ما تلاحظون أنـّهم صجونـّا بهالتاريخ !! (وتاريخنا وتاريخنا) اللي يشوفهم يقول " مستعمرين أوربا " !! وإذا دققـّت وأثرهم جايبين العيد هم وتاريخهم المجيد !!
وبهالموضوع أبسلّط الضوء على ( جزء لا يتجزأ من ملفهم "الناصع" <-- والله لو تغسله بتريلة آريال ما نصع !! ) بعض الأوراق في هالموضوع موجودة في المنتديات وفي جرايدنا .. حاولت فقط (ألملم شتاتها في صفحة وحدة عشان يسهل الرجوع إليها) !! وتعليقها بجبهة كل من حاول أن يتفلسف !!
وتغاضيت عن كثير من الأمور اللي مالها علاقة مباشرة بالهلال !!
---------------------
يقولون :
تأسسّ ناديهم المبجّل في "غرفة اللاسلكي" بجدة !! (الله لا يضيّق علينا ) !! و كانت هالغرفة لازقة بجدار"مقبرة" (بسم الله العظيم الاسم) عام 1347 هـ .. كما ذكر المؤرخ الدكتور أمين ساعاتي !!
وهو حق مشروع إن بغوا يؤسسون ناديهم في " ورشة " ويحطون الكور والكنادر في " حفرة تغيير الزيت " ما علينا منهم !! يهمني تاريخ (التأسيس) لأننا راح نستخدمه في " سرد انجازاتهم اللي الأقوى شي بالعالم " !!
طبعا كان أول فريق " سعودي في جدة" اسمه (الحجاز) تأسس عام (1346هـ) .. وكان أكثر من يلعب فيه (عيال النعمة "اللي يسمونهم أبناء الذوات") !! وكان مالهم خلق على (أولاد الحارة) على قولتهم !! فاجتمعوا (الشلة "اللي هم أولاد الحارة") اللي من ضمنهم :
- أحمد تكروني !!
- طموش علي عماشه !!
- بكر غريب شاه !!
- ابراهيم أبو شوشه !!
وتولدّت فكرة الانشقاق " عشان يقضون على الطبقية والعنصرية في ناديهم " فتجمعوا (المؤسسين) وقررّوا ينشقـّون عن نادي "الحجاز" اللي صار فيما بعد " نادي الرياضي " !! واندثر نادي " الرياضي " ومع الوقت نبت مرة ثانية في عصرنا الحاضر .. وصار " جريدة " !!
علما بأن فريق (الاتحاد والرياضي) ما تقابلوا إلا عام 1349 هـ كأول فريقين سعوديين يتبارون !! ( لا أحد يسألني وش قاعدين يسوون بـهالـ سنتين !! )
وفي هالعام طلع نادي سعودي ثالث في جدة اللي هو نادي (البحري) ولا لعب معه (الاتحاد إلا عام 1352) !! الشاهد إنه في هالمباراة !! صار فيه حالات (وفاة) !! وتكسير وملعنة خيرّ !! و عنف وخشونة ما بعدها خشونة !! فطالب (أعيان جده) - بعد المباراة هذي - الجهات المختصة بـ (منع ممارسة الرياضة) <<-- كل هذا في تاريخهم !!
** لكن لو ترجعون لأوراق وزارة (البرق والبريد ) راح تلقون إن (غرفة اللاسلكي) بنيت عام ( 1361 ) هـ !! يعني (تاريخهم خذ وخل ) !!
** ولو ترجعون لتاريخ الكرة في مكة بتلقون الكرة بدأت قبل 1330 هـ وبداية تأسيس(فريق المختلط ) اللي صار فريق (الحزب) و بعدها (الوحدة) بدأ من عام 1334 هـ !! إذا صرنا بناخذ الأمور بمقياس (الاتحاديين) !! لأن بداية الفرق أول " لا انتخابات ولا هم يحزنون" شلة أعمارهم من (13 - 16 ) يجتمعون ويضبطون لهم فريق وقضينا !!
** طبعا تعرفون (نادي الوطن) - أطلق نادي في المجموعة الشمسية - ومن بداية تأسيسه " عام 1347" ما حقق ولا بطولة خارجية إلا في عام " 1419" .. يعني (72) سنة ونادي الوطن يبحث عن (بطولة خارجية) !! (أنا من رأيي أشوف إنه يستحق نادي الوطن) !!
لا و أول بطولة خارجية جابها (كأس مجلس التعاون وبجدة ) !!
** ونستفيد مما ورد أعلاه من (تاريخهم الزاخر بالـتلفيقات) أن (خشونتهم بدأت من عام قبل ( 77 سنة ) !! وكانت البداية مباراتهم مع " البحري" اللي راح ضحيتها آوادم !! <<-- أشوى إن السواطير ممنوعة بذاك الوقت وإلا كان صرفوا لك لاعب ساطور و جراب!!
الموضوع راح أقسـّمه إلى ثلاثة أجزاء !!
" الجزء الخاص بـ مخاشناتهم " !!
" الجزء الخاص بـ إخفاءهم للحقائق والتدليس والكذب " !!
" الجزء الخاص بـ أخلاقياتهم " !!
--------------------------------------------------------------
---------------------------------
------------
- [ الجزء الأول : إتي أخشن عشان أحسن ]
لا تعتقدون إن " ديمتري " جاب شي جديد يوم استخدم طريقة " العنف والانبراشات " واستحداث التمارين في صالات مغلقة .. للتمرن على شتى أنواع الإعاقات وإرهاب الخصم بدون كرة !! (خشونتهم قبل لا نعرف ديمتري وقبل لا يعرفهم ) !! اللهم إن " ديمتري " أحيى سنة من سننهم .. وموروث إتحادي تناقلوه كابرا عن كابر !!
1-
- لقطة (عبدالمجيد الطارقي) الشهيرة : 
و 
و 
و كان (الطارقي) طاق الخاتم !! وجاي لم الدعيع وبحيل ما يقوى و( كسّر سنونه) !!
ولا ناظر الدعيع ولا شافه !! و طلع يركض عشان يفصخ الخاتم !! يحسب ما فيه كاميرات ويحسب إنه يلعب في " البراحة اللي قدام بيتهم " !! يوم ( كفشته الكاميرا ) !! اعترف بـ " الخاتم " بس " يقول إنه بدون فص " !! <<-- رايح لجلسة سامري أبو الشباب !!
----------------------
2-
- حتى (أحمد الدوخي) لكعوّه !! ومن عاشر قوما أربعين يوما ً صار منهم .. بس أحمد الدوخي توّه ما بعد أخذ على الجوّ !! لذلك ما بعد عرف ( ينبرش زيهمّ) .. فهو بس (دف اللاعب ) و (دهس رجله ) !! 
-----------------------
3-
- انبراشة (كيتا) على (الشلهوب) اللي كادت تقضي على الشلهوب نهائيا !! ناظروا اللقطة وتدرون إنها " طقاق" ميب كورة قدم !! 
--------------------
4-
- ويقول المثل (قوم تعاونوا ما ذلـّوا) .. فهذي (لقطة) من نوعية " يا رجله يالكورة " بدأها " الوسيم محمد نور " وكملها " اللي أوسم منه جيلسي" !! وكان الضحية هالمرة " أفضل لاعب آسيوي لعام 2000 " نواف التمياط !! و آثار الإصابة " يعاني منها نواف إلى وقتنا الحالي" !!
طبعا نظامهم " شفتات" يتناوبون على اللاعبين :
شفت " محمد نور " :
شفت " جيلسي" : 
وبنهاية الدوام " قدروا يحققون مرادهم " ويبعدون ( نواف عن الملاعب فترة طويلة ) !! ----------------------
5-
- هذولي كم ملف على الطاير لـ العميد ركن (مصارع بن ليور بن عجره) المولد :
يتميّز هذا المخلوق الغريب بـ إنه ما يقدر يمسك نفسه إذا شاف " ساق آدمي " !! يموت علي شي اسمه " مفاصل" وأتوقع إذا جلس بلحاله جاب له قواطي " زيوت بترومين " وقام يقطعّ فيهن أوقات فراغه ويعفطهن برجوله !!
لا ومن زين الطبايع ( يعييّ يطلع من الملعب ) يقول : أول علمونـّي وش أنا مسوّي !! <<-- قمة البراءة هو وآذانه !!
6-
هذي صورة ثانية وهم متجمعّين عليه وهو (هايج) !! كنهم يبي يركبّون (حاشي) في (ونش) !! وتحتها لقطة ( للأستاذ الموقر أسامة المولد ) وهو يمزع (مصور مباراة الوداد البيضاوي ) !! طبعا ما كان يقصد !! 
المضحك في الموضوع ؟!
إن رعايتنا العامة للشباب .. وقفوّه عند حدّه !! وتم إيقافه ( سنة كاملة ) عشان يكون عبرة لغيره !! لكن وبقوة ( نادي الوطن ) اللي فوق القانون وفوق ( إيقاف وخرابيط الإيقاف) .. لعب (المولد في كأس العالم للأندية ) بعد قرار إيقافه بأسابيع !!
لا ومن قوّ الثقة .. كان رايح مع الفريق لليابان قبل قرار العفو .. يعني ( العفو جاي جاي بالطيب بالقوة ) !! ولا كن فيه شي صار !!
7-
- الدكتور الملاكم المزوحي (أسامة المولد) يحاول يمزح مع ( ياسر القحطاني) !! وهو يموت على هاللعبة ويسميها ( مزحة الثيران ) !! طبعا عشان الموضوع من (باب الدعابة ) وعشان ( أسامة أخلاق) وقفوه مباراة وحده !! وجاه عفو بعدها على طول !! 
طبعا لو (نعقد نستعرض تاريخ " سنوكا المولد " ) كان ما نقضي ولا بكرة لكن هذي كلها على (عجالة) !!
-------------------------------
8-
إعتداء ( كيتا ) على مدلّك الهلال !! والسبب بكل بساطة !! إن الهلاليين هجدوّه في أرضه وبين جمهوره !! وانتزعوا أغلى البطولات (درع دوري 1428 - 1429 هـ ) !!
- يا شين اللي يسأل كم مباراة وقفوه !! أنتم عمركم شفتوا إتحادي موقفينه أكثر من ( مباراة وحدة ) !! أجل ليه تكثرّون الأسئلة !!
------------------------
9-
عشان ما أطول عليكم .. هذا مقطع فيديو ( فيه أكثر من 40 لقطة موثقة لمهازلهم ومخاشناتهم ) !!
طبعا هالـمقطع فيه لقطات من كل مالذ وطاب !!
اللي يبي ( تشويت ) فيه تشويت !!
اللي يبي ( مقصات وطراقات) برضو فيه !!
اللي من زمان عن ( المرافق والركب والبقوس) أحب أقول له : أبشر بعزك!!
طبعا أنصح ( قبل تشغيل هالمقطع ) :
إن كل واحد يتخيّل إنه يناظر مقطع لـ(الهنود الحمر) .. و هم يقولون أباباباباباباباباباباباباببببببببأأأأأأأ !! لأني أتوقع لو إن ( الريش ) مسموح يلبسونه كان طقوا لهم ( ريش ) وطبوّا للملعب !! " المهم لا أحد يسأل ويقول وش هاللعبة بالضبط ؟! " هذي كورة قدم !! للأسف !!
اضغط على صورة (الجهاز) لتحميل المقطع لـ جهازك !!
اضغط على صورة (الجوّال) لتحميل المقطع لـ جوالك !!راح تشوفون في هالمقطع (اللقطات التالية ) :
1- خطافي من أحمد جميل لـ يوسف الحيائي
2-ضرب عبدالله فوال (راعي السمسمية و أكبر عزيّف في الاتحاد) لأحد لاعبي الهلال !!
3-محمد نور وهو (متفلـّت) و (الشرطة) ماسكينه وهو ينافخ على الجمهور !!
4-عبدالله فوال يعيد لطمه وضربه للاعب هلالي !!
5-لاعبي الاتحاد كالعادة .. أول ما صفـّر الحكم !! عضوا شليلهم ووراه !! بمشهد والله العظيم ( يبكـّي) !! ويضّحك بنفس الوقت !!
6-كوع بدون كورة وخشونة تعودناها من أحمد خريش !!
7- لاعبي الاتحاد مسويّن هيط و عربجة ومتجمعين على الحكم بمنظر مخجل ومؤسف !!
8-بصق لاعبهم الأجنبي على سامي الجابر !! <<-- ما قلت لكم " لا تستغربون" !!
9-شوت مع الصدر للاعبي الهلال وعرقلات !! وبصق من أحمد جميل ومن لاعبيهم الاجانب !! ومن بدئلاهم !!
10-حادثة محمد نور التي عصفت بحياة نواف التمياط الكروية وابعدته عن الملاعب وخسرت رياضة الوطن أحد أهم ركائزها !!
11- ضرب (الطارقي) وكسره لجميع الانظمة ولبسه للخاتم وكسره لـ سن الدعيع وتغييبه عن الملاعب فترة !!
12-صورة لجمهورهم وهو يقذف الحكم بالقوارير !! لا تحسبوا هالحركة جديدة !!
13- انبراشات بالجملة من كثرها صرت مدري من هو اللاعب !!
14-مقصات جميل لسامي !!
15-مقصات جميل و الخليوي للحيائي !!
16-مقص الخليوي الشهير اللي بغى يلغي سامي الجابر مبكرا !!
17-قسم بالله مدري كم مقص من جميل وانبراشة يحبها قلبكم لمجموعة لاعبين !! و ترى فيه (أكواع ) للي ملّ من المقصات !!
18-ركل واتجاه للحكم والتكور عليه لإخافته وإرعابه !! وعلى مبدأ ضربي وبكى وسبقني واشتكى !!
19- دفع باليد والرجل !! وارتماء بكامل الجسد لتعطيل المهاجم !! بعد ما فتح فيهم (شووووارع) !!
20- طراقات وبقوس لـ أحمد بهجا .. بالتناوب !!
21 - والكثير الكثير من برنامجكم المميز ( إتي لحالوووو ) !!
------------------------------------------
وما نقول إلا : من أمن العقوبة أساء الأدب !! والمشكلة إذا صارت القيادة الرياضية .. ما استوعبت مفهوم (العفو) !! فـ راح تستمر هـ( المجازر الإتحادية) !! اللي ما لقت من يوقفّ لها بحزم !!
[ فــــ العفو عن المخطيء ]
يا جماعة الخير المفروض ما يكون إلا باستحضار ( محاسن المخطئ !! وتقريعه بالعفو عنه !! وفتح المجال له لتصحيح مساره!! ) لكن ( العفو اللي نشوفه " مهزلة " ) !!
و نهايته ( نهائي سعودي مخجل ) بحضور ( ملك القلوب ) !! اللي طرح الثقة في ( إتحاد الكرة ) وعطاهم كامل الصلاحيات !! للسيطرة على (مجتمعنا الرياضي) لكن يبدو إن (المسؤولية أكبر ) !! وجاء رد (كيتا ) مدوّي في ( نهائي 1429 هـ ) اللي راح يكون ( وصمة عار ) في جبين الكرة السعودية !! والسبب (الكيل بمكيالين لنادي الوطن " إتي لحالووووه " ) !!
------------------------------------------
--------------------------------------
[الجزء الثاني : تغييب الحقائق و التحايل على القانون !! ]
- التزوير في ( عقود اللاعبين ) !!
وقضية التزوير في عقد نور ما هي إلا حلقة من سلسلة (تلاعباتهم) ودجلهم !! لم تجدمن يتصدى لها بـ ( صرامة ) !!
---------------
- و مسلسل ( التزوير ) ما توقف على ( تاريخهم ) المليء بالمغالطات !! لا بل حاولوا التلفيق في " مستندات حكومية رسمية " !! عبر أكبر ( قضية تزوير في تاريخ الرياضية السعودية ) !!
ولمعرفة تفاصيل قضية ديمبا الشهيرة : Click Here - للمزيد قصاصة من جريدة : 
طبعا قضية ديمبا هزت الشارع الرياضي هز !! و تزوير عينك عينك !! و ( اللاعب ديمبا ) سوّا عملية في ظهره !! و عشان ( إتي لحالووووه ) متوغل في كل أجهزة الدولة !! قدر ( يغري أطباء من اللي باعوا ذممهم ) !! وبتعاون مستشفيات !! وبإمضاء وتمرير أوراق مزورة على إتحاد الكرة !! ليثبتوا ( زوراً ) أن اللاعب ديمبا (به عاهه مستديمة) ولن يستطيع العودة للملاعب !! !! ولذلك رفعت الأوراق وتم السماح لهم باستقدام لاعبهم ( المستثنى ) !! لنتفاجأ أن ( ديمبا ) في قائمة ( الهدافين في الدوري البرازيلي ) بعدها بأسابيع قليلة خخخخخخخخخخ أبوتس يالإعاقة المستديمة !! لا ومسجل ( 5 أهداف في 7 مباريات) !!
صورة مكبرة
-----------------------------------
وهذا لقاء صحفي مع اللاعب الإتحادي ( سامي شاص ) .. ونشر غسيل الإتحاديين نشر !! و وضحّ نقاط (لابد من قرائتها والوقوف عندها ) .. لحملها أفكار (خطيرة) وتلاعبات وتجاوزات لا يمكن ( تمريرها أو السكوت عنها ) !! Click Here - لقراءة اللقاء الصحفي !!---------------------------
بجاحة ( حمد الصنيع ) والتباكي أمام الكمرات والمطالبة بالعدل وإعطاءهم ( مساحة أكبر ) لأن جماهيرتهم جارفة !! Click Here - اضغط لمشاهدة المقطع لا يفوتكم شكل جمهورهم كنه ( شعر صدر ) !!----------------------------
ولم يتوقف زيفهم وخداعهم لجمهورهم المغلوب على أمره !! بل و أوهموهم أنهم ( الفريق الذي لا يقهر والفارس الذي لا يغلب ) !! ومن إنجازاتهم :
- هزيمتهم لمنتخب ( بريطانيا ) عام 1369 هـ خخخخخخخخخخ وهذا الانتصار يفتخر فيه أبناء الاتحاد القاصي منهم والداني !!
وحقيقته : أن هناك سفن كبيرة تسمى ( البوارج) تأتي لجدة على اعتبار أنها (ميناء بحري هام ) فيأتي البحارة الإنجليز !! تافلين العافية من طول السفر !! ومالهم خلق !! فتجمعوا ( أحمد تكروني و أبو شوشة والشلة الطيبة اللي ذكرتهم لكم فوق ) وفازوا عليهم !! و لأنهم ( بريطانيين) فـ (يصيرون فايزين على منتخب بريطانيا بكبره ) خخخخخخ الله يرجكم يا ( إتي لحالووووه) !!
لا وأزيدكم من الشعر بيت .. هالفريق (البطل) تم استدعاءه في حفل ( سفارة باكستان) باليوم الوطني !! في نفس العام (1369هـ) وتعرفون الاتحاديين متهيضين توهم فايزين (على المملكة البريطانية) ومستعدين لـ(الباكستانيين) بحضور (الملك فيصل الله يرحمه " أيام ما كان نائب للملك") !!
وصكوهم الباكستانيين صك !! آآآخ يالقهر .. الحين نهزم " منتخب بريطانيا" و نقدر نفوز " على شلة باكستانية " !!
طبعا نادي الوطن ( إتي لحالووووه) !! و تعرفون فايز على منتخب بريطانيا !! من قدّه !! لكن يوم جاء وقت الجد و تم إقامة أول موسم رياضي رسمي عام 1377 هـ !!
وكان على كأس (جلالة الملك ) و بنفس العام كأس (ولي العهد) !! و تصقعّ نادي القرن في ذاك الموسم تصقيع !! وخل فريق (البوارج ينفعهم ) !! ولعب (فريق الوحدة) في حسبتهم !!
على طاري فريق الوحدة .. بعد ما اشتهر فريق الاتحاد وصار معروف !! وبدوا يتبارون مع الفرق الأخرى .. وكان فريق الوحدة من أقوى الفرق وأشهرها على الاطلاق !! فقرروا يلعبون مباريتين ( ذهاب في جدة وإياب في مكة ) و لعبوا في جدة المباراة الأولى في يوم 9/8/1369هـ وفاز الإتحاد !!
