حضوري امس لمباراة ريال مدريد اثبت لي من الاسطوره - نادي الهلال السعودي - شبكة الزعيم

**ABU S3OOD** · #1 21/05/2008, 10:14 AM

بسم الله الرحمن الرحيم

امس مالله اراد ان احتفل مع فريقي المفضل الملكي بالفوز بلقب الدوري الاسباني
لكن الحمد لله شاهدت النجوم في ارض الاستاد وتمنيت تكون المباراه ضد الهلال
لكن لعيون الدعيع وعزيز باركنا للنصراويين فوزهم باهداف مهاجمين الفرق الاخرى

كان لي بعض الملاحظات والمشاهدات من اللقاء:
1)بالامس كان الاسطوره الحقيقيه سامي الجابر حاضر وبعنف في المدرجات النصراويه وجعل ماجاك تكفير يابوعبدالله ورفع لحسناتك المشكله وقمة المشكله كانت محصوره في من هو الاسطوره وكان الالقاب حكر لهم وتجرد من الاخرين بسهوله ؛ نعم ماجد اسطوره لكن اسطوره للنصراويين فقط لكن سامي اسطوره عالميه ولا يحتاج مني شهاده لان انجازاته تشهد له
2) كما هو سامي كان الهلال حاضر في المهرجان وبقوه و قناعه تامه من النصراويين بانه لامقارنه بين الهلال والنصر حاليا
3)كم يتمنى النصراويين يكون الدعيع وعزيز موجودين في فريقهم خاصه الدعيع بعد التغيير استقبل محمد شريفي بصافرات استهجان وكل الجمهور يقول خل الدعيع لاتغيرونه
4) قبل لعب الفاول وهو اللي حصل بعده تغيير الدعيع جاء مطرف وقال للدعيع اطلع للتغيير لكن شريفي رفض التغيير الا بعد لعب الفاول

5)لو بحلف كان ثلث الحضور هلالي واستدليت على كل كوره يخلصها الدعيع او عزيز تحصل قفشه من هنا ومن هنا اللي يقول الله يخليه لنا واللي يقول احمدوا ربكم انهم لعبوا معكم واللي يصفق ويشجع الدعيع وعزيز بعد اي سبه من كذا نصراوي
6)احد الجماهير النصراويه قال شوفوا كيف فزنا مو ببلنتيات رديت عليه وقلت اهم شي احنا جابوها لاعبينا انت شف الساعه وشف من جاب الاهداف وصفقوا الجمهور الهلالي اللي كان متواجد

7) بعد مانتهى الشوط الاول خرج ثلث الجمهور تقريبا وياسلامي عليكم ياشركة زغبي اللي طلعوا جو علشان ماجد
واحد من اخويانا سال شايب نصراوي قال متى اخر مره جيت للملعب قال من ازمة الخليج

8) كان فيه حضور قوي جدا من جاليات اسبانيه واجنبيه عموما واضاف جو من المتعه
9) اتمنى من الادارة الهلاليه التعاقد مع النجم نشات اكرم بالامس بحق وحقيقه كان فريق لوحده صال وجال في الملعب وانا عند قناعتي فيه من كان مع النصر في السابق

وفي النهايه والله ثم والله ثم والله ان النصراويين المتعصبين وقليل منهم المتعقلين شوف عينهم الهلال و همهم الهلال وبس لو افتكوا من شي اسمه الهلال وتجيمة شي اسمه الهلال يمكن يفلحون وقالها واحد منهم احنا لو نفتك من شي اسمه التفكير بالهلال والمقارنه بالهلال كان احنا بخير

و اتمنى من الاداره منع عكوز بكوز الفريان من دخول ملاعب الهلال والدخول بين اعضاءه وحضور ندواته واجتماعاته بالامس كان سقطه وسقطه كبيره لانه يحمل شي اسمه تشجيع الهلال وانا اتوقع انه بعيد عن هذا الشي لان بالامس عرف من هو الاسطوره بحضوره الخفي الي كان شاغلهم في المدرجات
والكبير كبير ياسامي

mr.5nfo0osh · #2 21/05/2008, 10:26 AM

الفريان ذا انسان ناقص عقل مو لانه شال شعار النصر لا بل لاني رائي فيه من زمان كذا انسان معتوه ويحب الظهور على حساب الهلال واللي تقوله من المفروض يصير من زمان بس عن حمله لشعار النصر ما اظن ولا يظن اي عاقل ان فيها شي بالعكس احنا والنصر والاهلي والاتحاد والشباب والـخ اخوان وسعوديين وتجمعنا وحدة الدين والدم والعروبه و اكبر دليل ابو سلطان وشعار الشباب اللي كان حامله معه بالنهائي

والف مبرك للنصر وبصراحه افتخر اني سعودي باللي سووه النجوم اليوم والله يصلح كل متعصب اهوج

@P-ALZAEEM-d@ · #3 21/05/2008, 10:36 AM

يا رجال النصراويين طايرين بالعجة ومستانسين بالفوز على ريال ولو تطالع الاهداف
اللي سجلوا وصنعوا مش نصراويين
يعني يضحكون على عمرهم
خخخخخخخخخخخ

ابعاد 566 · #4 21/05/2008, 10:45 AM

بالتوفيق لزعيمنا وبس ....................................

أبواريام 2000 · #5 21/05/2008, 10:50 AM

موجديد دائم الزعيم قارهم المشكلة انهم ما يناضرون فريقهم بس همهم الهلال لاياخذبطولة لايطلع لهم نجم لا ولا ولا بس الهلال عمهم وحارق دمهم.

كريزي · #6 21/05/2008, 11:10 AM

جمهور 11 % الـاـه يخلف بس (واما الفريان هذا يتبع هوا نفسه قآلـ هلالي قآلـ )
تقبل ودي

كـ‗__‗ـرٍيـ‗__‗ـزٍيً

بدر الشنار · #7 21/05/2008, 11:12 AM

امس والله اني ضحك الشوط الاول قلت منتخب العرب وما فيه مشكله بس الشوط الثاني

بشوف الفريق النصراوي يلعب بدون نجوم السعوديةوالعرب لكن المصيبة انهم جايبين

اللاعبين مو عشان المشاركة لالالالالالالالالالالا جايبينهم عشان يلعبون مباراة كاملة

هههههههههههه بدليل المشاركين في الشوط الثاني ثلاثه لاعبين من النصر او اربعه وكلهم

ظهيرين ووسط ههههههههه ما شافوا الازرق اربعه لاعبين من اندية اخرى لا وطلعناهم الشوط الثاني

والله اني اشوف لاعبين النصر واضحك مساكين حتى المشاركة ما خلوهم يشاركون يبون لو يلمسون الكورة

حتى ان حارسينهم الاساسي والاحتياطي لعبو 10 دقايق والدعيع 80 دقيقة

من جد انهم كرموا لاعبينهم ههههههه يا ناس خلوهم لو يصورون مع فان نسيتر روي

العقليات تختلف يعني كرموا لاعبين الاندية الثانية بالمشاركة والتسجيل امام الريال وخلوا لاعبينهم

هههههه هذولا مثل النخله العوجاء........والاانهم متأكدين ان لاعبينهم اي كلام وماراح يصمدون لو عشر

دقائق امام الريال....؟؟

وهم الاماكن · #8 21/05/2008, 11:22 AM

انا مو قاهرني الا الغبي ملك الفلاشات الطرطور الفرفور

Nilmar · #9 21/05/2008, 11:30 AM

يعطيك العافيه على الموضوع . .

بخصوص الفريان انسان مو مهم يبحث عن الفلاشات ولكن

اتمنى اتمنى من ادارة نادي الهلال طرده من النادي وعدم مرافقة الهلال في كل مباراة لكي لا يكون محسوب علينا كمشجع هلالي . .

لأننا في الفترة الاخيره نجده مرافق للهلال ومن يراه يفكر بأنه احد المسؤولين بالنادي او احد العاملين فيه. .
ونعلم القصد من هذا كله البحث عن الظهور والفلاشات وليس حب في الهلال . .

