|
ريــكوبـا الـى الـغـرافــــــــــه القطري ! http://www.footcoreen.com/IMG/jpg/Recoba.jpg ريكوبا(32 عام) الذي لعب بنظام الاعاره لـ تورينو الموسم الماضي مازال متبقي لديه في عقده مع الانتر سنه كامله إلا ان الاورغوياني أكّد انه سينتقل الى نادي الغرافه القطري بنهاية هذا الاسبوع .. ريكو -كما يحب مشجعوه- سيسافر الى الدوحه في اليومين القادمين لاكمال تعاقده مع نادي الغرافه الذي يدربه البرازيلي ماركوس باكيتا .. ريكوبا بدأ اللعب في السيريا آي منذ عام 1997 حيث حصل على فرص غير منتظمه في التشكيله الاساسيه للانتر قبل ان يٌعار في بداية الموسم الى تورينو .. يُذكر ان ريكوبا من بين اللاعبين الموهوبين الذين لم يُظهروا موهبتهم الكامله ! يقول ريكوبا انه سينتقل الى ناديه السابق " ناشيونال اوف مونتيفيديو " بعد انتهاء عقده مع الغرافه .. المصدر |
صفقة ناجحة للريان القطري اذا تمت ,,, بالووفقية ,,, يعطيك الف عاافية على الخبر خيووو ,. |
إقتباس:
إقتباس:
وهلا بك خيوو .. |
والله ياهالقطريين انهم ماهم سهلين ابد ريكوبا مره وحده !!!!!!! |
القطريين يهتمون في التاريخ والاسماء بيصيرلهم مثل ماجابوا باتستوتا وروماريو وعلى الفاضي وكل التوفيق واتمناها من كل قلبي صفقة ناجحة |
أما ريكوبا مرة وحدة ! لو يجيبونه وهو عمر 34 - 35 معقولة:d.. الغريب إن ريكوبا بعض الأندية الصغييرة في الدرجة الاولى في ايطاليا تبيه وبشدة.. لكن شكله بي الفلوس ,, مشكووور عبود ورده |
إقتباس:
حنا في قطر جبنا روماريو مباراه واحده فقط ماخذا فرصته باتستوتا جاب في قسمين 25 هداف تاريخي لدوري الحين سبقه كليمرسون لان كليمرسون لعب 3 اقسام باتستوتا 18 مباراه كليمرسون 27 جبنا هيررو وجاب كاس الامير مع الريان جبنا ديساائي وجاب دوري مع الغررافه جبنا سوني اندرسون وجاب كاس الامير مع الريان جبنا فلبي وعاده مستمر وله الكثير من البطولات اتوقع انك ماتابع عشان تتكلم وبخصوص ريكوبا صفقه ممتاز وشكرا اخوي على موضوعك |
إقتباس:
تجيبونهم بعد مايعجزون وينتهون , وقلي وش استفادت الكره القطريه منهم غير استنزاف الاموال عسى منتخبكم وصل كاس العالم والا حتى كاس اسيا بعد حتى الخليج ماينافس عليها وللمعلوميه انا معجب بالنهضه اللي تشهدها قطر بشكل عام بس الرياضه ماستفادت شئ ابدا |
ياليت انه جاي عندنا يلعب في الدوري السعودي.. ريكوبا راح يضيف متعه للعب في الدوري القطري. |
من وجهة نظري .. أي دوري لن يتطور بقدووم لاعبين عالميين فيه وحتى منتخبه لن يتطور .. تطور الدوري يبغااله سنين من العمل والخطط المدروسة .. هذي تنفع الفريق اللي جاابه فقط .. عموما هي تعتمد على اللاعب .. إذا احترم الكرة وأعطااها حقها سوف يقدم مستوى .. ورده |
مبروك للغرافة لانو هذا لاعب ممتاز قدمه قوية زي المدفع |
نص موسمه بيكون أصابات فهي كـ ظله ترافقة طول الموسم وعوآآفي يالغالي .. . ! . ورده . ! . |
إقتباس:
انت تتكلم عن الدوري طيب وينكم آسيويا وينكم عن دوري ابطال آسيا:surprised: يعني مثل هاللاعبين المفروض ابحث عن بطوله خارجيه مثل دوري ابطال اسيا ريكوبا عرف انه بنهاية مشواره الكروي وفكر بالمال ريكوبا مهوبة بس للاسف محد قدرها الانتر ماقدر ريكوبا ليت ريكوبا انتقل لنادي غير الانتر قبل 4 سنين:( |
