بسم الله الرحمن الرحيم




اقراهــــــــــــــــا لنهايهـ


هذي قصه حدثت في احدى مستشفيات الرياض من بنت مهستره القصه واقعيه

الشخصيات مهستره البطله) _ام مهستره _الجده _الممرض _ الخال >>> كومبارس

ذاك اليوم كانت مهستره تهابد وتخابط على راس امها مبلشتها في دنياها وكل دقيقه سائلتها

يمه فستاني حلو ؟ احط شعري على فوق ولا تحت ؟ وش رايس وش احط لون المكياج بس هاه

منيب مكثره عشان ما يحسبوني عجوز >>>مصدقه انها بزر

كل هذا عشان تروح عرس ولد عمتها

مادرو الا يدق التلفون راحت تسابق هي وامها لين وصلت واول مارفعت السماعه :الو

مادرت الا خالها يرد عليها : مهستره

نعم ................. اقلبي وجهس وعطيني امس <<<<يوم سمعت ها لجمله ينقلب وجها احمر مثل

طماط الخرج

يوم ردت امها عاتلفون :آلو...... هو ........... وشو........انشاءالله

وسكرت ,مهستره :يمه وشو وش قالس وش صار تكفين علميني لا لا تقولين انس منتيب معلمتني يرحم والديس تراني انا ماسويت شي عشان ماتعلميني يمه يله ردي علي ايه ادري انس بتعلميني ياالله قولي قالس شي مهم صح قولي انس بتعلميني

امها:يوووووووووووووووووووووووه وج ع

اسكتي شوي وش فيس انتي الله يقلعس نفسي تكونين ولو مره وحدة مثل ها لبنات النعومات

انا وش سويت ياربي في دنياي ان شاء الله انس منتيب عقاب بس

مهستره: طيب يمه ماعلي من كلامس ذا كله قولي لي وش قال

امها :انا قايله ما منس رجا انتي ويا وجهس يقول ان جدتس طاحت واخبطت على وجها وانه بيروح ياخذها ويوديها للمستشفى يبيني اروح معه

مهستره: يعني مافيه زواج كل الي سويته ولا نيب رايحه للعرس

امها: كله منس انتي ياوجه النحس اي شي نبي نسويه انتي تكونين فيه يتعطل حسبي الله على عدوس بس

مهستره: طيب يمه معليش اروح معكم للمستشفى

اقول انثبري وشدي ارضس كان نقعد ثلاث ايام عند باب المستشفى ما دخلونا ولا مانفتح الباب الالي لنا اصلا

وراحو للمستشفى واول ما وقفوا عند المستشفى بينزلون الجده مادرو الا ذا الممرضين والممرضات جايين مسرعين معهم سرير يراكضون به يبون يسعفون المرضى الي جايينهم قالت

ام مهستره:ما شاء الله على ذا المستشفى يا حليلهم اول ماشافونا جايين جابوا لنا السرير ركض

(مع العلم ان المستشفى حكومي )وش هالدلع وش ها لرقي في التعامل مع الشعب مادرو الا

لكسز وقفت ونفتح الباب ونزل منه ذيك الي لابسه هو عبايه هو فستان الله اعلم وطاقه هالثمه

والمكياج ولابسه نظرات شمسيه مع العلم انه بالليل ويطنشون جدة مهستره وياخذون شايب اللكسز ويلطعون جدة مهستره يومين تستنى لها غرفه تفضى عشان تنوم ويعالجونها فيها

ومادخات الغرفه الا بتلفون من مسؤل ودوها لطابق vip بعد

ام مهستره: هذا المتعودين من ربعنا هذا العشم فيهم ولا لوهم مسهلين لنا الاجرائات ما طلعوا ربعنا

وبعد كم يوم راحت مهستره لجدتها في الستشفى وهي واخوانها الله يفشلهم يراكضون ويزاعقون في السيب وهي يقالك عاقله تنافخ عليهم وتأدبهم ما درت الا واحد من اخوانها
واطيها مع طرف عباتها الا وهي تخبط على وراها وتنكسر رقبتها وشكلهم بينومونها بدال جدتها

المهم قامت تتمشى وترقى من طابق لطابق وتفتح غرف المرضى وازعجت خلق الله كل هذا تدور غرفه جدتها