يـ! ,,,ــر 20 · #10 21/05/2008, 11:42 AM

الحمد لله والشكر لك يارب على العافية

كأنهم ماقد شافوا مبارة

والليزر <<<< عادتهم ولا يمكن يغيرونها

ابوريم وعبود · #11 21/05/2008, 11:45 AM

الشمس لايغطيها المنخل

بارك الله فيك

...................................

معانق الليل · #12 21/05/2008, 12:37 PM

من هو النصر هذا الموسم : هو فريق لم يستطع الفوز على الحزم ذهابا وايابا ومصكوك من نجران 5 اهداف

من هو ريال مدريد هذا الموسم : بطل الدوري وصاك ببرشلونا 4 واخر مبارياته كووووووووم اهداف

بالعقل يفوز على ريال مدريد 4 ؟؟؟

ممكن يجي مدسوس ويقول الهلال فاز على مانشيستر وهو بطل اقوى دوري وممكن يكون بطل اوروبا

كيف تجي ؟؟؟

اقولك .... كيف

الهلال ما غاب عن البطولات ابداً ... وهو بطل اقوى دوري عربي واسيوي وهذا الموسم كان مبدع

ولاعبينه نجوم المنتخب والعمود الفقري له

وسجل اهداف المباراة نجومه وليسى نجوم الفرق الاخرى

بيجي مدسوس ويقول مسجلين من بلنتي ... بقوله : ايه اسف نسيت البلنتي والمدافع اذا سجل هدف ما يحسب

بتوفيق لنجم الخلوق ماجد عبدالله .... (( ماجد و سامي )) اساطير الكرة ولا يهون ابو يعقوب

أزرق كايدهم · #13 21/05/2008, 01:40 PM

غريب امر البعض
يهرول لحضور مهرجان لا يعنينا ولا يمت لنا بصله
ويسهم بإنجاح تظاهره جعلها الخصم أداة للإسائه للهلال
متى تتركون المثاليه المفرطه وتعاملون الأخرين بما يستحقونه
الإداره تتجاوب مع تواجد الدعيع وعزيز
وأعضاء شرف لم يسهمو بتكريم الفيلسوف والأسطوره الجابريه لبسو ثوب الحياد وتوجهو لتكريم النجم المحنط
وجماهير تخلت عن فريقها وسط الموسم وتركت المدرجات فارغه بمباريات رسميه وحرصت على التواجد بحجة مشاهدة ريال مدريد فيما هم
لم يتركو شارده ولا وارده لمحاولة الـتأثير على مهرجان الأسطوره الحقيقيه الجابر
تفرغو للإسائه للهلال والجابر بكل المنتديات حتى وصلت تفاهاتهم لموقع المان يونايتد
وأميرهم يستهزء بالنعيمه بمؤتمر صحفي
وماجد نفسه يعاتب المذيع ويزجره وقت صعود عضو شرف الهلال لتقديم مبلغ مالي لأنه قال عضو شرف الهلال ويقول لمقدم حفل تسلم الهدايا بالحرف الواحد ضروري تذكر الكلمه الأخيره قاصدا الهلال ولثلاث مرات
للأسف قله من يتكلم بغيره فيما الأغلبيه ومنهم إدارة النادي لا زالو يجاملون على حساب سمعة الكيان

التروبيكالي · #14 21/05/2008, 01:47 PM

ابو سعود الله يعطيك العافيه ملخص حسيت اني حاضر المهرجان

والله كبير ياهلال ولكن لاتدقق على كلام النصراويه عارفين همهم الأول والأخير هلال
وياشباب الفريان تراه مسيكين يحب الشهره ويقول شي مايدري عنه والله يهديه فتح على نفسه باب
وعموما بتشوفونه في المهرجان حق الهلال خلونا نهستربه شوي

محمد البراك · #15 21/05/2008, 01:56 PM

الفريان مريض ، يعشق بياض الفلاش .
أجزم أنه سيكتب في وصيته أن تدفن معه كاميرا .

الصراحة استحي إن مثل هذا يشجع الهلال ، والله لو يبونه النصراويين نعطيهم إياه وفوقه عمولة بعد