيد جبايه وانتهى منه الرصيد

العظام مهلهلة والعروق بها سدد

قلت ابربوالدي وانفعه حتى يعيد

ماضي الاجداد ويصبح بعيشه رغد

اشتريت أربع قوارير بألفين ويزيد

الحبوب الي تخلي من الثعلب أسد

يوم اخذ منها تنافض ورجع كنه وليد

ومن نشاطه قام يركض ويصادم العمد

بعد مدة قال ودي أسافر للصعيد

من مصر ناوي افيز لعمال جدد

غاب يومين وجانا معه شي جديد

بنت ........وبيضاء ومركوزة ......

عمرها تسعة عشر ينقص أويزيد

اسمها فيفي وابوها الحاج عبدالصمد

هام فيها ابوي والحطي ماعاديفيد

حلق اللحية وعن ربعه قفا وابتعد

صارخاتم في يديها و يفعل ماتريد
وأصبحت تتحكم فينا مثل شيخ البلد


أسلبته العقل والراي السديد
وبالمقالب والحيل عشنا في نكد


طلق أم عياله الي لها ساس جويد
قال طسي ياعجوز المشاكل والعقد


من يذوق الكيك مايرجع يفكر بالعصيد

واللي العيشة معك مثل حبل المسد

هانت العشرة وخانه عسى عمره يبيد
باعنا بأبخس ثمن وراح عنا مانشد


أعرف اني سبة الي حصل والله شهيد

جيت أكحل عين محروم وأعماها الرمد

أثر بعض البر وسواس شيطان مريد
يفسد الأخلاق ويضيع الوالد والوالد

وسلامتكم............

ملاحظة:تم حذف بعض الأبيات والكلمات لمنافاتها الذوق العام للمجلس








:no: :( :sigh:

الله يعطيك العافيه وماقصرت

ومن يذوق الكيك ما يرجع يفكربالعصيد

هههههههههههههههههههههههههههههههه

يعطيك العافيه اخوي ابوروان،،
وفعلا من يذوق الكيك ما يرجع يفكر بالعصيد،،0