بالتوفيق للقطرين مشالله يرسمون للمستقبل واحنى للحين نفكر وش نسوي |
بالتوفيق للآعب مع نادي الغرافة وسوف يبدع في الدوري القطري إن شآء الله ولــكن قطــر تبــي تطـور وتصيـر مثل أوروبا وهـذي مـن عـآشر المستحيـلات والا تبـي تصير من السعوديهـ يمكن تنـآفسنـآ بالمحترفين والتنظيم وغيـرهـ لــكن الجمهـور منين يجيبــونه .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وبالتوفيـق لقطـر وأنا من أشد المعجبين بالتطور السريع الي حصل فيهـآ ماشاء اللـــه وشكــرآ لـكـ أخـوي على هيكـ خبريه |
:bigeek: ريكوبا مره وحده !! * اهنيكم مازال عنده الكثير ليقدمه .. * انتقالات كبار الاعبين الى الدوري القطري .. يمكن ما ساعد على تطوره بقدر ما ساعد على شهرته ويعتبر حاليا اكثر الدوريات الخليجيه والعربيه شهره * بالتوفيق لريكوبا واتمنى نستمتع بمهاراته !! |
إقتباس:
هههههههههههههه اخوي لاتقارن القطريني بالكامل وصلو 500 الف مع القيمين مليون لاتقارنهم ب24 مليون الله يعطيكم الصحه والعافيه قول امين انا معك الحترفين اضعفو الانديه في المشاركات الاسيويه والسبب انهم 6 لوة 4 بننقول اوكي وبخصوص المنتخب ترب بدا يتطور صح مجنسين اكثرهم لكن دام انت اكثر لاعبينك محترفين ماعطيت فرصه للقطريين وصار لنا اكثر من 20 سنه والسعوديه ماكله الجو ماخلة لحد شي <<< مشاء الله الله يوفق الاخضر ويوفق العنابي صح نفتقد الجمهور في الدوري لكن انا رياني جمهورنا مايقصر واجد :clap: مع هذا ترى انا شجعت الهلال قبل الريان وتحياتي لكم |
بالتوفيق <!-- / message -->للقطرين مشالله يرسمون للمستقبل واحنى للحين نفكر وش نسوي |
والله ريكوبا لاعب ممتاز ,, لكن ما اتوقع انه راح يضيف شي للدوري القطري او اي دوري عربي ,, لانه لاعب كثير الاصابات و كبير بالعمر وهو يعز الفلوووووس كثير ,, |
لاعب ضاع مستقبله بالبقاء احتياطي في الانتر اتمنى ماتصادفه الاصابات ويكون اضافه للغرافه :) |
ريكوبا لاعب كبير لكن الغرافة و بقية الاندية القطرية ان كانت تريد الاضافة الفنية لفرقها فعليها البحث عن اللاعبين الاجانب الشباب بدلا من ضخ المال في لاعبين استهلكوا مشكور اخوي على الموضوع |
بالنسبة للاعب ريكوبـا الكل يعلم بأن ريكوبا لاعب كبير وفنان لكن ما هو الهدف من ذهابه الى قطر هو المـال .. ريكوبا آصابته كثيره قد يعاني كثيراً النادي القطري بسبب آصابة اللاعب ..!! والاستفاده راح تكون قليله من اللاعب ____ بالنسبة لبعض الأخوان يقولون بأن لا يوجد حضور جماهيري في الدوري القطري طيب ماهي الأسباب التي تجلب الجماهير ؟ توفر اللاعبيين الكبار الذين يشدون الجماهير وأنا أتوقع مجرد سنه أو سنتين راح تشوفون الحضور الجماهيري في الدوري القطري سوف يكون كبير هنيـأً لـ قطر بما وصلة إليه من تقدم شكراً |
يحاولون يوصلون مستوى الدوري السعودي لاكن مافي امل لعيبتنا هم يرفعون المستوى لاكن هم لا محترفين انتهت تاريخ صلاحيتهم |
احس ان ريكوباا لازال لديه الكثير اذا تركته الاصابات في حاله خصوصا ان عمره 32 يعد صغيرا جدا بالنسببة للاعبين الي احظرهم اخوانا القطرييين |
ياحظ الغرافه فيكـــ.....!! صح انه كبير بالعمر...بس يبقى لعييييب....! ........... |
| الوقت المعتمد في المنتدى بتوقيت جرينتش +3.
الوقت الان » 07:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd