#1  
قديم 23/05/2008, 08:16 PM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,846
Icon20 اثنين كانوا بيتضاربون في الشارع .. قصة متكررة

السلاااااااااااااام عليكم

كيفكم شلونكم ازيكم اخباركم عاملين ايه

وش عنده ابو راس مدهر بالموااااضيع

والله اللي عاجبه اشكره على ثقته والله يديم المحبة
واللي مو عاجبه يروح يبلط بحر ولا عزاء للحاااقدين

أما قبل:

اليوم بعد صلاة الجمعة في احد الشوارع كان في يو ترن U-turn السيارات تلف معه

المهم هذا واحد مع عياله معه سياراة بيضاء كبيرة شوي وسّع اللفة وضايقته السيارة اللي واقفة على رصيف الجهة الثانية..
فاضطر يوقف عشان يرجع ريوس ويعدل

اللي وراه سياراة سوداء صغيرة فيها اثنين شباااب دخلوا اليو ترن بعده على طول
فهو يوم وقف اضطروا يوقفون وراه وسيارتهم معترضة الشاااارع

هذاك -راعي البيضاء- تجمد مكانه لا قدم ولا رجع ريوس مع ان عنده مساحة
بس شكلها سيارة جديدة عليه وما تعود عليها...

السيارات اللي كانت جاية من أول الشااارع مسرعة ما توقعوا ان ذا بيسد عليهم فضربوا فرامل جامدة والله ستر..وقفوا قبل لا يخشون مع جنب السيارة السوداء

راعي السياراة السوداء صارخ في راعي السيارة البيضاء اللي قدامه: "امش يا حمار".. الله يكرم القرّاء
راعي السياراة البيضاء نزل من سياراته وراح لم السياراة السوداء وفتح باب السياراة السوداء وقام يزاعق فيه ويقوله انت الحمار

نزل ولد راعي السيارة البيضاء وحاول يسحب ابوه ..ونفس الشي اللي جالس جنب سواق السوادء نزل وقام يسحب الرجال ويقوله خلاص ارجع سيارتك .. والشارع مسدود والبواري تزاعق واللي ما يشتري يتفرج

الرجال كان ماسك العقال بيده والله ستر انه مسك نفسه وما لحط الثاني واشتعلت معركة .. الشيطان شاطر

المهمممممممممممممممممممممممممممممممممم:

كيف يصير كذا في وقت فضيل بعد صلاة الجمعة؟
وين الادب والاخلاق والحلم بين مستخدمي الطريق؟
هل لحرارة الشمس اثر في نرفزة الاعصاب مع انه ما كان في زحمة مزعجة؟
كم مرة تصير مثل هالقصة في شوارع المملكة بحيث ان سوء الخلق او التعامل يتسبب في معركة وهواش ممكن تفاديهم؟
تدرون انه بالدمام صار قتل بسب هواش بين سواقين (حسب ما كتبت الجريدة)؟

حبيت اشارككم اللي شفته واكتب مرئياتي فيييييييييييييه


فتكم بخيييييييييييييييييييييييييييييييير
اضافة رد مع اقتباس
  #2  
قديم 23/05/2008, 08:37 PM
في انتظار تفعيل البريد من قبل العضو
تاريخ التسجيل: 22/07/2007
المكان: في بيتنا
مشاركات: 1,247
مرحبا أخوي
ما شاء الله
نشيط هاليومين
بخصوص الموضوع
صراحة كثير نشوف زي هالموقف
بس أكيد درجة الحرارة لها دور
على حسب ما أسمع من أخواني
لكن المفروض الكل يمسك أعصابه
مشكور أخوي
تقبل مروري أختك:
بني حارث
اضافة رد مع اقتباس
  #3  
قديم 23/05/2008, 09:10 PM
زعيــم متواصــل
تاريخ التسجيل: 24/01/2008
المكان: بجانب المُحيط..
مشاركات: 118
وعليكم السلام والرحمة

إقتباس
والله اللي عاجبه اشكره على ثقته والله يديم المحبة
واللي مو عاجبه يروح يبلط بحر ولا عزاء للحاااقدين




عموماً..

ماذكرته_ظاهرةموجديدة_ كثير مانشاهده في شوارع الوطن العربي الكريم بالسعودية وغيرها..

يمكن يكون للجو دور ..

في السعودية نشوف النفسيات تمام إذا نزل المطر..

أو لنقارن بين أعصاب سكان أفريقيا وبين أوربا الشرقية!!

اريكاتو..


اضافة رد مع اقتباس
  #4  
قديم 23/05/2008, 09:28 PM
زعيــم مميــز
تاريخ التسجيل: 28/02/2006
المكان: !! Old Trafford !!
مشاركات: 9,556
هلا والله أخوي ابو راس

ما شاء الله مدهر هـ الأيام مواضيع


انا عن نفسي اذا طلعت من المسجد ولقيت واحد ساد علي اتنرفز وتقفل معي .. بعض الأحيان امسك نفسي .. وبعض الأحيان لا

لكن راعي السيارة البيضاء هو الغلطان .. ومن زود البجاحه ساد الطريق ونازل يهاوش الي وراه يقول ليه تقول لي " امش يا حمار " خخخخخ
اضافة رد مع اقتباس
  #5  
قديم 23/05/2008, 10:10 PM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,846
بني حارث

مشكوووووووووووره ع الرد
صح انها شمس بس سياراتنا مكيّفة

================

البيــــــداء

مقارنة حلوة بين افريقيا واوروبا
يسلمووووووووو ع الرد

=====================

MR.DL5

هلا بييييييييييييك
المشكلة اذا بعد الصلاة احس مالها داااعي
ان الصلاة تنهى عن الفحشاء والمنكر
فكيف دوبنا نصلي ونطلع ضرب وسب
مشكوووووووووووور ع الرد


اضافة رد مع اقتباس
  #6  
قديم 23/05/2008, 10:22 PM
زعيــم مميــز
تاريخ التسجيل: 26/09/2007
المكان: قلــ ب المحـــبيــن
مشاركات: 1,574
لا لا لا الحر يلعب دور .....

ومتى الهوشه الظهر ياالله صباح خير .. بس والله فايق راعي السياره البيضاء نازل في عز الحر يتهاوش ......

المهم
الحمد لله ما صار فيه دم وذبح وعالم يصارخوا وسيارات تنقلب والرياح تمشي >>>> تذكرت فيلم ..

تقبل مروري ...
اضافة رد مع اقتباس
  #7  
قديم 23/05/2008, 10:48 PM
زعيــم متواصــل
تاريخ التسجيل: 28/02/2008
مشاركات: 129
والله ياخوي مع هالحر الواحد صعب يضبط أعصابه...



و ياليتنا اذا واجهتنا مواقف مثل هالنوع نتذكر و نقتدي بكلام رسولنا الحبيب ...


حذرنا من الغضب...وأوصانا بالحلم وحسن الأخلاق


تقبل مروري ...
اضافة رد مع اقتباس
  #8  
قديم 24/05/2008, 12:13 PM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,846
htlr 20

هههههههههههههههههههههه
لا الحمدلله ..عدت سليمة

يسلموووووووووو ع الرد

====================


أزرقـ الدم

صح لسانك
والشديد هو اللي يمسك نفسه عند الغضب
وكلمة وحدة ممكن تسبب حرب
ومعظم النار من مستصغر الشرر

يسلمووووووووو ع الرد

اضافة رد مع اقتباس
  #9  
قديم 24/05/2008, 02:19 PM
زعيــم مميــز
تاريخ التسجيل: 18/08/2003
المكان: makkah k.s.a
مشاركات: 1,909
هلا أخوي أبو راس ،،



والله يااخوي تعودنا على هالمواقف وصرنا دايم نشوفها ! حتى أحيان والناس تصلي ولا وهو يذن تشوفهم يتضاربون ويتهاوشون !




لكن الواحد لازم يضبط نفسه ويمسك عمره ،، وعشان يبعد عن المشاكل لايروح بالسياره <- الجامع جنب بيتهم ..



عموماً يعطيك العافيه وياعسى دايم تتحفنا بمواضيعك المميزه ،،



أخوك



راشد ..
اضافة رد مع اقتباس
  #10  
قديم 24/05/2008, 04:42 PM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,846
شفشينكووو7

هلا وسهلا

معك حق
ركوووب السيارة على كل مشوار يسبب زحمة ع الفاااضي ويزيد فرصة حدوث مشكلة

بس مو دايم يكون المشوااااار قريب
والمواصلات العامة عندما ما يركبها الا العمالة لان رخصها جا على حساب جودتها

ولا وش رايك نجرب خط البلدة ..العليا دلة

يسلمووووووووو الف ع الرد
اضافة رد مع اقتباس
  #11  
قديم 25/05/2008, 06:21 PM
زعيــم مميــز
تاريخ التسجيل: 21/11/2007
المكان: riyadh
مشاركات: 1,629
××

وعليكم آلسلآم ,,

وآلله آكثر من سبعطعش مره سمعت عن مشآكل مثل تسذآ

وفيه مشكله آو آكثر وصلت لـ قتل وآلعيآذ بآلله

وآكيد درجة آلحرآره لهآ دور

بس آلله يعين

وبعدين مو من حقه رآعي آلسيآره آلسوودآ يقول آمش يآحمآر

يمكن يكون رآعي آلبيضآ شآيب على آلآقل يحترمه آو يكون صغير يعطف عليه آو آو آلمهم مآ توصل لـ كلمة حمآر وآنتم بكرآمه

وآلله يستر على آلمسلمين

شكرآ لك آخوي آبو رآس



,,

اضافة رد مع اقتباس
  #12  
قديم 25/05/2008, 10:20 PM
مشاكس اجتماعي بالمجلس العام
تاريخ التسجيل: 30/10/2005
المكان: الكرة الأرضية
مشاركات: 1,846
bda7e_for-ever

يا هلا وسهلا

راعي السيارة السوداء كان حيروح فيها والسيارات بتدخل فيه
عشااان كذا تنرفز وقال كلمته

بس صح هي كلمة مسيئة ومالها دااااعي
وهي اللي خلت الثاني يعصب وكانت بتسبب معركة...

المفروض نتعلم نمسك انفسنا عند الغضب

اشكرك ع المرووووووووووور اللطيف


فتك بخييييييييير
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:07 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube