تخيلوا (تغيير جذري في الرياضه السعوديه) + أقتراحات لزعيم،،، - نادي الهلال السعودي - شبكة الزعيم

@ياسر الحربي@ · #1 22/05/2008, 09:38 PM

(تخيل).. تفتح جريده الرياضيه وتقرأ عنوان مكتوب،،

تغيير جذري بالرياضه السعوديه،،

معقوله تغيير جذري وش السالفه

وتروح وتفتح وتبي تشوف وش السالفه..!

السالفه هي،،

(تم في مساء البارحه تغيير جذري في الرياضه السعوديه وتغيير تام
أصدره خادم الحرميين الشرفين ويقتظي هذا التغيير هو
ان يتم تحويل الرئاسه العامه إلى وزراه الشباب والرياضه
وتم تعيين الامير سلطان وزيرا لها والامير نواف نائبا له
وتم وضع أليه الاتحاد السعودي لكره القدم على هذا النهج
كل اربع سنوات تقام أنتخابات للأتحاد يشمل من الرئيس مرورا
بالأعضاء وأنتهاء بممثل من الوزراه وطبعا الرئيس لهذا الاتحاد
يكون حاملا لدراسات عاليه وخبير بالأمور الرياضيه وحتى النائب
وأما بخصوص اللجنات فمثلا اللجنه الفنيه تستقطب من الدول
الأوربيه والتي لديها خبرات عاليه في مجال وضع الجدوله الصحيحه
ولا مانع من وضع بعض الطاقات السعوديه الشابه وهكذا على جميع الجان
مثل الأحتراف،(الانضباط),وغيرها ويكونون موظفين ومتفرغين لهذا العمل
حتى رئيس هذا الأتحاد متفرغ وإيضا يعتبر موظفا
والامر هذا يطبق على جميع الأتحادات الرياضيه الاخرى
ويكون مرجعهم هو وزراه الشباب والرياضه...ألخ )

طبعا هذا مو منقول من صحيفا ولا شي هذا تخيل

المهم تخيلو لو النظام هذا يطبق عندنا ..!

كان نصير مثل العالم

مو أستغفر لله دوري مادري وش يبي

كل أنواع الفشل موجود من تقديم مباريات مادري وش تبي

مرورا بعقوبات مو متناسقه..!

خصوصا انه موجود العنصر الاجنبي الي بالتأكيد راح يكون عنده الخبره الكافيه,..!

في تنظيم البطولات الاوربيه وغيرها..!

هذا في ما يخص الرياضه السعوديه بشكل عام،،

نذهب الان الي الزعيم

الجانب الفني،،

لازم ندور على لاعبين جيدين وأيضا بديلين ممتازين..

لأن ورانا دوري سعودي طويل ودوري أسيوي طويل..

لاذالك أقترح انه تكون بهذا الشكل

الدعيع (الشمري)

الزوري(أحمد الغنام).........هوساوي(المرشدي)......مدافع اجنبي ممتاز(خيرات)..........الرهيب (نامي)

عزيز(الخثران)...........عمر(الغنام)

الشلهوب (الدوسري)......التايب(الفريدي) ولا تنسون (المبارك)(التمياط)

ياسر(الصويلح)........مهاجم اجنبي ممتاز(السهلاوي) أو أي مهاجم محلي ممتاز

وبكذا راح يكون عندنا فريقين ممتازين..

وترى الي عندهم قوسين (يعني البديل له)

وأتمنى استمرار المدرب عشان يكون في أستقرار فني ممتاز،،

وبكذا نروح للأسيويه وحنا واثقين ونقول

مـــــــــــاظنـــــــــك ناســـــــيه
الزعيم يا أسيــــــــــــــــــا

مع تحياتي،،

@ياسر الحربي@

@ياسر الحربي@ · #2 22/05/2008, 09:51 PM

إقتباس


	أحمد الغنام

توضيح بسيط فقط،،

ان أحمد الغنام مو عبد الطيف الغنام

المهم أحمد الغنام هذا لاعب صغير في العمر

ولاعب جدا ممتاز في الظهير الايسر لذالك لاحد يلخبط
ويقول حاط الغنام ظهير..

مع تحياتي

@ياسر الحربي@

محب الملوك 999 · #3 22/05/2008, 10:00 PM

أستطيع أن أقول لك .. 100% ..

المدافع الأجنبي = تافا
المهاجم الأجنبي = سواريز

هبااال × هبااااال

عاشق الساحر 20 · #4 22/05/2008, 10:02 PM

هلا أخوي
ما أتوقع تصير صح هذى الفكره
لأن بيجونك ناس متعصبين وبتصير مشاكل
الحين يالله مستحملين هذى اللجنه
وشلون
لو يجونك ناس مثل البلوي
وش بيصير الدوري السعودي
أنا أتوقع بيصير ينافس الدوري الفلبيني والبنقالي و الفيتنامي

هذى وجهة نظري
يمكن يصير صح و
يمكن تصير خطأ

أخوي عندك خطأ في الكتابه
اللجنه تكتب كذا
اللجنه بعكس ما كتبتها الجنه

@ياسر الحربي@ · #5 23/05/2008, 02:41 AM

[QUOTE]

إقتباس


	أستطيع أن أقول لك .. 100% .. المدافع الأجنبي = تافا المهاجم الأجنبي = سواريز هبااال × هبااال

شووف هذي أقتراحات ولا وشلون حطيتها..

يعني زي ماتقول (أمنيات)..!

وتفائلوا بالخير تجدوه.. مع تحياتي

@ياسر الحربي@ · #6 23/05/2008, 02:46 AM

إقتباس


	هلا أخوي ما أتوقع تصير صح هذى الفكره لأن بيجونك ناس متعصبين وبتصير مشاكل الحين يالله مستحملين هذى اللجنه وشلون لو يجونك ناس مثل البلوي وش بيصير الدوري السعودي أنا أتوقع بيصير ينافس الدوري الفلبيني والبنقالي و الفيتنامي هذى وجهة نظري يمكن يصير صح و يمكن تصير خطأ أخوي عندك خطأ في الكتابه اللجنه تكتب كذا اللجنه بعكس ما كتبتها الجنه

أولا:

بخصوص الكائينات الي قلتا البلوي وطقته لا يابوي مافيه كذا..!

الوزراه هذي وش شغلها..!

تجي تراقب وتشوف انت وش سويت وش حطيت..!

ليه هذا كذا وليه هذا كذا..

لأن رئيس هذا الاتحاد لازم تكون عنده شهادات عليا..!

وينبه من أول اذا راح تشتغل بدون عدل مع الباب ..!

ثانيا:

بخصوص الخطأ الأملائي حقك على..!

وامسحها في وجهي..!

تعرف مستعجلين شوي،،

ولا تشيل هم راح أعدلها

مع السلامــ9