عاد قالها اخوها : مهستره وش رايس نسأل الربشن اللي هنا كم رقم الغرفه

ما درى الا وهي طلق ضحكه مدويه (حلوه مدويه ) ارتاعوا كل اللي في المستشفى منها

قالها اخوها : خير انشاء الله وش فيس؟
موب اسمه الربشن يا القروي اسمه الربنشن فهمت ....يا الله ما ادري متى يطورون اهلي ذولي >>> تطوري انتي قبل

راحو الرسبشن والمصيبه تكمن هنا اول ما شافت الممرض قالت :وين غرفت جدتي ؟
رد: وشو ؟ ...........
وين غرفت جدتي يا اخ ؟
رد: وش يعرفني منهي جدتس اذا انتي ما قلتي اسمها !!!!!
اقول لا يكثر هرجك انت ياللي ما تستحي تبيني اعلمك منهي جدتي وش اسمها وانت ما تقربلها
ولا انتاب من محارمها

رد: انتي صاحيه في كامل قواك العقليه ولا شاربه شي وجايه انا اللي شاربه ياللي ماتستحي على وجهك .... تناشبت هي وياه وسوت له فضيحه لها اول مالها اخر
وازعجت المستشفى كله لين جابولها ممرضه وطلعت الاسم بدون ما يشوفه الرجال بزعمها >>>اهل العقول في راحه

يوم خذت الرقم من الممرضه راحت تتمشى تدور عن رقم الغرفه وهي تمشي لقت الممرض اللي اطاقت هي وياه في السيب ويوم شافها مقبله قام يتحلطم : انا الدلخ وش اللي جابني فيذا
وش اللي خلاني امر من ذا السيب الله يا خذني انشاء الله

يوم شافته : هااااااااااه انت ؟
لالا موب انا
الا انت
وشو اللي انا ؟
مدري .....انت اللي تبي تعرف اسم جدتي يا قليل الادب
واذا عرفته لاسمح الله
انتوا اخبر يا الشباب بذا الحركات يعني تكلمها او تغازلها مثلا
اخاف جدتس عمرها 17 وانا مدري
اقول لا يكثر هرجك واقلب وجهك عني ... يبيني اعلمه اسم جدتي قال ... يبيني اعلمه ان اسمها صيته >>> قمه الغباء هذاك علمتي قلتي اسمها ما قصرتي

رد: الحمد لله على نعمه العقل
ما درى الا ذلي تمسكه مع رقبته وتزعق في وجهه : وشوو وش تقول ؟
- ما اقول شي تكفين اعتقيني لوجه الله >> مسلسل خالد بن الوليد

ذبته لين صقع في جدار وكملت طريقها >>>البنت تلعب حديد

راحت غرفه جدتها فتحت الباب كالعاده بنعومه زايد لين صقع في الجدار لدرجه ان الباب قام يدعي عليها
دخلت : السلام عليكم
امها:وينس انتي وين رحتي تأخرتي
ردت: ابد والله وانا جايه يا اميمتي في السيب شافني ذاك الممرض المزيون ويعجب فيني ويغازلني >> الله من الفقش
كان اهزئه واكفخه قليل الادب ... لا ويمه تصدقين وش يقولي بعد افتحي بلوتوثس كان امسكه وادبغه

امها: ما اقول الا الله يفشلس ما يدري انس لين الحين تكلمين بقوطيين مربوطه بحبل

هو لا يمه اكيد ما قلت له

التفتت مهستره على صوت جدتها وهي تناديها :مهستره ابي الحمام وانا امس

وشو وش تبين الحمام طيب وش اسويلس

وديني له حسبي الله على عدوس

طيب بس وشلون

امها: شوفي هذا الكرسي ركبيها عليه وديها

مهستره: اللهم لا شماته تركبين على ذا ونتي امي رجاء انا مااكلم عجزه

الجدة: استحي على وجهس ياقليله الحيا يلي ما تستحين انا تقولين عني ذا الكلام

انقهرت مهستره وقامت تحلطم :انا اوريس هين

امسكت جدتها تبي تنزلها سنه على ما تنزل رجل وسنه على ماتحرك يد وسنه على ماتجلس وسنه على ماتقوم لين جا بكره وهي مابعد قامت ارتفع ظغط مهستره وشالت جدتها ورمتها على الكرسي >>>>يوم انس تقدرين تقدرين تشلينها ليه ماشلتيها من زمان الله ياخذعدوس

قامت تفرفر بها في الكرسي وتسويلها ملاهي وتشقلبها جايه مسرعه لباب الحمام فحطت وخبطت الجده على وجها

الجدة: وجع الله يقلعس ان شاء الله انا ان مت منيب ميته من المرض بموت منس ومن مقابل وجهس

مهستره : صبر علي موب قايلتلس اني بهبلبس توس في البدايه انتظري المزيد

اقول ماعاد ابيس طسي بيتكم وفكيني من شرس

مهستره: والله ماروح بقعد على قلبس ولا بزيدس من الشعر بيت اني يرقد عندس اليله

يوم قعدت شوي قالت لها امها مهستره روحي جبيلنا كوفي من الكشك الي تحت (حشى منتزة موب مستشفى ) لي ولجدتس صاكتنا روسنا

قامت مهستره دور عباتها ما لقتها وتحوس منا منا وما لقتها لقت عبايه شوقولاطه بكراث

صارت هلاليه غلطانه وماخذه عبايه مهستره من زود الحواله الزايده هلاليه عبايتها ملونه وفيها تطريز وعلى الكتف ومهستره عباتها سودا ساده وعلى الراس >>>لكن الدلاخه وش تسويبها

المهم نزلت مهستره بالعباة الي ماتعودت عليها وهي تمشي شافت خمسه يناظرون فيها

اصلا هم ماناظروها ولا درو عنا بس هي تحس انهم ينا ظرونها تحس انا مالبست عباة >>>الله من الجمال الزايد

راحت للاصنصير وجاره معها مجرد خدماتهم يقالك محرم يجسرها وهي طالعه من للاصنصير

وبعد ماشرت الكوفي لقت 2عند باب يحومون الكبد يتسابقون على فتح الباب لها ولاول مره

مهستره تحس انها جميله وممكن ان الواحد يناظرها مو منها من عباتها والله لو يدرون عن اللي

تحت الغطا كان هجو حتى ولو هم يقلبون التسبد

بعد كم يوم طلعت الجده لكن ما انتها الموال بعد اسبوع عند الجده مراجعه الساعه 10 الصبح وصلو للمستشفى حطهم خال مهستره في المستشفى وقالهم بلبق السياره وبجي قامت مهستر

تدف جدتها وامها مسويه فاهمه: هذا هومبنى تحليل الدم

يوم دخلو كرشهم السكيورتي وقالهم :اذلفو برا هذا مبنى كبار الشخصيات الهامه وانتم جايين ترزون وجيهكم فيذا

طلعو يجرون اذيال الخيبه والامل وقامو يحوسون من مبنى لمبنى لين تكسرت ورجولهم وشافهم سكيورتي رحمهم وداهم للباص وقالهم : اركبوه قبل لا يروح هذا بيوديكم للمبنى

يوم دخلت الباص لقت لها ذاك الشاب اللي مكسر كسره كسره وما فيه شي صاحي قاعد جنبها

اول مره في حياتها يصير عندها قلب وتدعي وتقول : الله يشافيك ان شاءالله .....يحياتي مسيكين ينرحم

مادرت الا ذا الطعس يبصبص وهو مهدود حيله بس شاف عباة وش لون ما يناظر؟؟؟

قالت :الله يقلعك انت مو كفواحد يدعيلك

خبطتها امها على دمجتها: انطمي الله يقلعس بتفشلينا انتي والله ان يدربونا مع ذا الباص ونصير في خبر كانا منس انتي وجهس

يوم نزلو من الباص وخلصو سحب الدم راحوللمبنى الاساسي يستنون الخال يجي ياخذهم

بس من زود الذهاته قاعدين في انتظار الـرجال ويجي السكيورتي طاير من بعيد كان جنبه واحد لابس بدله تيشيرت ابيض وجنز وشعره مقصصه على كتوفه

قالت الجدة: وش بلاها ذا البنيه الله يقصف عمرها واقفه مع ذا الشرطي ؟

مهستره: اولا ذا موبنت ذا رجال ثانيا ذا موب شرطي ذا سكيورتي

مادرت الا السكيورتي جاي يهزئهم : خير انتي وياها وش قعدكم في استراحت الرجال

ام مهستره: معليش ياخوي مادرينا

يوم التفتت لقت ذا الحريم كاشفات كاشخين بالمكياج والنظارات والرجال فاتحين البلوتوث