وعيّوا الاتحاديين يلعبون مباراة مكة خخخخخخخ مدري تروعوّا مدري وش جاهم !! و رفع نادي الوحدة شكوى لوزارة الداخلية !! ولعبوا المباراة غصبن عليهم ومن ورى خشومهم !!
واللي يبحث في تاريخهم راح يلقى أشياء يشيب منها (الشعر) !! ولولا خوف الإطالة تسان استرسلت أكثر !!
---------------------------------------
[الجزء الثالث : أخلاقياتهم الراقية ]
- طبعا حركة كيتا قد سواها اللاعب الإتحادي ( سعد بريك ) عام 1407 هـ !! بمنظر أقبح و أوصخ من اللي سوّاه كيتا !!
- ودخول الملاعب والتهجم على الحكام ( عادة إتحادية قديمة ) !!
فـعلى سبيل المثال - لا الحصر - دخول ( الأمير طلال بن منصور ) الملعب !! بعد انتهاء مباراتنا معهم عام ( 1401 هـ) بعد ما ( ذاقوا مرارة ريفالينو ) وحاول (سمّو الأمير التهجم على الحكم " فهد الدهمش " !! ) ووقع على أرض الملعب قبل وصوله للحكم !!
- و اسألوهم عن ( إداري فريق الإتحاد جمال فرحان ) اللي شوّه المنافسة الخليجية !! وتهجم على الحكم بمنظر يندى له الجبين!! وتم ( شطبه وطرده من كشوفات اتحادات الكره ) !!
- و نكران الجميل عادة متجذره ففي عهد إدارة ( فتحي أبو الجدايل) حقق الإتحاد خمس بطولات " فسووّا حفل غنائي وطقطقة وفرقة وسمسمية وسعة صدر" !! المهم قام يقول الخطاب (أنت يا أبو الجدايل) وقال كل ما تحقق بذرة جهودنا .. وقام (سعيد غراب) وبكل " أدب " وقال : لأ اللي تحقق بـ(أقدامنا) !! و ما نام (فتحي إلا وهو مخلص إجراءات استقالته ) ووضعها على " طاولة الرئاسة " وأخذت هذه القضية منعطف في تاريخ " إتي لحالووه" لفقده أحد رموزه !! فلا تستغربون لو شفتوا (التراجم بالكلام بين إداراتهم و لاعبيهم) !! لأنها وراثة !! والتاريخ لا يكذب !! --------------------
- حالات ( القزع ) المتكررة .. من لاعبيهم !! وضربهم للأنظمة واللوائح وتعاليم ديننا عرض الحائط !!
- واتهامهم للحكام بالرشاوي كـ اتهام الحكام عيانا ً بيانا ً !! وعكس صورة سيئة عن " المسلم " أمام الغير .. وفي الصورة ( مناف أبو شقير ) وهو يلوّح للحكم الأجبني بمشهد مؤسف !! 
& 
---------------------------------
- قولوا لهم ذي وش يسمونّها ؟! هذا المنافسة الشريفة اللي ( يتغنون بها ) وصجونا بها .. فهذا ( كابتنهم وتاج راسهم محمد نور ) يبصق دون أدنى اعتبار لـ" زمالة المنتخب" أو " احترام للشعار الذي يرتديه" !! 
----------------------------------------------------
وفي كل موسم ينتهي .. تتكر هذه الاحتفالية :
ونترك لهم " تاريخهم " وهياطهم !! وخراطهم الفاضي !!
أعتذر بقوة عن الإطالة !!
ورده
ملحوظة صغنطوطة : تم رفع ملفات الفيديو وبعض الصور على سيرفر " الزعيم " وإعادة إنزال الموضوع من جديد !!
![قولوا لهم " لا يكثر " !! [ فضائحهم بالصور و التواريخ !! ]](iconimages/t581864_rtl.gif)
قولوا لهم " لا يكثر " !! [ فضائحهم بالصور و التواريخ !! ] 
الوضع العادي