وطاقينها ساعت صدر

وسكيورتي ماكل تبن >>ونتوبكرامه

ومن طم ولا قال ولا كلمه

انهبلت مهستره :وش معنى ذولي ما يقولهم شي ولا ابوي ما يقوى الا على امي

تساؤل هذا مستشفى ولا برج المملكه ؟

The End

ما يستفاد من الستوري :

1- لا تخلون مهبل يروحون ويسرحون على كيفهم

2- الامور لا تمشي الا بفيتامين (و)

3-سوء التعامل والحوار اللي عندنا

4- اللي لابسه عبايه عالراس ومحترمه ما يعبرونها واللي تفصخ وتكشخ امورها ماشيه زي الفل ويفرشون الارض لها ورد

5- دشره الشاب السعودي الزايده وحبه الكبير للمغازل حتى ولو فيه الموت

6- تشبه بعض الشباب بالبنات وتطويل الشعور والقصات الغريبه على غير سنع وبالتالي عدم التفرقه بين البنت والولد
ودمتــــــــــــــــــــــــــــــــــــــــــــــــــــم بود

إقتباس الرسالة الأصلية كتبت بواسطة عاشقه فن الزعيم 5- دشره الشاب السعودي الزايده وحبه الكبير للمغازل حتى ولو فيه الموت

NO COMMONT

ولكم في مهند خير مثال

أشوى بس إنك ذكرتي ما يستفاد في نهاية القصة

لأنها الصراحه قصة بدون هدف وماصله جدا

أرجو أن يكون الطرح أرقى من كذا في المرات القادمه

خاصة ما يستفاد

شكرا على ردكـ الرااااااااااااااااااااااااااااااارقي والاكثر من رائع

ما قصرت

انا قلت قصه حقيقيه واقعيه مو لعب مثل غيري

صباح الخير

سوري أنا أصدق في حاله وحده

إن البنت هذي مو مهستره إلا منتهيه و الله ههههههههههههههههههههههههههه

آنا ما اكذبت القصه

أنا نقدت اسلوبك

في طرح ما يستفاد من القصه

وبالتحديد النقظه الخامسه

ولآ أزال محتفظا برايي

انا بصراحه رأيي من رأي ابوطــلال لو تتخذين من أسلوبك أسلوب جاد انا اجزم انه راح يكون لك تميز أكثر لأن الكوميديا ماتصلح لك أبد

وبالنسبه للقصه مستحيل تكون واقعيه الا اذا انا ماشفت الدنيا ولا أدري عن شي

لاتزعلين من الأنتقادات لان الشخص لازم يتعلم من غيره ويأخذ بالنصائح لأنه هو المستفيد الأول والأخير

باملين لدقممممممممممممممممممممممم
هذا مكان قصص شوفي لك مكان تكتبين فيه ابداعاتك
والله اني عاجز لقرائها يمكن تكون مفيده بس شفته طويله ماني قاريها
بس على العموم ماقصربي

تحسين انك تغلطين على الجنس الخشن

بصراحة قصة اقرب من الخيال ورده

شكرا لك واتمنى تحسين كتاباتك وزي ما قالت باسكن لا تكثري الاس


برايفت لقايد الريم

كيفك محمد وش اخبارك يا حلو .؟

اسمحيلي ودي اقراها بس طويله ولاالوان جهرت عيني ننتظرافضل من ذلك مستقبلا

مشكوووووووره على الموضوع الرائع

دمت بود مدمي الشباك الدوسري

بصراحة قصة اقرب من الخيال ورده

شكرا لك واتمنى تحسين كتاباتك وزي ما قالت باسكن لا تكثري الاس

اوكي خلاص مشكورين على الاراء الحلوهـ

واحنا نتقبل النقد البناء بصدر رحب



اما بالنسبهـ للقصهـ هي واقعيه وحصلت لوحده من معارفي

كتبتها وقالت لي انشريها

وما حبيت افشلهـــــا واقول لا

ولا انا ما اكتب قصص صراحهـ زي كذى

انا اكتب باللغه العربيه الفصحى

بس في الاخير اشكر كل من نقد نقد بناء وهادف

والله يساااااااااااااااااامح من غلط بأسلوب ردهـ


تحيــــــــــــــــــــــــــــــــاتي لكــم جميعا